ഈരാറ്റുപേട്ട: ഉംറ തീർഥാടനത്തിനിടെ സൌദിയിലെ മദീനയിൽ ഈരാറ്റുപേട്ട സ്വദേശിനി നിര്യാതയായി. മാതാക്കൽ ഇടകിളമറ്റം കണിയാംപള്ളി ഹസൻകുട്ടിയുടെ (വട്ടക്കയത്ത് സൈക്കിൾ കട) ഭാര്യ റംല (59)യാണ് മദീനയിൽ നിര്യാതയായത്. യാത്രക്കിടെ ബസ്സിൽ കുഴഞ്ഞു വീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 16-ാം തീയതിയാണ് ലബ്ബൈക്ക് ഗ്രൂപ്പിൽ ഉംറക്ക് പുറപ്പെട്ടത്. മറ്റന്നാൾ തിരികെ എത്താനിരിക്കുകയായിരുന്നു. സഹോദരി സഫിയയും ഒപ്പമുണ്ടായിരുന്നു. നൌഫൽ, നജിയ എന്നിവരാണ് മക്കൾ.
