ഈരാറ്റുപേട്ട ഗ്ലോബൽ അസോസിയേഷൻ കുവൈത്ത് ചാപ്റ്റർ ജനറൽ ബോഡി മീറ്റിംഗ് സംഘടിപ്പിച്ചു.
കുവൈത്ത് സിറ്റി: ഈരാറ്റുപേട്ട ഗ്ലോബൽ അസോസിയേഷൻ (ഇ.ജി.എ) കുവൈത്ത് ചാപ്റ്റർ (കെ.ഇ.എ) ജനറൽ ബോഡി മീറ്റിംഗ് സംഘടിപ്പിച്ചു. മംഗഫിൽ ചേർന്ന യോഗത്തിൽ പ്രസിഡന്റ് കെ.എം. ജവാദ് അധ്യക്ഷത വഹിച്ചു. യോഗത്തിൽ അബ്ദുൽ സലാം സലാഹി മുഖ്യ പ്രഭാഷണം നിർവഹിച്ചു. കൂട്ടമായി പ്രവർത്തിക്കേണ്ടതിന്റെ ആവശ്യകതയെക്കുറിച്ച് അദ്ദേഹം അംഗങ്ങളെ ഉണർത്തി. നാടിനെതിരെ ഉയർന്നുവരുന്ന വർഗീയ കുപ്രചാരണങ്ങളെയും നാടിന്റെ ഭാവിയെ തകർക്കുന്ന ലഹരി വിപത്തിനെതിരെയും യോഗം പ്രമേയം അവതരിപ്പിച്ചു. ഫാബി ആമീൻ ഖിറാഅത്ത് അവതരിപ്പിച്ചു. ട്രഷറർ നാസിം വട്ടക്കയം സ്വാഗതവും തസ്‌ലീം നന്ദിയും പറഞ്ഞു.ഈ വർഷം ഹജ്ജ് നിർവഹിക്കുന്നതിന് പുറപ്പെടുന്ന പ്രവർത്തകർക്ക് യാത്രയയപ്പ് നൽകി.ഷാഹിദ് ചാലിപ്പറമ്പ്, ഷമീർ മണക്കാട്ട്, കെ.എം.ഷിബിലി എന്നിവർ നേതൃത്വം നൽകി. കുവൈത്തിലെ വിവിധ മേഖലകളിൽ താമസിക്കുന്ന ഈരാറ്റുപേട്ടക്കാർ പങ്കെടുത്തു.
