E-news |ഈരാറ്റുപേട്ട അസോസിയേഷൻ യുഎഇ മെംബർമാർക്കായി കമ്മ്യൂണിറ്റി കെയർ കാർഡ്

ദുബൈ : ഈരാറ്റുപേട്ട അസോസിയേഷൻ യുഎഇ - അൽ ബോർഗ് ഡയഗ്നോസ്റ്റിക് സെന്ററുമായി സഹകരിച്ച് പുറത്തിറക്കുന്ന കമ്യൂണിറ്റി കെയർ കാർഡിന്റെ ലോഞ്ചിങ് അൽ ബോർഗിന്റെ ദേരാ ഓഫീസിൽ വെച്ചു നടന്നു.ഈരാറ്റുപേട്ട അസോസിയേഷൻ യുഎഇ സെക്രട്ടറി രിഫായി, എക്സിക്യൂട്ടീവ് മെമ്പർമാരായ ഹുസൈൻ ഇബ്രാഹിം, മുഹമ്മദ് ശരീഫ്, അസ്‌ലം കണ്ടത്തിൽ, അൽ ബോർഗ് ഡയഗണോസ്റ്റിക് റീജിയണൽ സീനിയർ സെയിൽസ് മാനേജർമാരായ മസൂദ് വട്ടക്കയം, നിയാസ് ഖാൻ, മാർക്കറ്റിങ് എക്സിക്യൂട്ടീവ് സിദ്ധീഖ്, സെയിൽസ് ഡയറക്ടർ സീറോൺ വിക്ടോറിയ എന്നിവരുടെ സാന്നിധ്യത്തിൽ ജനറൽ മാനേജർ അഹമ്മദ് ഫറൂഖിൽ നിന്നും ആദ്യ കാർഡ് ഈരാറ്റുപേട്ട അസോസിയേഷൻ യുഎഇ യുടെ പ്രസിഡന്റ് നിഷാദ് വട്ടക്കയം ഏറ്റുവാങ്ങി.

ഇ കമ്യൂണിറ്റി കെയർ കാർഡ് ഉപയോഗിച്ച് ഈരാറ്റുപേട്ട അസോസിയേഷൻ യുഎയുടെ മെമ്പർമാർക്കും അവരുടെ കുടുംബങ്ങൾക്കും എല്ലാ വിധ ലബോറട്ടറി ടെസ്റ്റുകളും ടെസ്റ്റുകളിൽ 50% ഡിസ്കൗണ്ടും പ്രത്യേക നിരക്കിൽ അഞ്ച് മെഡിക്കൽ ചെക്കപ്പും ലഭിക്കുന്നതാണ്അൽ ബോർഗ് ഡയഗണോസ്റ്റിക് സെന്ററിന്റെയും phd ലബോറട്ടറിസിന്റെയും ദുബൈ, അബുദാബി, ഷാർജ, റാസ് അൽ ഖൈമ, അൽ ഐൻ എന്നിവിടങ്ങളിലെ ബ്രാഞ്ചുകളിൽ നമ്മുടെ കമ്മ്യൂണിറ്റി കെയർ കാർഡിന്റെ ആനുകൂല്യം ലഭിക്കുന്നതാണ്.