കൊച്ചി: വില്ലൻ കഥാപാത്രങ്ങളിലൂടെ മലയാളികൾക്ക് സുപരിചിതനായ സിനിമാ താരം കസാൻ ഖാൻ അന്തരിച്ചു. ഹൃദയാഘാതം മൂലം ജൂൺ ഒമ്പതിനായിരുന്നു അന്ത്യം.ദിലീപ് ചിത്രമായ സിഐഡി മൂസയിൽ ഇദ്ദേഹം അവതരിപ്പിച്ച വില്ലൻ കഥാപാത്രം ഏറെ ജന സ്വീകാര്യത നേടിയിരുന്നു.1993ൽ പുറത്തിറങ്ങിയ മോഹൻലാൽ ചിത്രം ഗാന്ധർവത്തിലൂടെയായിരുന്നു കസാൻ ഖാൻ മലയാള സിനിമാ ലോകത്ത് അരങ്ങേറ്റം കുറിച്ചത്.വർണപകിട്ട്, ദി കിംഗ്, ഡോൺ, മായാമോഹിനി, രാജാധിരാജ, മര്യാദ രാമൻ അടക്കമുള്ള നിരവധി മലയാള ചിത്രങ്ങളിൽ അഭിനയിച്ചിട്ടുണ്ട്.ഹിന്ദി, തമിഴ്, തെലുങ്ക്, കന്നട ഭാഷകളിലും പ്രവർത്തിച്ചിട്ടുണ്ട്.
