ഈരാറ്റുപേട്ട: ദിനംപ്രതി നൂറ് കണക്കിന് വിനോദ സഞ്ചാരികൾ എത്തി ചേരുന്ന മൂന്നിലവ് പഞ്ചായത്തിലെ വിനോദസഞ്ചാര കേന്ദ്രമായ ഇല്ലിക്കൽ കല്ലിലെ കൂറ്റൻ പാറയിൽ വലിയ വിള്ളൽ കണ്ടെത്തിയെന്ന വാർത്ത ഭീതിജനകമാണ്. ഇതിന്റെ നിജസ്ഥിതി കണ്ടെത്തുന്നതിനായി അടിയന്തിരമായി മൈനിങ്ങ് ആന്റ് ജിയോളജി വിഭാഗവും ദുരന്തനിവാരണ വിഭാഗവും പഠനം നടത്തണം. സംഭവത്തിന്റെ പ്രാധ്യന്യം കണക്കിലെടുന്ത് അടിയന്തര സുരക്ഷ ഉറപ്പാക്കണമെന്ന് ആവശ്യപ്പെട്ട് കോട്ടയം ജില്ലാ കലക്ടർക്ക് പി.ഡി.പി പൂഞ്ഞാർ മണ്ഡലം കമ്മറ്റി നിവേദനം നൽകി.
