കാഞ്ഞിരപ്പള്ളി : ബുധനാഴ്ച മരണപ്പെട്ട കാഞ്ഞിരപ്പള്ളി കപ്പാട് സ്വദേശിയായ ജൂവലറി ജീവനക്കാരന്റെ മരണം H1N1 പനി മൂലം ആണെന്ന് ആരോഗ്യവകുപ്പ് കണ്ടെത്തി . അടുത്തിടപഴകിയ ഏഴ് പേർ നിരീക്ഷണത്തിലാണ്. പനി ബാധിച്ച് ചികിത്സയിലായിരുന്ന എരുമേലി മുട്ടപ്പള്ളി സ്വദേശിയായ യുവാവ് കഴിഞ്ഞ ദിവസം മരണപ്പെട്ടത് അമീബിക് മസ്തിഷ്ക ജ്വരം ബാധിച്ചതാണ് കാരണമെന്ന് ഡോക്ടർമാർ അറിയിച്ചു. മഴ തുടങ്ങിയതോടെ പനി ബാധിതരുടെ എണ്ണം പ്രദേശത്ത് നാൾതോറും ഇരട്ടിക്കുകയാണ്. സൂക്ഷിച്ചില്ലെങ്കിൽ പല പനികളും മാരകമായേക്കാം .
