ജനറൽ

രുചികരമായ പെപ്പെർ ചിക്കൻ തയ്യാറാക്കാം

By enews web desk 10 October,2022

ചിക്കന്‍ – 1 kg

കുരുമുളകുപൊടി – 2¼ ടേബിള്‍സ്പൂണ്‍

നാരങ്ങാനീര് – 1 ടേബിള്‍സ്പൂണ്‍

സവാള – 3 എണ്ണം

തക്കാളി – 1 എണ്ണം

ഇഞ്ചി – 2 ഇഞ്ച്‌ കഷണം

വെളുത്തുള്ളി – 6 അല്ലി

കറിവേപ്പില – 2 ഇതള്‍

മല്ലിപൊടി – 1 ടേബിള്‍സ്പൂണ്‍

മഞ്ഞള്‍പൊടി – ½ ടീസ്പൂണ്‍

ഗരംമസാല – 1 ടീസ്പൂണ്‍

വെളിച്ചെണ്ണ – 3 ടേബിള്‍സ്പൂണ്‍

വെള്ളം – ½ കപ്പ്‌

ഉപ്പ് – ആവശ്യത്തിന്

തയ്യാറാക്കുന്ന വിധം

കോഴിയിറച്ചി ഇടത്തരം വലുപ്പത്തിൽ കഷ്ണങ്ങൾ ആക്കിയ ശേഷം കഴുകി വൃത്തിയാക്കുക.

കുരുമുളകുപൊടി (2 ടേബിള്‍സ്പൂണ്‍), മഞ്ഞള്‍പൊടി (½ ടീസ്പൂണ്‍), നാരങ്ങാനീര്, ഉപ്പ് എന്നിവ നന്നായി യോജിപ്പിച്ച് കോഴിയിറച്ചിയില്‍ പുരട്ടി കുറഞ്ഞത്‌ ½ മണിക്കൂര്‍ വയ്ക്കുക.

സവാള, തക്കാളി, ഇഞ്ചി, വെളുത്തുള്ളി, എന്നിവ ചെറുതായി അരിയുക.

പാനില്‍ 3 ടേബിള്‍സ്പൂണ്‍ എണ്ണ ചൂടാക്കി വെളുത്തുള്ളി, ഇഞ്ചി, സവാള, ഉപ്പ് എന്നിവ ഓരോന്നായി ചേര്‍ത്ത് മീഡിയം തീയില്‍ വഴറ്റുക.

ഇവ ഗോള്‍ഡന്‍ നിറമാകുമ്പോള്‍ തീ കുറച്ച് മല്ലിപൊടിയും (1 ടേബിള്‍സ്പൂണ്‍), ഗരംമസാലയും (1 ടീസ്പൂണ്‍) ചേര്‍ത്ത് 1 മിനിറ്റ് ഇളക്കുക.

ഇതിലേയ്ക്ക് കോഴിയിറച്ചി, കറിവേപ്പില, തക്കാളി, എന്നിവ ചേര്‍ത്ത് 5 മിനിറ്റ് നേരം നല്ല തീയില്‍ ഇടവിട്ട്‌ ഇളക്കുക. പിന്നീട് ½ കപ്പ്‌ വെള്ളം ചേര്‍ത്ത് അടച്ച് വച്ച് വേവിക്കുക. (തിളക്കാന്‍ തുടങ്ങുമ്പോള്‍ തീ കുറയ്ക്കുക)

വെന്തതിനുശേഷം അല്പനേരം അടപ്പ് തുറന്ന് വച്ച് ഗ്രേവി കുറുകുന്ന വരെ ഇടവിട്ട് ഇളക്കുക (കരിയാതെ സൂക്ഷിക്കുക).

ഇതിലേക്ക് ¼ ടേബിള്‍സ്പൂണ്‍ കുരുമുളകുപൊടി ചേര്‍ത്ത് യോജിപ്പിച്ച് തീ അണയ്ക്കുക.