ഈരാറ്റുപേട്ട: ഗവ. ടെക്നിക്കൽ ഹൈസ്കൂളിന് പൂർവ വിദ്യാർഥികളുടെ വകയായി മൈക്ക് സെറ്റ്. 1997-2000 ബാച്ചിലെ വിദ്യാർഥികളാണ് സ്ക്കൂളിന്റെ ദൈനംദിന പ്രവർത്തനങ്ങൾക്കായി 17,000 രൂപ വില വരുന്ന അഹുജയുടെ ഒരു മൈക്ക് സിസ്റ്റം വാങ്ങി നൽകിയത്. സുബിൻ, ഫാരിസ് എന്നിവർ ഇതിന് നേതൃത്വം നൽകി. സ്കൂൾ സൂപ്രണ്ട് വിപിൻ ജി. കൃഷ്ണ സ്കൂളിന് പൂർവ വിദ്യാർഥികളുടെ സ്നേഹസമ്മാനം കൈപറ്റി. ഹാരിസ്, അമീൻ, മഞ്ജേഷ്, സുബിൻ, ഷാഹിദ്, ഫാസിൽ തുടങ്ങിയവർ ചടങ്ങിൽ പങ്കെടുത്തു.
