പാലാ : മുണ്ടുപാലത്ത് കാറും സ്വകാര്യ ബസ്സും കൂട്ടിയിടിച്ച് അപകടം. പത്തനംതിട്ട സ്വദേശികളായ കുടുംബം സഞ്ചരിച്ചിരുന്ന കാറാണ് സെൻറ് റോക്കീസ് ബസ്സുമായി കൂട്ടിയിടിച്ചത്. ഉച്ചയ്ക്ക് ഒരു മണിയോടെ മുണ്ടുപാലം സ്കൂളിന് സമീപമാണ് അപകടം ഉണ്ടായത്. ഇടിയിൽ സമീപത്തുണ്ടായിരുന്ന വൈദ്യുതി പോസ്റ്റും തകർന്നിട്ടുണ്ട്. കാറിലും ബസ്സിലും ഉണ്ടായിരുന്ന യാത്രക്കാർക്ക് നിസ്സാര പരിക്കുകളുണ്ട്. ഏറെ നേരത്തേക്ക് പ്രദേശത്തെ ഗതാഗതം തടസ്സപ്പെട്ടു.
