പ്രാദേശികം

വാകേഴ്‌സ് ക്ലബ്ബിൻ്റെ ഏഴാമത് വാർഷിക പൊത് സമ്മേളനം ആൻ്റോ ആൻ്റണി എംപി ഉദ്ഘാടനം ചെയ്യുന്നു.

By enews 17 August,2024


ഈരാറ്റുപേട്ട : ജന സേവന പ്രവർത്തനങ്ങളിലും പ്രകൃതി ദുരന്ത മേഖലകളിലും യുവാക്കളുടെ പ്രവർത്തനങ്ങൾ പ്രശംസനീയവും മുതിർന്നവരെപ്പോലും അതിശയിപ്പിക്കുന്നതാണെന്നും ആൻ്റോ ആൻ്റണി എംപി പറഞ്ഞു. വാകേഴ്‌സ് ക്ലബ്ബിൻ്റെ ഏഴാമത് വാർഷിക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
അഡ്വ.സെബാസ്ററ്യൻ കുളത്തുങ്കൽ എംഎൽഎ അവാർഡുകൾ വിതരണം ചെയ്തു.മികച്ച സേവനങ്ങൾക്ക് വിവിധ മേഖലകളിൽ നിന്നും തെരഞ്ഞെടുക്കപ്പെട്ട വി. കെ.സലിം,ഷെരീഫ് പൊന്തനാൽ,സലിം കുളത്തിപ്പടി,ഇർഫാൻ നവാസ്,സിയാദ് എന്നിവരെ ആദരിച്ചു. നഗരസഭാ ചെയർപേഴ്സൺ സുഹുറാ അബ്ദുൽ ഖാദർ വനിതാ സംഗമം ഉദ്ഘാടനം ചെയ്തു.പരീക്ഷകളിൽ ഉന്നതവിജയം നേടിയ ക്ലബംഗങ്ങളുടെ കുട്ടികൾക്ക് മെമൻ്റോ നൽകി.വ്യാപാരി വ്യവസായി ഏകോപന സമിതി യൂണിറ്റ് പ്രസിഡൻ്റ് എ എം എ ഖാദർ ലോഗോ പ്രകാശനം ചെയ്തു. വാകേഴ്‌സ് ക്ലബ്ബ് പ്രസിഡൻ്റ് നൈസൽ കൊല്ലംപറമ്പിൽ അധ്യക്ഷത വഹിച്ചു.രക്ഷാധികാരി വി. എം.അബ്ദുള്ള ഖാൻ മുഖ്യ പ്രഭാഷണം നടത്തി.അനസ് പാറയിൽ,അജീബ് തൂങ്ങമ്പറമ്പിൽ, എ. ജെ.അനസ്,അഫ്സറുദ്ദീൻ,അനസ് കൊച്ചേപ്പറമ്പിൽ,സക്കീർ തൂങ്കമ്പറമ്പിൽ,നജീബ് പുളിക്കത്താഴത്ത്,റിയാസ്,റസാഖ് ചേലാപ്പീരുപറമ്പിൽ, മുഹമ്മദാലി വയലങ്ങാട്ടിൽ, അഷറഫ് തൈത്തോട്ടം എന്നിവർ പ്രസംഗിച്ചു.
വാർഷികത്തോടനുബന്ധിച്ച് തെക്കേക്കര ജമാഅത്തിന് ആവശ്യമായ പരിപാലന ഉപകരണങ്ങൾ ഭാരവാഹികളെ ഏൽപ്പിച്ചു.
സലിം കുളത്തിപ്പടി ഏകാങ്ക നാടകത്തിലൂടെ ലഹരി വിരുദ്ധ സന്ദേശം നൽകി.
വിവിധ കലാപരിപാടികളും ഗാനമേളയും നടത്തി.