മേലുകാവിൽ ഗതാഗത തടസം : ഈരാറ്റുപേട്ട - തൊടുപുഴ റോഡിൽ മേലുകാവ് മറ്റം പാണ്ഡ്യൻമാവ് രണ്ടാം വളവിൽ ട്രക്ക് ബ്രേക്ക് ഡൗൺ ആയി..

പുലർച്ചെ അഞ്ചുമണിയോടെയാണ് തൊടുപുഴ ഭാഗത്ത് നിന്നും വന്ന ട്രക്ക് റോഡിൽ നിലച്ചുപോയത്.

ഇതേ തുടർന്ന് ഗതാഗതം സ്തംഭിച്ചു.

ബൈക്ക് യാത്രക്കാർക്ക് കഷ്ടിച്ചു പോകാവുന്ന അവസ്ഥയാണുള്ളത്.

ഭാരവാഹനമായതിനാൽ ഇത് മാറ്റി ഗതാഗതം പുനസ്ഥാപിക്കുന്നതിന് സമയമെടുക്കും എന്ന് കരുതുന്നു.

അതിനാൽ തൊടുപുഴ ഭാഗത്തു നിന്നും മേലുകാവ് മറ്റത്തു നിന്നും വരുന്നവർ - കുളത്തിക്കണ്ടം വഴിയാണ് മേലുകാവ് മറ്റത്തേയ്ക്ക് പോകേണ്ടത്.

നിരവധി അപകടങ്ങൾ നടന്ന ആദ്യ വളവിൽ സ്പീഡ് ബ്രേക്കറുകളും സിഗ്നലുകളും അപായ സൂചനകളും ഉൾപ്പെടെയുള്ള സുരക്ഷാ സംവിധാനങ്ങൾ, നടപടികൾ പാലിച്ചതിനാൽ വാഹനാപകടങ്ങൾ തീരെ കുറഞ്ഞിരുന്നു. ഒരു ഇടവേളയ്ക്കു ശേഷമാണ് ഈ ഭാഗത്ത് അതി ഭാര വാഹനം കുടുങ്ങുന്നത്.