ഈരാറ്റുപേട്ട: പതിറ്റാണ്ടുകളായി കണ്ണിലെ കൃഷ്ണമണി പോലെ സംരക്ഷിച്ചു വരുന്ന രാജ്യത്തിന്റെ ജനാധിപത്യ സംവിധാനത്തിന്റെ അടിവേരായ തെരഞ്ഞെടുപ്പ് സംവിധാനത്തെ, വോട്ടർപട്ടിക അട്ടിമറിച്ച് അധികാരം നിലനിർത്തുന്ന നരേന്ദ്ര മോദി സർക്കാരിനെതിരെ രാഹുൽ ഗാന്ധിയുടെ പോരാട്ടത്തിന് പിന്തുണയർപ്പിച്ച് ബ്ലോക്ക്കോൺഗ്രസ് കമ്മറ്റിയുടെ ആഭിമുഖ്യത്തിൽ ഈരാറ്റുപേട്ടയിൽ പ്രകടനം നടത്തി. കെ.പി.സി.സി നിർവാഹക സമിതി അംഗം തോമസ് കല്ലാടൻ, ജോർജ് ജേക്കബ്, അഡ്വ. മുഹമ്മദ് ഇല്ല്യാസ്, പി.എച്ച്. നൗഷാദ്, വർക്കിച്ചൻ വയമ്പോത്തനാൽ, അനസ് നാസർ, റോജി തോമസ്, റോയി തുരുത്തേൽ, കെ.സി. ജയിംസ്, ഹരി മണ്ണ് മഠം, എബി തോമസ്, എന്നിവർ നേതൃത്വം നൽകി.
