ഈരാറ്റുപേട്ട : തലപ്പലം പഞ്ചായത്ത് ഇളപ്പുങ്കൽ നിന്നും കളഞ്ഞു കിട്ടിയ സ്വർണമാല ഉടമസ്ഥയെ കണ്ടെത്തി തിരികെ നൽകി യുവാവ് മാതൃകയായി. നിജാബ് ചോച്ചുപറമ്പിൽ നു ആണ് ഇളപ്പുങ്കൽ ഭാഗത്തു നിന്ന് ഒരു പവൻ തൂക്കം വരുന്ന സ്വർണമാല കളഞ്ഞു കിട്ടിയത്. തലപ്പലം പഞ്ചായത്ത് പ്രസിഡന്റിന് കൈമാറിയ മാല പിന്നീട് പോലീസിന് കൈമാറുകയായിരുന്നു. തുടർന്ന് ഉടമയെ കണ്ടെത്തി വെള്ളിയാഴ്ച പോലീസ് സാന്നിധ്യത്തിൽ തിരികെ ഏൽപ്പിച്ചു. ഇളപ്പുങ്കൽ സ്വദേശിനി ഫാത്തിമയുടേതായിരുന്നു മാല
