കേരളം

എ.​ഐ ക്യാമറ വന്നു; വാ​ഹ​നാ​പ​ക​ട​ങ്ങ​ൾ കുറഞ്ഞതായി റിപ്പോർട്ട്

By e news 5 July,2023

തി​രു​വ​ന​ന്ത​പു​രം: സംസ്ഥാനത്ത് റോഡപകടങ്ങൾകുറയ്‌ക്കാനും ഗതാഗത നിയമലംഘനം തടയാനുമായി ആവിഷ്‌കരിച്ച സേഫ് കേരള പദ്ധതിയുടെ ഭാഗമായാണ് മോട്ടോർ വാഹനവകുപ്പ്‌ എ.​ഐ ക്യാമറകൾ സ്ഥാപിച്ചത്. ക്യാമറ പ്രവർത്തനം ആരംഭിച്ചതോടെ വാ​ഹ​നാ​പ​ക​ട​ങ്ങ​ൾ കു​റ​ഞ്ഞ​താ​യി ഗ​താ​ഗ​ത മ​ന്ത്രി ആ​ന്‍റ​ണി രാ​ജു പറഞ്ഞു. 2022 ജൂ​ണി​ൽ 3714 അ​പ​ക​ട​ങ്ങ​ളാ​ണ്​ സം​സ്ഥാ​ന​ത്തു​ണ്ടാ​യ​തെ​ങ്കി​ൽ എ.​ഐ കാ​മ​റ പ്ര​വ​ർ​ത്തി​ച്ചു​ തു​ട​ങ്ങി​യ 2023 ജൂ​ണി​ൽ 1278 ആ​യി കു​റ​ഞ്ഞു. അ​പ​ക​ട മ​ര​ണ​ങ്ങ​ളി​ലും കു​റ​വു​ണ്ട്.

2022 ജൂ​ണി​ൽ 344 ആ​യി​രു​ന്ന​ത്​ ഈ ​ജൂ​ണി​ൽ 140 ആ​ണ്. പ​രി​ക്കേ​ൽ​ക്കു​ന്ന​വ​രു​ടെ എ​ണ്ണം ക​ഴി​ഞ്ഞ ജൂ​ണി​ലെ 4172 നെ ​അ​പേ​ക്ഷി​ച്ച്​ ഈ ​ജൂ​ണി​ൽ 1468 ആ​യി കു​റ​ഞ്ഞി​ട്ടു​ണ്ടെ​ന്നും ഗ​താ​ഗ​ത മ​ന്ത്രി പ​റ​ഞ്ഞു.വി​വി​ധ​യി​ട​ങ്ങ​ളി​ൽ റോ​ഡ്​ വീ​തി കൂ​ട്ടി​യ​തി​നെ തു​ട​ർ​ന്ന്​ 16 സ്ഥ​ല​ങ്ങ​ളി​ലെ എ.​ഐ കാ​മ​റ മാ​റ്റേ​ണ്ടി വ​ന്നി​ട്ടു​ണ്ട്. ഇ​വ ജൂ​ലൈ 31നു​ള്ളി​ൽ പു​തി​യ സ്ഥ​ലം ക​ണ്ടെ​ത്തി സ്ഥാ​പി​ക്കും. എ.​ഐ കാ​മ​റ​ക​ൾ സം​ബ​ന്ധി​ച്ച സ​മ​ഗ്ര ക​രാ​റി​ന്‍റെ ജോ​ലി ജൂ​​ലൈ​യി​ൽ പൂ​ർ​ത്തി​യാ​കും. ജൂ​ലൈ 12ന്​ ​കെ​ൽ​ട്രോ​ൺ ക​ര​ട്​ ക​രാ​ർ ഗ​താ​ഗ​ത വ​കു​പ്പി​ന്​ കൈ​മാ​റും.