ചോക്ലേറ്റ് കഴിക്കുന്നത് നല്ലതാണോ മോശമാണോ എന്ന സംശയം പലർക്കുമുണ്ട്. ചോക്ലേറ്റ് കഴിക്കുമ്പോൾ ഉള്ള ചില ഗുണങ്ങളെ കുറിച്ചുള്ള വിവരങ്ങൾ ഇതാ .

കോർട്ടിസോളിന്റെ അളവ് മെച്ചപ്പെടുത്താനും ഇൻസുലിൻ സംവേദനക്ഷമത കുറയ്ക്കാനും ശരീരഭാരം അധികമായി കുറയ്ക്കുവാനും ചോക്കലേറ്റ് സഹായിക്കുന്നു എന്നാണ് ആ രംഗത്തുള്ളവർ പറയുന്നത് .

ഡാർക്ക് ചോക്ലേറ്റിൽ ആന്റിഓക്‌സിഡന്റുകൾ അടങ്ങിയിട്ടുണ്ട്. ഇത് വയർ നിറഞ്ഞു എന്ന തോന്നൽ അനുഭവിക്കാൻ സഹായിക്കും.
എന്തെങ്കിലും കഴിക്കുവാൻ ആഗ്രഹിക്കുമ്പോൾ, ഡാർക്ക് ചോക്ലേറ്റ് തിരഞ്ഞെടുക്കുക.

ഡാർക്ക് ചോക്ലേറ്റിൽ 70 ശതമാനത്തിലധികം കൊക്കോ അടങ്ങിയിരിക്കുന്നു. ഡാർക്ക് ചോക്ലേറ്റ് മണക്കുന്നതും കഴിക്കുന്നതും ഗ്രെലിൻ അളവ് കുറയ്ക്കും ഡാർക്ക് ചോക്ലേറ്റ് പതിവായി കഴിക്കുന്നത് നിങ്ങളുടെ വിശപ്പ് കുറയ്ക്കുകയും, നിങ്ങളുടെ ഭക്ഷണത്തോടുള്ള ആർത്തി നിയന്ത്രിക്കാൻ സഹായിക്കുകയും ചെയ്യുന്നതാണ്.

ഡാർക്ക് ചോക്ലേറ്റ് മോണോസാച്ചുറേറ്റഡ് ഫാറ്റി ആസിഡുകളാൽ സമ്പുഷ്ടമാണ്. ഇത് കലോറി വേഗത്തിൽ എരിച്ചു കളയുവാൻ സഹായിക്കുന്നു.ഇൻസുലിൻ അളവ് പെട്ടെന്ന് വർദ്ധിക്കുന്നത് തടയുന്നതിനുള്ള മികച്ച മാർഗമാണ്.

രക്തത്തിലെ പഞ്ചസാരയുടെ അളവ് വർദ്ധിപ്പിക്കാതെ പഞ്ചസാര രക്തപ്രവാഹത്തിൽ പതുക്കെ ആഗിരണം ചെയ്യപ്പെടുന്നുവെന്ന് ഉറപ്പാക്കുന്നതിന് ഡാർക്ക് ചോക്ലേറ്റുകൾ ഉപകരിക്കും.

ഡാർക്ക് ചോക്ലേറ്റിൽ ആൻറി-ഇൻഫ്ലമേറ്ററി പ്രോപ്പർട്ടികൾ അടങ്ങിയിട്ടുണ്ട്, കൂടാതെ ഗണ്യമായ അളവിൽ മഗ്നീഷ്യം അടങ്ങിയിട്ടുണ്ട്, ഇവ രണ്ടും ശരീരത്തിന് വേദന കുറയ്ക്കാൻ സഹായിക്കുന്നുവെന്നും പഠനങ്ങൾ പറയുന്നു.