മങ്കൊമ്പ്: മൂന്നിലവ് ഇറക്കത്തിൽ ബസ് നിയന്ത്രണം വിട്ടു അപകടത്തിൽപെട്ടു. റോഡ്‌ലൈൻസ് ബസ് ആണ് അപകടത്തിൽ പെട്ടത്. മങ്കൊമ്പ് ഇറക്കത്തിൽ കുഴികുത്തിയാനി വളവിൽ വെച്ചു നിയന്ത്രണം വിട്ട ബസ് വളവ് തിരിയാതെ മുന്നോട്ടു പോവുകയായിരുന്നു.ബസ്സിന്റെ മുൻവശം താഴേക്ക് പോകാതിരുന്നതിനാൽ വലിയ അപകടമാണ് ഒഴിവായത്. അപകടത്തിൽ ആർക്കും പരിക്കില്ല.അഞ്ചുവർഷം മുമ്പ് സമാനമായ രീതിയിൽ ഇവിടെ ബസ് അപകടം നടന്നിരുന്നു. അന്ന് ഏതാനും പേർക്ക് അപകടത്തിൽ പരിക്കേറ്റിരുന്നു.റോഡിൽ വളവിനോട് ചേർന്നുള്ള കുഴൽ കിണർ അപകട കാരണം ആകുന്നതായി നാട്ടുകാർ പറഞ്ഞു. ഇത് നീക്കം ചെയ്യണമെന്നും നാട്ടുകാർ ആവശ്യപ്പെട്ടു. പഞ്ചായത്ത് പ്രസിഡൻറ് അടക്കമുള്ളവർ സംഭവസ്ഥലത്തേക്ക് എത്തിയിട്ടുണ്ട്.