കോട്ടയം

സൗജന്യനിരക്കിൽ മോട്ടോർവാഹന നികുതി കുടിശിക അടയ്ക്കാം

By enews 9 December,2024

നികുതി കുടിശിക അടയ്ക്കാനായി ഒറ്റത്തവണ തീർപ്പാക്കൽ പദ്ധതിയുമായി മോട്ടോർ വാഹനവകുപ്പ്. 2020 മാർച്ച് 31 വരെ നികുതി അടയ്ക്കാത്തതും റവന്യൂ റിക്കവറി നേരിടുന്നതും പൊളിഞ്ഞുപോയവയും ഉപയോഗശൂന്യമായതുമായ വാഹനങ്ങൾക്ക് സൗജന്യനിരക്കിൽ നികുതിയടച്ച് തുടർനടപടികളിൽനിന്ന് ഒഴിവാകാം. സ്വകാര്യവാഹനങ്ങൾക്ക് പലിശയുൾപ്പെടെയുള്ള നികുതിയുടെ 40 ശതമാനവും ട്രാൻസ്പോർട്ട് വാഹനങ്ങൾക്ക് 30 ശതമാനവും നികുതിയടച്ച് തുടർനടപടികളിൽനിന്ന് ഒഴിവാകാമെന്നും അവസരം പ്രയോജനപ്പെടുത്തണമെന്നും കോട്ടയം ആർ.ടി.ഒ.അറിയിച്ചു.