പ്രാദേശികം

അമാൻസക്കാത്ത് സെല്ലിന്റെ മൂന്നാംഘട്ട ഭവന നിർമ്മാണ പദ്ധതി തുടക്കമായി

By e news 17 July,2023

ഈരാറ്റുപേട്ട: നടയ്ക്കൽ മസ്ജിദുൽ അമാന്റെ കീഴിൽ പ്രവർത്തിക്കുന്ന അമാൻ സക്കാത്ത് സെല്ലിന്റെ ആഭിമുഖ്യത്തിൽ ഈ വർഷം മൂന്നാംഘട്ട ഭവന നിർമ്മാണ പദ്ധതിക്ക് തുടക്കമായി.ഭവനരഹിതരും നിർധനരുമായ നാല് കുടുംബങ്ങൾക്ക് ഈ പദ്ധതി കാലയളവിൽ ഭവനം നിർമ്മിച്ച നൽകുന്നതാണ്.  അറഫാ ജംഗ്ഷനിൽ നടന്ന കട്ടിള വെപ്പ് കർമ്മത്തിൽ മസ്ജിദ് പരിപാലന സമിതിയും സക്കാത്ത് സെല്ലും മേൽനോട്ടം വഹിച്ചു.പ്രസിഡൻറ് സിപി അബ്ദുൽബാസിത്തിന്റെ അധ്യക്ഷതയിൽ കൂടിയ യോഗം ഇമാം ഹാഷിർ നദ്‌വി ഉദ്ഘാടനം ചെയ്തു. റഹീസ് എംബഷീർ,പി എം സൈനുൽ ആബിദീൻ,കെ പി ഷാജി, ഷംസുദ്ദീൻ മടുക്കളപ്പിൽ , സിറാജ് പേരകത്തുശ്ശേരി,നൗഷാദ് മുളന്താനം,റിയാസ് ശാസ്താംകുന്നേൽതുടങ്ങിയവർ പങ്കെടുത്തു.