പ്രാദേശികം

പാൽവിതരണ വാഹനം മറിഞ്ഞു; ഡ്രൈവറും സെയിൽസ്മാനും രക്ഷപ്പെട്ടു

By enews 16 September,2024

ഈരാറ്റുപേട്ട: പാൽ വിതരണ വാഹനം മറിഞ്ഞ് ഡ്രൈവറും സെയിൽസ്മാ‍നും അത്ഭുതകരമായി രക്ഷപ്പെട്ടു. ഇന്ന് പുലർച്ചെ തിടനാട് - വെയിൽകാണാംപാറ കൊടും വളവിലാണ് അപകടം. കൊല്ലത്തുനിന്നും വിതരണം ചെയ്യുന്ന എ വൺ പാൽവാഹനമാണ് 5 മണിയോടെ മറിഞ്ഞത്. ഡ്രൈവർ കൊല്ലo മൈനാഗപ്പള്ളി സ്വദേശി സനൽ, സെയിൽ സ്മാൻ ശാസ്താംകോട്ട സ്വദേശി ശ്രീ രാജ് എന്നിവരാണ് പരിക്കുകളില്ലാതെ രക്ഷപ്പെട്ടത്. വൈദ്യുതിപോസ്റ്റ് ഒടിഞ്ഞതിനാൽ ഈ പ്രദേശത്ത് വൈദ്യുതി വിതരണം മുടങ്ങി.