പ്രാദേശികം

മിനി ദിശ ഹയർ സ്റ്റഡീസ് എക്സ്പോ ഈരാറ്റുപേട്ടയിൽ തുടങ്ങി

By Enews 22 November,2024

ഈരാറ്റുപേട്ട.കാഞ്ഞിരപ്പള്ളി വിദ്യാഭ്യാസ ജില്ലയിലെ സ്കൂളുകളിലെ ഹയർ സെക്കൻഡറി വിദ്യാർത്ഥികൾക്കായി ഈരാറ്റുപേട്ട മുസ്ലിം ഗേൾസ് ഹയർ സെക്കൻഡറി സ്കൂളിൽ നടക്കുന്ന മിനി ദിശ ഹയർ സ്റ്റഡീസ് എക്സ്പോ പൂഞ്ഞാർ എംഎൽഎ അഡ്വസെബാസ്റ്റ്യൻ കുളത്തുങ്കൽ ഉദ്ഘാടനം ചെയ്തു.

 

നഗരസഭാ ചെയർപേഴ്സൺ സുഹുറ അബ്ദുൽ ഖാദർ അധ്യക്ഷത വഹിച്ചു. എം.ഇ.റ്റി ചെയർമാൻ പ്രൊഫ.എം.കെ.ഫരീദ് മുഖ്യ പ്രഭാഷണം നടത്തി. സുഹാന ജിയാസ്, പി.എം.അബ്ദുൽ ഖാദർ ,പി.പി.താഹിറ, എം.പി ലീന എന്നിവർ സംസാരിച്ചു' വിദ്യാർത്ഥികൾക്ക് വിവിധ തൊഴിൽ മേഖലകളെ കുറിച്ചും ഉന്നത വിദ്യാഭ്യാസ സാധ്യതകളെക്കുറിച്ചും അറിവ് നൽകുന്ന ഈ പരിപാടിയിൽ വിവിധ ഗവൺമെൻറ് വിദ്യാഭ്യാസ സ്ഥാപനങ്ങളിൽ നിന്നുള്ള പ്രതിനിധികൾ പങ്കെടുക്കുന്ന സ്റ്റാളുകളും പ്രമുഖർ നയിക്കുന്ന 20 സെമിനാറുകളും നടക്കും. എക്സ് പോ നാളെ സമാപിക്കും