പേഴുംകാട്ടിൽ മീരാൻ (78) നിര്യാതനായി
ഈരാറ്റുപേട്ട: മാർക്കറ്റ് റോഡ് ഓലിക്കാവിൽ പേഴുംകാട്ടിൽ മീരാൻ (78) നിര്യാതനായി. കബറടക്കം ഇന്ന് വൈകുന്നേരം 3.30 ന് പുത്തൻപള്ളി ഖബർസ്ഥാനിൽ.
ഈരാറ്റുപേട്ട: മാർക്കറ്റ് റോഡ് ഓലിക്കാവിൽ പേഴുംകാട്ടിൽ മീരാൻ (78) നിര്യാതനായി. കബറടക്കം ഇന്ന് വൈകുന്നേരം 3.30 ന് പുത്തൻപള്ളി ഖബർസ്ഥാനിൽ.
'നാഷണൽ ആയുഷ് മിഷൻ ( ഹോമിയോപ്പതി ) വകുപ്പ് സംഘടിപ്പിക്കുന്ന സൗജന്യ വയോജന മെഡിക്കൽ ക്യാമ്പ് ഒക്ടോബർ രണ്ട് ഗാന്ധി ജയന്തി ദിനത്തിൽ രാവിലെ 9 മണി മുതൽ ഉച്ചക്ക് 1 മണി വരെ തെള്ളിയാമറ്റം ഗ്രാമീണ വായനശാലാ അണത്തിൽ വച്ച് നടത്തപ്പെടുന്നു. തലപ്പലം പഞ്ചായത്ത് ഗവൺമെൻ്റ് ആയുഷ് ഹോമിയോ ഡിസ്പൻസറിയുടെ നേതൃത്വത്തിൽ തലപ്പുലം ഗ്രാമീണ വായനശാലയും പനയ്കപ്പാലം ഓർബിസ് ലൈവ്സ് ലബോറട്ടറിയുടെയു സഹകരണത്തോടെ നടത്തപ്പെടുന്ന ക്യാമ്പ് തലപ്പലം ഗ്രാമപഞ്ചായത്ത് പ്രസിഡൻ്റ് ശ്രീമതി എൽസി തോമസ് ഉദ്ഘാടനം ചെയ്യും. ക്യാമ്പിൽ വയോജനങ്ങൾക്ക് സൗജന്യ രക്തപരിശോധന, രോഗനിർണ്ണയം, മരുന്ന് വിതരണം എന്നിവ ഉണ്ടായിരിക്കും
ഈരാറ്റുപേട്ട - മുസ്ലിം യൂത്ത് ലീഗ് കോട്ടയം ജില്ലാ കമ്മിറ്റി സംഘടിപ്പിക്കുന്ന സി.എച്ച് അനുസ്മരണ സെമിനാർ ഇന്ന് തിങ്കൾ വൈകിട്ട് 6.30 ന് ഈരാറ്റുപേട്ട വ്യാപാര ഭവൻ ഓഡിറ്റോറിയത്തിൽ വെച്ച് നടക്കും. കേരളത്തിന്റെ നവോത്ഥാന ചരിത്രത്തിൽ എണ്ണം പറഞ്ഞ മഹാന്മാരിൽ പ്രമുഖനായ സി എച്ച് മുഹമ്മദ് കോയാ സാഹിബിന്റെ ചരമ വാർഷികത്തോടനുബന്ധിച്ച് ഒറ്റത്തെരഞ്ഞെടുപ്പും ഫെഡറലിസത്തിന്റെ ഭാവിയും എന്ന വർത്തമാന കാല വിഷയത്തിൽ കേരളത്തിലെ അറിയപ്പെടുന്ന പ്രഭാഷകനും ചിന്തകനും യൂത്ത് ലീഗ് സംസ്ഥാന പ്രവർത്തക സമിതി അംഗവുമായ ഷെരിഫ് സാഗർ കോഴിക്കോട് സംസാരിക്കും. മുസ്ലിം യൂത്ത് ലീഗ് സംസ്ഥാന വൈസ് പ്രസിഡന്റ് കെ.എ. മാഹിൻ സെമിനാർ ഉൽഘാടനം ചെയ്യും. ജില്ലാ യൂത്ത് ലീഗ് പ്രസിഡന്റ് അഡ്വ.വി.പി. നാസർ അദ്ധ്യക്ഷത വഹിക്കും. ജന.സെക്രട്ടറി അമീർ ചേനപ്പാടി സ്വാഗതം പറയും. മുസ്ലിം ലീഗ് യൂത്ത് ലീഗ് പോഷക സംഘടനാ ജില്ലാ - മണ്ഡലം - മുനിസിപ്പൽ തല നേതാക്കൾ , മറ്റ് സാമൂഹിക നേതാക്കൾ സംസാരിക്കും. സംസ്ഥാന യൂത്ത് ലീഗ് കമ്മിറ്റിയുടെ സംഘടനാ ശാക്തീകരണ കാമ്പയിന്റെ ഭാഗമായി 14 ജില്ലാ കേന്ദ്രങ്ങളിലും സെമിനാറുകൾ സംഘടിപ്പിച്ചിട്ടുണ്ട്. പ്രൗണ്ഡമായ ഈ പരിപാടിയിൽ ജില്ലയിലെ മുഴുവൻ നേതാക്കളും പ്രവർത്തകരും പങ്കെടുക്കണമെന്ന് ജില്ലാ പ്രസിഡന്റ് അഡ്വ. വി. പി .നാസർ ജന.സെക്രട്ടറി അമീർ ചേനപ്പാടി അറിയിച്ചു.
തീക്കോയി പഞ്ചായത്ത് അംഗത്തെ വാഹനമിടിപ്പിച്ചു കൊലപ്പെടുത്താൻ ശ്രമിച്ച സംഭവ ത്തിൽ യുവാവിനെ ഈരാറ്റുപേട്ട പോലീസ് അറസ്‌റ്റ് ചെയ്തു. കായംകുളം സ്വദേശിയായ വിവേക് കുഞ്ഞുമോൻ (38) എന്നയാളാണ് പോലീസ് പിടിയിലായത്. പഞ്ചായത്ത് അംഗം രതീഷ് പി. എസിനു നേരെയാണ് കഴിഞ്ഞ വ്യാഴാഴ്‌ച ആക്രമണമുണ്ടായത്. വർഷങ്ങളായി തീക്കോയി ടൗണിൽ ലോൺട്രി നടത്തിപ്പുകാരനായ വിവേക് സ്ഥിരം മദ്യപിച്ച് ബഹളമുണ്ടാക്കുന്നതും വഴക്കടിക്കുന്നതും പതിവാണെന്നാണ് നാട്ടുകാർ പറയുന്നത്. തെരഞ്ഞെടുപ്പുകാലത്ത് വിവിധ പാർട്ടി പ്രവർത്തകരുമായി ഇയാൾ പ്രശ്‌നങ്ങളുണ്ടാക്കിയിരുന്നു. ഈ വിരോധം നിമിത്തം ബുധനാഴ്‌ച രാത്രി ഏഴരയോടെ മദ്യപിച്ച് ഇരുമ്പുവടിയു മായി തീക്കോയിയിലെ സി.പി.ഐ ഓഫീസിൽ എത്തുകയും വധഭീഷണി മുഴക്കുകയും ചെയ്തു. പിറ്റേന്ന് രതീഷ് തീക്കോയി ടൗണിൽ സ്വന്തം ജീപ്പിലിരിക്കവെ വാനുമായെത്തിയ വിവേക് ജീപ്പിലേയ്ക്ക് വാഹനം ഇടിച്ചുകയറ്റി. എന്നാൽ അത്ഭുതകരമായി രതീഷ് രക്ഷപെട്ടു. അക്രമിക്കുന്ന രീതിയിലേയ്ക്ക് കാര്യങ്ങൾ മാറിയതോടെ രതീഷ് പോലീസിൽ പരാതി നൽകുകയായിരുന്നു. സംഭവത്തിൽ കേസെടുത്ത പോലീസ് പ്രതിയെ പിടികൂടുകയായിരുന്നു. കോടതിയിൽ ഹാജരാക്കിയ വിവേകിനെ 14 ദിവസത്തേയ്ക്ക് റിമാൻഡ് ചെയ്തു.
ഈരാറ്റുപേട്ട: ലോക ഹൃദയ ദിനത്തോടനുബന്ധിച്ച് ഡിവൈൻ എജുക്കേഷണൽ സെന്റർ മിനി മാരത്തോൺ സംഘടിപ്പിച്ചു. നടയ്ക്കൽ ഹുദാ ജംഗ്ഷനിൽനിന്ന് ഈരാറ്റുപേട്ട പോലീസ് സബ് ഇൻസ്പെക്ടർ ദീപു ടി.ആർ ഫ്ലാഗ്ഓഫ് ചെയ്ത മാരത്തണിൽ ഈരാറ്റുപേട്ടയിലെ യുവജന സംഘടനകളിലും സന്നദ്ധ സംഘടനകളിലും വിവിധ ക്ലബ്ബുകളും അംഗങ്ങളായ നിരവധി പേർ പ്രായഭേദമെന്യേ പങ്കാളികളായി. പങ്കെടുത്ത എല്ലാവർക്കും മെഡലും സർട്ടിഫിക്കറ്റും വിതരണം ചെയ്തു. മുട്ടം ജംഗ്ഷനിൽ നടന്ന സമാപന സമ്മേളനത്തിൽ ഇന്ത്യൻ മെഡിക്കൽ അസോസിയേഷൻ പാലാ ബ്രാഞ്ച് സെക്രട്ടറി ഡോക്ടർ വിപുരാജ് ഹൃദയദിന സന്ദേശം നൽകി. അബ്ദുൽ ഗഫൂർ (ടീം നന്മക്കൂട്ടം), ജോഷി മൂഴിയാങ്കൽ (ടീം എമർജൻസി), അബ്ദുല്ല ഖാൻ (വാക്കേഴ്സ് ക്ലബ്ബ്), വൈറ്ററൻസ് അത്‌ലറ്റിക് ഫെഡറേഷൻ ഓഫ് ഇന്ത്യ പ്രധിനിധി അഡ്വ. രഘുനാഥൻ നായർ, പാലാ പൗരവലിയെ പ്രതിനിധീകരിച്ച് സ്‌കറിയ, ഫോട്ടോഗ്രാഫിക് അസോസിയേഷൻ പ്രതിനിധി ബഷീർ മേത്തൻസ്, വി.എ. ജാഫർ തുടങ്ങിയവർ ആശംസകളർപ്പിച്ച് സംസാരിച്ചു.
ഈരാറ്റുപേട്ട: പി. വി. അൻവർ എം.എൽ.എ ഉന്നയിച്ചിട്ടുള്ള ആരോപണങ്ങളിൽ വസ്തുത പുറത്തുകൊണ്ടുവരണമെന്ന് ഈരാറ്റുപേട്ടയിൽ ചേർന്ന കോട്ടയം ജില്ലാ കെ.എൻ.എം സമ്പൂർണ്ണ കൺവെൻഷൻ ആവിശ്യപ്പെട്ടു. പ്രസിഡണ്ട് പി. എച്ച് ജാഫർ അധ്യക്ഷത വഹിച്ചു. സെക്രട്ടറി നാസർ മുണ്ടക്കയം, ഐ.എസ്.എം ജില്ലാ പ്രസിഡണ്ട് എൻ.വൈ. ജമാൽ, സെക്രട്ടറി അക്ബർ സ്വലാഹി, പി.എ. ഇർഷാദ് എന്നിവർ പ്രസംഗിച്ചു
ഈരാറ്റുപേട്ട. നിലവിൽ വന്നട്രാഫിക്ക് പരിഷ്ക്കാരങ്ങളുടെ മുഴുവൻ നിർദ്ദേശങ്ങളും നടപ്പിലാക്കിയിരിക്കുന്നത് കുരിക്കൾ നഗറിലാണ്. ഡിവൈഡർ, വൺവേ, യു ടേൺ നിരോധനം, ബസ് സ്റ്റോപ്പ് നിർത്തലാക്കൽ തുടങ്ങിയ നടപടികളെല്ലാം ഒരു പ്രദേശത്തു കേന്ദ്രീകരിക്കുകയും, നൈനാർ മസ്ജിദ് അൽമദീനാ സമുച്ചയം, കോസ്‌വേ വ്യാപാര കേന്ദ്രം, പുളിക്കൽ മാൾ, പഴയപറമ്പ് സമുച്ചയം, മറ്റക്കൊമ്പനാൽവ്യാപാര കേന്ദ്രം,വട്ടക്കയം ബിൽഡിംഗ്, തട്ടാം പറമ്പിൽ കോംപ്ലക്സ് എന്നീ സ്ഥലങ്ങളിൽ ജനങ്ങൾക്ക് എത്തിച്ചേരാനുള്ള എല്ലാസൗകര്യങ്ങളും നിഷേധിച്ചിരിക്കുകയുമാണ്. ട്രാഫിക്ക് പരിഷ്ക്കാരം സംബന്ധിച്ച തീരുമാനങ്ങൾ കൈക്കൊണ്ട ഒരു യോഗങ്ങളിലും ഇത്തവണ മഹല്ല് നേതൃത്വത്തെ ക്ഷണിച്ചിരുന്നില്ല. ആയതിനാൽ കുരിക്കൾനഗറിലെ ബസ് സ്റ്റോപ്പ് പഴയനിലയിൽ പുനസ്ഥാപിക്കുകയും കോസ്‌വേ വഴി തെക്കേക്കരയ്ക്ക് ടേൺചെയ്യാൻ അനുവദിക്കുകയും ചെയ്യാൻ മുനിസിപ്പൽ അധികൃതർ നടപടി സ്വീകരിക്കേണ്ടതാണെന്ന് നൈനാർ പള്ളി മഹല്ല് പ്രസിഡൻ്റ് മുഹമ്മദ് സക്കീർ ആവശ്യപ്പെട്ടു.
ഈരാറ്റുപേട്ട. സെൻട്രൽ ജംഗ്ഷനിലെ അനധികൃത ഒട്ടോസ്റ്റാൻറിനെതിരെ ഈ ഭാഗത്തുള്ള വ്യാപാരികൾ നഗരസഭ സെക്രട്ടറിക്ക് പരാതി നൽകി ഈരാറ്റുപേട്ട കാഞ്ഞിരപ്പള്ളി ഹൈവേയിൽ സെൻട്രൽ ജംഗ്ഷനിൽ ബസ് സ്റ്റോപ്പിന് സമീപം റോഡിൽ അനധികൃത ഒട്ടോസ്റ്റാ ൻ്റ് പ്രവർത്തിച്ചുവരുന്നത് വ്യാപാരികൾക്കും കാൽനടയാത്രക്കാർക്കും വളരെയെറെ ബുദ്ധിമുട്ടുകൾ അനുഭവിക്കുന്നതായി വ്യാപാരികൾ നിവേദനത്തിൽ പറയുന്നു. ഇതിനിടെ സെൻട്രൽ ജംഗ്ഷനിലെ സി.ഐ.റ്റി.യു. എ ഐ റ്റി യു.സി ഒട്ടോറിക്ഷാ തൊഴിലാളികൾ തമ്മിൽ വാക്കേറ്റം അടിപിടിയിൽ കലാശിച്ചു.അബ്ദുൽ റസാഖ്, ദിലീപ് എന്നിവരുടെ പേരിൽ പൊലീസ് കേസെടുത്തു.
