അരുവിത്തുറ കോളേജിൽ ദേശീയ ബഹിരാകാശ ദിനാഘോഷങ്ങൾ സംഘടിപ്പിച്ചു.
അരുവിത്തുറ : ദേശീയ ബഹിരാകാശ ദിനാചരണങ്ങളുടെ ഭാഗമായി അരുവിത്തുറ സെന്റ് ജോർജസ്സ് കോളേജ് ഫിസിക്സ്സ് റിസേർച്ച് അൻഡ് പിജി ഡിപ്പാർട്ട്മെൻ്റിൻ്റെ അഭിമുഖ്യത്തിൽ വിപുലമായ പരിപാടികൾ സംഘടിപ്പിച്ചു. ഇന്ത്യൻ ബഹിരാകാശ സങ്കേതികവിദ്യയും മുന്നേറ്റവും ഇന്ന് നാളെ എന്ന വിഷയത്തിൽ വിദ്ധ്യാർത്ഥികൾക്കു വേണ്ടി സിംപോസിയം സംഘടിപ്പിച്ചു. വിദ്യാർത്ഥികൾ ഇൻഡ്യയുടെ ശൂന്യാകാശ ഗവേഷണ മേഖലയുടെ ചരിത്രം, വളർച്ച, ഭാവി എന്നിവയെ കുറിച്ച് ആശയസംവാദം നടത്തി. സിംപോസിയത്തിൽ ബിറ്റിജോസഫ്, ഡാനാ ജോസ്, മരിയ ജോസ് എന്നിവർ ചർച്ചകൾക്ക് നേതൃത്വം നൽകി. ഇതോടൊപ്പം ദേശീയ ബഹിരാകാശ ദിന പ്രശ്നോത്തരിയും സംഘടിപ്പിച്ചു. മത്സര വിജയികൾക്ക് കോളേജ് പ്രിൻസിപ്പൽ പ്രൊഫ. ഡോ സിബി ജോസഫ് പുരസ്കാരങ്ങളും സർട്ടിഫിക്കറ്റുകളും വിതരണം ചെയ്തു. ചടങ്ങിൽ ഫിസിക്സ്സ് വിഭാഗം മേധാവി ഡോ സന്തോഷ് കുമാർ, ഐക്യൂ ഏ സി കോഡിനേറ്റർ ഡോ സുമേഷ് ജോർജ്, പ്രോഗ്രാം കോഡിനേറ്റർ നിഷാ ജോസഫ് തുടങ്ങിയവർ പങ്കെടുത്തു.
