ഈരാറ്റുപേട്ട ; ലോക പരിസ്ഥിതിദിനാഘോഷത്തിൻ്റെ ഭാഗമായി ഈരാറ്റുപേട്ട ബ്ലോക്ക് കോ ഓപ്പറേറ്റീവ് അർബൻസൊസൈറ്റിയുടെ ആഭിമുഖ്യത്തിൽ നടത്തിയ ഫലവൃക്ഷ തൈ വിതണ ഉദ്ഘാടന ഈരാറ്റുപേട്ട മുൻസിപ്പൽ കൗസിലർ ഷിയാസ് മുഹമ്മദ് CCM നിർവ്വഹിച്ചു സംഘം പ്രസിഡൻ്റ് പി.എച്ച് നൗഷാദ് .വൈസ് പ്രസിഡൻ്റ് തോമസുകുട്ടി മൂന്നാനപ്പള്ളിൽ , സെക്രട്ടറി ദീപ്തി ജി. മെമ്പർമാർ തുടങ്ങിയവർ സംസാരിച്ചു
ഈരാറ്റുപേട്ട: വാഗമൺ യാത്രക്ക് ശേഷം മടങ്ങിയ സ്ത്രീകൾ ഉൾപ്പടെയുള്ള കുടുംബത്തെ ക്രൂരമായി മർദിച്ച സാമൂഹികവിരുദ്ധരെ എത്രയും വേഗം അറസ്റ്റ് ചെയ്യണമെന്നും മേലിൽ ഇത്തരം സംഭവങ്ങൾ ആവർത്തിക്കാതിരിക്കാൻ പോലീസ് ജാഗ്രത പുലർത്തണമെന്നും പി.ഡി.പി പൂഞ്ഞാർ മണ്ഡലം കമ്മിറ്റി ആവശ്യപ്പെട്ടു. സംഭവത്തിൽ കുറ്റക്കാർക്കെതിരെ നടപടി ആവശ്യപ്പെട്ട് പി.ഡി.പി ജില്ലാ പ്രസിഡന്റ് നിഷാദ് നടയ്ക്കൽ ഇടുക്കി പൊലീസ് സൂപ്രണ്ടിന് പരാതി നൽകി.
ഈരാറ്റുപേട്ട. വാഗമണിൽ വിനോദ സഞ്ചാരത്തിന് എത്തിയ ഈരാറ്റുപേട്ട സ്വദേശികളെ ഗുണ്ടാ സംഘം കയ്യേറ്റം ചെയ്തത് അങ്ങേയറ്റം അപലപാനീയമാണെന്നും, കുറ്റക്കാരെ നിയമത്തിനു മുന്നിൽ കൊണ്ടുവന്നു മാതൃകാപരമായ ശിക്ഷ നൽകണമെന്നും സമസ്ത കേരള ജംഇയ്യത്തുൽ ഉലമ കോട്ടയം ജില്ലാ കമ്മറ്റി ആവശ്യപ്പെട്ടു. ജനങ്ങൾ ഉല്ലാസത്തിന് എത്തുന്ന പ്രദേശങ്ങളിൽ സാമൂഹ്യ വിരുദ്ധരുടെ അഴിഞ്ഞാട്ടവും, ലഹരി ഉപയോഗവും വ്യാപകമാവുകയാണ്.സർക്കാരും പോലീസും സത്വരനടപടികൾ സ്വീകരിക്കണം.വാഗമണിൽ ക്രൂരമായ മർദ്ദനമാണ് അക്രമികൾ അഴിച്ചുവിട്ടത്. അക്രമത്തിനു ഇരയായവരിൽ ഭിന്നശേഷിക്കാരിയായ ബാലികയുമുണ്ടെന്നത് മനസാക്ഷിയെ ഞെട്ടിക്കുന്നതാണ്. പോലീസ് നടപടി കൈകൊള്ളണമെന്നും യോഗം ആവശ്യപ്പെട്ടു. ജില്ലാ പ്രസിഡന്റ് അബ്ദുൽ അസീസ് സഖാഫിയുടെ അദ്യക്ഷത വഹിച്ചു.കേരള മുസ്ലിം ജമാഅത് ജില്ലാ പ്രസിഡന്റ് വി എച്ച് അബ്ദുറഷീദ് മുസ്ലിയാർ, സമസ്ത സെക്രട്ടറി പി എം അനസ് മദനി, അബ്ദുറഹ്മാൻ സഖാഫി, ഇയാസ് സഖാഫി, സൈനുദ്ധീൻ മുസ്ലിയാർ, ലബീബ് സഖാഫി സംസാരിച്ചു.
വാഗമണ്ണിൽ ഭിന്ന ശേഷിക്കാരിയായ കുട്ടിയെ ഉൾപ്പടെ കുടുംബാംഗങ്ങളെ മർദ്ദിച്ച കേസിൽ സമഗ്രമായ അന്വേഷണം വേണമെന്നും പ്രതികളെ ഉടൻ പിടികൂടണമെന്നും തക്കതായ ശിക്ഷ വാങ്ങി നൽകണമെന്നും അഭ്യർത്ഥിച്ചു കൊണ്ട് ടൂറിസം മിനിസ്റ്റർ ബഹു പി സി വിഷ്ണുനാഥ് നേ നേരിൽ കണ്ട് പരാതി നൽകി കോൺഗ്രസ് പ്രവർത്തകർ.. ടൂറിസം മിനിസ്റ്റർ ബഹു പിസി വിഷ്ണു നാഥ് നേ വാഗമൺ സംഭവങ്ങൾ നേരിൽ കണ്ട് വിവരിക്കുന്ന, യൂത്ത് കോൺഗ്രസ് കോട്ടയം ജില്ലാ വൈസ് പ്രസിഡൻ്റും, ഈരാറ്റുപേട്ട മുനിസിപ്പൽ കൗൺസിലറും കൂടെ ആയ ഷിയാസ് മുഹമ്മദ് CCM, കോൺഗ്രസ് ഈരാറ്റുപേട്ട മണ്ഡലം പ്രസിഡൻറ് ശ്രീ അനസ് നാസർ, യൂത്ത് കോൺഗ്രസ് മണ്ഡലം സെക്രട്ടറി ശ്രീ ഫാറൂഖ് അഷറഫ്. പ്രതികളെ ഉടൻ പിടി കൂടുമെന്നും, നിയമത്തിന് മുന്നിൽ കൊണ്ട് വരുമെന്നും, തക്കതായ ശിക്ഷ നൽകുമെന്നും മിനിസ്റ്റർ അറിയിച്ചു, ടൂറിസ്റ്റ് മേഖലയിൽ നടക്കുന്ന ഇത് പോലുള്ള സംഭവങ്ങൾ ആവർത്തിക്കാതിരിക്കാൻ വേണ്ട ശക്തമായ നടപടികൾ സ്വീകരിക്കും എന്നും മിനിസ്റ്റർ അറിയിച്ചു വിനോദ സഞ്ചാരികളുടെ സുരക്ഷ ഉറപ്പാക്കുന്ന രീതിയിൽ ഉള്ള ക്രമീകരണങ്ങൾ വാഗമൺ പോലുള്ള എല്ലാ ടൂറിസ്റ്റ് മേഖലകളിൽ ചെയ്യുമെന്നും, ടൂറിസ്റ്റുകളോട് അപമര്യാദയായി പെരുമാറുന്നവരെ ശക്തമായ രീതിയിൽ ഉള്ള നിയമ നടപടികൾക്ക് വിധേയമാക്കുമെന്നും മിനിസ്റ്റർ കൂട്ടിച്ചേർത്തു..
ഈരാറ്റുപേട്ട: വാഗമണ്ണിൽ വിനോദയാത്രയ്ക്ക് പോയ ഈരാറ്റുപേട്ട സ്വദേശികളായ കുടുംബത്തെ ആക്രമിച്ച സംഭവത്തിൽ പ്രതികളെ സംരക്ഷിക്കുന്ന പോലീസ് നിലപാട് പ്രതിഷേധാർഹമാണെന്ന് എസ്.ഡി.പി.ഐ മുനിസിപ്പൽ കമ്മിറ്റി പ്രസിഡന്റ് സബീർ കുരുവിനാൽ. സംഭവം നടന്ന് ദിവസങ്ങൾ കഴിഞ്ഞിട്ടും പ്രതികളെ പോലിസ് അറസ്റ്റ് ചെയ്യാൻ തയ്യാറായിട്ടില്ല. ഭിന്നശേഷിക്കാരിയായ ബാലികയെയും കുട്ടികളെയും ഉൾപ്പെടെയാണ് ക്രൂരമായി മർദ്ദിച്ച സംഭവത്തിൽ പോലീസ് തുടരുന്ന നിസ്സംഗത നിയമവാഴ്ചയെ വെല്ലുവിളിക്കുന്നതാണ്. വിനോദ സഞ്ചാര മേഖലകളിലെ ക്രമസമാധാന പാലനം ഗുണ്ടകളെ എൽപ്പിച്ചിരിക്കുകയാണെന്ന് അദേഹം കുറ്റപ്പെടുത്തി. പ്രതികളെ ഉടൻ അറസ്റ്റ് ചെയ്യാത്തപക്ഷം അവരെ സംരക്ഷിക്കുന്ന പോലിസുകാർക്കെതിരേ നിയമ പോരാട്ടങ്ങളും പ്രതിഷേധങ്ങളും ശക്തമാക്കാൻ നിർബന്ധിതമാകുമെന്നും അദ്ദേഹം മുന്നറിയിപ്പ് നൽകി.
ഈരാറ്റുപേട്ട: ഭിന്നശേഷിക്കാരിയായ ബാലികയെ പോലും മർദനത്തിനു വിധേയമാക്കിയ, വാഗമൺ വിനോദ സഞ്ചാര കേന്ദ്രത്തെ തകർക്കാൻ തുനിഞ്ഞിറങ്ങിയിരിക്കുന്ന ഗുണ്ടാ സംഘത്തെ അറസ്റ്റുചെയ്യാൻ അടിയന്തിര നടപടി സ്വീകരിക്കണം. വിനോദ സഞ്ചാരികളെ ആക്രമിക്കുന്നതു തൊഴിലാക്കിയ ഒരു സംഘം സാമൂഹ്യ വിരുദ്ധർ വാഗമണ്ണിൽ അഴിഞ്ഞാടുന്നതു നിതൃ സംഭവമായി മാറിയിട്ടുണ്ട്.അന്താരാഷ്ട്ര ടൂറിസ്റ്റ് കേന്ദ്രമായ വാഗമൺ പ്രദേശത്ത് ക്രമസമാധാനം സംരക്ഷിക്കുന്നതിന് ഗുണ്ടാ നിയമം ഉപയോഗിക്കണം.വിസ്തൃതമായ ഈ വിനോദ സഞ്ചാര കേന്ദ്രത്തിൻ്റെ സംരക്ഷണത്തിന് പ്രത്യേക സേനയെ വിന്യസിക്കണം. മുഹമ്മദ് സക്കീർ ഈരാറ്റുപേട്ട കേരളാ മുസ്ലിം ജമാഅത്ത് ഫെഡറേഷൻ സംസ്ഥാന വർക്കിംഗ് പ്രസിഡൻ്റ്
അരുവിത്തുറ സെന്റ് ജോർജ് ഹയർ സെക്കൻഡറി സ്കൂളിൽ വർണാഭമായ പ്രവേശനോത്സവം നടത്തി. സ്കൂൾ മാനേജർ വെരി. റവ. ഫാ. മാത്യു ചന്ദ്രൻകുന്നേൽ ഉദ്ഘാടനം നിർവഹിച്ചു. വിദ്യാർത്ഥികൾക്ക് അറിവിന്റെയും മൂല്യങ്ങളുടെയും മികച്ച ഭാവി ഒരുക്കുന്നതിനായി അധ്യാപകരും രക്ഷിതാക്കളും ഒരുമിച്ച് പ്രവർത്തിക്കണമെന്ന് അദ്ദേഹം ഉദ്ഘാടന പ്രസംഗത്തിൽ പറഞ്ഞു. ഹെഡ്മാസ്റ്റർ ശ്രീ ജോബിൻ തോമസ് സ്വാഗതപ്രസംഗം നടത്തി. ഹയർ സെക്കൻഡറി സ്കൂൾ പ്രിൻസിപ്പൽ ശ്രീ സജി തോമസ്, വാർഡ് കൗൺസിലർ ശ്രീ ഷിയാസ് മുഹമ്മദ്, പി.ടി.എ പ്രസിഡന്റ് ശ്രീ തോമസ് പി. മാത്യു എന്നിവർ ആശംസകൾ നേർന്നു. വിദ്യാർത്ഥി പ്രതിനിധിയായി മാസ്റ്റർ അലൻ ആന്റണി സണ്ണി പ്രസംഗിച്ചു. നവാഗതരായ വിദ്യാർത്ഥികൾക്ക് സമ്മാനങ്ങൾ വിതരണം ചെയ്തു.
തിരുവനന്തപുരം: സംസ്ഥാനത്തെ സ്കൂൾ വിദ്യാർത്ഥിനികൾക്ക് മൂന്ന് ദിവസത്തെ അവധി പ്രഖ്യാപിച്ചു. വി ഡി സതീശൻ സർക്കാരിന്റെ ആദ്യ നയപ്രഖ്യാപനത്തിലാണ് ഇക്കാര്യം വ്യക്തമാക്കിയത്. ആർത്തവ അവധിയിലുള്ള വിദ്യാർത്ഥികൾക്ക് പ്രത്യേക അക്കാദമിക് പിന്തുണ ഉറപ്പുവരുത്തും. സാനിറ്ററി നാപ്കിനുകളുടെ ഉത്പാദനം വർദ്ധിപ്പിക്കുമെന്നും നയപ്രഖ്യാപന പ്രസംഗത്തിൽ വ്യക്തമാക്കി. ഗവർണറുടെ ആദ്യ നയപ്രഖ്യാപന പ്രസംഗത്തിൽ വമ്പൻ പ്രഖ്യാപനങ്ങളാണ് നടത്തിയത്. ആരോഗ്യമേഖലയ്ക്കും ഉന്നത വിദ്യാഭ്യാസ മേഖലയ്ക്കും ഊന്നല് നല്കിയാണ് നയപ്രഖ്യാപനം. നിലവിലെ ആരോഗ്യ മേഖലയിലെ സിസ്റ്റം മോശമാണെന്നും പുതിയ സര്ക്കാര് പൊതുജനാരോഗ്യം ശക്തിപ്പെടുത്തുമെന്നും ചെലവുകുറഞ്ഞ ചികില്സ ലഭ്യമാക്കുകയാണ് സര്ക്കാര് ലക്ഷ്യമെന്നും നയപ്രഖ്യാപനത്തില് ഗവര്ണര്. സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളെ മികവിന്റെ കേന്ദ്രങ്ങളാക്കുമെന്നും ശാസ്ത്ര അവബോധം കൂട്ടുന്നതിനായി നെഹ്റു ശാസ്ത്രകേന്ദ്രങ്ങള് തുടങ്ങും
