പ്രഷർ കുക്കർ ഉപയോഗിച്ച് ഭാര്യയുടെ തലയിൽ അടിച്ച് പരിക്കേൽപ്പിച്ച ഭർത്താവിനെ അറസ്റ്റ് ചെയ്തു. കടുവാമൂഴി കരോട്ട് പറമ്പിൽ അബ്ദുൽസലാം (70) ആണ് ഈരാറ്റുപേട്ട പോലീസ് അറസ്റ്റ് ചെയ്തത്. തലയ്ക്ക് ഗുരുതരമായി പരിക്കേറ്റ ഭാര്യ സെലീന (48) ഈരാറ്റുപേട്ടയിലെ സ്വകാര്യ ആശുപത്രിയിൽ ചികിത്സയിലാണ്. അബ്ദുൽ സലാമിൻ്റെ രണ്ടാം ഭാര്യയാണ് സെലീന. അബ്ദുൽ സലാമിനെ ഇന്ന് കോടതിയിൽ ഹാജരാക്കും
ഈരാറ്റുപേട്ട: കേരള ഖരമാലിന്യ മാനേജ്മെൻ്റ് പദ്ധതിയുടെ (KSWMP) ഐ.ഇ.സി പ്ലാനിൻ്റെ ഭാഗമായി ഈരാറ്റുപേട്ട നഗരസഭയിൽ ശാസ്ത്രീയ മാലിന്യ സംസ്കരണ സെമിനാർ സംഘടിപ്പിച്ചു. സംസ്ഥാന സർക്കാരിൻ്റെ 'മാലിന്യ മുക്തം നവകേരളം' പദ്ധതിയുടെ ഭാഗമായി നഗരസഭ നടപ്പിലാക്കുന്ന "ഈരാറിന് അഴകായി ഈരാറ്റുപേട്ട" എന്ന ക്യാമ്പയിൻ്റെ പ്രചരണാർത്ഥമാണ് പരിപാടി സംഘടിപ്പിച്ചത്. നടയ്ക്കൽ ബർക്കാത്ത് മിനി എസി ഓഡിറ്റോറിയത്തിൽ വെച്ചായിരുന്നു സെമിനാർ.നഗരസഭാ ചെയർമാൻ അഡ്വ. വി. പി. നാസർ സെമിനാർ ഉദ്ഘാടനം ചെയ്തു. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ റൈന ടീച്ചർ ചടങ്ങിൽ അധ്യക്ഷത വഹിച്ചു. സി. പി. ബാസിത്ത് ഏവർക്കും സ്വാഗതം ആശംസിച്ചു. മാലിന്യ മുക്തം നവകേരളം ക്യാമ്പയിൻ ജില്ലാ കോഡിനേറ്റർ ടി. പി. ശ്രീശങ്കർ പരിപാടിയിൽ മുഖ്യ പ്രഭാഷണം നടത്തി.പൊതുമരാമത്ത് സ്റ്റാൻ്റിഗ് കമ്മിറ്റി ചെയർപേഴ്സൺ തസ്ലിൻ സിറാജ്, ക്ഷേമകാര്യ സ്റ്റാൻ്റിഗ് കമ്മറ്റി ചെയർപേഴ്സൺ ഇൽമുന്നിസ ഷാഫി നഗരസഭാ കൗൺസിലർമാരായ സുനിൽകുമാർ, അൻവർ അലിയാർ, അഫ്സൽ വെള്ളൂപ്പറമ്പിൽ, അബ്സാർ മുരിക്കോലിൽ, ഇ. എ. സവാദ്, റാഷിദ്, ഷാഹുൽ, സുബൈർ വെള്ളാപ്പളളി, സുറുമി യൂസഫ്, നെസ്നി ഹസീബ്, ജസ്ന പി. എ., സജിമി ഷിഹാസ്, നസീറ വി. ഇ., ഷാജിദ വി. എ., ബീമാ സജീർ, സൗമി റാസി എന്നിവർ പരിപാടിയിൽ സംബന്ധിച്ചു. അഷ്റഫ് മൗലവി, വി. പി. സുബൈർ മൗലവി, ഇബ്രാഹിംകുട്ടി മൗലവി, റിയാസ് ഫലാഹി, മുഹമ്മദ് സാലി, എം. എഫ്. അബ്ദുൽഖാദർ, കെ. ജെ. കുര്യൻ,മുഹമ്മദ് യൂസഫ് റഷീദ് വടയാർ എന്നിവരും ചടങ്ങിൽ സംസാരിച്ചു.ബോബി ജേക്കബ് (Kswmp പ്രതിനിധി) സുലൈമാൻ (പരിസ്ഥിതി പ്രവർത്തകൻ) എന്നിവർ സെമിനാറിൽ പങ്കെടുത്തു ക്ലിൻ സിറ്റി മാനേജർ രാജൻ റ്റി പ്രതിജ്ഞ ചൊല്ലിക്കൊടുത്തു നഗരസഭാ സെക്രട്ടറി വിപിൻകുമാർ കെ.വി സെമിനാറിന് നന്ദി പറഞ്ഞു മാലിന്യങ്ങൾ ഉറവിടത്തിൽ തന്നെ സംസ്കരിക്കേണ്ടതിൻ്റെ ആവശ്യകതയെക്കുറിച്ചും ശാസ്ത്രീയമായ സംസ്കരണ രീതികളെക്കുറിച്ചും പൊതുജനങ്ങളിൽ അവബോധം സൃഷ്ടിക്കാൻ ലക്ഷ്യമിട്ട് നടത്തിയ സെമിനാറിൽ ഈരാറ്റുപേട്ടയിലെ വിവിധ മഹല്ല്, ചർച്ച്, ക്ഷേത്ര ഭാരവാഹികളും പുരോഹിതന്മാരും സജീവമായി പങ്കെടുത്തു. വരും ദിവസങ്ങളിൽ ക്യാമ്പയിൻ്റെ ഭാഗമായുള്ള പ്രവർത്തനങ്ങൾ നഗരസഭയിലെ എല്ലാ വാർഡുകളിലും ഊർജ്ജിതമാക്കുമെന്ന് അധികൃതർ അറിയിച്ചു.
അരുവിത്തുറ : ചരിത്രപ്രസിദ്ധമായ അരുവിത്തുറ തിരുനാളിന് ഇന്ന് കൊടിയേറും. ഇന്ന് വൈകിട്ട് 4:00 pm ന് പരി. കുർബാന ( ചങ്ങനാശ്ശേരി അതിരൂപത മെത്രാപ്പോലീത്ത മാർ. തോമസ് തറയിൽ മുഖ്യ കാർമികത്വം വഹിക്കും.റവ.ഫാ. ജിജോ പ്ലാത്തോട്ടം, റവ.ഫാ. തോമസ് കൊച്ചോടയ്ക്കൽ സഹ കാർമികരാകും). 5.40pm ന് തിരുനാൾ കൊടിയേറ്റ് (വെരി.റവ.ഫാ.മാത്യു ചന്ദ്രൻകുന്നേൽ) തുടർന്ന് 6 മണിക്ക് പുറത്തുനമസ്കാരം (വെരി.റവ.ഫാ.ക്ലമന്റ് എട്ടാനിയിൽ ) അതിനുശേഷം 101 പൊൻകുരിശു മേന്തിയുള്ള ഭക്തിനിർഭരമായ നഗരപ്രദക്ഷിണം. 23 -ാം തീയതി (വ്യാഴാഴ്ച) രാവിലെ 9: 30 ന് വി. ഗീവർഗീസിന്റെ തിരുസ്വരൂപം പരസ്യവണക്കത്തിന് പ്രതിഷ്ഠിക്കുന്നു. 10 :00am ന് സുറിയാനി കുർബാന (മുഖ്യകാർമ്മികൻ പാലാ രൂപതാ അധ്യക്ഷൻ മാർ.ജോസഫ് കല്ലറങ്ങാട്ട് പിതാവ്). വൈകുന്നേരം 6:30ന് ആഘോഷമായ തിരുനാൾ പ്രദക്ഷിണം. 24 -ാം തീയതി (വെള്ളിയാഴ്ച) പ്രധാന തിരുനാൾ ദിനം. രാവിലെ 10:00 മണിക്ക് റാസാ കുർബാന. സീറോ മലബാർ മേജർ ആർച്ച് ബിഷപ്പ് മാർ. റാഫേൽ തട്ടിൽ പിതാവ് മുഖ്യ കാർമ്മികനായിരിക്കും. വി. കുർബാനയ്ക്കു ശേഷം 12: 30 ന് തിരുനാൾ പ്രദക്ഷിണം. 25 -ാം തീയതി (ശനിയാഴ്ച) ഇടവകക്കാരുടെ തിരുനാൾ ദിവസമാണ്. വൈകുന്നേരം 4: 30ന് കോതമംഗലം രൂപതാ അധ്യക്ഷൻ മാർ. ജോർജ് മഠത്തികണ്ടത്തിൽ പരി. കുർബാനയർപ്പിച്ച് സന്ദേശം നൽകും. തുടർന്ന് 7 pm ന് തിരുസ്വരൂപ പുനപ്രതിഷ്ഠ. 24, 25 തീയതികളിൽ തിരുകർമ്മങ്ങൾക്ക് ശേഷം മ്യൂസിക്കൽ പ്രോഗ്രാം ഉണ്ടായിരിക്കുന്നതാണ്.
ഈരാറ്റുപേട്ട :2026-27 കാലയളവിലേക്കുള്ള ടീം നന്മക്കൂട്ടം ഭാരവാഹികളെ മൂന്നിലവ് പഴുക്കാകനത്ത് നടന്ന വാര്ഷിക പൊതുയോഗത്തില് തിരഞ്ഞെടുത്തു. പ്രസിഡന്റ് ഷാജി കെകെപി, സെക്രട്ടറി എബിന് ഉണ്ണി, ട്രഷറര് ഷാഹുല് കെപി, വൈസ് പ്രസിഡന്റുമാരായി അന്സാര് നാകുന്നത്ത്, നദീര് ആശാന്സ്, ജോയിന്റ് സെക്രട്ടറിമാരായി ജലീല് കെകെപി, നെജീബ് പിപി, ജോയിന്റ് ട്രഷററായി അഫ്സല് വി എം കമ്മിറ്റി അംഗങ്ങളായി ഫൈസല് ടിഎ, റമീസ് ബഷീര്, അജ്മല് എസ്എസ്, മുഹമ്മദ് ഷാഫി വിഎഫ്, അനസ് പുളിക്കീല്, ഷിഹാബ് പാറയില്, നിസാര് ആലുംതുറ, ഫൈസല് പാറേക്കാട്ടില്, തന്സീര് സുനീര്, അഫ്സല് സ്പെക്ട്രം എന്നിവരെയും തിരഞ്ഞെടുത്തു. വാര്ഷിക പൊതുയോഗത്തില് പ്രസിഡന്റ് അന്സാര് നാകുന്നത്ത് അധ്യക്ഷത വഹിച്ചു, രക്ഷാധികാരി അബ്ദുല് ഗഫൂര് ഉദ്ഘാടനം നിര്വഹിച്ചു. സെക്രട്ടറി ഫൈസല് ടിഎ റിപ്പോര്ട്ടും ട്രഷറര് ഫൈസല് പാറേക്കാട്ടില് വരവ് ചിലവ് കണക്കുകളും അനസ് പുളിക്കീല് സ്വാഗതവും സ്വീമ്മിംഗ് അക്കാദമിക് ചെയര്മാനും നന്മക്കൂട്ടം രക്ഷാധികാരിയുമായ അബ്ദുല് കലാം ആസാദ് മോട്ടിവേഷന് ക്ലാസ്സും നല്കി. രക്ഷാധികാരികള് തിരഞ്ഞെടുപ്പ് നിയന്ത്രിച്ചു. കഴിഞ്ഞ വര്ഷം കൂടുതല് പ്രവര്ത്തനങ്ങളില് പങ്കാളികളായവര്ക്ക് പ്രസിഡന്റ് സ്നേഹോപകാരവും നല്കി. പ്രോഗ്രാം കോര്ഡിനേറ്റര് ജലീല് കെകെപി, അജ്മല് എസ്എസ്, റമീസ് ബഷീര്, ഷാജി കെകെപി, നദീര് ആശാന്സ്, തന്സീര് സുനീര്, ഷാഹുല്, കെപി, എബിന് ഉണ്ണി, നൈസല് തേക്കേക്കര, ഷറഫുദ്ദീന്, നിസാര് ആലുംതറ, ഷിഹാബ് തിക്കോയി തുടങ്ങിയര് സംസാരിച്ചു.
ഈരാറ്റുപേട്ട :ടീം റെസ്ക്യൂ ഫോഴ്സ് കേരളയുടെ 2026-27 കാലയളവിലേക്കുള്ള പുതിയ ഭാരവാഹികളെ തിരഞ്ഞെടുത്തു. ഈരാറ്റുപേട്ട പൊന്തനാൽ മിനി ഓഡിറ്റോറിയത്തിൽ നടന്ന വാർഷിക പൊതുയോഗത്തിലാണ് പുതിയ കമ്മിറ്റിയെ പ്രഖ്യാപിച്ചത്. പി.എം. അബ്ദുൽ ഖാദർ, ഡിജോ സെബാസ്റ്റ്യൻ എന്നിവർ രക്ഷാധികാരികളാണ്. നൗഷാദ് വി.എം - പ്രസിഡന്റ്, ആരിഫ് വി.ബി -ജനറൽ സെക്രട്ടറി, മുഹമ്മദ് യാസിർ -ട്രഷറർ, ജോർജുകുട്ടി - വൈസ് പ്രസിഡന്റ്, നിയാസ് എ.ബി - ജോയിന്റ് സെക്രട്ടറി എന്നിവരാണ് ഭാരവാഹികൾ. ജീവകാരുണ്യ സന്നദ്ധ സേവന പ്രവർത്തനങ്ങളിലും ദുരന്തനിവാരണ രംഗത്തും കേരളത്തിലുടനീളം സജീവമായ ഇടപെടലുകൾ നടത്തുന്ന സന്നദ്ധ സംഘടനയാണ് ടീം റെസ്ക്യൂ ഫോഴ്സ് കേരള. കൂടുതൽ നൂതനമായ പരിശീലന പരിപാടികളും സേവന പ്രവർത്തനങ്ങളും വ്യാപിപ്പിക്കാൻ പുതിയ കമ്മിറ്റി ലക്ഷ്യമിടുന്നതായി ഭാരവാഹികൾ അറിയിച്ചു.
കോട്ടയം വിസ്ഡം ഇസ്ലാമിക് യൂത്ത് ഓർഗനൈസേഷന്റെ ആഭിമുഖ്യത്തിൽ സംഘടിപ്പിക്കുന്ന ഡയലോഗ് 12.0 മെയ് 14 ന് ഈരാറ്റുപേട്ടയിൽ നടക്കും. വ്യത്യസ്ത വിഷയങ്ങളിൽ വിവിധ ജില്ലകളിൽ നടന്ന ഡയലോഗുകൾക്ക് ശേഷമാണ് പന്ത്രണ്ടാമത് ഡയലോഗിന് ജില്ല ആതിഥ്യമരുളുന്നത്. മെയ് 14 ന് വൈകിട്ട് നാലിന് ഈരാറ്റുപേട്ട പിടിഎംഎസ് ഓഡിറ്റോറിയത്തിലാണ് പരിപാടി. ഡയലോഗിന് മുന്നോടിയായി നടത്തപ്പെടുന്ന പ്രചാരണ പ്രവർത്തനങ്ങളുടെ ഭാഗമായി കോട്ടയം, കാഞ്ഞിരിപ്പള്ളി, ഈരാറ്റുപേട്ട മണ്ഡലങ്ങൾ കേന്ദ്രീകരിച്ച് യൂത്ത്, സ്റ്റുഡൻ്റ്സ്, ഗേൾസ് & വിമൻസ് വിഭാഗങ്ങളുടെ നേതൃത്വത്തിൽ കൺവൻഷനുകൾ, ഡോർ ടു ഡോർ, സന്ദേശ പ്രയാണയാത്ര, പ്രീ കോൺഫറൻസ് മീറ്റുകൾ എന്നിവ സംഘടിപ്പിക്കും. ഏപ്രിൽ 10 ന് ഈരാറ്റുപേട്ട മസ്ജിദുൽ ഇസ്ലാമിൽ സംഘടിപ്പിച്ച പ്രഖ്യാപന സമ്മേളനം വിസ്ഡം ഇസ്ലാമിക് യൂത്ത് ഓർഗനൈസേഷൻ സംസ്ഥാന പ്രസിഡൻറ് ടി കെ നിഷാദ് സലഫി ഉദ്ഘാടനം ചെയ്തു. വിസ്ഡം സ്റ്റുഡൻ്റ്സ് സംസ്ഥാന പ്രസിഡണ്ട് അർഷദ് അൽ ഹിക്കമി ആമുഖ പ്രഭാഷണം നടത്തി. വിസ്ഡം ഇസ്ലാമിക് ഓർഗനൈസേഷൻ ജില്ലാ പ്രസിഡൻ്റ് നൗഷാദ് കെ എം അധ്യക്ഷനായി. വിസ്ഡം ഇസ്ലാമിക് ഓർഗനൈസേഷൻ ജില്ലാ സെക്രട്ടറി ഷമീൽ എൻ എ, യൂത്ത് ഓർഗനൈസേഷൻ ജില്ലാ സെക്രട്ടറി സിയാദ് പി ഇ എന്നിവർ സംസാരിച്ചു.
ഈരാറ്റുപേട്ട: തന്നെ പാർട്ടിയുടെ പ്രാഥമിക അംഗത്വത്തിൽ നിന്നും നീക്കണമെന്നാവശ്യപ്പെട്ട് പി.ഡി.പി കോട്ടയം ജില്ലാ കമ്മറ്റി പാർട്ടി ചെയർമാനോടും സംസ്ഥാന നേതൃത്വത്തിനോടും ആവശ്യപ്പെട്ടത് തീർത്തും അപഹാസ്യമാണെന്ന് പി.ഡി.പിയുടെ വിദ്യാർഥി യുവജന വിഭാഗമായ ISF ൻ്റെ മുൻ സംസ്ഥാന വർക്കിംങ് പ്രസിഡൻ്റ് മാഹിൻ തേവരുപാറ താൻ പാർട്ടിയിൽനിന്ന് രാജിവെക്കുകയാണെന്ന് ദിവസങ്ങൾക്കു മുമ്പ് തന്നെ സോഷ്യൽ മീഡിയയിലൂടെ പ്രഖ്യാപിച്ചിട്ടുള്ളതാണ്. ഇതേക്കുറിച്ചുള്ള കൂടുതൽ വിവരങ്ങൾ പത്രസമ്മേളനം നടത്തി അറിയിക്കുമെന്നും മാഹിൻ തേവരുപാറ ഇ ന്യൂസിനോട് പറഞ്ഞു.
ഈരാറ്റുപേട്ട: പി.ഡി.പിയുടെ വിദ്യാർഥി സംഘടനയുടെ മുൻ നേതാവായിരുന്ന മാഹിൻ തേവരുപാറയെ പാർട്ടിയുടെ പ്രാഥമിക അംഗത്വത്തിൽ നിന്നും നീക്കണമെന്നാവശ്യപ്പെട്ട് പി.ഡി.പി കോട്ടയം ജില്ലാ കമ്മറ്റി പാർട്ടി ചെയർമാനോടും സംസ്ഥാന നേതൃതത്തിനോടും ആവശ്യപ്പെട്ടതായി ജില്ലാ പ്രസിഡന്റ് നിഷാദ് നടക്കൽ. കഴിഞ്ഞ കുറേ നാളുകളായി സോഷ്യൽ മീഡിയ പ്ലാറ്റ്ഫോമിലൂടെയും മറ്റും നിരന്തരം പാർട്ടിയെയും പാർട്ടി ജില്ലാ, മണ്ഡലം നേതാക്കളെയും ആക്ഷേപിക്കുകയും രാഷ്ട്രീയ പ്രതിയോഗികളുടെ മുൻപിൽ നേതാക്കളെയും പ്രവർത്തകരെയും സംശയനിഴലിൽ നിർത്തുകയും ചെയ്യുന്ന നടപടിയാണ് മാഹിൻ ചെയ്തുകൊണ്ടിരിക്കുന്നതെന്ന് നിഷാദ് നടക്കൽ പറഞ്ഞു.
