ഈരാറ്റുപേട്ട: പൂഞ്ഞാർ സെന്റ് ആന്റണീസ് സ്കൂളിൽ നടന്ന സബ്ജില്ലാതല അറബി കലോത്സവത്തിൽ ഓവറോൾ ചാമ്പ്യന്മാരായി കടുവാമുഴി പി.എം.എസ്.എ.പി.ടി.എം എൽ.പി സ്കൂൾ വിദ്യാർത്ഥികൾ സിനിമാതാരം മീനാക്ഷിയിൽ നിന്ന് ഓവറോൾ ട്രോഫി ഏറ്റുവാങ്ങുന്നു. കലോത്സവത്തിൽ മികച്ച വിജയം കൈവരിച്ച വിദ്യാർത്ഥികളെയും - അധ്യാപകരെയും പി.ടി.എ കമ്മറ്റിയും രക്ഷകർത്താക്കളും പ്രദേശവാസികളും ചേർന്ന് അഭിനന്ദിച്ചു
അരുവിത്തുറ : 2025-26അധ്യായന വർഷത്തെ മഹാത്മാഗാന്ധി സർവ്വകലാശാല വനിത വോളിബോൾ ചാമ്പ്യൻഷിപ്പിലെ ഇന്റർ സോൺ- സൂപ്പർ ലീഗ് മത്സരങ്ങൾ അരുവിത്തുറ സെന്റ്. ജോർജ്സ് കോളേജ് ഇൻഡോർ സ്റ്റേഡിയത്തിൽ 2025 നവംബർ 8,9 തീയതികളിൽ നടക്കും.അസംഷൻ കോളേജ് ചങ്ങനാശ്ശേരി, കാത്തോലിക്കേറ്റ് കോളേജ് പത്തനംതിട്ട, അൽഫോൻസ കോളേജ് പാലാ, സെന്റ്. സേവിയേഴ്സ് കോളേജ് ആലുവ എന്നീ നാല് ടീമുകളാണ് ഇന്റർസോൺ സൂപ്പർ ലീഗ് മത്സരങ്ങളിൽ മാറ്റുരയ്ക്കുന്നത്.
എസ്ഐആറിന്റെ ഭാഗമായി ബിഎല്ഒമാര് വീടുകളിലെത്തി എന്യുമറേഷന് ഫോമുകള് നല്കി തുടങ്ങി. 2025ലെ വോട്ടര് പട്ടികയിലെ വോട്ടറുടെ ഫോട്ടോ പതിപ്പിച്ച വിവരങ്ങളാണ് ഫോമിലുള്ളത്. ഓരോ കോളത്തിലും വിവരങ്ങള് നല്കണം. ഇത് കിട്ടിയവര് എങ്ങനെ പൂരിപ്പിക്കണമെന്നറിയാതെ ആശങ്കയിലാണ്. 2025ലെ വോട്ടര് പട്ടികയിലുള്ള പലര്ക്കും ഇത് വരെ ഫോറം കിട്ടാത്തവരുണ്ട്. 2002ലെ വോട്ടര് പട്ടികയില് പേരുണ്ടോ എന്നറിയാനും പലരും തിരക്ക് കൂട്ടുകയാണ്. ഫോമില് എന്തൊക്കെ വിവരങ്ങള് നല്കണം? ഒന്നാമത്തേത് വോട്ടറുടെ ജനന തീയ്യതി, ആധാര് നമ്പര്, മൊബൈല് നമ്പര്, മാതാപിതാക്കളുടെയുടെയും പങ്കാളിയുടെയും പേരുകളും വോട്ടര് ഐഡി നമ്പറുമാണ്.രണ്ടാമത്തേതില് വോട്ടറുടെ 2002ലെ വിവരങ്ങളാണ് എഴുതേണ്ടത്. വോട്ടറുടെ പേര്, ബന്ധുവിന്റെ പേര്, 2002ലെ സംസ്ഥാനം, ജില്ല, നിയമസഭാ മണ്ഡലത്തിന്റെ പേര്, നമ്പര്, ബൂത്ത് നമ്പര്, ക്രമ നമ്പര് എന്നിവ ചേര്ക്കണം. ഇതില് മൂന്നാമത്തെ കോളത്തിലാണ് 2002ലെ ലിസ്റ്റില് ഉള്പ്പെടാത്ത 2025ലെ വോട്ടറുടെ ബന്ധുവിന്റെ വിവരങ്ങള് ചേര്ക്കേണ്ടത്. ഇതില് 2002ലെ വോട്ടറുടെ ബന്ധുവിന്റെ വിവരങ്ങളാണ് ചേര്ക്കുന്നത്. ഈ കോളത്തിലും ആശയക്കുഴപ്പമുണ്ട്. വോട്ടറുടെ പേര്, ബന്ധുവിന്റെ പേര്, ബന്ധം എന്നിവ ഇതിലും ചോദിക്കുന്നുണ്ട്.2002ലെ വിവരങ്ങള് വോട്ടറുമായി ഒത്ത് വന്നില്ലെങ്കില് ജനന സര്ട്ടിഫിക്കറ്റ് അടക്കം ഹാജരാക്കേണ്ടി വരും.
കോട്ടയം: സാക്ഷരതാ മിഷന്റെ ആഭിമുഖ്യത്തിൽ നടത്തുന്ന പത്താം ക്ലാസ് തുല്യതാ പരീക്ഷ നവംബർ എട്ടിന്(ശനിയാഴ്ച) ആരംഭിക്കും. ജില്ലയിൽ 19 വയസ്സ് മുതൽ 73 വയസ്സ് വരെയുള്ള 237 പഠിതാക്കളാണ് പരീക്ഷ എഴുതുന്നതെന്ന് സാക്ഷരതാമിഷൻ ജില്ലാ കോ-ഓർഡിനേറ്റർ ഡോ. വി.വി. മാത്യു അറിയിച്ചു. 52 പുരുഷൻമാരും 185 സ്ത്രീകളുമാണ് പരീക്ഷ എഴുതുന്നത്. നവംബർ എട്ട്, ഒൻപത്, 16, 17, 18 തീയതികളിലാണ് പരീക്ഷ. കടുത്തുരുത്തി ഗവൺമെന്റ് വൊക്കേഷണൽ ഹയർസെക്കൻഡറി സ്കൂളിൽ പരീക്ഷ എഴുതുന്ന 73 വയസ്സുള്ള പി.എം. മാത്യുവാണ് ജില്ലയിലെ ഏറ്റവും പ്രായം കൂടിയ പഠിതാവ്.കോട്ടയം ഗവൺമെന്റ് മോഡൽ ഹൈസ്കൂൾ, ചങ്ങനാശ്ശേരി ഗവൺമെന്റ് മോഡൽ ഹൈസ്കൂൾ, പാലാ മഹാത്മാഗാന്ധി ഗവൺമെന്റ് ഹയർസെക്കൻഡറി സ്കൂൾ, പാറത്തോട് ഗ്രേസി മെമ്മോറിയൽ ഹൈസ്കൂൾ എന്നിവയാണ് മറ്റു പരീക്ഷാ കേന്ദ്രങ്ങൾ.
ഈരാറ്റുപേട്ട: എംഎൽഎ ആസ്തി വികസന ഫണ്ടിൽ നിന്നും 11 ലക്ഷം രൂപ വിനിയോഗിച്ച് കോൺക്രീറ്റിംഗ് നടത്തി ഗതാഗതയോഗ്യമാക്കിയ തീക്കോയി ഗ്രാമപഞ്ചായത്ത് 3-)o വാർഡിലെ ആച്ചൂകാവ്- ഊട്ടുകുളം റോഡ് അഡ്വ. സെബാസ്റ്റ്യൻ കുളത്തുങ്കൽ എംഎൽഎ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് കെ.സി ജെയിംസ് അധ്യക്ഷത വഹിച്ചു. വാർഡ് മെമ്പർ സിബി രഘുനാഥൻ, ഗ്രാമപഞ്ചായത്ത് അംഗം അമ്മിണി തോമസ്, വിവിധ രാഷ്ട്രീയകക്ഷി നേതാക്കന്മാരായ സാജു പുല്ലാട്ട്, ഇ.ഡി രമണൻ, ബാലകൃഷ്ണൻ തെക്കേടത്ത്, ജോസുകുട്ടി കല്ലൂർ, ലിജോ, ഇടയ്ക്കാട്ട് ,ഡേവിസ് പാമ്പ്ലാനി, ജിലു സജി, തുടങ്ങിയവർ പ്രസംഗിച്ചു. ഊട്ടുകുളം ഭാഗത്തെ അൻപതോളം കുടുംബങ്ങളുടെ ഏക ഗതാഗത മാർഗമായ ഈ റോഡ് യാത്രായോഗ്യമല്ലാതിരുന്നത് മൂലം പ്രദേശവാസികൾ ഏറെ ദുരിതത്തിലായിരുന്നു. വിദ്യാർത്ഥികളും പ്രായമായവരും തൊഴിലാളികളും ഉൾപ്പെടെ പ്രദേശവാസികൾ ഏറെ ബുദ്ധിമുട്ട് അനുഭവിച്ചിരുന്നു. മഴക്കാലത്തും മറ്റും ഒരു നിലയിലും യാത്ര ചെയ്യാൻ കഴിയാത്ത വിധം റോഡ് ദുരിത പൂർണമായിരുന്നു. ഈ സാഹചര്യത്തിൽ വാർഡ് മെമ്പർ സിബി രഘുനാഥന്റെ നേതൃത്വത്തിൽ പ്രദേശവാസികൾ എംഎൽഎയ്ക്ക് നൽകിയ നിവേദനം തുടർന്നാണ് ഫണ്ട് അനുവദിച്ചത്.
ഈരാറ്റുപേട്ട ; നടയ്ക്കൽ കുഴിവേലി മഴവിൽ റസിഡൻ്റ്സ് അസോസിയേഷൻ കുടുംബ സംഗമം 2025 വിപുലമായ പരിപാടികളോടെ നടന്നു .ആൻ്റോ ആൻ്റണി എം.പി സംഗമം ഉദ്ഘാടനം ചെയ്തു . മഴവിൽ പ്രസിഡൻ്റ് പി.എം മുഹമ്മദ് ആരിഫ് അദ്ധ്യക്ഷനായിരുന്നു .അഡ്വ. സെബാസ്റ്റ്യൻ കുളത്തുങ്കൽ എം എൽ എ മുഖ്യ പ്രഭാഷണം നടത്തി നഗരസഭ ചെയർപേഴ്സൺ സുഹ്റ അബ്ദുൽ ഖാദർ അനുഗ്രഹ പ്രഭാഷണം നടത്തി .മാധ്യമ പ്രവർത്തകൻ ഷിഹാസ് അന്തു കലാ സന്ധ്യ ഉദ്ഘാടനം ചെയ്തു . വി.ടി.ഹബീബ് ,താഹാ പാറയിൽ ,മുഹമ്മദ് അസ് ലം , റിയാസ് റഷീദ് ,കെ.കെ.മുഹമ്മദ് സാദിക് , ഹബീബ് കപ്പിത്താൻ ,റൂബിന നാസർ , റസീന അബ്ദുൽ കരീം , ,ആദില ഹബീബ്എന്നിവർ സംസാരിച്ചു ക്യാൻസർ പ്രതിരോധ മാർഗങ്ങളെ കുറിച്ച് കൊല്ലം ട്രാവൻകുർ മെഡിക്കൽ കോളേജ് ഓങ്കോളജി വിഭാഗം ഡയറക്ടർ ഡോ.സമീർ സലാഹുദ്ദീൻ ക്ളാസ് നയിച്ചു .600 അംഗങ്ങൾ പങ്കെടുത്ത സംഗമത്തിൽ വിവിധ കലാപരിപാടികൾ ,മത്സരങ്ങൾ എന്നിവ അരങ്ങേറി
ഈരാറ്റുപേട്ട- കുറവിലങ്ങാട് വെച്ചു നടന്ന കോട്ടയം റവന്യൂ ജില്ലാ ശാസ്ത്ര ഗണിത ശാസ്ത്ര ഐടി പ്രവൃത്തിപരിചയ മേളയിൽ ഹയർ സെക്കണ്ടറി വിഭാഗത്തിൽ ഗണിത ശാസ്ത്ര വിഭാഗത്തിലും പ്രവൃത്തിപരിചയ മേളയിലും ഒന്നാംസ്ഥാനവും ഐ ടിമേളയിൽ രണ്ടാം സ്ഥാനവും ഈരാറ്റുപേട്ട മുസ്ലിം ഗേൾസ് ഹയർ സെക്കണ്ടറി സ്കൂൾ കരസ്ഥമാക്കി. ആകെ 454 പോയിന്റ് നേടിയാണ് സ്കൂൾ ഓവറോൾ നിലനിർത്തിയത്. സ്കൂളിനെ ബെസ്റ്റ് സ്കൂളായും ഈ വർഷം തെരഞ്ഞെടുത്തു.
കോട്ടയം: പ്രത്യേക തീവ്ര വോട്ടർ പട്ടിക പുതുക്കലിന്(എസ്.ഐ.ആർ) കോട്ടയം ജില്ലയിൽ തുടക്കം. വോട്ടർപട്ടിക പരിഷ്കരിക്കുന്നതിന്റെ ഭാഗമായി ജില്ലയിലെ 1564 ബൂത്തുകളിലും ബി.എൽ.ഒമാർ വോട്ടർമാരുടെ വീടുകളിലെത്തി എന്യൂമറേഷൻ ഫോം വിതരണം ചെയ്തു തുടങ്ങി. ജില്ലയിലെ ഏറ്റവും മുതിർന്ന വോട്ടറായ 108 വയസ് പിന്നിട്ട മീനടം മാളിയേക്കൽ ശോശാമ്മ കുര്യന് വീട്ടിലെത്തി ഫോം വിതരണം ചെയ്ത് ജില്ലാ കളക്ടർ ചേതൻകുമാർ മീണ നടപടികൾക്ക് തുടക്കം കുറിച്ചു. ശോശാമ്മയുടെ മകൾ 90 വയസ് പിന്നിട്ട എം.കെ. ഏലിയാമ്മയ്ക്കും കളക്ടർ ഫോം കൈമാറി.മുതിർന്ന വോട്ടർ കൂടിയായ സുപ്രീം കോടതി മുൻ ജഡ്ജി ജസ്റ്റിസ് കെ.ടി. തോമസിനെയും വീട്ടിൽ സന്ദർശിച്ച് ജില്ലാ കളക്ടർ എന്യൂമറേഷൻ ഫോം നൽകി. ഭിന്നശേഷിക്കാരനായ തിരുനക്കര സ്വദേശി വടക്കേടത്തു വാര്യത്ത് ഉണ്ണികൃഷ്ണൻ, കാരാപ്പുഴ മാളികപ്പീടികയിലെ 97 വയസ് പിന്നിട്ട ചെല്ലപ്പൻ, ഭാര്യ ജാനകി, മാളികപ്പീടികയിലെ 90 വയസുള്ള മണിയമ്മ, പനച്ചിക്കാട് മലവേടൻ കോളനിയിലെ ചെല്ലമ്മ എന്നിവരുടെ വീടുകളിലും ഫോം നൽകുന്നതിനായി കളക്ടറെത്തി. ഫോം വിതരണത്തിനും പൂരിപ്പിച്ച ഫോമുകൾ ശേഖരിക്കുന്നതിനുമായി നവംബർ നാലു മുതൽ ഡിസംബർ നാലുവരെയാണ് ബി.എൽ.ഒമാർ ഭവനസന്ദർശനം നടത്തുന്നത്. ഈ വർഷം വോട്ടർപട്ടികയിൽ ഉണ്ടായിരുന്ന എല്ലാവർക്കും എന്യൂമറേഷൻ ഫോം നൽകും. ബി.എൽ.ഒമാർ നൽകുന്ന രണ്ട് ഫോമുകളും പൂരിപ്പിച്ച് നൽകണം. ഒരു കളർ ഫോട്ടോയും(നിർബന്ധമല്ല) ഫോമിൽ പതിക്കാം. ഫോം പൂരിപ്പിക്കാൻ ബി.എൽ.ഒമാരുടെ സഹായം തേടാം. ഓൺലൈനായും ഫോം പൂരിപ്പിക്കാനാകും. കൂടുതൽ വിവരങ്ങൾക്ക് 1950 എന്ന ടോൾ ഫ്രീ നമ്പരിലോ ജില്ലയിലെ ഹെൽപ് ഡെസ്കിലോ ബന്ധപ്പെടാം. കോട്ടയം കളക്ട്രേറ്റിലെ ഹെൽപ് ഡെസ്ക് നമ്പർ: 0481 256008
