E News

പ്രാദേശികം

പൂഞ്ഞാർ നിയോജക മണ്ഡലത്തിൻ്റെ സ്വപ്‌ന സാഫല്യമായി തീക്കോയി ഗവൺമെന്റ് ടെക്നിക്കൽ ഹൈസ്‌കൂളിൻ്റെ പുതിയ കെട്ടിടം : ഉദ്ഘാടനം 29 ന് മന്ത്രി ഡോ. ആർ ബിന്ദു നിർവഹിക്കും.

enews 26 May,2025

ഈരാറ്റുപേട്ട : കഴിഞ്ഞ 40 വർഷമായി വാടക കെട്ടിടത്തിൽ പരിമിതമായ സാഹചര്യത്തിൽ പ്രവർത്തിച്ചിരുന്ന തീക്കോയി ഗവ. ടെക്നിക്കൽ ഹൈസ്കൂളിന് സാങ്കേതിക വിദ്യാഭ്യാസ വകുപ്പ് മുഖേന ഏഴരക്കോടി രൂപയും , അഡ്വ. സെബാസ്റ്റ്യൻ കുളത്തുങ്കൽ എംഎൽഎ യുടെ ആസ്തി വികസന ഫണ്ടിൽ നിന്നും ഒരു കോടി രൂപയും ഉൾപ്പെടെ ആകെ എട്ടരക്കോടി രൂപ വിനിയോഗിച്ച് പുതിയ കെട്ടിട നിർമ്മാണം പൂർത്തീകരിച്ചു. നിർമ്മാണം പൂർത്തീകരിച്ച കെട്ടിടത്തിന്റെ ഉദ്ഘാടനം 29ന് ഉച്ചകഴിഞ്ഞ് രണ്ടുമണിക്ക് ഉന്നത വിദ്യാഭ്യാസ- സാങ്കേതിക വിദ്യാഭ്യാസ വകുപ്പ് മന്ത്രി ഡോ.ആർ. ബിന്ദു നിർവഹിക്കും. യോഗത്തിൽ അഡ്വ.സെബാസ്റ്റ്യൻ കുളത്തുങ്കൽ എംഎൽഎ അധ്യക്ഷത വഹിക്കും. ആൻ്റോ ആൻ്റണി എം.പി മുഖ്യപ്രഭാഷണം നടത്തും. സാങ്കേതിക വിദ്യാഭ്യാസ വകുപ്പ് ഡയറക്ടർ ഡോ. ഷാലിജ് പി.ആർ സ്വാഗതം ആശംസിക്കും. എക്സിക്യൂട്ടീവ് എൻജിനീയർ പി ശ്രീലേഖ റിപ്പോർട്ട് അവതരിപ്പിക്കും. ഈരാറ്റുപേട്ട നഗരസഭ ചെയർപേഴ്സൺ സുഹറ അബ്ദുൽഖാദർ, തീക്കോയി ഗ്രാമപഞ്ചായത്ത് പ്രസിഡന്റ് കെ.സി ജെയിംസ്, നഗരസഭ വൈസ് ചെയർമാൻ അൻസർ പുള്ളോലിൽ, തീക്കോയി ഗ്രാമപഞ്ചായത്ത് വൈസ് പ്രസിഡന്റ് രാജി തോമസ് മറ്റ് ജനപ്രതിനിധികളായ സുഹാന ജിയാസ്, ഷഫ്ന അമീൻ, ഫാസില അബ്‌സാർ, പി.എം അബ്ദുൽ ഖാദർ, ഫസീൽ റഷീദ്, ജയറാണി തോമസുകുട്ടി , ബിനോയ് ജോസഫ് , മോഹനൻ കുട്ടപ്പൻ , നസീറ സുബൈർ, അമ്മിണി തോമസ്, വിവിധ രാഷ്ട്രീയകക്ഷി നേതാക്കന്മാരായ ജോയി ജോർജ് , അനസ് നാസർ, എം.ജി ശേഖരൻ, അഡ്വ. സാജൻ കുന്നത്ത്, കെ.എ മുഹമ്മദ് ഹാഷിം, മജു പുളിക്കൽ, റഫീഖ് പട്ടരുപറമ്പിൽ, റഷീദ് താന്നിമൂട്ടിൽ, ഉണ്ണിക്കുഞ്ഞ് ജോർജ്, വി.ജെ മാത്തുക്കുട്ടി, പിടിഎ പ്രസിഡന്റ് ഷംനാസ് പി എച്ച്, ഉദ്യോഗസ്ഥരായ അനി എബ്രഹാം , ആർ രാജേഷ്, ദാമോദരൻ കെ. തുടങ്ങിയവർ പ്രസംഗിക്കും. സ്മാർട്ട് ക്ലാസ് റൂമുകൾ, പ്രാക്റ്റികൽ ലാബുകൾ, വർക്ക്ഷോപ്പുകൾ എന്നിവയ്ക്ക് പുറമേ സ്‌കൂൾ സൊസൈറ്റി പ്രവർത്തിക്കുന്ന മുറി, ഡ്രോയിങ് ഹാൾ, ഐടി ലാബ്, ഓഫീസ് മുറി എന്നിവയും പുതിയ കെട്ടിടത്തിലുണ്ടാകും. കെട്ടിടം പണി പൂർത്തികരിക്കുന്നതോടെ ഈരാറ്റുപേട്ട മുനിസിപ്പാലിറ്റിയിലേയും, തീക്കോയി, പൂഞ്ഞാർ, പൂഞ്ഞാർ തെക്കേക്കര, തലനാട്, തിടനാട്, മേലുകാവ്, തലപ്പലം തുടങ്ങിയ നിരവധി പഞ്ചായത്തുകളിലെയും കുട്ടികൾക്ക് വളരെയധികം പ്രയോജനം ലഭിക്കും.

പ്രാദേശികം

പുതിയ വാട്ടർ ടാങ്ക് ഉദ്ഘാടനം നാളെ

Enews 26 May,2025

ഈരാറ്റുപേട്ട .നഗരസഭ കൊല്ലംപറമ്പ് (14 ആം )ഡിവിഷനിലെ രണ്ടാമത്തെ മേജർ കുടിവെള്ള പദ്ധതിയുടെ ടാ ങ്ക് രണ്ട് വർഷം മുമ്പ് കാലപ്പഴക്കത്താൽ തകർന്ന് പോയിരുന്നു. MLA ഫണ്ടിൽ നിന്നും 8 ലക്ഷം രൂപ അനുവദിപ്പിച്ച് നിർമിച്ച പുതിയ ടാങ്കിന്റെ ഉദ്ഘാടനംനാളെ ചൊവ്വ. 4.PM. ന്ജലവിഭവ വകുപ്പ് മന്ത്രി*റോഷി അഗസ്റ്റിൻ നിർവഹിക്കും.എം എൽ. എ.സെബാസ്റ്റ്യൻ കുളത്തുങ്കൽ, നഗരസഭ ചെയർ പേഴ്സൺ. സുഹ്റ അബ്ദുൽ ഖാദർ, ഡി വിഷൻ കൗൺസിലർ. ഫാസില അബ്സാർ. മറ്റ് വിവിധ ഡിപാർട്ട്മെന്റ് ഉദ്യോഗസ്ഥർ. പൗര പ്രമുഖർ തുടങ്ങിയവർ പങ്കെടുക്കുന്നതാണ്.

പ്രാദേശികം

മലയോര മേഖലയിൽ കനത്ത മഴ; ഈരാറ്റുപേട്ടയിൽ താഴ്ന്ന പ്രദേശങ്ങളിൽ വെള്ളക്കെട്ട്

Enews 25 May,2025

ഈരാറ്റുപേട്ട : തിങ്കളാഴ്ച മലയോര മേഖലയിലുണ്ടായ ശക്തമായ മഴയിൽ മീനച്ചിലാർ കരകവിഞ്ഞൊഴുകി യതിനാൽ നഗരസഭയിലെ താഴ്ന്ന പ്രദേശങ്ങളിൽ വെള്ളം കയറി. നഗരസഭയിലെ തോടുകളും കരകവിഞ്ഞു ഒഴുകിയതു മൂലം തോടുകളിൽ ഇരകരകളിലുള്ള വീടുകളിൽ വെള്ളം കയറിയതിനാൽ വീട്ടുപകരണങ്ങൾ നാശം സംഭവിച്ചു. താഴത്തെ നടയ്ക്കൽ , പൊന്തനാപ്പറമ്പ് ,മുരിക്കോലിൽ വാഴമറ്റം ,എന്നീ പ്രദേശങ്ങളിലാണ് ഈരാറ്റുപേട്ട നഗരസഭയിൽ വെള്ളം കയറി യത്.മുരിക്കോലി അൻസാർ മസ്ജിദിലും അംഗൻവാടിയിലും വെള്ളം കയറി.തിങ്കളാഴ്ച രാവിലെ 9 വരെ ശക്തമായ മഴയാണ് ഈരാറ്റുപേട്ട മേഖലയിലുണ്ടായ ത്.പിന്നീട് മഴ മാറി നിന്നു.ഈരാറ്റുപേട്ട പാലാ റോഡിൽ പനയ്ക്കപാലത്ത് റോഡിൽ വെള്ളം ഉയർന്ന് മണിക്കു റോളം ഗതാഗതംതടസ്സപ്പെട്ടു. പനക്കപാലത്ത് നിന്നും പ്ലാശനാലിലേക്കുള്ള റോഡും വെള്ളത്തിലാണ് .അമ്പാറ അമ്പലത്തിന് സമീപവും വെള്ളമുണ്ട്. ഇതുവഴിയുള്ള ഗതാഗതം തടസ്സപ്പെട്ടു. മീനച്ചിലാറിലേക്ക് ചേരുന്ന തോട് നിറഞ്ഞു കവിയുന്നതാണ് ഇവിടെ വെള്ളം ഉയരാൻ കാരണം . പടം 1) ഈരാറ്റുപേട്ട താഴത്തെ നടയ്ക്കൽ റോഡിലുണ്ടായ വെള്ളക്കെട്ട് . 2) മീനച്ചിലാറ്റിലെ ഈരാറ്റുപേട്ട തോട്ട്മുക്ക് കോസ് വേ പാലത്തിൽ നിന്നും വെള്ളപ്പൊക്കം വീക്ഷിക്കുന്ന നാട്ടുകാർ

പ്രാദേശികം

പനയ്ക്കപാലത്ത് റോഡിൽ വെള്ളം ഉയർന്ന് ഗതാഗതം തടസ്സപ്പെട്ടു.

enews 25 May,2025

ഈരാറ്റുപേട്ട പാലാ റോഡിൽ പനയ്ക്കപാലത്ത് റോഡിൽ വെള്ളം ഉയർന്ന് ഗതാഗതം തടസ്സപ്പെട്ടു. പനക്കപാലത്ത് നിന്നും പ്ലാശനാലിലേക്കുള്ള റോഡും വെള്ളത്തിലാണ് .അമ്പാറ അമ്പലത്തിന് സമീപവും വെള്ളമുണ്ട്. ഇതുവഴിയുള്ള ഗതാഗതം തടസ്സപ്പെട്ടു. മീനച്ചിലാറിലേക്ക് ചേരുന്ന തോട് നിറഞ്ഞു കവിയുന്നതാണ് ഇവിടെ വെള്ളം ഉയരാൻ കാരണം . പാലാ മൂന്നാനിയിലും റോഡിൽ വെള്ളം കയറി തുടങ്ങിയിട്ടുണ്ട്. അതേസമയം മഴയ്ക്ക് നേരിയ ശമനം വന്നതോടെ ഉടൻ വെള്ളം ഇറങ്ങുമെന്നാണ് പ്രതീക്ഷ.

പ്രാദേശികം

ഈരാറ്റുപേട്ട മേഖലയിൽ കാറ്റിൽ വൻ നാശനഷ്ടം നുറുക്കണക്കിന് വീടുകൾ തകർന്നു

Enews 23 May,2025

ഈരാറ്റുപേട്ട .നഗരസഭ, തലനാട്,തീക്കോയി, പൂഞ്ഞാർ ,പൂഞ്ഞാർ തെക്കേക്കര ഗ്രാമപഞ്ചായത്തുകളിൽ ശനിയാഴ്ച പുലർച്ചേ 3-ഓടു കൂടി വീശിയടിച്ച കനത്ത കാറ്റിലും മഴയിലും നൂറുക്കണക്കിന് മരങ്ങൾ വീടുകൾക്ക് മേൽ കടപുഴുകി വീണ് നൂറുക്കണക്കിന് വീടുകൾക്ക് നാശനഷ്ടമുണ്ടായി. വീടുകൾ ഭാഗികമായും പൂർണ്ണമായും നശിച്ച വീടുകളുണ്ട്. അതു കുടാതെ ഇലക്ട്രിക് പോസ്റ്റുകൾ തകർന്നതിനാൽ വൈദ്യുതി ബന്ധം തകരാറായി. കൃഷി നാശവും ഉണ്ടായി. പാർക്ക് ചെയ്തിരുന്ന കാറിൻ്റെ മുകളിലേക്ക് മരം വീണ് കാറിന് കേടുപാടുകൾ സംഭവിച്ചുആളപായം മാറ്റി നിർത്തിയാൽ പല വീടുകൾക്കും ലക്ഷങ്ങളുടെ നഷ്ടം മാണ് ഉണ്ടായിരിക്കുന്നത്. പുലർച്ചെ 3 മണിയോടെയാണ് മഴ തുടങ്ങിയത്. മിനിറ്റുകൾക്കകം ശക്തി പ്രാപിച്ചു. മഴയോടൊപ്പം കാറ്റും വീശിയടിച്ചതോടെ മരങ്ങൾ കടപുഴകി വീഴാൻ തുടങ്ങി. ശക്തമായ സൗണ്ട് കേട്ടാണ് പലരും ഉറക്കിൽ നിന്ന് ഉണർന്നത് എന്താണ് സംഭവിച്ചതെന്നറിയാതെ പലരും വീടിന് പുറത്തേക്ക് ഇറങ്ങി ഓടി. ആസ്പറ്റാസ് ഷീറ്റുകൾ പാകിയ വീടുകളുടെ മേൽക്കൂര ഉൾപ്പടെയാണ് നിലം പതിച്ചത്. ഈരാറ്റുപേട്ട നഗരസഭയിൽ സഫാ നഗർ, കീരിയാതോട്ടം, തേവരു പാറ, പത്താഴുപ്പടി, കാരയ്ക്കാട്, മറ്റയ്ക്കാട്, മുരിക്കോലിൽ,കടുവാമൂഴി, തേക്കേക്കര എന്നീ പ്രദേശങ്ങളിൽ കാറ്റ് നാശം വിതച്ചു. നുറുക്കണക്കിന് സന്നദ്ധ പ്രവർത്തകർ ചേർന്ന് വീടുകളിൽ വീണ മരങ്ങൾ മുറിച്ചു മാറ്റി.

പ്രാദേശികം

കലാലയ കവാടങ്ങൾ പൊതുജനങ്ങൾക്കായി തുറന്ന് അരുവിത്തുറ കോളേജിൽ എസ്.ജി. സി അൺലോക്ക്ഡ് ക്യാംപയിൻ .

enews 23 May,2025

അരുവിത്തുറ: ബിരുദ പഠനം ആഗ്രഹിക്കുന്ന വിദ്യാർത്ഥികൾക്കും രക്ഷിതാക്കൾക്കും പൊതുജനങ്ങൾക്കുമായി അരുവിത്തുറ സെന്റ് ജോർജ്സ് കോളജിൻ്റെ കവാടങ്ങൾ തുറക്കുന്നു.കോളേജിന്റെ അക്കാഡമിക ഭൗതിക സാഹചര്യങ്ങൾ നേരിൽകണ്ട് വിലയിരുത്തുന്നതിനും തങ്ങളുടെ കുട്ടികൾക്ക് നൽകുന്ന വിദ്യാഭ്യാസ നിലവാരം പരിശോധിക്കുന്നതിനുമാണ് അവസരം ഒരുക്കുന്നത്.മെയ് മാസം 26 മുതൽ 31 വരെയുള്ള ദിവസങ്ങളിൽ പൊതുജനങ്ങൾക്ക് ക്യാമ്പസിൽ പ്രവേശിക്കാം. അന്തർദേശീയ നിലവാരത്തിൽ ക്യാമ്പസിൽ പ്രവർത്തിക്കുന്ന ലൈബ്രറി ബ്ലോക്ക്, ഡിജി തിയേറ്റർ, ഏഷ്യയിലെ ആദ്യത്തെ ക്യാമ്പസ് കമ്മ്യൂണിറ്റി ടെലികാസ്റ്റിംഗ് സെൻർ,വിശാലമായ സ്റ്റുഡിയോ ഫ്ലോർ, കൺട്രോൾറൂം,ഉന്നത നിലവാരത്തിലുള്ള സയൻസ് ലാബുകൾ, കമ്പ്യൂട്ടർ ലാബുകൾ,ഫുഡ് സയൻസ് ലാബുകൾ, ഓപ്പൺ ജിം ,ഗ്യാലറിയോടുകൂടിയ സ്റ്റേഡിയം, ജിംനേഷ്യം, ഇൻഡോർ സ്റ്റേഡിയം, റിഫക്ടറി, ബട്ടർഫ്ലൈ ഗാർഡൻ ഉൾപ്പെടെ വിവിധ ഉദ്യാനങ്ങൾ തുടങ്ങി വിശാലമായ സൗകര്യങ്ങൾ നേരിൽ കാണുന്നതിനും വിലയിരുത്തുന്നതിനും പൊതുജനങ്ങൾക്ക് അവസരം ഒരുക്കും. അതിവേഗം വളരുന്ന ആർട്ടിഫിഷ്യൽ ഇൻറലിജൻസിന്റെ സാധ്യതകൾ പ്രയോജനപ്പെടുത്തി ആരംഭിച്ച ബി സി എ (സെൽഫ് ഫിനാൻസിങ് ) , ബി സി എ ( എയിഡഡ്),വിവിധ മേജറുകളിൽ സ്പെഷ്യലൈസ്ഡ് ബികോം കോഴ്സുകൾകൾ ബിഎസ് സി മാത്തമാറ്റിക്സ്, കെമസ്ട്രി, ഫിസിക്സ്സ്, ബി എ പൊളിറ്റിക്കൽ സയൻസ് , ഇക്കണോമിക്സ്സ്, ബി എ ഇംഗ്ലീഷ് വിത്ത് മീഡിയ സ്റ്റഡീസ് ആൻ്റഡ് ഫിലിം സ്റ്റഡീസ്, ബി എസ്സ് സി ഫുഡ് സയൻസ്, ബി എ മാസ് കമ്മ്യൂണിക്കേഷൻ തുടങ്ങിയ യുജി ഓണേഴ്സ് പ്രോഗ്രാമുകളുംഈ അധ്യയന വർഷത്തിൽ ക്യാമ്പസിന്റെ ഭാഗമാണ്. കൂടാതെ എം എസ് സി കെമിസ്ട്രി, ഫിസിക്സ്, മാത്തമറ്റിക്സ്, എം കോം, ഇന്റഗ്രേറ്റഡ് എം എ ഇംഗ്ലീഷ് തുടങ്ങിയ പി.ജി കോഴ്‌സുകളിലും വിദ്യാർത്ഥികൾക്ക് അഡ്മിഷൻ നേടാം. ഏവരേയും ഈ ദിവസങ്ങളിൽ ക്യാമ്പസിലേക്ക് ക്ഷണിക്കുന്നതായി കോളേജ് മാനേജർ വെരി റവ ഫാ സെബാസ്റ്റ്യൻ വെട്ടുകല്ലേൽ, കോളേജ് പ്രിൻസിപ്പൽ പ്രൊഫ.ഡോ സിബി ജോസഫ്, കോളേജ് ബർസാർ റവ ഫാ ബിജു കുന്നയ്ക്കാട്ട്, വൈസ് പ്രിൻസിപ്പൽ ഡോ ജിലു ആനി ജോൺ തുടങ്ങിയവർ പറഞ്ഞു.

പ്രാദേശികം

അരുവിത്തുറ സെൻറ് ജോർജ് കോളേജിൽ ഹെൽപ്പ് ഡെസ്ക് പ്രവർത്തനം ആരംഭിച്ചു.

enews 22 May,2025

അരുവിത്തുറ സെൻറ് ജോർജ് കോളേജിൽഎംജി യൂണിവേഴ്സിറ്റി പിജി യുജി കോഴ്സുകളിലേക്കുള്ള അഡ്മിഷൻ ഹെൽപ് ഡെസ്ക് പ്രവർത്തനം ആരംഭിച്ചു.രാവിലെ 9 30 മുതൽ വൈകിട്ട് 4 വരെ ഹെൽപ് ഡെസ്ക്ക് പ്രവർത്തിക്കുന്നു യുജി കോഴ്സുകൾക്ക് ചേർന്ന് പഠിക്കാൻ ആഗ്രഹിക്കുന്നവർ പ്ലസ് ടു സർട്ടിഫിക്കറ്റ് എസ്എസ്എൽസി ബുക്ക്,ആധാർ കാർഡ് എന്നിവയുമായി എത്തേണ്ടതാണ്.പിജി കോഴ്സുകളിൽ ചേർന്ന് പഠിക്കാൻ ആഗ്രഹിക്കുന്നവർ ഡിഗ്രി സർട്ടിഫിക്കറ്റ് ആധാർ കാർഡ് എസ്എസ്എൽസി ബുക്ക് എന്നിവയും ഹാജരാക്കേണ്ടതാണ്. മെയ് 31 വരെ ഹെൽപ് ഡെസ്ക് പ്രവർത്തിക്കുന്നതാണ്. കൂടുതൽ വിവരങ്ങൾക്ക്.9447506724,9447424310.

പ്രാദേശികം

ഈരാറ്റുപേട്ടയിലെ ഈഴവ മഹാസംഗമം:വാഹന പാർക്കിങ്ങ് ഇങ്ങനെ

enews 21 May,2025

ഈരാറ്റുപേട്ടയിൽ ഇന്ന് നടക്കുന്ന വെള്ളാപ്പള്ളി നടേശന് സ്വീകരണവും മഹാസംഗമത്തിന് എത്തിച്ചേരുന്ന വാഹനങ്ങൾ നിർദ്ദിഷ്ട സ്ഥലങ്ങളിൽ ആളിറക്കി പാർക്ക് ചെയ്യണമെന്ന് സംഘാടകർ അറിയിച്ചു പാലാ ഭാഗത്തു നിന്നും വരുന്ന ബസ്സുകൾ, ട്രാവലറുകൾ പോലീസ് സ്റ്റേഷൻ പരിസരത്ത് ആളുകളെ ഇറക്കിയ ശേഷം അരുവിത്തുറ സെൻ്റ് ജോർജ്ജ് ഹയർ സെക്കൻഡറി സ്കൂൾ (ബ്ലോക്ക് ഓഫീസിന് സമീപം) ഗ്രൗണ്ടിൽ പാർക്ക് ചെയ്യുക. തൊടുപുഴ റൂട്ടിൽ നിന്ന് വരുന്ന ബസ്സുകൾ, ട്രാവലറുകൾ പോലീസ് സ്റ്റേഷൻ പരിസരത്ത് ആളുകളെ ഇറക്കിയ ശേഷം പാലാ റൂട്ടിൽ പാർക്ക് ചെയ്യുക. പൂഞ്ഞാർ, തീക്കോയി റൂട്ടിൽ നിന്ന് വരുന്ന ബസുകളും ട്രാവലറുകളും പേട്ട സെൻ്റർ ജം. ആളുകളെ ഇറക്കിയ ശേഷം അരുവിത്തുറ സെൻ്റ് ജോർജ്ജ് ഹയർ സെക്കൻഡറി സ്കൂൾ (ബ്ലോക്ക് ഓഫീസിന് സമീപം) ഗ്രൗണ്ടിൽ പാർക്ക് ചെയ്യുക. തിടനാട് റൂട്ടിൽ നിന്ന് വരുന്ന വാഹനങ്ങൾ പോലീസ് സ്റ്റേഷൻ പരിസരത്ത് ആളുകളെ ഇറക്കിയ ശേഷം പാലാ റൂട്ടിൽ പാർക്ക് ചെയ്യുക.

പ്രാദേശികം

Follow Us

Popular News