കോട്ടയം ജില്ലയുടെ അൻപതാമത് കളക്ടറായി ചേതൻ കുമാർ മീണ ബുധനാഴ്ച (ഓഗസ്റ്റ് 13) രാവിലെ ചുമതലയേൽക്കും. രാവിലെ 10.00ന് കളക്ട്രേറ്റിലെത്തുന്ന അദ്ദേഹത്തിന് സ്ഥാനമൊഴിയുന്ന ജില്ലാ കളക്ടർ ജോൺ വി. സാമുവൽ ചുമതല കൈമാറും. ന്യൂഡൽഹി കേരള ഹൗസ് അഡീഷണൽ റസിഡന്റ് കമ്മിഷണർ ചുമതല നിർവഹിച്ചുവരികയായിരുന്നു ചേതൻ കുമാർ മീണ.
അരുവിത്തുറ :അരുവിത്തുറ സെൻ്റ് ജോർജ് കോളേജിൽ സെൽഫ് ഫിനാൻസ് കൊമേഴ്സ് വിഭാഗത്തിന്റെ ആഭിമുഖ്യത്തിൽ ടെക്ക് ടൈഡ് ലോക യുവജന ദിനാഘോഷം സംഘടിപ്പിച്ചു.ആഘോഷങ്ങൾ കോളേജ് ബർസാർ റവ ഫാ ബിജു കുന്നയ്ക്കാട്ട് ഉദ്ഘാടനം ചെയ്തു.മീനച്ചിൽ താലൂക്ക് ലീഗൽ സർവീസ് സൊസൈറ്റി പാനൽ അഭിഭാഷകൻ അഡ്വ.തോമസ് ജോസഫ് തൂങ്കുഴി ചടങ്ങിൽ മുഖ്യാതിഥിയായിരുന്നു. സെൽഫ്ഫിനാൻസ് കൊമേഴ്സ് വിഭാഗം മേധാവി അനീഷ് പി സി അധ്യാപകരായ ബിനോയ് .സി ജോർജ് ,ജിയോ ജോസ് എന്നിവരും സംസാരിച്ചു.
ഈരാറ്റുപേട്ട ; മൊബൈൽ RETAILERS അസോസിയേഷൻ (MRRA) ഈരാറ്റുപേട്ട യൂണിറ്റ് ആഭിമുഖ്യത്തിൽ ഓണം നടത്തപ്പെടുന്ന 'ഗിഫ്റ്റോണം 2K25 ' ലോഗോ പ്രകാശനം വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് AMA ഖാദർ നിർവഹിച്ചു,ഓഗസ്റ്റ് 15 മുതൽ ഒക്ടോബർ 15 വരെയാണ് ഈ ഗിഫ്റ്റോണം പരുപാടി നടത്തുന്നത് , ഒന്നാം സമ്മാനം ഇലക്ട്രിക് ബൈക്കും രണ്ടാം സമ്മാനം റഫ്രിജിറേറ്റർ 7 പേർക്ക് വാഷിംഗ് മെഷീൻ 8 പേർക്ക് സ്മാർട്ട് TV തുടങ്ങി നൂറുകണക്കിന് സമ്മാനങ്ങളും പദ്ധതിയിൽ ഉൾപ്പെടുന്നു,ഒക്ടോബർ 16 നാണ് മെഗാ നറുക്കെടുപ്പ് നടക്കുക, യോഗത്തിൽ MRRA ഈരാറ്റുപേട്ട യൂണിറ്റ് പ്രസിഡന്റ് ഷെഫിൻ അധ്യക്ഷത വഹിച്ചു, വ്യാപാരി യൂത്ത് വിംഗ് ജനറൽ സെക്ടറി റയീസ്, MRRA രക്ഷാധികാരി ഹാരിസ് വെളിയത്ത്,MRRA യൂണിറ്റ് ജനറൽ സെക്ടറി അമീൻ പി എം, ഭാരവാഹികളായ നൈസ്,സെഫി, നാസിം,റിയാസ്, നൗഫൽ,അജിത്,ജിബിൻ,അനുരാജ്, ജോബിൻ തുടങ്ങിയവർ പങ്കെടുത്തു.
ഈരാറ്റുപേട്ട: കേരളത്തിലെ ഏറ്റവും സാധാരണക്കാരന്റെ വികസനത്തിന് കരുത്തുപകരുന്ന ഗവണമെന്റാണ് തദ്ദേശ സ്വയം ഭരണ സ്ഥാപനങ്ങളെന്നും ഫണ്ടുകൾ വെട്ടിക്കുറച്ച് ഈ വികസനത്തിന്റെ ചിറകരിയുകയാണ് സംസ്ഥാന സർക്കാർ ചെയ്യുന്നതെന്നും വെൽഫെയർ പാർട്ടി സംസ്ഥാന പ്രസിഡന്റ് റസാഖ് പാലേരി. ഈരാറ്റുപേട്ട മുൻസിപ്പാറ്റിലിറ്റി ടൗൺ ഡിവിഷൻ കൗൺസിലർ സഹല ഫിർദൗസിന്റെ വികസന രേഖ പ്രകാശനം ചെയ്ത് സംസാരിക്കുകയായിരുന്നു അദ്ദേഹം. കഴിഞ്ഞ ഒൻപത് വർഷമായി കേരളത്തിലെ ഇടത് ഭരണം തദ്ദേശസ്വയംഭരണ സ്ഥാപനങ്ങൾക്കുള്ള ഫണ്ട് വെട്ടിക്കുറക്കുകയാണ്. ഇത് പ്രാദേശിക വികസനത്തെ പിന്നോട്ടടിപ്പിക്കുകയാണെന്ന് അദ്ദേഹം സൂചിപ്പിച്ചു. മുതിർന്ന യു.ഡി.എഫ് നേതാവ് പരീത് കുന്നപ്പള്ളിക്ക് കൈമാറി റസാഖ് പാലേരി വികസന സപ്ലിമെന്റ് പ്രകാശനം ചെയ്തു. മുനിസിപ്പൽ പ്രസിഡന്റ് ഹസീബ് വെളിയത്ത് അധ്യക്ഷത വഹിച്ചു. വെൽഫെയർ പാർട്ടി ജില്ലാ പ്രസിഡന്റ് കെ.കെ.എം. സാദിഖ്, ട്രഷറർ പി.കെ. ഷാഫി, കൗൺസിലർ സഹല ഫിർദൗസ്, എ.എം.എ. സമദ്, അൻവർ അലിയാർ, ഫിർദൗസ് റഷീദ്, എം.എസ്. ഇജാസ്, എ.എം. ജലീൽ തുടങ്ങിയവർ പങ്കെടുത്തു. മുനിസിപ്പൽ സെക്രട്ടറി കെ.എ. സാജിദ് നന്ദി പറഞ്ഞു.
കോട്ടയം ; ചേർത്തലയിലെ മൂന്ന് സ്ത്രീകളുടെ തിരോധാനത്തിൽ അന്വേഷണം ഊര്ജിതമാക്കി പൊലീസ്.സംഭവത്തില് പ്രതിയായ സെബാസ്റ്റ്യന് കസ്റ്റഡിയിലുണ്ടെങ്കിലും ഇയാള് ചോദ്യം ചെയ്യലിനോട് സഹകരിക്കുന്നില്ലെന്നാണ് വിവരം. ഈ സാഹചര്യത്തിലാണ് കൊല്ലപ്പെട്ടു എന്ന് കരുതുന്ന സ്ത്രീകളുടെ ശരീരാവശിഷ്ടങ്ങള് കണ്ടെത്താനുള്ള ശ്രമങ്ങള് നടക്കുന്നത്.ജെയ്നമ്മയെ സെബാസ്റ്റ്യന് കൊലപ്പെടുത്തിയതായി അയാളില് നിന്ന് തന്നെ സൂചനകള് ലഭിച്ചെങ്കിലും ബിന്ദു പത്മനാഭന്റെയും ഐഷയുടെയും തിരോധാനത്തില് ഇതുവരെ തുമ്പ് ലഭിച്ചിട്ടില്ല. സെബാസ്റ്റ്യന്റെ പള്ളിപ്പുറത്തെ വീട്ടില് രണ്ടുതവണ തിരച്ചില് നടത്തിയപ്പോളും കാണാതിരുന്ന ഒരു കിണര് നിലവില് മൂടിയ നിലയില് കണ്ടെത്തിയിട്ടുണ്ട്.
കോട്ടയം മാങ്ങാനത്ത് വീട് കുത്തി തുറന്ന് അമ്പതു പവൻ കവർന്ന സംഭവംമോഷണത്തിനു പിന്നിൽ ഉത്തരേന്ത്യൻ സംഘമെന്ന് സ്ഥിരീകരിച്ച് പൊലീസ്ട്രെയിനിൽ എത്തി കവർച്ച നടത്തി മടക്കുന്ന സംഘമെന്നും നിഗമനംപ്രതികളുടെ സി സി ടി വി ദൃശ്യങ്ങൾ പൊലീസ് റെയിൽവേ പൊലീസിനു കൈമാറിശനിയാഴ്ച പുലർച്ചെയാണ് അമ്പുങ്കയത്ത് അന്നമ്മ തോമസിൻ്റെ വീട്ടിൽ കവർച്ച നടന്നത്. കോട്ടയം ഈസ്റ്റ് പൊലീസാണ് കേസ് അന്വേഷിക്കുന്നത്.
തിരുവനന്തപുരം: കേരളത്തിൽ വോട്ടർപട്ടിക പരിഷ്കരണം ഉടനുണ്ടാകുമെന്ന് റിപ്പോർട്ട്. നിയമസഭാ തെരഞ്ഞെടുപ്പിന് മുമ്പ് എല്ലാ സംസ്ഥാനങ്ങളിലെയും വോട്ടർപട്ടിക പരിഷ്കരിക്കാനാണ് തെരഞ്ഞെടുപ്പ് കമ്മീഷന്റെ നിർദ്ദേശം. ബീഹാറിൽ വോട്ടർപട്ടിക പരിഷ്കരണം വലിയ വിവാദമായിരുന്നു. ഈ പശ്ചാത്തലത്തിൽ വലിയ ജാഗ്രതയോടെയാകും കേരളത്തിലെ വോട്ടർ പട്ടിക പരിഷ്കരണം നടപ്പാക്കുക. വോട്ടർപട്ടിക പരിഷ്കരണം സംബന്ധിച്ച് കേന്ദ്ര തിരഞ്ഞെടുപ്പ് കമ്മിഷന്റെ നിർദേശം ലഭിച്ചാലുടൻ കേരളത്തിലും നടപടിക്രമങ്ങൾ ആരംഭിക്കും. വീഴ്ചകൾ ഒഴിവാക്കി കൂടുതൽ കരുതലോടെയായിരിക്കും കേരളത്തിലെ നടപടികൾ. അതേസമയം, വോട്ടർപട്ടിക പരിഷ്കരണം സംബന്ധിച്ച് കമ്മിഷനിൽനിന്ന് നിർദേശമൊന്നും ലഭിച്ചിട്ടില്ലെന്ന് മുഖ്യതിരഞ്ഞെടുപ്പ് ഓഫീസർ ഡോ. രത്തൻ യു. ഖേൽക്കർ പറഞ്ഞു. എന്നാൽ, തിരഞ്ഞെടുപ്പിനു മുൻപ് വോട്ടർ പട്ടികയുടെ പുതുക്കലുണ്ടാകുമെന്നും അദ്ദേഹം വ്യക്തമാക്കി. പുതുക്കലിന് മാർഗരേഖയിറക്കുമെന്നും രത്തൻ യു. ഖേൽക്കർ കൂട്ടിച്ചേർത്തു.
കോട്ടയം: കോട്ടയം കിടങ്ങൂരിൽ കാറും ലോറിയും കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. ഇടുക്കി ബൈസൺവാലി സ്വദേശി സാജി സെബാസ്റ്റ്യൻ (58) ആണ് മരിച്ചത്. ഫയർഫോഴ്സ് എത്തി കാർ വെട്ടിപ്പൊളിച്ചാണ് സെബാസ്റ്റ്യനെ പുറത്തെടുത്തത്. പാലാ ഭാഗത്ത് നിന്ന് ഏറ്റുമാനൂരിലേക്ക് പോവുകയായിരുന്ന കാറും എതിർ ദിശയിൽ വന്ന ടോറസ് ലോറിയുമാണ് കൂട്ടിയിടിച്ചത്. സെബാസ്റ്റ്യൻ്റെ ഭാര്യക്കും ഡ്രൈവർക്കും പരിക്കേറ്റു. ഇരുവരുടെയും പരിക്ക് ഗുരുതരമല്ല. ഡ്രൈവർ ഉറങ്ങിപ്പോയതാവാം അപകടകാരണം എന്നാണ് പ്രാഥമിക നിഗമനം.
