ഈരാറ്റുപേട്ട ഫുഡ് ഫെസ്റ്റ്: ലോഗോ പ്രകാശനം ചെയ്തു.
ഈരാറ്റുപേട്ട : 2025 ഡിസംബർ 31 മുതൽ 2026 ജനവരി 7 വരെ ഈരാറ്റുപേട്ട പി ടി എം എസ് ഓഡിറ്റോറിയത്തിൽ വെച്ച് നടക്കുന്ന ഫുഡ് ഫെസ്റ്റ് ആൻ്റ് ഫ്ലവർ ഷോയുടെ ലോഗോ പ്രകാശനം അഡ്വ സെബാസ്റ്റ്യൻ കുളത്തുങ്കൽ എം എൽ എ നിർവഹിച്ചു. ഈരാറ്റുപേട്ടയിൽ ആദ്യമായി എത്തുന്ന ഫുഡ് ഫെസ്റ്റിനും ഫ്ലവർ ഷോയ്ക്കും സർക്കാരിൻ്റെ ഭാഗത്തുനിന്നുള്ള പങ്കാളിത്തവും പൂർണ സഹകരണവും ഉണ്ടാകുമെന്ന് എം എൽ എ പറഞ്ഞു. മുൻ നഗരസഭാ ചെയർമാൻ വി എം സിറാജിൻ്റെ നേതൃത്വത്തിൽ ഈരാറ്റുപേട്ടയിലെ ഒരുകൂട്ടം വിദ്യാഭ്യാസ പ്രവർത്തകരുടെ നേതൃത്വത്തിൽ രൂപീകൃതമായ ഇ ഫോമാണ് പരിപാടിയുടെ സംഘാടകർ. ലോഗോ പ്രകാശനച്ചടങ്ങിൽ വി എം സിറാജ് അധ്യക്ഷത വഹിച്ചു. ജനപ്രതിനിധികൾ, രാഷ്ടീയകക്ഷി നേതാക്കൾ, വ്യാപാരി പ്രതിനിധികൾ, സാമൂഹിക സാംസ്കാരിക രംഗത്തെ പ്രമുഖർ എന്നിവർ പരിപാടിയിൽ സംബന്ധിച്ചു. ജന. സെക്രട്ടറി പി പി എം നൗഷാദ് സ്വാഗതവും ട്രഷറർ ഹാഷിം ലബ്ബ നന്ദിയും പറഞ്ഞു.
.webp)
