ഈരാറ്റുപേട്ട വാഗമൺ റൂട്ടിൽ തീക്കോയ്ക്ക് സമീപം ചാത്തമ്പുഴയിൽ കാറുകൾ കൂട്ടിയിടിച്ചു റോഡിൽ മറിഞ് അപകടം.തീക്കോയി സ്വദേശി ദീപു, ലബ്ബക്കട സ്വദേശി സന്തോഷ് കുമാർ എന്നിവർക്ക് നിസ്സാരപരിക്കേറ്റു. ഇവരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് ഉച്ചകഴിഞ്ഞ് നാലുമണിയോടെ ആയിരുന്നു അപകടം. ടീം എമർജൻസി പ്രവർത്തകരും ഫയർഫോഴ്സും പോലീസും സ്ഥലത്തെത്തി.
കോട്ടയം ; പിഡിപി കോട്ടയം ജില്ലാ കമ്മറ്റിയുടെ നേതൃത്വത്തിൽ കോട്ടയം ഗാന്ധി സ്വകയറിൽ ജനാധിപത്യ സമര സംഗമം സംഘടിപ്പിച്ചു സംഗമം പി ഡി പി കേന്ദ്ര കമ്മറ്റിയംഗം എം എസ് നൗഷാദ് ഉത്ഘാടനം ചെയ്തു രാജ്യത്തെ ലക്ഷകണക്കിന് മനുഷ്യർക്ക് വേട്ട് അവകാശം നിഷേധിക്കുന്നതിലൂടെ പൗരത്വം ചോദ്യചെയ്യപെടുകയാണെന്നും പൗരത്വ നിഷേധം സാതന്ത്ര്യ ലംഘനമാണന്നും പിഡിപി കേന്ദ്ര കമ്മറ്റിയംഗം എം എസ് നൗഷാദ് അഭിപ്രായപെട്ടുബിഹാറിലെ ആയിരകണക്കിന് മനുഷ്യരുടെ വേട്ട് അവകാശത്തെയാണ് ഭരണകുടം നിഷേധിക്കുന്നത്അത് അത്യന്തം ഗുരുതരമായ ഭരണഘടന ലംഘനമാണെന്നും സാതന്ത്ര്യ സമര സംഗമം മുന്നറിയിപ്പ് നൽകി ജില്ലാ പ്രസിഡൻ്റ് നിഷാദ് നടയ്ക്കൽ അധ്യക്ഷത വഹിച്ചു ഭക്ഷിണകേരള ജംയത്തുൽ ഉലമ മേഖല പ്രസിഡൻൻ്റ് താഹ മൗലവിഹാജി എം എ അക്ബർ OA സക്കരിയ പി കെ അൻസിം സക്കീർ കളത്തിൽ അൻസർഷാകുമ്മനം നസിർ തലയോലപ്പറമ്പ് നൗഫൽ കീഴേടം ഷിഹാബ്-കോനട്ടുപ്പറമ്പിൽ അബുകോട്ടയം മുജീബ് മഠത്തിൽ കെ പി നസീർ ബഷീർ കുമ്മനം ഇസ്മായിൽ കൂട്ടിക്കൽ തുടങ്ങിയവർ സംസാരിച്ചു
ഈരാറ്റുപേട്ട: പഠനം പൂർത്തിയാക്കി തങ്ങളുടേതായ മേഖലകളിലേക്ക് ചേക്കേറിയവർ പൂർവ കലാലയത്തിൽ ഒരിക്കൽ കൂടി ഒത്തുചേർന്നത് ഹൃദ്യമായ അനുഭവമായി മാറി. ഈരാറ്റുപേട്ട അൽമനാർ പബ്ലിക് സ്കൂളിലെ പൂർവ്വ വിദ്യാർത്ഥികളാണ് കഴിഞ്ഞ ദിവസം സ്കൂൾ ഓഡിറ്റോറിയത്തിൽ ഒത്തുചേർന്നത്. 1999 മുതൽ 2020 വരെയുള്ള ബാച്ചുകളിൽ നിന്നുള്ള നൂറിൽ അധികം പേർ സംഗമത്തിൽ പങ്കാളികളായി. സ്വദേശത്തും വിദേശ രാജ്യങ്ങളിലുമായി വിവിധ മേഖലകളിൽ ജോലി നോക്കുന്നവർ അവരുടെ പഴയ കാല ഓർമ്മകൾ അയവിറക്കി. അൽ മനാർ സ്കൂളിൽ അധ്യാപന രംഗത്ത് 33 വർഷം പൂർത്തീകരിച്ച മിനി ടീച്ചറുടെ പഴയ കാല ഓർമ്മകൾ കുട്ടികൾക്ക് ഏറെ ആവേശകരമായി. അൽ മനാർ സ്കൂളിന്റെ മുഖ്യശിൽപികളിൽ പ്രധാനിയായ കെ.പി. യൂസുഫ് സാറിനെ അലുംനി അസോസിയേഷൻ ആദരിച്ചു.അലുംനി അസോസിയേഷന് പുതിയ 15 അംഗ കമ്മിറ്റിയും തെരഞ്ഞെടുത്തു. യു.എ.ഇ, ഖത്തർ, സൗദി അറേബ്യ, ബഹ്റൈൻ, കുവൈത്ത്, ഇംഗ്ലണ്ട് എന്നിവടങ്ങളിലുള്ള പൂർവ വിദ്യാർത്ഥികൾക്കായി കോ-ഓർഡിനേറ്റർമാരേയും തെരെഞ്ഞെടുത്തു. ചീഫ് കോ-ഓർഡിനേറ്റർ യാസിർ പുള്ളോലിൽ, ജനറൽ കൺവീനർ മിനി ടീച്ചർ, സ്കൂൾ അക്കാഡമിക് കോ- ഓർഡിനേറ്റർ ജുഫിൻ ഹാഷിം, അൽ മനാർ മാനേജിംങ്ങ് കമ്മിറ്റി അംഗങ്ങൾ, അധ്യാപകർ എന്നിവർ നേതൃത്വം നൽകി. പ്രിൻസിപ്പൽ റസിയ ചാലക്കൽ സമാപനം നിർവഹിച്ചു.
ഈരാറ്റുപേട്ട: വെൽഫെയർ പാർട്ടി ഈരാറ്റുപേട്ട മുനിസിപ്പൽ കമ്മിറ്റി സ്വാതന്ത്ര്യദിന സദസ്സ് സംഘടിപ്പിച്ചു. "പൌരത്വം തന്നെയാണ് സ്വാതന്ത്ര്യം" എന്ന തലക്കെട്ടിൽ നടക്കൽ അമാൻ ജംഗ്ഷനിൽ സംഘടിപ്പിച്ച പരിപാടി സംസ്ഥാന വൈസ് പ്രസിഡന്റ് പി.എ. അബ്ദുൽ ഹക്കീം ഉദ്ഘാടനം ചെയ്തു. മുനിസിപ്പൽ പ്രസിഡന്റ് ഹസീബ് വെളിയത്ത് അധ്യക്ഷത വഹിച്ചു. വെൽഫെയർ പാർട്ടി ജില്ലാ പ്രസിഡന്റ് കെ.കെ.എം. സാദിഖ്, മുസ്ലിം യൂത്ത് ലീഗ് മുനിസിപ്പൽ ജനറൽ സെക്രട്ടറി അഡ്വ. വി.പി. നാസർ, കോൺഗ്രസ് മണ്ഡലം പ്രസിഡന്റ് അനസ് നാസർ, എസ്.ഡി.പി.ഐ പൂഞ്ഞാർ മണ്ഡലം സെക്രട്ടറി യാസിർ കാരക്കാട് എന്നിവർ സംസാരിച്ചു. വെൽഫെയർ പാർട്ടി മുനിസിപ്പൽ സെക്രട്ടറി കെ.എ. സാജിദ് സ്വാഗതവും മണ്ഡലം സെക്രട്ടറി യൂസുഫ് ഹിബ നന്ദിയും പറഞ്ഞു. രാവിലെ മുനിസിപ്പൽ പരിധിയിൽ വിവിധയിടങ്ങളിൽ ദേശീയ പതാക ഉയർത്തി സ്വാതന്ത്ര്യ ദിന പ്രതിജ്ഞ എടുത്തു.
ഈരാറ്റുപേട്ട: കേരള വ്യാപാരി വ്യവസായി ഏകോപന സമിതി യൂത്ത് വിംഗ് ഈരാറ്റുപേട്ട യൂണിറ്റ് സംഘടിപ്പിക്കുന്ന ഫ്രീഡം കപ്പ് 2 K25 ക്രിക്കറ്റ് ടൂർണമെന്റിന് തുടക്കമായി. സ്പോർട്ടി ഗോ സ്പോർട്സ് സിറ്റിയിൽ നടക്കുന്ന ടൂർണമെന്റ് അഡ്വ. സെബാസ്റ്റ്യൻ കുളത്തിങ്കൽ എം.എൽ.എ ഉദ്ഘാടനം ചെയ്തു. കോട്ടയം, പത്തനംതിട്ട, എറണാകുളം, ഇടുക്കി, ജില്ലകളിൽ നിന്നുള്ള ടീമുകളാണ് ടൂർണമെന്റിൽ പങ്കെടുക്കുന്നത്. ചാമ്പ്യൻമാരാകുന്ന ടീമിന് ടി. നസറുദ്ദീൻ മെമ്മോറിയൽ ട്രോഫിയും 50001 രൂപ യും, റണ്ണേഴ്സ് സപ്പിന് പി.എ. മുഹമ്മദ് മെമ്മോറിയൽ ട്രോഫിയും 30001 രൂപയും, മൂന്നാം സ്ഥാനത്ത് എത്തുന്ന ടീമിന് പി.കെ. അലിയാർ മെമ്മോറിയൽ ട്രോഫിയും 10001 രൂപയും സമ്മാനമായി നൽകും.കേരള വ്യാപാരി വ്യവസായി ഏകോപന സമിതി യൂത്ത് വിംഗ് ഈരാറ്റുപേട്ട യൂണിറ്റ് പ്രസിഡണ്ട് മനാഫ് അബ്ദുൽ സലാം അധ്യക്ഷത വഹിച്ചു. ജനറൽ സെക്രട്ടറി റയീസ് പടിപ്പുരക്കൽ സ്വാഗതം പറഞ്ഞു. കേരള വ്യാപാരി വ്യവസായി ഏകോപന സമിതി ഈരാറ്റുപേട്ട യൂണിറ്റ് പ്രസിഡണ്ട് എ.എം.എ ഖാദർ മുഖ്യപ്രഭാഷണം നടത്തി. യൂത്ത് വിംഗ് യൂണിറ്റ് ട്രഷറർ നിയാസ് വടയാർ നന്ദി പറഞ്ഞു.
ഈരാറ്റുപേട്ട :രാജ്യത്തിന്റെ എഴുപത്തി ഒമ്പതാമത് സ്വാതന്ത്ര ദിനാഘോഷം വിപുലമായ രീതിയിൽ ഫെയ്സ് സംഘടിപ്പിച്ചു.ഈരാറ്റുപേട്ട പ്രെവറ്റ് ബസ്സ്റ്റാന്റ് പരിസരത്ത് രാവിലെ ഫെയ്സ് പ്രസിഡന്റ് കെ.പി.എ നടയ്ക്കൽ ദേശീയ പതാകയുയർത്തി. സാഹിത്യവേദി ജനറൽ സെക്രട്ടറി പി.പി.എം. നൗഷാദ് സ്വാതന്ത്രദിന സന്ദേശം നൽകി.തുടർന്ന് രാഷ്ട്രത്തിന്റ സ്വാതന്ത്രത്തിനായി പോരാടിയ എഴുപത്തിയെട്ട് ധീര ദേശാഭിമാനികളെ തിരിച്ചറിയാനുള്ള ഇൻഡ്യ -78 ഫോട്ടോ ഗാലറി ഡയറക്ടർ സക്കക്കീർ താപി ഉൽഘാടനം ചെയ്തു. വൈകുന്നേരം റാലിക്കു ശേഷം നടന്ന പൊതുസമ്മേളനം നഗരസഭാ ചെയർ പേഴ്സൺ സുഹുറാ അബ്ദുൽ ഖാദർ ഉൽഘാടനം ചെയ്തു. തമിഴ് സാഹിത്യകാരൻ എം. രങ്കനാഥൻ മുഖ്യ പ്രഭാഷണം നടത്തി. ഫെയ്സ് പ്രസിഡൻറ് കെ.പി.എ. നടക്കൽ അധ്യക്ഷത വഹിച്ച യോഗത്തിൽ വിമുക്തഭടൻ വിജയൻ തിടനാടിനെ ആദരിച്ചു. ജനറൽ സെക്രട്ടറി ഹാഷിം ലബ്ബ, വൈസ് പ്രസിഡന്റുമാരായ പി.എസ്. ജബ്ബാർ, റഫീഖ്പട്ടരുപറമ്പിൽ വി.റ്റി. ഹബീബ്,ട്രഷറർ തസ്നീം കെ മുഹമ്മദ്, സാഹിത്യ വേദി പ്രസിഡന്റ് കെ.എം. ജാഫർ, ഫെയ്സ് സെകട്ടറി നസീറ എൻ, ഒ.ഡി. കുര്യാക്കോസ്, മുൻ നഗരസഭാ ചെയർ പേഴ്സൺ റ്റി.എം. റഷീദ്, വനിതാവേദി പ്രസിഡന്റ് മൃദുലാ നിഷാന്ത്, സെക്രട്ടറി റസീന ജാഫർ,യൂത്ത് ക്ലബ് പ്രസിഡന്റ് സിനോബി സി. തങ്കപ്പൻ, മ്യൂസിക് ക്ലബ് സെക്രട്ടറി ഹാഷിം ഡയറ, ട്രഷറർ ജലീൽ കണ്ടത്തിൽ എന്നിവർ സംസാരിച്ചു. റീൽ മത്സരത്തിലും, തിരിച്ചറിയൽ മൽസരത്തിലും വിജയിച്ചവർക്കുള്ള സമ്മാന വിതരണവും, സ്വാതന്ത്രഗീതങ്ങൾ സംഗീതസന്ധ്യയും നടത്തി.
ഈരാറ്റുപേട്ട ; ഓഗസ്റ്റ് 15 സ്വാതന്ത്ര്യദിനത്തോടനുബന്ധിച്ച് SPC കേഡറ്റുകളുടെ നേതൃത്വത്തിൽ സ്വാതന്ത്ര്യദിനപരേഡ് സംഘടിപ്പിച്ചു. സ്കൂൾ പ്രിൻസിപ്പാൾ താഹിറ വി പി ദേശീയ പതാക ഉയർത്തുകയും തുടർന്ന് സ്വാതന്ത്ര്യദിന സന്ദേശം നൽകുകയും ചെയ്തു. സ്കൂൾ ഹെഡ്മിസ്ട്രസ് ലീന എം പി വിദ്യാർത്ഥിനികൾക്ക് പ്രതിജ്ഞ ചൊല്ലിക്കൊടുത്തു. തുടർന്ന്, വിദ്യാർഥിനികളുടെ നേതൃത്വത്തിൽ തയ്യാറാക്കിയ കൂറ്റൻ ദേശീയപതാക പ്രദർശിപ്പിക്കുകയും വിദ്യാർത്ഥിനികൾ പതാകയ്ക്ക് സല്യൂട്ട് നൽകുകയും ചെയ്തു.സ്വാതന്ത്ര്യദിനാഘോഷത്തിന്റെ ഭാഗമായി സ്വാതന്ത്ര്യദിന പ്രഭാഷണം, ദേശഭക്തിഗാനം, സംഘനൃത്തം, ഫ്ലാഷ് മോബ് കലാപരിപാടികൾ അവതരിപ്പിച്ചു. ലഹരി വിരുദ്ധ പ്രവർത്തനങ്ങളുടെ ഭാഗമായി ലഹരിവിരുദ്ധ ദൃശ്യാവിഷ്കാരം സംഘടിപ്പിച്ചു. തുടർന്ന് സ്കൂളിലെ SPC, JRC വിദ്യാർഥിനികളുമായി കുറവിലങ്ങാട് സയൻസ് സിറ്റിയിലേക്ക് പഠനയാത്ര സംഘടിപ്പിച്ചു.
ഈരാറ്റുപേട്ട ; എംപ്ലോയീസ് ഫോറം ഫോർ എഡ്യുക്കേഷൻ കൾച്ചർ ആൻഡ് ട്രെയിനിംഗ് ( എഫക്ട് ) ഈരാറ്റുപേട്ടയുടെ ആഭിമുഖ്യത്തിൽ സ്വാതന്ത്ര്യ ദിന സമ്മേളനം നടന്നു . ഫൗസിയ അറബി കോളേജ് പ്രിൻസിപ്പാൾ ഹാഫിള് മുഹമ്മദ് ഉനൈസ് മൗലവി അൽ ഖാസിമി സ്വാതന്ത്ര്യ ദിന സന്ദേശം നൽകി . എഫക്ട് ചെയർമാൻ വി.ടി.ഹബീബ് അദ്ധ്യക്ഷനായിരുന്നു .തൽഹ നദ് വി , താഹ കറുകാഞ്ചേരിൽ , അനസ് പീടിയേക്കൽ എന്നിവർ സംസാരിച്ചു .
