ഈരാറ്റുപേട്ട.മീനച്ചിൽ താലൂക്ക് വ്യവസായ ഓഫീസിൻ്റെയും ഈരാറ്റുപേട്ട നഗരസഭയുടെയും സംയുക്ത ആഭിമുഖ്യത്തിൽ ഈരാറ്റുപേട്ട നഗരസഭ കൗൺസിൽ ഹാളിൽ വെച്ച് സംരഭക സഭ സംഘടിപ്പിച്ചു. ഈരാറ്റുപേട്ട നഗരസഭ ചെയർപേഴ്സൺ സുഹ്റ അബ്ദുൽ ഖാദർ ഉദ്ഘാടനം ചെയ്തു .നഗരസഭ വൈസ് ചെയർമാൻ അഡ്വ.മുഹമ്മദ് ഇല്ല്യാസ് അധ്യക്ഷത വഹിച്ചു.വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഫാസില അബ്സാർ സ്വാഗതം പറഞ്ഞു ഈരാറ്റുപേട്ട വ്യവസായ വികസന ഓഫീസർ സജന ഉമ്മർ മുഖ്യപ്രഭാഷണം നടത്തി.
ഈരാറ്റുപേട്ട : എംഎൽഎ സർവീസ് ആർമി പൂഞ്ഞാറിന്റെ മേൽനോട്ടത്തിലുള്ള വിദ്യാഭ്യാസ ഗുണമേന്മാ പദ്ധതിയായ ഫ്യൂച്ചർ സ്റ്റാർസ് എജുക്കേഷൻ പ്രോജക്റ്റിന്റെ നേതൃത്വത്തിൽ "എംഎൽ യോടൊപ്പം ഒരു ദിവസം" എന്ന പേരിൽ അഡ്വ. സെബാസ്റ്റ്യൻ കുളത്തുങ്കൽ എംഎൽഎയോടൊപ്പം പൂഞ്ഞാർ നിയോജകമണ്ഡലത്തിലെ വിദ്യാർത്ഥികൾക്കായി ഒരു സൗജന്യ പഠന-വിനോദയാത്ര നടത്തി. ഗവി, വള്ളക്കടവ് എന്നീ സ്ഥലങ്ങളിലേക്ക് നടത്തിയ വിനോദയാത്രയിൽ പൂഞ്ഞാർ നിയോജകമണ്ഡലത്തിലെ ഗവൺമെന്റ്, എയ്ഡഡ് ഹൈസ്കൂൾ - ഹയർസെക്കൻഡറി വിദ്യാലയങ്ങളിൽ നിന്നുമായി ഓരോ സ്കൂളിൽ നിന്നും തെരഞ്ഞെടുക്കപ്പെട്ട 2 കുട്ടികളെ വീതമാണ് പഠന വിനോദയാത്രയയിൽ ഉൾപ്പെടുത്തിയത്. മുണ്ടക്കയം, ഈരാറ്റുപേട്ട എന്നിവിടങ്ങളിൽ നിന്നും അതാത് പ്രദേശത്തെ സ്കൂളുകളിൽ നിന്നുള്ള വിദ്യാർത്ഥികൾ 4 ബസ്സുകളിലായി യാത്രതിരിച്ച് നാല് ബസ്സും എരുമേലിയിൽ സന്ധിച്ച് അവിടെനിന്ന് കോഴഞ്ചേരി സെന്റ് തോമസ് കോളേജ് പ്രിൻസിപ്പൽ ഡോ. ജോർജ് കെ.അലക്സ് യാത്ര ഫ്ലാഗ് ഓഫ് ചെയ്ത് വിനോദയാത്ര സംഘം പുറപ്പെട്ടു. റിട്ട. കോളേജ് പ്രിൻസിപ്പൽ ഡോ. ആൻസി ജോസഫിന്റെ നേതൃത്വത്തിലുള്ള പ്രഗൽഭരായ അധ്യാപകരും, പേഴ്സണാലിറ്റി ട്രെയിനർമാരുമടങ്ങുന്ന ഒരു വിദഗ്ധ ടീമിന്റെ നേതൃത്വത്തിലാണ് ഫ്യൂച്ചർ സ്റ്റാർസ് എഡ്യൂക്കേഷൻ പ്രോജക്റ്റിന്റെ പ്രവർത്തനങ്ങൾ നടന്നുവരുന്നത്. ഈ എക്സിക്യൂട്ടീവ് അംഗങ്ങളും ഓരോ സ്കൂളിലെയും മെന്റർ ടീച്ചർമാരും ആണ് പഠന- വിനോദയാത്രയ്ക്ക് നേതൃത്വം നൽകിയത്. 4 ടൂറിസ്റ്റ് ബസ്സുകളിലായി 100 കുട്ടികളും, ഫ്യൂച്ചർ സ്റ്റാർസ് എക്സിക്യൂട്ടീവ് അംഗങ്ങളും, മെന്റർ ടീച്ചേഴ്സും ഉൾപ്പെടെയുള്ള അധ്യാപകരുമാണ് ഏകദിന പഠന-വിനോദയാത്രയിൽ പങ്കെടുത്തത്. ഗവി വനമേഖലയിലെ കാനന ഭംഗിയും, മൂഴിയാർ,പെരിയാർ തുടങ്ങിയ നദികളിൽ വൈദ്യുതി ഉല്പാദനത്തിനായി നിർമ്മിച്ചിട്ടുള്ള ഡാമുകളും, അനുബന്ധ വൈദ്യുത ഉൽപാദന സംവിധാനങ്ങളും, കൂടാതെ മലഞ്ചെരുവുകളും താഴ് വാരങ്ങളും, പുൽമേടുകളും, പാറക്കൂട്ടങ്ങളും, ചതുപ്പ് നിലങ്ങളും, നദികളും പുഴകളും അരുവികളും എല്ലാം അടങ്ങിയ പ്രകൃതിയുടെ ദൃശ്യവൈവിധ്യം ആവോളം ആസ്വദിച്ച യാത്രാസംഘം വള്ളക്കടവ് ഫോറസ്റ്റ് സ്റ്റേഷനടനുബന്ധിച്ചുള്ള ഔഷധ തോട്ടവും , സസ്യ ഉദ്യാനവും എല്ലാം സന്ദർശിക്കുകയും, പെരിയാർ ടൈഗർ റിസർവിന്റെ പ്രത്യേകതകളും, സാഹചര്യങ്ങളും, സവിശേഷതകളും എല്ലാം വിശദീകരിക്കുന്ന വീഡിയോ പ്രദർശനവും, സോഷ്യോളജിസ്റ്റ് അശ്വതി സുരേഷ് നയിച്ച പഠന ക്ലാസിലും എല്ലാം പങ്കെടുത്ത് വൈകുന്നേരത്തോടെ കൂടുതൽ പ്രകൃതിപരിജ്ഞാനവും വിനോദയാത്ര ആസ്വാദന സന്തോഷവും പങ്കുവെച്ചാണ് വിനോദയാത്ര സമാപിച്ചത്. പൂഞ്ഞാർ നിയോജകമണ്ഡലത്തിലെ വിവിധ സാമൂഹ്യ പശ്ചാത്തലങ്ങളിൽ നിന്നുള്ള സ്കൂളുകളിലെ കുട്ടികളെ ഒരുമിപ്പിച്ച് യാത്ര കൊണ്ടുപോവുക വഴി സാംസ്കാരിക വിനിമയവും , കുട്ടികളുടെ സാമൂഹിക അവബോധവും, വിശാലമായ കാഴ്ചപ്പാടുകളും ഉയർന്ന ചിന്തകളും ഒക്കെ പ്രോത്സാഹിപ്പിക്കുക കൂടി ലക്ഷ്യം വെച്ചിരുന്നതായി അഡ്വ. സെബാസ്റ്റ്യൻ കുളത്തുങ്കൽ എംഎൽഎ അറിയിച്ചു. ഫ്യൂച്ചർ സ്റ്റാർസ് ഡയറക്ടർ ഡോ. ആൻസി ജോസഫ്, എക്സിക്യൂട്ടീവ് അംഗങ്ങളായ ഡോ. മാത്യു കണമല, പ്രൊഫ. ബിനോയ് സി. ജോർജ്,ആർ. ധർമ്മ കീർത്തി, പി പി എം നൗഷാദ്, ഖലീൽ മുഹമ്മദ്, നോബി ഡോമിനിക്, അഭിലാഷ് ജോസഫ്, എലിസബത്ത് തോമസ്, പ്രിയ അഭിലാഷ്, ഫ്യൂച്ചർ സ്റ്റാർസ് മെന്റർ ടീച്ചർമാരായ സുനിൽ, രാജേഷ്, ദേവസ്യാച്ചൻ പുളിക്കൽ, അനി സെബാസ്റ്റ്യൻ, പ്രതിഭ, ലിമ കുരുവിള തുടങ്ങിയവർ പഠന-വിനോദയാത്രയ്ക്ക് നേതൃത്വം നൽകി
ഈരാറ്റുപേട്ട.കേരള സ്റ്റേറ്റ് സർവീസ് പെൻഷനേഴ്സ് യൂണിയൻ ഈരാറ്റുപേട്ട യൂണിറ്റ് വാർഷിക സമ്മേളനം ഉദ്ഘാടനം ചെയ്തു കൊണ്ട് അവർ ആവശ്യപ്പെട്ടു പ്രസിഡന്റ്‌ ടി. എം റഷീദ് പഴയം പള്ളിൽ അധ്യ ക്ഷ ത വഹിച്ചു. പുതിയ ഭാരവാഹികൾ. പ്രസിഡന്റ്‌. ടി. എം. റഷീദ് പഴയം പള്ളിൽ. സെക്രട്ടറി സെബാസ്റ്റ്യൻ മേക്കാട്. ട്രഷറര്‍ എൻ. കെ. ജോൺ വടക്കേൽ. വൈസ് പ്രസിഡന്റ്‌ മാർ കെ. ഇ. എം. ബഷീർ. മേരിക്കുട്ടി ജോർജ്. അഷറഫ് വടക്കൊത്തിൽ. ജോയിന്റ് സെക്രട്ടറി മാർ മാത്യു ജേക്കബ്. ആലിസ് മാത്യു. ആരിഫ ബീവി. സി. ജെ. മത്തായി ചൂണ്ടി യാണിപ്പുറം. ബാബുരാജ്. ഇ. മുഹമ്മദ് കുന്നപ്പള്ളി. ജെയിംസ് മാത്യു. ലുക്കോസ് വേണാടൻകെ. എം. മുഹമ്മദ് എന്നിവർ സംസാരിച്ചു
മേലുകാവ് : മേലുകാവ് ഗ്രാമപ്പഞ്ചായത്തിൻ്റെ ആഭിമുഖ്യത്തിൽ പാലിയേറ്റീവ് കെയർ കുടുംബ സംഗമം നടത്തി.പഞ്ചായത്ത് പ്രസിഡൻ്റ് ജോസ്കുട്ടി ജോസഫ് ഉദ്ഘാടനം ചെയ്തു.ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അനുരാഗ് പാണ്ടിക്കാട് അധ്യക്ഷത വഹിച്ചു.വേൾഡ് മലയാളി കൗൺസിൽ തിരുക്കൊച്ചി പ്രോവിൻസ് പ്രസിഡൻ്റ് വി. എം.അബ്ദുള്ള ഖാൻ മുഖ്യ പ്രഭാഷണം നടത്തി.വാർഡ് മെമ്പർമാർ ടി. ജെ.ബെഞ്ചമിൻ, ഷൈനി ബേബി,അലക്സ് ടി ജോസഫ്,ബിൻസി ടോമി,പ്രസന്ന സോമൻ,ഷീബാ മോൾ,പാലിയേറ്റീവ് കെയർ നഴ്‌സ് ബിന്ദു സജി,ഡോ.മുഹമ്മദ് ജിജി,ഡോ. ജോസ്ന ബഷീർ,ഡോ. കെ.എസ്.അമേഷ്,ഡോ.റിയ എന്നിവർ പ്രസംഗിച്ചു. മികച്ച പ്രവർത്തനങ്ങൾക്ക് ഡോ. കെ.എസ്. അമേഷ്,ഡോ. ജോസ്ന ബഷീർ,ഡോ.റിയ,ബിന്ദു സജി എന്നിവരെ മേമൻ്റോ നൽകി ആദരിച്ചു. പാലിയേറ്റീവ് കെയർ കുടുംബാംഗങ്ങൾക്ക് വേൾഡ് മലയാളി കൗൺസിൽ ഉപഹാരങ്ങൾ നൽകി
കോട്ടയം : വർദ്ധിച്ചു വരുന്ന ലഹരി,സൈബർ അക്രമങ്ങൾക്കെതിരെ എസ്.എസ്. എഫ്, എസ്.പി ഓഫീസ് മാർച്ച്‌ സംഘടിപ്പിച്ചു. 'ഡ്രഗ്സ്, സൈബർ ക്രൈം അധികാരികളേ, നിങ്ങളാണ് പ്രതി' എന്ന പ്രമെയത്തിൽ സംസ്ഥാനം മുഴുവൻ ക്യാമ്പയിൻ നടക്കുന്നതിന്റെ ഭാഗമായി വിവിധ പദ്ധതികൾ യൂണിറ്റ് തലം മുതൽ ആവിഷ്കരിച്ചു കൊണ്ടിരിക്കുന്നു. രാവിലെ 10 മണിക്ക് കോട്ടയം മാമ്മൻ മാപ്പിള ഹാളിൽ നിന്ന് ആരംഭിച്ച പരിപാടി 11 മണിയോടെ എസ് പി ഓഫീസിൽ സമാപിച്ചു. ജില്ലയിലെ വിവിധ സ്ഥലങ്ങളിൽ നിന്ന് വിദ്യാർത്ഥികൾ പങ്കെടുത്തു . എസ് എസ് എഫ് ജില്ലാ പ്രസിഡന്റ്‌ ത്വാഹ യാസീൻ നുസ്രിയുടെ നേതൃത്വത്തിൽ ലഹരി, സൈബർ തുടങ്ങിയ അധാർമ്മികതകളെ ചെറുക്കുകയും നിലവിൽ നേരിടുന്ന പ്രശനങ്ങൾക്ക് പരിഹാരം ആവിശ്യപ്പെടുകയു ചെയ്ത് കൊണ്ട് ജില്ലാ എസ് പിക്ക് നിവേദനം നൽകി. എസ്.പി ഓഫിസിന് മുന്നിൽ നടന്ന പ്രതിഷേധ പരിപാടിയിൽ എസ് എസ് എഫ് ജില്ലാ ജനറൽ സെക്രട്ടറി അബ്ദുൽ റഹീം സ്വാഗത ഭാഷണം നടത്തി.കേരള മുസ്ലിം ജമാഅത്ത് ജില്ലാ പ്രസിഡന്റ്‌ കെ എസ് എം റഫീഖ് അഹ്മദ് സഖാഫി ഉദ്ഘാടനം ചെയ്തു. എസ് എസ് എഫ് സംസ്ഥാന സെക്രട്ടറി ഷാജഹാൻ സഖാഫി വിഷയാവതരണം നടത്തി. എസ് വൈ എസ് കേരള മുസ്ലിം ജമാഅത്ത് കോട്ടയം ജില്ല സെക്രട്ടറിമാരായ അലി മുസ്‌ലിയാർ, അബ്ദുൽ റഷീദ് മുസ്‌ലിയാർ നവാസ് എ ഖാദർ എസ് വൈ എസ് ജില്ലാ സെക്രട്ടറി ആരിഫ് ഇൻസാഫ് തുടങ്ങിയവർ സംബന്ധിച്ചു.എസ് എസ് എഫ് ജില്ലാ സെക്രട്ടറി മുഹമ്മദ് മദനി കൃതജ്ഞ അറിയിച്ചു.
ഈരാറ്റുപേട്ട :അരുവിത്തുറ സെൻറ് ജോർജസ് കോളേജ്, ഭൗതിക ശാസ്ത്ര ഗവേഷണ വിഭാഗവും ആ സ്ട്രോ കേരള കോട്ടയം ചാപ്റ്ററും സംയുക്തമായി സ്കൂൾ വിദ്യാർത്ഥികൾക്ക് ആകാശ കാഴ്ചയുടെ വിസ്മയമൊരുക്കുന്നു. ഈ വരുന്ന ഫെബ്രുവരി ആറാം തീയതി 4.30 മുതൽ 9 മണി വരെയാണ് അത്യാധുനിക ടെലസ്കോപിക്ക് സംവിധാനമുപയോഗിച്ച് ശനി, ശുക്രൻ. ബുധൻ തുടങ്ങിയ ഗ്രഹങ്ങളെയും ചന്ദ്രനെയും അടുത്തുകാണാൻ അവസരം. ഒരു സ്കൂളിൽ നിന്നും 5 മുതൽ 10 വരെ കുട്ടികൾക്കാണ് അവസരം. അത്യപൂർവ്വമായതും എന്നാൽ ഇപ്പോൾ സംഭവിച്ചുകൊണ്ടിരിക്കുന്നതുമായ ഗ്രഹങ്ങളുടെ നേർരേഖയിൽ ഉള്ള വരവിനോടനുബന്ധിച്ചാണ് ഈ സ്കൈ വാച്ചിങ്ങ് പ്രോഗ്രാം സംഘടിപ്പിക്കുന്നത്. പരിപാടിയോടനുബന്ധിച്ച് ടെലസ് കോപ് നിർമ്മാണവർക്ക്ഷോപ്പും, ആകാശവിസ്മയങ്ങളെക്കുറിച്ചുള്ള മൾട്ടിമീഡിയ പ്രസൻ്റേഷനും ഉണ്ട്. താൽപര്യമുള്ളവർ ബന്ധപ്പെടുക. Ph.8547104938.
ഈരാറ്റുപേട്ട: സ്വര്‍ണ്ണ വ്യാപാര രംഗത്ത് മൂന്ന് പതിറ്റാണ്ടിന്റെ പാരമ്പര്യമുള്ള പഴേരി ജ്വല്ലറി ഗ്രൂപ്പിന്റെ മൂന്നാമത് ഷോറൂം ദി ഗ്രാന്റ് പഴേരി ഗോള്‍ഡ് ഈരാറ്റുപേട്ടയില്‍ ഫെബ്രുവരി 2ന് ഞായറാഴ്ച പ്രവര്‍ത്തനമാരംഭിക്കും. രാവിലെ 10.30 മണിക്ക് പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം നിര്‍വ്വഹിക്കും. നൂതനമായ സാങ്കേതിക മികവോടെ സ്വന്തം ഫാക്ടറിയില്‍ നിര്‍മ്മിക്കുന്ന സ്വര്‍ണ്ണാഭരണങ്ങള്‍ നൂറ് ശതമാനം ഗവ.അംഗീകൃത ഹോള്‍മാര്‍ക്കിംഗ് മുദ്രയോടെയാണ് പഴേരി ഗോള്‍ഡ് ഉപഭോക്താക്കളിലെത്തിക്കുന്നത്.മാര്‍ക്കറ്റിലെ ഏറ്റവും കുറഞ്ഞ ഹോള്‍സെയില്‍ പണിക്കൂലിയില്‍ പുതിയ ട്രെന്‍ഡഡ് ലൈറ്റ് വെയ്റ്റ് ആഭരണങ്ങളും ഒപ്പം അഞ്ചു പവന്‍ മുതല്‍ 100 പവന്‍ വരെയുള്ള ബ്രൈഡല്‍ സെറ്റുകളും പഴേരി ഗോള്‍ഡ് ആന്റ് ഡയമണ്ട്‌സിന്റെ പ്രത്യേകതയാണ്.ഉദ്ഘാടന ദിവസത്തിലും തുടര്‍ന്നുള്ള രണ്ടാഴ്ചക്കാലവും ആകര്‍ഷകമായ സമ്മാന പദ്ധതികളും എക്‌സ്‌ചേഞ്ച് ഓഫറുകളും ആവിഷ്‌കരിച്ചിട്ടുണ്ട്.മണ്ണാര്‍ക്കാട്, അട്ടപ്പാടി , തൊടുപുഴ എന്നിവിടങ്ങളില്‍ ഉപഭോക്താക്കളുടെ മനം കവര്‍ന്ന പഴേരി ഗോള്‍ഡിന്റെ നാലാമത് ഷോറൂമാണ് ഈരാറ്റുപേട്ടയിലേത്.പട്ടാമ്പി, ചെര്‍പ്പുളശേരി എന്നിവിടങ്ങളില്‍ പഴേരി ഗോള്‍ഡ് ഉടന്‍ പ്രവര്‍ത്തനമാരംഭിക്കും. കേരളത്തിനകത്തും പുറത്തും കൂടുതല്‍ ബ്രാഞ്ചുകള്‍ തുടങ്ങാന്‍ ലക്ഷ്യമിടുന്നതായും പഴേരി ബിസിനസ് ഗ്രൂപ്പ് മാനേജിംഗ് ഡയറക്ടര്‍ അബ്ദുല്‍കരിം പഴേരി, ഡയറക്ടര്‍മാരായ അബ്ബാസ് മാസ്റ്റര്‍ പഴേരി, ബിനീഷ് പി, നിസാര്‍ പഴേരി, ദി ഗ്രാൻ്റ് ചെയർമാൻ ചെയർമാൻ ഡോ. പി.എ ഷുക്കൂർ,സി. ഇ. ഒ നിഷാന്ത് തോമസ്, ഗ്രാൻ്റ് ഡയറക്ടർമാരായ ബഷീർ കെ.പി, അൻവർ, അഡ്വ വി.പി നാസർ എന്നിവര്‍ പറഞ്ഞു.
കോട്ടയം : ഭരണഘടന ഉറപ്പുനൽകുന്ന നീതി, സമത്വം, സ്വാതന്ത്ര്യം, സാഹോദര്യം എന്നീ അവകാശങ്ങൾ പൗരന്മാർക്കു ലഭ്യമാകുന്നുണ്ടെന്ന് ഉറപ്പാക്കാൻ ഏറ്റവും സഹായിക്കുന്നതാണു വിവരാവകാശ നിയമമെന്നു സഹകരണ-തുറമുഖം-ദേവസ്വം വകുപ്പുമന്ത്രി വി.എൻ. വാസവൻ. ഏറ്റുമാനൂർ നിയോജകമണ്ഡലത്തിലെ വിവരാവകാശവുമായി ബന്ധപ്പെട്ട ഉദ്യോഗസ്ഥർക്കായി സംസ്ഥാന വിവരാവകാശ കമ്മിഷൻ നടത്തിയ ഏകദിന സെമിനാർ എം.ജി. സർവകലാശാല അസംബ്‌ളി ഹാളിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സ്വജനപക്ഷപാതം, കെടുകാര്യസ്ഥത, അഴിമതി, കാലതാമസം എന്നിവയെ ഒരുപരിധി വരെ ചെറുക്കുന്നതിന് സാധാരണ പൗരന്് സ്വാതന്ത്ര്യവും അവകാശവും നൽകുന്നതായി വിവരാവകാശ നിയമം. നിയമം നല്ലരീതിയിൽ നടപ്പാക്കണമെങ്കിൽ ഉദ്യോഗസ്ഥർക്കു ഇതു സംബന്ധിച്ചു വ്യക്തമായ ധാരണയുണ്ടാകണമെന്നും ഇത്തരം ശിൽപശാലകൾ അതുലക്ഷ്യമാക്കിയിട്ടുള്ളതാണെന്നും മന്ത്രി പറഞ്ഞു. സംസ്ഥാന വിവരാവകാശ കമ്മിഷണർ ഡോ. കെ.എം. ദിലീപ് ചടങ്ങിൽ അധ്യക്ഷത വഹിച്ചു. സിവിൽ സർവീസിന്റെ ജനാധിപത്യവൽക്കരണത്തിനും അഴിമതി കുറയ്ക്കാനും വിവരാവകാശ നിയമം സഹായിച്ചുവെന്നു ഡോ. കെ.എം. ദിലീപ് പറഞ്ഞു. വിവരാവകാശ നിയമം നടപ്പിൽവന്ന് 20 വർഷം പിന്നിടുമ്പോൾ ജനങ്ങൾ ഈ നിയമത്തെപ്പറ്റി ബോധവാന്മാരായിട്ടുണ്ട്. ഇന്ത്യൻ ജനാധിപത്യത്തെ വിപുലീകരിക്കുന്നതിനും നിയമം സഹായിച്ചുവെന്നും അദ്ദേഹം ചൂണ്ടിക്കാട്ടി. വിവരാവകാശ കമ്മിഷൻ ഡോ. സോണിച്ചൻ പി. ജോസഫ്, ജില്ലാ ലോ ഓഫീസർ ടി.എസ്. സബി എന്നിവർ പ്രസംഗിച്ചു. തുടർന്നു വിഷയാവരണവും ജീവനക്കാരുമായുള്ള സംവേദനവും നടന്നു. വിവരാവകാശ നിയമത്തെപ്പറ്റി അവബോധം വർധിപ്പിക്കുക എന്ന ലക്ഷ്യത്തോടെയാണ് സംസ്ഥാനത്തെ 140 നിയോജകമണ്ഡലങ്ങളിലും സംസ്ഥാന വിവരാവകാശ കമ്മിഷൻ ഏകദിന സെമിനാർ സംഘടിപ്പിക്കുന്നത്. സെമിനാറിൽ ഏറ്റുമാനൂർ നിയോകജകമണ്ഡലത്തിലെ വിവിധ ഓഫീസുകളിലെ സ്റ്റേറ്റ് പബ്ലിക് ഇൻഫർമേഷൻ ഓഫീസർമാർ, അപ്പീൽ അധികാരികൾ, ബന്ധപ്പെട്ട ഉദ്യോഗസ്ഥർ എന്നിവർ പങ്കെടുത്തു.
