E News

ജനറൽ

വെറും പത്ത് മിനുട്ട് മാത്രം മതി; തയ്യാറാക്കാം ഉഗ്രൻ മുട്ട ബജി

e news 6 January,2024

മലയാളികൾ ചായയ്‌ക്കൊപ്പം കഴിക്കാൻ ഏറെ ഇഷ്ടപ്പെടുന്ന ഒരു ചായക്കടിയാണ് മുട്ട ബജി. കടലമാവിൽ മുക്കിയാണ് പൊതുവെ മുട്ട ബജി ഉണ്ടാക്കുന്നത്. എന്നാൽ ഉള്ളിവട കഴിക്കുന്ന അതേ സ്വാദോടെ ഇനി മുട്ട ബജിയും ഉണ്ടാക്കാം. ചേരുവകൾ, മുട്ട -6 എണ്ണം ഉള്ളി-2 എണ്ണം ഇഞ്ചി- ഒരു കഷ്ണം പച്ച മുളക് -2 എണ്ണം കറി വേപ്പില-ആവശ്യത്തിന് കടലപ്പൊടി/ ബേസൻ ബേക്കിങ് സോഡ – ഒരു പിഞ്ച്‌ കാശ്മീരി ചില്ലി പൗഡർ – 1 ടീസ്പൂൺ കറി പൗഡർ/ ചിക്കൻ മസാല -1 ടീസ്പൂൺ എണ്ണ-മുക്കിപ്പൊരിക്കാൻ, ഉപ്പ് – ആവശ്യത്തിന് തയ്യാറാക്കുന്ന വിധം, മുട്ട ബജി തയ്യാറാക്കുന്നതിനായി മുട്ട പുഴുങ്ങി എടുക്കുക. ഉള്ളി നന്നായി കൊത്തി അരിഞ്ഞെടുക്കുക. ഇഞ്ചി, കറിവേപ്പില, പച്ച മുളക് എല്ലാം ചെറുതായി അരിഞ്ഞു വെച്ചതിന് ശേഷം ഒരു ബൗളിലേക്ക് അരിഞ്ഞു വെച്ച ഉള്ളി, പച്ചമുളക്, ഇഞ്ചി, കശ്‍മീരി ചില്ലി പൗഡർ, ചിക്കൻ മസാല, ഉപ്പ്‌ എന്നിവ ഇട്ട് നന്നായി യോജിപ്പിക്കുക

ജനറൽ

ബര്‍ഗര്‍ ഇഷ്ടമാണോ? എങ്കില്‍ വീട്ടിലുണ്ടാക്കിയാലോ…

e news 6 January,2024

അടിപൊളി ടേസ്റ്റില്‍ ചിക്കന്‍ ബര്‍ഗര്‍ വീട്ടില്‍ തയാറാക്കുന്നതെങ്ങനെയെന്നു നോക്കിയാലോ? ചേരുവകള്‍ : ചിക്കന്‍ ബ്രസ്റ്റ് 2 എണ്ണം ഗാര്‍ലിക് പൗഡര്‍ 1/2 ടീസ്പൂണ്‍ കുരുമുളകുപൊടി 1/2 ടീസ്പൂണ്‍ മുളക് പൊടി 1 ടീസ്പൂണ്‍ സോയ സോസ് 1 ടീസ്പൂണ്‍ ഉപ്പ് ആവശ്യത്തിന് കോട്ടിങിന് ആവശ്യമുള്ള ചേരുവകള്‍ മൈദ 1 കപ്പ് കോണ്‍ഫ്‌ലോര്‍ 3 ടേബിള്‍ സ്പൂണ്‍ മുട്ട ഒന്ന് ഗാര്‍ലിക് പൗഡര്‍ 1/2 ടീസ്പൂണ്‍ കുരുമുളകുപൊടി 1/2 ടീസ്പൂണ്‍ മുളക് പൊടി 1 ടീസ്പൂണ്‍ പാല്‍ 2 ടേബിള്‍ സ്പൂണ്‍ എണ്ണ വറുക്കാന്‍ ആവശ്യത്തിന് മയോ സോസ് ചില്ലി സോസ് മയോണൈസ് ടൊമാറ്റോ സോസ് തയാറാക്കുന്ന വിധം ചിക്കന്‍ ബ്രെസ്റ്റ് എടുക്കുക അതിനെ കനം കുറച്ച് മുറിക്കുക പിന്നെ ഹാമ്മര്‍ ഉപയോഗിച്ചു അടിച്ചു പരത്തുക. (ചപ്പാത്തി പലകയില്‍ പ്ലാസ്റ്റിക് ഷീറ്റ് വിരിച്ച് അതില്‍ ചിക്കന്‍ കഷണങ്ങള്‍ നിരത്തി കവര്‍ കൊണ്ട് മൂടി ചപ്പാത്തി പരത്തുന്ന കോല്‍ ഉപയോഗിച്ചും അടിച്ചു പരത്താം) ഒരു ബൗളില്‍ ഗാര്‍ലിക് പൗഡര്‍, കുരുമുളകുപൊടി, മുളക് പൊടി, സോയ സോസ്, ഉപ്പ് എന്നിവ ചേര്‍ത്ത് മിക്‌സ് ചെയ്ത് അതിലേക്ക് ചിക്കന്‍ ഇട്ട് മസാല പുരട്ടി അരമണിക്കൂര്‍ വയ്ക്കുക. ചിക്കന്‍ വറുത്തെടുക്കാന്‍ മൈദ ,കോണ്‍ഫ്‌ലോര്‍, ഗാര്‍ലിക് പൗഡര്‍, കുരുമുളകുപൊടി,മുളക്‌പൊടി ഒരു പാത്രത്തില്‍ ഇട്ട് മിക്‌സ് ചെയ്തു മാറ്റി വയ്ക്കുക. ഇനി വേറൊരു പാത്രത്തില്‍ ഒരു മുട്ടയും പാലും ചേര്‍ത്ത് യോജിപ്പിക്കുക. ചിക്കന്‍ എടുത്ത് പൊടിയിലും പിന്നെ മുട്ടയിലും പിന്നെ പൊടിയിലും മുക്കി എണ്ണയില്‍ ഇട്ടു ഫ്രൈ ചെയ്‌തെടുക്കുക. ഇങ്ങനെ എല്ലാം ഫ്രൈ ചെയ്‌തെടുക്കാം ബര്‍ഗര്‍ സെറ്റ് ചെയ്യാം : ബര്‍ഗര്‍ ബണ്‍ മയോണൈസ് ക്രിസ്പി ചിക്കന്‍ മായോ സോസ് ചീസ് സ്ലൈസ് ടൊമാറ്റോ സോസ് ഇനി ബര്‍ഗര്‍ ബണ്‍ എടുത്ത് നടുവേ മുറിച്ച് ഒരു ഭാഗം മയോ സോസ് തേച്ചു കൊടുക്കുക പിന്നെ അതിന്റെ മുകളില്‍ ഫ്രൈ ചെയ്ത ചിക്കന്‍ വയ്ക്കുക പിന്നെ തക്കാളിയും ലെറ്റൂസും വച്ച് ചീസ് ഷീറ്റ് വയ്ക്കുക ഇങ്ങനെ ബര്‍ഗര്‍ സെറ്റ് ചെയ്യാം.

ജനറൽ

വെറും അഞ്ച് സാധനങ്ങൾ ഉപയോഗിച്ച് എളുപ്പത്തിൽ ഉണ്ടാക്കാം വെറൈറ്റി ബീറ്റ്റൂട്ട് ഹൽവ

e news 6 January,2024

ബീറ്റ്റൂട്ട് ആരോഗ്യത്തിന് ഏറെ ഗുണം ചെയ്യുന്ന ഒരു പച്ചക്കറി ആണ്. ബീറ്റ്റൂട്ട് ജ്യൂസ് ആയും, കറി വച്ചും ഒക്കെ നമ്മൾ കഴിക്കയറുണ്ട്. ദിവസേന ബീറ്റ്‌റൂട്ട് കഴിക്കുന്നത് ശീലമാക്കിയാൽ പലതുണ്ട് ഗുണം. വിറ്റാമിൻ എ, സി, ഇരുമ്പ്, പൊട്ടാസ്യം, ഡയറ്ററി ഫൈബർ തുടങ്ങിയ പ്രധാന പോഷകങ്ങളുടെ കലവറയാണ് ബീറ്റ്‌റൂട്ട്. എങ്കിൽ ബീറ്റ്റൂട്ട് കൊണ്ട് ഹൽവ ഉണ്ടാക്കി നോക്കിയാലോ ? ആവശ്യ സാധനങ്ങൾ: മെെദ 5 സ്പൂണ്‍ നെയ്യ് ആവശ്യത്തിന് ബീറ്റ്‌റൂട്ട് ജ്യൂസ് 1 വലിയ കപ്പ് തേങ്ങ അര കപ്പ് നെയ്യില്‍ വറുത്തത് പഞ്ചസാര ആവിശ്യത്തിന് പാകം ചെയ്യുന്ന വിധം: ബീറ്റ്‌റൂട്ട് ജ്യൂസില്‍ മൈദ കുറച്ചു കുറച്ചു ഒഴിച്ചു കലക്കി വയ്ക്കുക. കട്ട ഉണ്ടാവരുത്. അതില്‍ ഒരു നുള്ള് ഉപ്പ് ചേര്‍ത്ത് ഇളക്കുക. കട്ടിയുള്ള ഒരു പത്രത്തില്‍ കലക്കിയ മാവ് ഒഴിച്ചു ഇളക്കികൊടുക്കുക.മാവ് തിളയ്ക്കുന്ന സമയം നെയ്യ് അല്പം ചേര്‍ക്കുക. ശേഷം തീ കുറച്ചു വച്ച് ഇളക്കി കൊണ്ടിരിക്കുക. ഇടയ്ക്ക് നെയ്യ് ഒഴിച്ചു കൊടുക്കുക. പാത്രത്തില്‍ നിന്നു വിട്ടു വരുന്നത് വരെ ഇളക്കുക.ശേഷം ഒരു പാത്രത്തില്‍ നെയ്യ് തടവി വയ്ക്കുക. അതിലേക്കു തേങ്ങ നെയ്യില്‍ വറുത്തത് ഇടുക. അതിലേക്കു ഹലുവ ഒഴിച്ചു സെറ്റ് ആയതിനു ശേഷം മുറിച്ച് കഴിക്കുക.

ജനറൽ

കൊത്തുപൊറോട്ടയ്ക്ക് പകരം ‘ചിക്കൻ ചതച്ചത്’; വീട്ടിൽ തന്നെയുണ്ടാക്കാം ഈ സ്വാദിഷ്ടമായ വിഭവം 2 DAYS AGO

enews web desk 6 January,2024

കൊത്തുപൊറോട്ട പോലെ രുചികരമായ എന്തെങ്കിലും വീട്ടിൽ പരീക്ഷിച്ചുനോക്കിയാലോ. ചോറിനൊപ്പം കഴിക്കാനും ഈ വിഭവമുണ്ടാക്കാം. സ്വാദിഷ്ടമായ ചിക്കൻ ചതച്ചതുണ്ടാക്കാൻ ഏറെയെളുപ്പം. ചേരുവകൾ 1. ചിക്കൻ‌, എല്ലില്ലാതെ – അരക്കിലോ 2. മഞ്ഞൾപ്പൊടി – അര ചെറിയ സ്പൂൺ 3. കുരുമുളകുപൊടി – അര ചെറിയ സ്പൂൺ 4. ഉപ്പ് – പാകത്തിന് 5. വെള്ളം – പാകത്തിന് 6. എണ്ണ – രണ്ടു വലിയ സ്പൂൺ 7. സവാള – ഒന്ന്, പൊടിയായി അരിഞ്ഞത് 8. ഇഞ്ചി – ഒരിഞ്ചു കഷണം, പൊടിയായി അരിഞ്ഞത് 9. വെളുത്തുള്ളി – അഞ്ച് അല്ലി, പൊടിയായി അരിഞ്ഞത് 10. ഉപ്പ് – പാകത്തിന് 11. വറ്റൽമുളക് ചതച്ചത് – രണ്ടു വലിയ സ്പൂൺ 12. കറിവേപ്പില – ഒരു തണ്ട് 13. മുളകുപൊടി – ഒരു ചെറിയ സ്പൂൺ 14. പെരുംജീരകം പൊടി – അര ചെറിയ സ്പൂൺ 15. കുരുമുളകുപൊടി – അര ചെറിയ സ്പൂൺ പാകം ചെയ്യുന്ന വിധം ചിക്കൻ വലിയ കഷണങ്ങളാക്കി മുറിച്ച് രണ്ടാമത്തെ ചേരുവ ചേർത്തു വേവിക്കുക. ഇതു കൈ കൊണ്ടു പിച്ചിയെടുത്തു മാറ്റി വയ്ക്കണം. പാനിൽ എണ്ണ ചൂടാക്കി സവാള വഴറ്റുക. കണ്ണാടിപ്പരുവമാകുമ്പോൾ അഞ്ചാമത്തെ ചേരുവ ചേർ‌ത്തു വഴറ്റണം. വറ്റൽമുളകും കറിവേപ്പിലയും ചേർത്തു വഴറ്റി ഏഴാമത്തെ ചേരുവയും ചേർത്തു പച്ചമണം മാറുമ്പോൾ ചിക്കൻ ചേർക്കുക. നന്നായി ഇളക്കി യോജിപ്പിച്ച് തടി തവി കൊണ്ടു മെല്ലേ ഉടച്ചു കൊടുക്കണം. അല്പം വെളിച്ചെണ്ണയും കറിവേപ്പിലയും ചേർത്തിളക്കി വാങ്ങാം.

ജനറൽ

പ്രേമ’ത്തെയും പിന്തള്ളി; മലയാളത്തിലെ എക്കാലത്തെയും മികച്ച ചിത്രങ്ങളിൽ ഇടം നേടി ‘നേര്’

e news 6 January,2024

മലയാളത്തിലെ എക്കാലത്തെയും മികച്ച ചിത്രങ്ങളുടെ പട്ടികയിൽ ഇടം നേടി മോഹൻലാൽ – ജിത്തുജോസഫ് ചിത്രം നേര്. എക്കാലത്തെയും വലിയ വിജയങ്ങളായ 10 മലയാള സിനിമകളുടെ ലിസ്റ്റിലേക്ക് നേരത്തേ പ്രവേശനം ലഭിച്ചിരുന്നു ചിത്രത്തിന്. ഇപ്പോഴിതാ അതേ ലിസ്റ്റിലെ നില മെച്ചപ്പെടുത്തിയിരിക്കുകയാണ് നേര്. പ്രേമത്തെ പിന്തള്ളിയാണ് നേര് ഈ നേട്ടം കൈവരിച്ചിരിക്കുന്നത്. ഏഴാം സ്ഥാനത്തുള്ള ദുല്‍ഖര്‍ സല്‍മാന്‍ ചിത്രം കുറുപ്പിനെയാണ് നേരിന് ഇനി മറികടക്കാനുള്ളത്. കഴിഞ്ഞ വാരാന്ത്യത്തിൽ കേരളത്തിലുടനീളം ഹൗസ് ഫുള്ളായാണ് ചിത്രം പ്രദർശിപ്പിച്ചത്. നേര് മോഹൻലാലിന്റെ ആറാം 50 കോടി ക്ലബാണ്. മലയാളത്തില്‍ നിന്ന് 50 കോടിയിലധികം ആദ്യമായി നേടുന്നതും മോഹൻലാല്‍ നായകനായി എത്തിയ ദൃശ്യമായിരുന്നു. മലയാളത്തില്‍ നിന്ന് വേഗത്തില്‍ 50 കോടി ക്ലബില്‍ എത്തിയതിന്റെ റെക്കോര്‍ഡ് മോഹൻലാല്‍ നായകനായ ലൂസിഫറിനുമാണ്.

ജനറൽ

തൊടുപുഴയില്‍ പശുക്കൾ കൂട്ടത്തോടെ ചത്ത സംഭവം; കുട്ടിക്കർഷകർക്ക് സഹായഹസ്‌തവുമായി മമ്മൂട്ടിയും പൃഥ്വിരാജും

e news 4 January,2024

ഇടുക്കി തൊടുപുഴയില്‍ പശുക്കള്‍ കൂട്ടത്തോടെ ചത്ത സംഭവത്തില്‍ കുട്ടിക്കർഷകർക്ക് സഹായവുമായി കൂടുതൽ പേർ. കുട്ടിക്കർഷകർക്ക് സഹായവുമായി മമ്മൂട്ടിയും പൃഥ്വിരാജും. മമ്മൂട്ടി ഒരു ലക്ഷം രൂപയും. പൃഥ്വിരാജ് രണ്ട് ലക്ഷം രൂപയും നൽകും. നടൻ ജയറാമിനെ ഫോണിൽ വിളിച്ചാണ് ഇരുവരും സഹായം പ്രഖ്യാപിച്ചത്.കുട്ടിക്കര്‍ഷകരെ നടന്‍ ജയറാം നേരിട്ട് സന്ദർശിച്ചു. കര്‍ഷരായ മാത്യുവിനെയും ജോര്‍ജിനെയും കണ്ട ജയറാം കുട്ടികള്‍ക്ക് അഞ്ച് ലക്ഷം രൂപയുടെ ചെക്ക് കൈമാറി. ആറ് വര്‍ഷങ്ങള്‍ക്ക് മുന്‍പ് ഇതുപോലൊരു അവസ്ഥയിലൂടെ കടന്നുപോയ ആളാണ് താനും കുടുംബവുമെന്ന് ജയറാം പറഞ്ഞു ജയറാമിന്റെ പുതിയ സിനിമയുടെ ഓഡിയോ ലോഞ്ച് നാളെയാണ്. ആ ചടങ്ങ് മാറ്റിവച്ചുള്ള അഞ്ച് ലക്ഷം രൂപ കുട്ടികള്‍ക്ക് ധനസഹായമായി നല്‍കി. തമിഴ്‌നാട്ടിലെ കൃഷ്ണഗിരിയില്‍ നിന്ന് പുതിയ പശുക്കളെ വില കുറവില്‍ വാങ്ങാന്‍ സഹായിക്കാമെന്നും കൂടെ വരാമെന്നും ജയറാം കുട്ടിക്കര്‍ഷകരായ ജോര്‍ജിനും മാത്യുവിനും വാക്ക് നല്‍കി. വെള്ളിയാമറ്റത്ത് കുട്ടികളായ ജോര്‍ജുകുട്ടിയുടെയും മാത്യുവിന്റെയും 13 പശുക്കളാണ് ചത്തത്. കപ്പത്തൊണ്ട് കഴിച്ചതിനെ തുടര്‍ന്നാണ് പശുക്കള്‍ ചത്തതെന്നാണ് സംശയം. മികച്ച കുട്ടി ക്ഷീരകര്‍ഷകനുള്ള സംസ്ഥാന അവാര്‍ഡ് ലഭിച്ചത് കുട്ടിയാണ് മാത്യു. അവശേഷിക്കുന്നവയില്‍ 5 പശുക്കളുടെ നില ഗുരുതരമാണ്. തൊടുപുഴയിലെ ഏറ്റവും മികച്ച ക്ഷീരഫാമുകളിലൊന്നാണ് ഇവരുടേത്. കുട്ടികളുടെ വീട് മന്ത്രിമാരായ ജെ ചിഞ്ചുറാണിയും റോഷി അഗസ്റ്റിനും സന്ദര്‍ശിച്ചു. ഇവര്‍ക്ക് എല്ലാ വിധ സഹായങ്ങളും സര്‍ക്കാര്‍ നല്‍കുമെന്ന് മന്ത്രി ചിഞ്ചുറാണി വ്യക്തമാക്കി. ആദ്യ ഘട്ടത്തില്‍ മില്‍മ 45000 രൂപ നല്‍കും. പശുക്കള്‍ക്ക് ഒരു മാസത്തേക്കുള്ള കാലിത്തീറ്റ സൗജന്യമായി നല്‍കും. അഞ്ച് പശുക്കളെയും ക്ഷീര വകുപ്പ് കുട്ടികള്‍ക്ക് കൈമാറും.

ജനറൽ

ഓസ്കർ ചുരുക്കപ്പെട്ടികയിൽ നിന്ന് ‘2018’ പുറത്ത്

4 January,2024

ഓസ്കർ ചുരുക്കപ്പെട്ടികയിൽ നിന്ന് മലയാള സിനിമ ‘2018’ പുറത്ത്. മികച്ച രാജ്യാന്തര ചിത്രം വിഭാഗത്തിലെ നാമനിർദ്ദേശത്തിനായി മത്സരിച്ച 2018 രണ്ടാം ഘട്ടത്തിലേക്ക് തിരഞ്ഞെടുക്കപ്പെട്ടില്ല. 85 ലധികം രാജ്യങ്ങളിൽ നിന്നുള്ള ചിത്രങ്ങളിൽ നിന്ന് 15 സിനിമകളാണ് രണ്ടാം ഘട്ടത്തിലേക്ക് യോഗ്യത നേടിയത്. ക്രിസ്റ്റഫർ നോളൻ ചിത്രം ഓപ്പൻഹൈമർ വിഷ്വൽ എഫക്ട്സ് വിഭാഗത്തിൽ നിന്നും പുറത്തായി. ജൂഡ് അന്താണി ജോസഫ് സംവിധാനം ചെയ്ത ചിത്രമാണ് 2018. 2018ലെ മഹാപ്രളയം തിരശീലയിലെത്തിച്ച സിനിമ അഖിൽ പി ധർമജനും ജൂഡും ചേർന്നാണ് എഴുതിയത്. കുഞ്ചാക്കോ ബോബൻ, ആസിഫ് അലി, ടൊവിനോ തോമസ്, അപർണ ബാലമുരളി തുടങ്ങി വമ്പൻ താരനിരയിലാണ് പുറത്തിറങ്ങിയത്. ബോക്സോഫീസിൽ തകർപ്പൻ വിജയം നേടിയ ചിത്രം പല കളക്ഷൻ റെക്കോർഡുകളും ഭേദിച്ചു. മികച്ച രാജ്യാന്തര ചിത്രം രണ്ടാം ഘട്ടത്തിലേക്ക് തെരഞ്ഞെടുക്കപ്പെട്ട ചിത്രങ്ങൾ: അമേരിക്കാറ്റ്‌സി (അർമേനിയ) ദി മോങ്ക് ആൻഡ് ദ ഗൺ (ഭൂട്ടാൻ) ദി പ്രോമിസ്ഡ് ലാൻഡ് (ഡെൻമാർക്ക്) ഫാളൻ ലീവ്‌സ് (ഫിൻലാൻഡ്) ദ ടേസ്റ്റ് ഓഫ് തിങ്‌സ് (ഫ്രാൻസ്) ദ മദർ ഓഫ് ഓൾ ലൈസ് (മൊറോക്കോ) സൊസൈറ്റി ഓഫ് ദി സ്നോ (സ്പെയിൻ) ഫോർ ഡോട്ടേഴ്സ് (ടുണീഷ്യ) 20 ഡേയ്സ് ഇൻ മരിയുപോള് ( ഉക്രെയ്ൻ) സോൺ ഓഫ് ഇൻട്രസ്റ്റ് (യു.കെ) ടീച്ചേഴ്സ് ലോഞ്ച് (ജർമനി) ഗോഡ്ലാൻഡ് (ഐസ്ലാൻഡ്) ലോ ക്യാപിറ്റാനോ (ഇറ്റലി) പെർഫെക്റ്റ് ഡേയ്സ് (ജപ്പാൻ) ടോട്ടം (മെക്സിക്കോ)

ജനറൽ

ഇത് മമ്മൂട്ടിയുടെ 'ഭ്രമ'യുഗം; പുതു വർഷത്തിൽ പുത്തൻ പോസ്റ്റർ

e news 1 January,2024

സിനിമാപ്രേമികൾ ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി ചിറ്റരത്തരം ഭ്രമയുഗത്തിന്റെ പുതിയ പോസ്റ്റർ റിലീസ് ചെയ്തു. പുതുവത്സരത്തോട് അനുബന്ധിച്ചാണ് സിനിമയുടെ പോസ്റ്റർ റിലീസ്. കൊമ്പുകളുള്ള കിരീടവും ദ്രംഷ്ടങ്ങളുമെല്ലാം ധരിച്ചുള്ള മമ്മൂട്ടിയെയാണ് പോസ്റ്ററിൽ കാണാൻ കഴിയുന്നത്. താരത്തിന്റെ മികച്ച അഭിനയ മുഹൂർത്തങ്ങൾ സിനിമയിലുണ്ടാകുമെന്ന് ഈ പോസ്റ്റർ അരക്കിട്ടുറപ്പിക്കുന്നുണ്ട്. ഭൂതകാല'ത്തിന് ശേഷം രാഹുൽ സദാശിവൻ സംവിധാനം ചെയ്യുന്ന ഹൊറർ ത്രില്ലർ ചിത്രമാണ് ഭ്രമയുഗം. ചിത്രത്തിൽ പ്രതിനായക വേഷമാണ് മമ്മൂട്ടിക്ക്. ദുർമന്ത്രവാദിയായാണ് മമ്മൂട്ടി ചിത്രത്തിലെത്തുക എന്ന റിപ്പോർട്ടുകൾ വന്നിരുന്നെങ്കിലും ഇത് ശരിയല്ല എന്നാണ് വിവരം. നിമിഷം നേരം കൊണ്ട് തന്നെ പോസ്റ്റർ സോഷ്യൽമിഡിയയിൽ വൈറലാണ്.

ജനറൽ

Follow Us

Popular News