ഈരാറ്റുപേട്ട മുസ്ലിം ഗേൾസ് ഹയർസെക്കൻഡറി സ്കൂളിലെ വിദ്യാർത്ഥികളുടെ സുരക്ഷയുമായി ബന്ധപ്പെട്ട് ഈരാറ്റുപേട്ട സബ് ഇൻസ്പെക്ടർ ബിനോയ് തോമസിന്റെ നേതൃത്വത്തിൽ സ്കൂൾ പ്രൊട്ടക്ഷൻ ഗ്രൂപ്പ് യോഗം നടത്തി. പോലീസ് ,വ്യാപാരി പ്രതിനിധികൾ, ടാക്സി ഡ്രൈവർമാർ, ബസ് ഡ്രൈവർമാർ, പിടിഎ ഭാരവാഹികൾ, അധ്യാപക പ്രതിനിധികൾ, വിദ്യാർത്ഥി പ്രതിനിധികൾ , സമീപവാസികൾ,സ്കൂൾ മേലധികാരികൾ എന്നിവർ യോഗത്തിൽ പങ്കെടുത്തു.
അരുവിത്തുറ :അരുവിത്തുറ സെൻറ് ജോർജ് കോളേജിൽ എൻ.സി.സിയുടെയും വിവിധ ഡിപ്പാർട്ട്മെന്റുകളുടെയും ആഭിമുഖ്യത്തിൽ വിപുലമായ യോഗ ദിനാചരണം സംഘടിപ്പിച്ചു.ലോക യോഗാ ദിനത്തോട് അനുബന്ധിച്ച് സംഘടിപ്പിച്ച പരിപാടിക്ക് എൻ സി സി പ്രോഗ്രാം ഓഫീസർ ലെഫ്റ്റനൻ്റ് ഡോ ലൈജു വർഗീസ് നേതൃത്വം നൽകി.ഫിസിക്സ് വിഭാഗത്തിന്റെ ആഭിമുഖ്യത്തിൽ ഭൗതികശാസ്ത്രവും പ്രാണശാസ്ത്രവും എന്ന വിഷയത്തിൽ സെമിനാർ സംഘടിപ്പിച്ചു തുടർന്ന് യോഗ പരിശീലനവും സംഘടിപ്പിച്ചു. വിവിധ യോഗ പരിശീലനങ്ങളിലായി നൂറുകണക്കിന് വിദ്യാർത്ഥികൾ പങ്കുചേർന്നു.പരിപാടികൾക്ക് കോളേജ് പ്രിൻസിപ്പൽ പ്രൊഫ ഡോ സിബി ജോസഫ്. ബർസാർ റവ ഫാ ബിജു കുന്നയ്ക്കാട്ട് വൈസ് പ്രിൻസിപ്പൽ ഡോ.ജിലു ആനി ജോൺ ഫിസിക്സ് വിഭാഗം മേധാവി ഡോ സന്തോഷ് കുമാർ ആർ തുടങ്ങിയവർ നേതൃത്വം നൽകി.
ഈരാറ്റുപേട്ട : ഈരാറ്റുപേട്ട മുസ്ലിം ഗേൾസ് ഹയർസെക്കൻഡറി സ്കൂളിലെ സ്റ്റുഡൻറ് പോലീസ് കേഡറ്റ് യൂണിറ്റിന്റെ ആഭിമുഖ്യത്തിൽ ജൂൺ 21 അന്താരാഷ്ട്ര യോഗ ദിനം ആചരിച്ചു. കേന്ദ്ര ആയുഷ മന്ത്രാലയത്തിന്റെ കീഴിൽ പ്രവർത്തിച്ചുവരുന്ന റീജിയണൽ ആയുർവേദ റിസർച്ച് ഇൻസ്റ്റിറ്റ്യൂട്ട് സംഘടിപ്പിച്ച യോഗസംഗം എന്ന പരിശീലന പരിപാടിയിൽ എസ് പി സി കേഡറ്റ്സും പങ്കെടുത്തു. തുടർന്ന്ബോധവൽക്കരണ ക്ലാസ്സും യോഗ പരിശീലനവും നടന്നു. സ്റ്റുഡൻറ് പോലീസ് കേഡറ്റ് കമ്മ്യൂണിറ്റി പോലീസ് ഓഫീസർ ഷമീന ഫാസിൽ നേതൃത്വം നൽകി. നിത്യജീവിതത്തിൽ യോഗയുടെ പ്രാധാന്യവും ആവശ്യകതയും വിശദീകരിച്ചു. സി പി ഒ റമീസ് പി എസ് പരിപാടിക്ക് നേതൃത്വം വഹിച്ചു.
തിടനാട്: ഈരാറ്റുപേട്ട എം.ഇ.എസ് കോളേജ് എൻ.എസ്.എസ് യൂനിറ്റിന്റെ ആഭിമുഖ്യത്തിൽ ഇന്റർനാഷണൽ യോഗ ദിനത്തോട് അനുബന്ധിച്ച് കോളേജിൽ യോഗ ഡേ അവയർനസും യോഗ പരിശീലന പരിപാടിയും നടത്തി. പ്രിൻസിപ്പൽ ഹലീൽ മുഹമ്മദ്. വി.എംന്റെ അധ്യക്ഷതയിൽ ചേർന്ന പരിപാടി യോഗ മർമ്മ തെറാപ്പിസ്റ്റ് ആന്റോ ആൻറണി ഉദ്ഘാടനം ചെയ്തു ക്ലാസുകൾ നയിച്ചു. കൊമേഴ്സ് വിഭാഗം മേധാവി രജിത പി.യു, കമ്പ്യൂട്ടർ സയൻസ് വിഭാഗം മേധാവി റെജി മനോജ്, എൻ.എസ്.എസ് പ്രോഗ്രാം ഓഫീസർ ഷഫ്ന സക്കീർ, ഫാത്തിമ ഷുക്കൂർ എന്നിവർ ആശംസയർപ്പിച്ചു. എൻ.എസ്.എസ്. വോളണ്ടിയർ സെക്രട്ടറി റൈഹാൻ നൗഷാദ് നന്ദി പറഞ്ഞു.
ഈരാറ്റുപേട്ട: സിവിൽ സർവീസിലും മെഡിക്കൽ എൻജിനിയറിങ്ങിലുമെല്ലാം റാങ്ക് ലിസ്റ്റ് പുറത്ത് വരുമ്പോൾ തൊണ്ണുറ് ശതമാനവും പെൺകുട്ടികളാണ് കരസ്ഥമാക്കുന്നത്. ഇത് വളരെ സന്തോഷം നൽകുന്ന കാര്യമാണ്. എന്നാൽ ഈ മേഖലയിൽ ആൺകുട്ടികളുടെ പിന്നോട്ട് പോക്ക് നിരാശയുണ്ടാക്കുന്നു. ഇക്കാര്യം ഗൗരവമായി എടുക്കണമെന്നും അന്റോ ആന്റണി എം.പി ചൂണ്ടിക്കാട്ടി. നടയ്ക്കൽ ഫൗസിയ ഓഡിറ്റോറിയത്തിൽ നഗരസഭയിലെ ഏഴ്, പതിനഞ്ച് വാർഡുകളിൽ നിന്നും ഫുൾ എ പ്ലസ് കരസ്ഥമാക്കിയ കുട്ടികൾക്ക് അവാർഡ് വിതരണം ചെയ്ത് സംസാരിക്കുകയായിരുന്നു അദ്ദേഹം. ചെയർപേഴ്സൻ സുഹ്റാ അബ്ദുൽ ഖാദർ അധ്യക്ഷത വഹിച്ച യോഗത്തിൽ വൈസ് ചെയർമാൻ അൻസർ പുള്ളോലിൽ, അഡ്വ. മുഹമ്മദ് ഇല്ല്യാസ്, നാസർ വെള്ളൂപറമ്പിൽ, അനസ് നാസർ, കെ.ഇ.എ. ഖാദർ എന്നിവർ സംസാരിച്ചു
ഈരാറ്റുപേട്ട മുസ്ലിം ഗേൾസ് ഹയർ സെക്കണ്ടറി സ്കൂളിൽ സ്റ്റുഡൻ്റ്സ് വെൽനെസ് പ്രോഗ്രാമിൻ്റെ ഭാഗമായി വിദ്യാർത്ഥികളുടെ കായികക്ഷമത വർദ്ധിപ്പിക്കുന്നതിനും ഒഴിവു സമയം ഉല്ലാസ പ്രദമമാക്കുന്നതിനുമായി മാനേജ്മെന്റ് വിദ്യാർത്ഥികൾക്കായി 25 സൈക്കിളുകൾ വിതരണം ചെയ്തു. സ്കൂൾ മാനേജർ എം. കെ. അൻസാരി സൈക്കിൾ റാലി ഫ്ലാഗ് ഓഫ് ചെയ്ത് ഉദ്ഘാടനം നിർവ്വഹിച്ചു. മാനേജ്മെന്റ് കമ്മിറ്റി ചെയർമാൻ പ്രൊഫ. എം കെ ഫരീദ്, ഹെഡ്മിസ് ട്രസ് ലീനഎം.പി, അദ്ധ്യാപകരായ ഷെമീന കെ.എ,മാഫിൻ സി.എച്ച് , ജ്യോതി . പി. നായർ എന്നിവർ പരിപാടിയിൽ പങ്കെടുത്തു.
ഈരാറ്റുപേട്ട ഗവൺമെൻ്റ് ഹയർ സെക്കൻഡറി സ്കൂളിൽ സൗഹൃദ ക്ലബ്ബ് ആഭിമുഖ്യത്തിൽ അന്താരാഷ്ട്ര യോഗ ദിനം ആചരിച്ചു. ദിനാഘോഷം പ്രിൻസിപ്പാൾ ഷീജ സലിം ഉദ്ഘാടനം ചെയ്തു.സൗഹൃദ ക്ലബ് കോർഡിനേറ്റർ സൂര്യ ബി.ആർ അധ്യക്ഷത വഹിച്ചു. സീനിയർ അസിസ്റ്റൻറ് ഷീജ എം.എസ്യോഗ ട്രെയിനറും അധ്യാപികയുമായ റിന്റ ട്രീസ ടോം വിദ്യാർഥികൾക്ക് ക്ലാസ് നൽകുകയും യോഗ അഭ്യസിപ്പിക്കുകയും ചെയ്തു.
ഈരാറ്റുപേട്ട : ഓർമകളും വിശേഷങ്ങളും പങ്ക് വെച്ച് മധുരമായ സ്മരണകളുമായി അരുവിത്തുറ സെൻ്റ് ജോർജ് കോളജ് 1981- 83 പ്രീഡിഗ്രി എച്ച് ബാച്ചിലെ പഴയ സഹപാഠികൾ ഒരിക്കൽ കൂടി ഒത്ത് കൂടി.മധുരിക്കും ഓർമ്മകളേ മലർമഞ്ചൽ കൊണ്ട് വരൂ..എന്ന ഗാനം ഉച്ചത്തിൽ ഏറ്റ്പാടി.പഴയ ക്ലാസ് റൂമിനെ ഓർമ്മിപ്പിച്ച് അദ്ധ്യാപകരായ പി. എം.മാത്യു,എഡ്സൽ ജോസഫ് എന്നിവർ ക്ലാസെടുത്തപ്പോൾ ' വിദ്യാർത്ഥികൾ നിശബ്ദരായി '.ഒത്ത് കൂടലിൻ്റെ ഓർമ്മക്കായി നഗരസഭാ ചെയർപേഴ്സൺ സുഹുറ അബ്ദുൽഖാദർ കോളജ് ഗ്രൗണ്ടിൽ വൃക്ഷ തൈകൾ നട്ടു. റോട്ടറി ക്ലബ്ബ് ഹാളിൽ നടന്ന സഹപാഠി സംഗമത്തിൻ്റെ മൂന്നാമത് വാർഷികവും വിവിധ കലാപരിപാടികളും അഡ്വ.സെബാസ്ററ്യൻ കുളത്തുങ്കൽ എം എൽ എ ഉദ്ഘാടനം ചെയ്തു.സഹപാഠി ഗ്രൂപ്പ് ചെയർമാൻ വി. എം.അബ്ദുള്ള ഖാൻ അധ്യക്ഷത വഹിച്ചു.അരുവിത്തുറ പള്ളി മുൻ വികാരി ഫാ.അഗസ്റ്റിൻ പാലക്കാപ്പറമ്പിൽ അനുഗ്രഹ പ്രഭാഷണം നടത്തി.കോളജ് ബർസാർ ഫാ.ബിജു,വൈസ് പ്രിൻസിപ്പൽ ഡോ. ജിലു അനി, പ്രഫ.പി. എം.മാത്യു, പ്രഫ.എഡ്സൽ ജോസഫ്,സഹപാഠി ഗ്രൂപ്പ് സെക്രട്ടറി ജോയി ജേക്കബ്,ബാബു പുറപ്പുന്താനം എന്നിവർ പ്രസംഗിച്ചു.ഡോക്ടറേറ്റ് നേടിയ ജോസ്ന ജെയിംസിനെ എം എൽ എ മെമൻ്റോ നൽകി ആദരിച്ചു.അംഗങ്ങൾ വിവിധ കലാപരിപാടികൾ അവതരിപ്പിച്ചു.
