E News

പ്രാദേശികം

ഫെയ്സ് കെ.പി.എ. നടക്കൽ പ്രസിഡന്റ്, ഹാഷിം ലബ്ബ ജനറൽ സെക്രട്ടറി

Enews 11 July,2025

ഈരാറ്റുപേട്ട. ഫൈൻ ആർട്സ് ക്ലബ് ഈരാറ്റുപേട്ട (ഫെയ്സ് ) 2025 - 27 കാലത്തേക്ക് പ്രസിഡന്റായി കെ.പി.എ നടക്കൽ, ജനറൽ സെകട്ടറിയായി ഹാഷിം ലബ്ബ, ട്രഷററായി തസ്നീം കെ മുഹമ്മദ് എന്നിവരെ തെരഞ്ഞെടുത്തു. സക്കീർ താപിയാണ് ഡയറക്ടർ. വൈസ് പ്രസിഡന്റുമാരായി പി.എസ് ജബ്ബാർ, റഫീഖ് പട്ടരുപറമ്പിൽ, വി.ടി.ഹബിബ് എന്നിവരേയും, സെക്രട്ടറിമാരായി നസീറാ എൻ, താഹിറാ താഹാ, ബിജിലി സെയിൽ എന്നിവരേയും തെരഞ്ഞെടുത്തു. പോഷക ഘടകങ്ങളുടെ ചുമതലക്കാരായി വനിതാവേദി പ്രസിഡന്റ് മൃദുല നിഷാന്ത്, ജനറൽ സെക്രട്ടറി റസീന ജാഫർ ട്രഷററായി റീനാ വിജയ്എന്നിവരേയും, സാഹിത്യവേദി പ്രസിഡന്റായി കെ.എം. ജാഫർ, ജനറൽ സെകട്ടറിയായി പി.പി.എം നൗഷാദ്, ട്രഷററായി തസ്നി റിയാസ് എന്നിവരേയും. സംഗീതവേദി പ്രസിഡന്റായി ഷബീർ കെ.എം, സെകട്ടറിയായി ഹാഷിം ഡയറ, ട്രഷററായി ജലീൽ കണ്ടത്തിൽ എന്നിവരേയും തെരഞ്ഞെടുത്തു

പ്രാദേശികം

ഭാരതീയാർ യൂണിവേഴ്സിറ്റിയിൽ നിന്ന് എജുക്കേഷനിൽ ഡോക്ടറേറ്റ് നേടി ഡോ. സവിതഖാൻ

E news 10 July,2025

ഈരാറ്റുപേട്ട: ഭാരതീയാർ യൂണിവേഴ്സിറ്റിയിൽ നിന്ന് എജുക്കേഷനിൽ ഡോക്ടറേറ്റ് നേടി ഡോ. സവിതഖാൻ. ഈരാറ്റുപേട്ട പുത്തൻപറമ്പിൽ പരീത് ബാവാ ഖാൻ (റിട്ട. അഡീഷണൽ ഡെവലപ്മെന്റ് കമ്മീഷണർ & ഡയറക്ടർ SIRD തിരുവനന്തപുരം) - ഹവ്വാ ഖാൻ ദമ്പതികളുടെ മൂത്ത മകളാണ്. കോട്ടയം മൗണ്ട് കാർമ്മൽ കോളേജ് ഓഫ് ടീച്ചർ എഡ്യൂക്കേഷനിലെ റിട്ട. പ്രൊഫസർ (ഡോ) ലിസി കോശിയുടെ കീഴിലായിരുന്നു ഗവേഷണം. Effectiveness of Jigsaw-II Strategy, Reciprocal Teaching, and Concept Mapping on Achievement in Social Science among Eighth Grade Students എന്നതായിരുന്നു ഗവേഷണ വിഷയം. യൂണിവേഴ്സിറ്റിയുടെ സെന്റർ ഫോർ റിസർച്ച് ആന്റ് ഇവാലുവേഷനിൽ നടന്ന ഓപ്പൺ ഡിഫൻസിൽ വെച്ചാണ് സവിത ഖാന് ഡോക്ടറേറ്റ് നൽകിയത്. ഇക്കണോമിക്സിൽ ബിരുദാനന്തര ബിരുദധാരിയാണ്. കൊച്ചി ജെം മോഡേൺ അക്കാഡമിയിൽ ഫാക്കൽറ്റിയാണ് ഇപ്പോൾ ഡോ. സവിത. കൊച്ചിയിൽ ബിസിനസ് ചെയ്യുന്ന ഈരാറ്റുപേട്ട സ്വദേശി റസൽ എം. ഈസയാണ് ഭർത്താവ്. മക്കൾ: നോറ റസൽ, ഐറിൻ റസൽ. സഹോദരങ്ങൾ: സനു ഖാൻ, സഈദ് അബു ഖാൻ.

പ്രാദേശികം

ഈരാറ്റുപേട്ട ബ്ലോക്ക് പഞ്ചായത്തില്‍ വന്യജീവി അക്രമണ പ്രതിരോധം സെമിനാര്‍ നടത്തി

enews 9 July,2025

ഈരാറ്റുപേട്ട : വന്യജീവി അക്രമണ പ്രതിരോധത്തിനും ലഘൂകരണത്തിനുമായി സംസ്ഥാന സര്‍ക്കാര്‍ രൂപീകരിക്കുന്ന വിവിധ പരിപാടികളെക്കുറിച്ച് വിശദീകരിക്കുന്നതിനും അഭിപ്രായങ്ങള്‍ ചര്‍ച്ചചെയ്യുന്നതിനുമായി ജനപ്രതിനിധികളും വനംവകുപ്പ് ഉദ്യോഗസ്ഥരും തദ്ദേശസ്വയംഭരണവകുപ്പ് ഉദ്യോഗസ്ഥരും കൂടി ചേര്‍ന്നുള്ള ഒരു സെമിനാര്‍ നടത്തി. ജനവാസ മേഖലയില്‍ ജനങ്ങളുടെ ജീവനും സ്വത്തിനും കൃഷിയ്ക്കും അപകടകരികളായ കാട്ടുപന്നിയെ നിയന്ത്രിക്കുന്നതിന് സംസ്ഥാന സര്‍ക്കാര്‍ ആവിഷ്കരിച്ചിരിക്കുന്ന മിഷന്‍ വൈല്‍ഡ് പിഗ് – നെ കുറിച്ച് കോട്ടയം ഡെപ്യൂട്ടി ഫോറസ്റ്റ് കണ്‍സര്‍വേറ്ററും ജില്ലാ നോഡല്‍ ഓഫീസറുമായ ജോണ്‍മാത്യൂ വിശദീകരിച്ചു. കാട്ടുപന്നികളെ നിയന്ത്രിക്കുന്നതിന് ഓരോ പഞ്ചായത്തിലും കൂടതല്‍ ഷൂട്ടര്‍മാര്‍ക്ക് ലൈസന്‍സ് നല്‍കണമെന്നും നിയമ വ്യവസ്ഥകള്‍ ലഘൂകരിക്കണമെന്നും ഷൂട്ടര്‍ മാര്‍ക്ക് ആവശ്യമായ ഉപകരണങ്ങള്‍ ഇന്‍ഷ്വറന്‍സ് പരിരക്ഷ എന്നിവ നല്‍കണമെന്ന് ബ്ലോക്ക് പഞ്ചായത്തംഗം ജെറ്റോ ജോസ് യോഗത്തില്‍ ആവശ്യപ്പെട്ടു. ഈ സെമിനാര്‍ ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഫെര്‍ണാണ്ടസ് ഉദ്ഘാടനം ചെയ്തു. ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍പേഴ്സണ്‍ ബിന്ദു സെബാസ്റ്റ്യന്‍ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റുമാരായ ആനന്ദ് ജോസഫ്, രജനി സുധാകരന്‍, ചാര്‍ളി ഐസക്, ഡി.എഫ്.ഒ പ്രഫുല്‍ അഗര്‍വാള്‍ ബ്ലോക്ക് പഞ്ചായത്ത് അംഗങ്ങളായ ഓമന ഗോപാലന്‍, ജെറ്റോ ജോസ്, മിനി സാവിയോ, പഞ്ചായത്ത് വൈസ് പ്രസിഡന്റ്മാരായ മാജി റീന റെനോള്‍ഡ് സെക്രട്ടറി സാജന്‍.എം ഫോറസ്റ്റ് ഫീല്‍ഡ് ഓഫീസര്‍മാരായ ഹരിലാല്‍, അനീഷ്, ബിനു എന്നിവരും പങ്കെടുത്തു.

പ്രാദേശികം

കെ.എസ്.ഇ.ബി യുടെ അനാസ്ഥ പരാതി പെട്ടിട്ടും കാര്യമില്ല.

enews 8 July,2025

ഈരാറ്റുപേട്ട : എത്ര പരാതി പറഞ്ഞാലും പ്രശ്നം പരിഹരിക്കാനുള്ള യാതൊരു നീക്കവും നടത്താതെ ജനങ്ങളെ ബുദ്ധിമുട്ടിക്കുകയാണ് കെ.എസ്.ഇ.ബി. ഈ അനാസ്ഥ തുടരുന്നത് കാരണം സെക്ഷനിലെ നൂറ് കണക്കിന് ഉപഭോക്താക്കളാണ് ബുദ്ധിമുട്ടുന്നത്. ഏതെങ്കിലും ഒരു ട്രാൻസ്ഫോമറിന് കീഴിൽ ചെറിയൊരു അപകടം ഉണ്ടായാൽ പ്രദേശത്തുള്ള എല്ലാ ട്രാൻസ്ഫോമറുകളും മണിക്കുറുകൾ ഓഫാക്കി ഇടുന്ന നടപടിയാണ് കെ.എസ്.ഇ.ബി ആവർത്തിക്കുന്നത്. ചൊവ്വാഴ്ച പുലർച്ചെ ഇളപ്പുങ്കലിൽ ഉണ്ടായ വാഹന അപകടത്തിൽ പോസ്റ്റ് ഒടിഞ്ഞതിനെ തുടർന്ന് 8 ട്രാൻട്രാൻസ്ഫോമറുകൾ 10 മണിക്കൂറാണ് നിശ്ചലമായത്. മീനച്ചിൽ പ്ലൈവുഡ്, പർവിൻ പർദ്ദ, മാതാക്കൽ, അജ്മി ഹയ്യ, ഈലക്കയം, പേഴുംകാട്, അജ്മി, കെ.കെ, ഇളപ്പുങ്കൽ എന്നീ ട്രാൻസ്ഫോർമർ പരിധിയിലാണ് വൈദ്യുതി മുടങ്ങിയത്. ഇതു കാരണം നൂറ് കണക്കിന് കുടുംബ ങ്ങൾ, വിവിധ കമ്പനികൾ, സ്കൂളുകൾ എന്നിവയുടെ പ്രവർത്തനങ്ങളാണ് താളം തെറ്റിയത് . പ്രധാനമായും ട്രാൻസ്ഫോമറുകൾക്ക് ഇടയിൽ എ.ബി ലിങ്കുകൾ സ്ഥാപിക്കാത്തതാണ് ഇത്തരം സന്ദർഭങ്ങളിൽ കരണ്ട് പോകാനുള്ള പ്രധാന കാരണം. എ.ബി ലിങ്ക് ഘടിപ്പിച്ച് സപ്ലെ സുധാര്യ മാക്കണമെന്ന് ആവിശ്യപ്പെട്ടാൽ വിചിത്രവാദങ്ങൾ പറഞ്ഞ് അധികൃതർ ഒഴിവാകാറാണ് പതിവ്. ഇടക്ക് ഇടക്ക് ഉണ്ടാകുന്ന കരണ്ട് പോക്കിന് ശ്യാശ്വത പരിഹാരം ഉണ്ടാകണമെന്നാണ് നാട്ടുകാരുടെ ആവശ്യം.

പ്രാദേശികം

ഫെയ്സ് ക്ലബ്ബ് ബഷീർ അനുസ്മരണവും ലൈബ്രറി ഉദ്ഘാടനവും നടന്നു

Enews 5 July,2025

ഈരാറ്റുപേട്ട :(ഫെയ്സ് ) യുടെ വൈക്കം മുഹമ്മദ് ബഷീർ അനുസ്മരണവും, ഫെയ്സ് ലൈബ്രറിയുടെ ഉദ്ഘാടനവും നടന്നു. ബഷീർ അനുസ്മരണ യോഗം ചരിത്രകാരൻ കെ.എം. ജാഫർലൈബ്രറി ഉൽഘാടനം സാഹിത്യകാരൻ രവി പുലിയന്നൂർ എന്നിവർ നിർവ്വഹിച്ചു. ഫെയ്സ് പ്രസിഡന്റ് കെ.പി.എ. നടക്കൽ അദ്ധ്യക്ഷത വഹിച്ചു. സാഹിത്യകാരൻമാരായ എസ്.എഫ്.ജബ്ബാർ, എം.എസ്.എ.റസ്സാഖ്,വി.എം.അബ്ദുള്ളാഖാൻഫെയ്സ് ജനറൽ സെക്രട്ടറി ഹാഷിം ലബ്ബ,വനിതാ വേദി പ്രസിഡന്റ് മൃദുലാ നിഷാന്ത്, ഫെയ്സ് ട്രഷറർ തസ്നീം കെ മുഹമ്മദ് എന്നിവർ സംസാരിച്ചു.

പ്രാദേശികം

പ്രതിഷേധയോഗം സംഘടിപ്പിച്ചു

Enews 5 July,2025

ഈരാറ്റുപേട്ട :കേരളത്തിന് അരി നിഷേധിക്കുന്ന കേന്ദ്രസർക്കാരിന്റെ നിലപാടിനെതിരെ കർഷക തൊഴിലാളി യൂണിയൻ പൂഞ്ഞാർ ഏരിയ കമ്മിറ്റി പ്രതിഷേധയോഗം ഈരാറ്റുപേട്ട കടുവ മൂഴിയിൽ സംഘടിപ്പിച്ചു പ്രതിഷേധ യോഗത്തിന്, കർഷക തൊഴിലാളി യൂണിയൻ ഏരിയ കമ്മിറ്റിയുടെ പ്രസിഡണ്ട് സഖാവ് ബിനോയി മാത്യു അധ്യക്ഷനായി കമ്മിറ്റിയുടെ സെക്രട്ടറി സഖാവ് ടി എസ് സിജു സ്വാഗതവും കർഷക തൊഴിലാളി യൂണിയൻ സംസ്ഥാന കമ്മിറ്റി അംഗം സഖാവ് അഡ്വക്കേറ്റ്VN ശശിധരൻ ഉദ്ഘാടനവും ഈരാറ്റുപേട്ട മുനിസിപ്പൽ കൗൺസിലർ സഖാവ് സജീർ ഇസ്മായിൽ അഭിവാദ്യവും ചെയ്തു ഈരാറ്റുപേട്ട മുനിസിപ്പൽ കമ്മിറ്റിയുടെ സെക്രട്ടറി ടി എം ലൈല നന്ദിയും അർപ്പിച്ച് സംസാരിച്ചു. യോഗത്തിൽ യൂണിയൻ ജില്ലാ കമ്മിറ്റി അംഗം സഖാവ് ബിന്ദു സുരേന്ദ്രൻ തലപ്പലം ലോക്കൽ കമ്മിറ്റിയുടെ സെക്രട്ടറി കർഷകത്തൊഴിലാളി യൂണിയൻ നേതാവുമായ സഖാവ് കെ കെ സാബു യൂണിയൻ ഏരിയ കമ്മിറ്റി അംഗമായ സഖാവ് പി കെ രാജമ്മ യൂണിയൻ ഏരിയ കമ്മിറ്റി അംഗം സഖാവ് ഐഷാ സക്കീർ യൂണിയൻ ഏരിയ കമ്മിറ്റി അംഗമായ സഖാവ് പി വി തങ്കച്ചൻ യൂണിയന്റെ ഏരിയ കമ്മിറ്റിയുടെ ട്രഷററായ ടി ആർ ബാലാജി പാർട്ടിയുടെ ഈരാറ്റുപേട്ട ലോക്കൽ കമ്മിറ്റി അംഗം അബ്ദുസ്സലാം വാണിയപ്പുര ബ്രാഞ്ച് സെക്രട്ടറി സഖാവ് കബീർ യൂണിയന്റെ പ്രവർത്തകർ എന്നിവർ പങ്കെടുത്തു

പ്രാദേശികം

പുത്തൻ പള്ളി മുസ്‌ലിം ജമാഅത്ത് മെറിറ്റ് അവാർഡ് നൽകുന്നു.

enews 4 July,2025

ഈരാറ്റുപേട്ട: പുത്തൻപള്ളി മുസ്‌ലിം ജമാഅത്ത് ഈ വർഷം എസ്.എസ്.എൽ.സി, പ്ലസ്ടു, സി.ബി. എസ്.സി, ഐ.സി.എസ്.ഇ , പത്ത് പന്ത്രണ്ട്, പൊതു പരീക്ഷകളിൽ എല്ലാ വിഷയങ്ങൾക്കും എ പ്ലസ്, എവൺ,നേടിയ വിദ്യാർത്ഥികളെ അവാർഡ് നൽകി ആദരിയ്ക്കുന്നു. ഇതോടൊപ്പം ഈ കഴിഞ്ഞ മദ്റസാ പൊതു പരീക്ഷകളിലെ റാങ്ക് ജേതാക്കളെയും , ഹിഫ്ള് പൂർത്തിയാക്കിയവരെയും ആദരിയ്ക്കും. രക്ഷിതാക്കൾ മഹല്ല ഗങ്ങളായിരിക്കണം. അർഹരായവരുടെ യോഗ്യതാ സർട്ടിഫിക്കറ്റിൻ്റെ പകർപ്പ്, ഫോട്ടോ, പൂർണ്ണ മേൽവിലാസം എന്നിവ ഈ മാസം പതിനഞ്ചാം തീയ്യതിക്കകം ജമാഅത്ത് ഓഫീസിൽ എത്തിക്കണമെന്ന് ജമാഅത്ത് ജന:സെക്രട്ടറി അറിയിച്ചു. കൂടുതൽ വിവരങ്ങൾക്ക് 9447267089,8089 196513 എന്നീ നമ്പരുകളിൽ ബന്ധപ്പെടാവുന്നതാണ്.

പ്രാദേശികം

ഹിജ്‌റ സന്ദേശ സംഗമവും മോട്ടിവേഷൻ ക്ലാസ്സും.

enews 4 July,2025

ഈരാറ്റുപേട്ട: നടക്കൽ മസ്ജിദുൽ അമാന്റെയും ദാറുൽ ഉലൂം മദ്റസയുടെയും ആഭിമുഖ്യത്തിൽ ഹിജ്‌റ സന്ദേശ സംഗമവും വിദ്യാർത്ഥികൾക്കുള്ള മോട്ടിവേഷൻ ക്ലാസ്സും സംഘടിപ്പിച്ചു. മദ്റസ മാനേജർ സൈനുൽ ആബിദീന്റെ അധ്യക്ഷതയിൽ മഹല്ല് പ്രസിഡന്റ് സിപി അബ്‌ദുൽ ബാസിത് യോഗം ഉദ്ഘാടനം ചെയ്ത് സംസാരിച്ചു. മസ്ജിദുൽ അമാൻ ചീഫ് ഇമാം ബൽയാ ഖാൻ റഷാദി ഹിജ്‌റ സന്ദേശ പ്രഭാഷണം നടത്തി. പ്രശസ്ത ട്രൈനർ മുഹമ്മദ്‌ ആസിഫ് വിദ്യാർത്ഥികൾക്കുള്ള മോട്ടിവേഷൻ ക്ലാസ്സിന് നേതൃത്വം നൽകി. മഹല്ല് സെക്രട്ടറി റഈസ് മാങ്കുഴക്കൽ ആശംസകൾ അർപ്പിച്ചു... ഹിജ്‌റ കലണ്ടർ മേക്കിങ് ഗ്രീറ്റിഗ് കാർഡ് മേക്കിങ് മത്സരങ്ങളിൽ വിജയികളായ മുഹമ്മദ്‌ ഇർഫാൻ, അംന ഫൈസൽ, അമാന അഷ്‌റഫ്‌, മുഹമ്മദ്‌ ബിലാൽ, ഫൈഹ സുഹാസ്, ഫരീദ മർയം, മുഹമ്മദ്‌ ഇമ്രാൻ, മുഹമ്മദ്‌ മിസ്അബ്, ഇൻശാ മർയം എന്നിവർക്ക് സമ്മാനദാനം നടത്തി. അബ്‌ദുർറഹീം മളാഹിരി, ഹാഫിസ് ആഷിഖ് മൗലവി, ഇയാസ് സഖാഫി, നസീബ് ബാഖവി, സിറാജ് മൗലവി തുടങ്ങിയവർ സംബന്ധിച്ചു. മദ്റസ സ്വദ്ർ മുഅല്ലിം ത്വയ്യിബ് മൗലവി സ്വാഗതം പറയുകയും സാബിത് അൽഖാസിമി നന്ദി പറയുകയും ചെയ്തു.

പ്രാദേശികം

Follow Us

Popular News