ഈരാറ്റുപേട്ട: സിവിൽ സർവീസ് പരീക്ഷാ ഫലം പുറത്തുവന്നപ്പോൾ ഈരാറ്റുപേട്ടയിലും ആഹ്ലാദം. റാങ്ക് ലിസ്റ്റിൽ ഇടം നേടിയ ആദിൽ ഷുക്കൂർ തെക്കേക്കര ചാന്തുകാൻ പറമ്പിൽ അബ്ദുല്ലത്തീഫ് (CCM) ന്റെയും നൂറാനിയായിൽ സഫിയ ലത്തീഫിന്റെയും മകൾ ജെബിയുടെ മകനാണ്. മണങ്ങല്ലൂർ സ്വദേശി അബ്ദുൽ ഷുക്കൂർ-ജെബി ഷുക്കൂർ ദമ്പതികളുടെ മകനാണ്. തിരുവനന്തപുരം സി.ഇ.ടിയിൽനിന്നും എൻജിനീയറിങ് ബിരുദധാരിയാണ്.
ഈരാറ്റുപേട്ട .നഗരസഭയിലെ 26 ആം വാർഡിലെ ജില്ലയിലെ ആദ്യ എ സി അംഗനവാടിയുടെ ഉദ്ഘാടനം ആന്റോ ആന്റണി എംപി നിർവ്വഹിച്ചു. നഗരസഭ ചെയർമാൻ സുഹുറ അബ്ദുൽ ഖാദർ അധ്യക്ഷത വഹിച്ചു അബിൻ വർക്കി മുഖ്യ പ്രഭാഷണം നിർവ്വഹിച്ചു. നഗരസഭ വൈസ് ചെയർമാൻ അൻസർ പുള്ളോലിൽ , കൗൺസിലന്മാരായ അഡ്വ.മുഹമ്മദ് ഇല്ല്യാസ്, ഫസിൽ റഷീദ്, അബ്ദുൽ ലത്തീഫ് എന്നിവർ പ്രസംഗിച്ചു.
ഈരാറ്റുപേട്ട : ഈരാറ്റുപേട്ട ബ്ലോക്ക് പഞ്ചായത്ത് അന്തരിച്ച മുന് ബ്ലോക്ക് പഞ്ചായത്ത് മെമ്പര് കെ.കെ.കുഞ്ഞുമോന് അവറുകളുടെ ഫോട്ടോ അനാച്ഛാദനവും, ബ്ലോക്ക് പഞ്ചായത്ത് ഓഡിറ്റോറിയത്തിന് കെ.കെ.കുഞ്ഞുമോന് മെമ്പറുടെ നാമകരണവും ബഹു. പത്തനംതിട്ട എം.പി. ആന്റോ ആന്റണി നിര്വഹിച്ചു. ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഫെര്ണാണ്ടസ് അദ്ധ്യക്ഷത വഹിച്ച യോഗം ബ്ലോക്ക് പഞ്ചായത്ത് വൈസ് പ്രസിഡന്റ് കുര്യന് നെല്ലുവേലില് സ്വാഗതം ആശംസിച്ചു. ആശംസകള് അര്പ്പിച്ച് ഗ്രാമപഞ്ചായത്ത് പ്രസിഡന്റുമാരായ ആനന്ദ് ജോസഫ്, ചാര്ലി ഐസക്, ജോസുകുട്ടി ജോസഫ് ബ്ലോക്ക് പഞ്ചായത്ത് വികസന സ്റ്റാന്റിംഗ് കമ്മിറ്റി ചെയര്പേഴ്സണ് മേഴ്സി മാത്യൂ, ക്ഷേമകാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ബിന്ദു സെബാസ്റ്റാന്, ആരോഗ്യ സ്റ്റാന്റിംഗ് കമ്മിറ്റി ചെയര്മാന് അജിത്കുമാര് ബി, ബ്ലോക്ക് പഞ്ചായത്ത് മെമ്പര്മാരായ ഓമന ഗോപാലന്, ജോസഫ് ജോര്ജ്, ജെറ്റോ ജോസ് എന്നിവർ സംസാരിച്ചു. കെ.കെ.കുഞ്ഞുമോന് മെമ്പറുടെ കുടുംബാംഗങ്ങളും വിവിധ രാഷ്ട്രീയ സാമൂഹിക രംഗങ്ങളിലുള്ള ആളുകളും യോഗത്തില് പങ്കെടുത്തു. ബ്ലോക്ക് പഞ്ചായത്ത് സെക്രട്ടറി സാം ഐസക് നന്ദിയും രേഖപ്പെടുത്തി.
ഈരാറ്റുപേട്ട: നടക്കൽ മസ്ജിദുൽ അമാന്റെയും ദാറുൽ ഉലൂം മദ്റസയുടെയും ആഭിമുഖ്യത്തിൽ അധ്യാപക രക്ഷകർതൃ സംഗമവും നവാഗതരായ വിദ്യാർത്ഥികൾക്കുള്ള വിദ്യാരംഭവും അമാൻ മിനി ഓഡിറ്റോറിയത്തിൽ സംഘടിപ്പിച്ചു. മദ്രസ മാനേജർ സൈനുൽ ആബിദീൻ പാറയിൽ അധ്യക്ഷത വഹിച്ചു. മഹല്ല് പ്രസിഡന്റ് സി.പി. അബ്ദുൽ ബാസിത് യോഗം ഉദ്ഘാടനം ചെയ്തു. മഹല്ല് സെക്രട്ടറി റഈസ് മാങ്കുഴക്കൽ ആമുഖ പ്രഭാഷണം നടത്തി. മഹല്ല് ചീഫ് ഇമാം മുഹമ്മദ് ബൽയ ഖാൻ റഷാദി മുഖ്യ പ്രഭാഷണം നടത്തി. സാബിത് അൽ ഖാസിമി, അബ്ദുൽ റഹീം മളാഹിരി, നസീബ് ബാഖവി, സിറാജുദ്ധീൻ മൗലവി, ഹാഫിസ് ആഷിഖ് മൗലവി, ഇയാസ് സഖാഫി, മഹല്ല് ഭാരവാഹികൾ, രക്ഷിതാക്കൾ വിദ്യാർത്ഥികൾ പങ്കെടുത്തു. ദാറുൽ ഉലൂം മദ്രസ വിദ്യാർത്ഥികളായ ഉമറുൽ ഫാറൂഖ്, മുഹമ്മദ് സിയാൻ എന്നിവരുടെ മാജിക് ഷോ സംഘടിപ്പിച്ചു. മദ്രസ സദർ മുഅല്ലിം ത്വയ്യിബ് അൽ ഖാസിമി സ്വാഗതവും മദ്രസ കൺവീനർ എം.പി. നൗഷാദ് നന്ദിയും പറഞ്ഞു.
ഈരാറ്റുപേട്ട. ചരിത്രമുറങ്ങുന്നതും കാലത്തിന്റെ അടയാളങ്ങളായി നിലനിൽക്കുന്ന ഏഴര പള്ളികളിൽ ഒന്ന് എന്ന് വിശ്വസിക്കുന്നതുമായ അരുവിത്തുറ പള്ളിയിൽ ചരിത്ര പ്രസിദ്ധമായ അരുവിത്തുറ തിരുനാൾ ഏപ്രിൽ 22മുതൽ 25വരെ തീയതികളിൽ നടക്കും. മധ്യകേരളത്തിലെ ഏറ്റവും കൂടുതൽ തീർത്ഥാടകരെത്തുന്ന പ്രസിദ്ധമായ ക്രിസ്തീയ ദേവാലയമാണ് അരുവിത്തുറ പള്ളി. (22.04) ചൊവാഴ്ച തിരുനാളിന് കൊടിയേറുന്നതോടെ പ്രാർത്ഥനകളോടെ അരുവിത്തുറ വല്യച്ചൻ എന്ന് സ്നേഹപൂർവ്വം വിളിക്കപ്പെടുന്ന വിശുദ്ധ ഗീവർഗീസ് സഹദായെ വണങ്ങി അനുഗ്രഹം തേടിയെത്തുന്നവരാൽ തിങ്ങി നിറയും പള്ളിയും പരിസരവും. വല്യച്ചനെ വണങ്ങി നേർച്ച കാഴ്ചകൾ സമർപ്പിച്ച് അനുഗ്രഹം പ്രാപിക്കുക എന്നതാണ് ഇവിടെയെത്തുന്ന ഓരോ വിശ്വാസിയുടെയും പ്രഥമ ലക്ഷ്യം. അരുവിത്തുറയിൽ നിന്നും സമീപപ്രദേശങ്ങളിൽ നിന്നും ഹൈറേഞ്ചിലേക്കും മലബാറിലേയ്ക്കും മറ്റ് സ്ഥലങ്ങളിലേക്കും കുടിയേറിയവർ നന്ദി അർപ്പിക്കാൻ ഓടിയെത്തുന്ന അവസരവുമാണ് ഈ തിരുനാൾ ദിവസങ്ങൾ. എല്ലാ വർഷവും ഏപ്രിൽ 22 നാണ് അരുവിത്തുതിരുന്നാളിന് കൊടിയുയരുന്നത്. 18 ദിവസം നീണ്ടുനില്ക്കുന്ന തിരുനാൾ മെയ് 2 ന് സമാപിക്കും. 23 ന് രാവിലെ പരസ്യവണക്കത്തിന് വല്യച്ചന്റെ തിരുസ്വരൂപം അൾത്താരയിൽ നിന്ന് കൊണ്ടുവന്ന് മോണ്ടലത്തിൽ പ്രതിഷ്ഠിക്കുന്നത്തോടെ പ്രധാന തിരുന്നാൾ ദിവസങ്ങൾക്ക് തുടക്കമാകും. തിരുനാളില് ഈ തിരുസ്വരൂപത്തില് പുഷ്പമാല്യം ചാര്ത്തുവാനും നേർച്ച കാഴ്ചകൾ സമർപ്പിക്കുവാനും തൊട്ടു വണങ്ങാനും അനേകായിരങ്ങള് ഇവിടെ എത്തിച്ചേരും. അരുവിത്തുറപ്പള്ളിയില് നടക്കുന്ന പ്രധാന നേർച്ചകൾ 12 തിരി കത്തിച്ചുള്ള പാട്ടു കുർബാന, നൊവേന, അരി നേർച്ച, കളപ്പം നേർച്ച, ഏലക്കാ മാല നേർച്ച, വാഴക്കുല നേർച്ച, കുരുമുളക് നേർച്ച, കോഴി നേർച്ച, നേർച്ച രൂപങ്ങൾ സമർപ്പിക്കുക എന്നിവയാണ്. കൊടിയേറ്റിന് ശേഷം വടക്കേക്കര കുരിശു പള്ളിയിലേക്ക് നടക്കുന്ന 101 സ്വർണ്ണ കുരിശുമേന്തിയുള്ള നഗര പ്രദക്ഷിണമാണ് മറ്റൊരു പ്രധാന ആകർഷണം. രൂപതാധ്യക്ഷൻ മാർ ജോസഫ് കല്ലറങ്ങാട്ട് പിതാവ് 23നും സിറോ മലബാർ സഭ കൂരിയാ മെത്രാൻ മാർ സെബാസ്റ്റ്യൻ വാണിയപ്പുരക്കൽ പിതാവ് 24 നും കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ പിതാവ് 25 നും ഷംഷാബാദ് രൂപതാ സഹായമെത്രാൻ മാർ ജോസഫ് കൊല്ലംപറമ്പിൽ പിതാവ് മെയ് ഒന്നിനും വിശുദ്ധ കുർബാനകൾ അർപ്പിച്ച് സന്ദേശം നൽകും. ഏപ്രിൽ 22ന് രാവിലെ 5.30നും 6.45നും 8നും 9.30നും 10.30നും 11നും വൈകുന്നേരം 4നും വിശുദ്ധ കുർബാന, നൊവേന. 5.45ന് കൊടിയേറ്റ്, 6ന് പുറത്തു നമസ്കാരം, 6.45ന് 101 പൊൻകുരിശുമേന്തി നഗരപ്രദക്ഷിണം. ഏപ്രിൽ 23ന് രാവിലെ 5.30നും 6.45നും 8നും വിശുദ്ധ കുർബാനയും നോവനയും.9.30 ന് അരുവിത്തുറ വല്യച്ഛൻ എന്ന് അറിയപ്പെടുന്ന വി. ഗീവർഗീസ് സഹദായുടെ അത്ഭുത തിരുസ്വരുപം പള്ളിയുടെ മോണ്ഡലത്തിൽ പ്രധിഷ്ഠിക്കും. തുടർന്ന് 10നും 12നും 1.30നും 2.45നും 4.30 നും വിശുദ്ധ കുർബാന, നൊവേന. തുടർന്ന് 6.30ന് തിരുനാൾ പ്രദക്ഷിണം. 24 ന് രാവിലെ 5.30നും 6.45നും 8നും, 10നും വിശുദ്ധ കുർബാന, നൊവേന. 12.30ന് വിശുദ്ധ ഗീവർഗീസ് സഹദായുടെയും മറ്റ് വിശുദ്ധരുടെയും തിരുസ്വരൂപങ്ങൾ വഹിച്ചുകൊണ്ടുള്ള പകൽ പ്രദക്ഷിണം. തുടർന്ന് 3നും 4.15നും 5.30നും 6.45നും വിശുദ്ധ കുർബാന, നൊവേന. ഏപ്രിൽ 25 ന് ഇടവകക്കാരുടെ തിരുന്നാൾ. രാവിലെ 5.30 നും 6.45 നും 8 നും 9.15നും 10.30നും 12 നും 1.30 നും 2.45 നും 4.30 നും വിശുദ്ധ കുർബാന, നൊവേന. 7മണിക്ക് വി. ഗീവർസിന്റെ തിരുസ്വരൂപം അൾത്താരയിൽ പുനപ്രതിഷ്ഠിക്കും. 7.30ന് കാണികൾക്ക് ദൃശ്യ സ്രാവ്യ വിരുന്ന് സമ്മാനിച്ച് 50ൽ അധികം കലാകാരൻമാർ അണിനിരക്കുന്ന ഫ്യൂഷൻ പ്രോഗ്രാം അരങ്ങേറും. ഏപ്രിൽ 26ന് രാവിലെ 5.30നും 6.30നും 7.30നും 10.30നും വൈകുന്നേരം 4നും നൊവേന. ഏപ്രിൽ 28, 29, 30 തീയതികളിൽ രാവിലെ 5.30നും 6.30നും7.30നും 10.30നും 4നും വൈകുന്നേരം 7നും വിശുദ്ധ കുർബാന, നൊവേന. എട്ടാമിടമായ മെയ് ഒന്നിന് തിരുനാൾ സമാപിക്കും. രാവിലെ 5.30, 6.45, 8.00, 10.30, 12.00, 1.30, 2.45, 4.00,6.30 എന്നീ സമയങ്ങളിൽ വിശുദ്ധ കുർബാന, നൊവേന. മെയ് 2 മരിച്ചവരുടെ ഓർമ്മ ദിനം, സിമിത്തേരി സന്ദർശനം. രാവിലെ 5.30 നും 6.30 നും 8 നും 9നും 10.30നും 12നും 2.30നും 4 നും വിശുദ്ധ കുർബാന. (22)വിശുദ്ധ കുർബാന, നൊവേന: 5.30, 6.45ന, 8.00, 9.30, 10.30, 11.00, 4.00. കൊടിയേറ്റ്: 5.45 പുറത്തു നമസ്കാരം : 6.00 101 പൊൻകുരിശുമേന്തി നഗരപ്രദക്ഷിണം: 6.45
കോഴിക്കോട്: നിലവിൽ ജില്ല പ്രസിഡന്റ് ആയിരുന്ന അഡ്വ. വി.പി. നാസർ സ്ഥാനം ഒഴിഞ്ഞതിനെ തുടർന്ന് അമീൻ പിട്ടയിൽ (ഈരാറ്റുപേട്ട) നെ കോട്ടയം ജില്ലാ മുസ്ലിം യൂത്ത് ലീഗ് പ്രസിഡന്റായി നിയമിച്ചതായി മുസ്ലിം യൂത്ത് ലീഗ് സംസ്ഥാന കമ്മിറ്റി ഓഫീസിൽ നിന്നും അറിയിച്ചു.
ഈരാറ്റുപേട്ട :അക്ഷരലോകത്തേക്ക് ആദ്യ ചുവട്'എന്ന ശീർഷകത്തിൽ ഈരാറ്റുപേട്ട സഈദിയ സുന്നി മദ്രസയിൽ നടന്ന ഫത്ഹേ മുബാറക് മദ്റസാ പ്രവേശനോത്സവം പ്രൗഡഗംഭീരമായി. മുനിസിപ്പൽ സ്റ്റാൻഡിങ് കമ്മറ്റി ചെയർമാൻ അഡ്വ. വി പി നാസർ പ്രവേശനോത്സവം ഉൽഘാടനം ചെയ്തു. വർധിച്ചു വരുന്ന അരുതായ്മകളിൽ നിന്നും, വ്യാപകമാകുന്ന ലഹരി ഉപയോഗങ്ങളിൽനിന്നും മുക്തി നേടാനും സദാചാര സൗഹൃദ സാഹചര്യം നിലനിർത്തിയുള്ള സാമൂഹിക ജീവിതത്തിന് ധാർമിക വിദ്യയുടെ കരുത്ത് വിലമതിക്കാനാവാത്തതുമാണെന്ന് അദ്ദേഹം അഭിപ്രായപ്പെട്ടു. നന്മകളുടെ പരിസരം നഷ്ടപ്പെടുന്ന പുതിയ കാലത്ത് സകല മേഖലകളിലും തിന്മ ആധിപത്യം സ്ഥാപിക്കുകയാണ്. സ്നേഹബന്ധങ്ങൾ ഊഷ്മളമാവേണ്ടതിനു പകരം വൈരം വളർത്തി വിപത്തുകൾ വിതക്കാനാണ് ശ്രമിച്ചുകൊണ്ടിരിക്കുന്നത്. പകയും വിദ്വേഷവും സാർവത്രികമായി മാറിക്കൊണ്ടിരിക്കുന്നു.മാനവികതയുടെ നിലനിൽപിന് ആത്മീയ വിദ്യയുടെ വളർച്ചക്ക് ആവും വിധം പ്രോത്സാഹനം നൽക്കേണ്ടത് സമൂഹത്തിന്റെ ബാധ്യത ആണെന്നും അദ്ദേഹം പറഞ്ഞു.ഒമ്പതാം ക്ളാസിൽ മുഴുവൻ വിഷയങ്ങൾക്കും എ പ്ലസ് വാങ്ങിയ മുഹമ്മദ് യാസിറിനെ മൊമെന്റോ നൽകി ആദരിച്ചു.മസ്ജിദ് ഇമാം അൽ ഹാഫിസ് സഅദുദ്ധീൻ അൽഖാസിമി അധ്യക്ഷത വഹിച്ചു. സഈദിയ മദ്രസാ വിദ്യാർത്ഥികൾ നേതാക്കളെ ദഫ് മുട്ടി ആനയിച്ചു.മുനിസിപ്പൽ കൗൺസിലർ അബ്ദുൽ ഖാദിർ സാഹിബ് പൊതു പരീക്ഷ വിജയി മുഹമ്മദ് റിഹാന് സർട്ടിഫിക്കേറ്റ് നൽകി,സമസ്ത ജില്ലാ സെക്രട്ടറി പി എം അനസ് മദനി മുഖ്യ പ്രഭാഷണം നടത്തി എസ് ബി എസ് പ്രസിഡന്റ് മുഹമ്മദ് യാസർ ലഹരി വിരുദ്ധ പ്രതിജ്ഞ നടത്തി ഹുസൻ സാഹിബ്,റാഷിദ്, അബ്ദുൽ ജബ്ബാർ വിരിയനാട്, നിയാസ് ഹാഷിം എന്നിവർ സംസാരിച്ചു.സദർ മുഅല്ലിം അബ്ദുറഹ്മാൻ സഖാഫി സ്വാഗതം ആശംസിച്ചു.പി ടി എ സെക്രട്ടറി സനീർ ചോക്കാട്ടിൽ നന്ദി പറഞ്ഞു.
.webp)
അരുവിത്തുറ : ഈശോയുടെ പീഢാനുഭവ സ്മരണയിൽ അരുവിത്തുറ വല്ല്യച്ചൻമലയിലേക്ക് വൻ ഭക്തജനപ്രവാഹം. ദുഃഖവെള്ളിയാഴ്ച പുലർച്ചെ നാലുമണി മുതൽ വല്ല്യച്ചൻ മലയിലേയ്ക്ക് വലിയ ഭക്തജന തിരക്കാണ് അനുഭവപ്പെട്ടത്. രാവിലെ 07 ന് അരുവിത്തുറ പള്ളിയിൽ പീഢാനുഭവ ശുശ്രൂഷകൾക്ക് വികാരി റവ. ഫാ. സെബാസ്റ്റ്യൻ വെട്ടുകല്ലേൽ നേതൃത്വം നൽകി. പീഢാനുഭവ യാത്ര അനുസ്മരിച്ചുകൊണ്ട് ഈശോയുടെ മൃതശരീര തിരുസ്വരൂപവുമായി നഗരികാണിക്കൽ പ്രദക്ഷിണം നടന്നു. രാവിലെ 09.00 ന് പള്ളിയിൽ നിന്നും കരുണയുടെ ജപമാല ചൊല്ലി മലയടിവാരത്തിലേയ്ക്ക് പ്രദക്ഷിണമായി എത്തി. തുടർന്ന് മലമുകളിലേക്ക് ആഘോഷമായ കുരിശിന്റെ വഴി ഭക്തിസാന്ദ്രമായി നടന്നു. മലമുകളിൽ ഭരണങ്ങാനം സെൻ്റ് മേരീസ് എച്ച്. എസ്.എസ്. പ്രിൻസിപ്പൽ റവ. ഫാ. ജോൺ കണ്ണന്താനം പീഢാനുഭവ സന്ദേശം നൽകി. . അരുവിത്തുറ ഫൊറോനാ വികാരി വെരി റവ ഫാ. സെബാസ്റ്റ്യൻ വെട്ടുകല്ലേൽ, അസിസ്റ്റൻറ് വികാരിമാരായ ഫാ. അബ്രാഹം കുഴിമുള്ളിൽ, ഫാ. ജോസഫ് ചെങ്ങഴശ്ശേരിൽ, ഫാ. ജോസഫ് കുഴിവേലിതടത്തിൽ, കോളേജ് ബർസാർ റവ. ഫാ. ബിജു കുന്നയ്ക്കാട്ട്, ഡീക്കൻ ജസ്റ്റിൻ പവ്വത്ത് ഒ.എസ്.ബി., തുടങ്ങിയവർ ശുശ്രൂഷകൾക്ക് നേതൃത്വം നൽകി. രാവിലെ 06.00 മണി മുതൽ നേർച്ചകഞ്ഞി വിതരണവും നടന്നുവരുന്നു.
