ഈരാറ്റുപേട്ട : മുസ്ലിം ഗേൾസ് ഹയർസെക്കൻഡറി സ്കൂളിലെ വിദ്യാർഥിനികൾക്കായി ട്രാഫിക് നിയമങ്ങളെ കുറിച്ചുള്ള ബോധവൽക്കരണ ക്ലാസ് സംഘടിപ്പിച്ചു. റോഡിലൂടെ കാൽനടയായി സഞ്ചരിക്കുമ്പോഴും സ്കൂൾ വാഹനത്തിൽ യാത്ര ചെയ്യുമ്പോഴും കുട്ടികൾ ശ്രദ്ധിക്കേണ്ട കാര്യങ്ങളെ സംബന്ധിച്ചും ബോധവൽക്കരണം നടത്തി. ഈരാറ്റുപേട്ട ജനമൈത്രി പോലീസ് സബ് ഇൻസ്പെക്ടർ ബിനോയ് തോമസ് ക്ലാസ് നയിച്ചു. അധ്യാപകരായ മുഹമ്മദ് ലൈസൽ സ്റ്റുഡൻറ് പോലീസ് കേഡറ്റ് സി പി ഒ റമീസ് പി എസ് എന്നിവർ സംസാരിച്ചു.
പൂഞ്ഞാർ നിയോജക മണ്ഡലത്തിലും സമീപപ്രദേശങ്ങളിലും സംരംഭകത്വ തൊഴിൽ മേഖലകളിൽ വരും വർഷങ്ങളിൽ 100 സംരംഭങ്ങൾ – 1000 കോടി രൂപയുടെ നിക്ഷേപം – 10000 തൊഴിലവസരങ്ങൾ എന്ന ബ്രഹ്രുത്തതായ ലക്ഷ്യമിട്ടുകൊണ്ടു റൈസിംഗ് പൂഞ്ഞാർ ഇൻവെസ്റ്റർസ് മീറ്റ് 2025 എന്ന പേരിൽ ഒരു നിക്ഷേപക സംഗമം ജൂൺ മാസം 9 ആം തിയതി ഈരാറ്റുപേട്ട ബാറാകാത്ത് സ്ക്വയറിൽ വെച്ച് നടത്തുന്നു. നിക്ഷേപക സംഗമത്തിന് മുന്നോടിയായി പൂഞ്ഞാർ മണ്ഡലത്തിന്റെ വിവിധ സാധ്യതകൾ നിക്ഷേപകർക്കും, സംരംഭകർക്കും പരിചയപ്പെടുത്തുക എന്ന ലക്ഷ്യത്തോടെ 05/06/2025 വ്യാഴാഴച ഉച്ചകഴിഞ്ഞു 2 മണി മുതൽ ഈരാറ്റുപേട്ട ബ്ലോക്ക് പഞ്ചായത്ത് ഹാളിൽ വച്ച് ടൂറിസം നിക്ഷേപ സാധ്യതകൾ, യുവ സംരംഭകത്വം എന്നീ വിഷയങ്ങളിൽ മേൽ മുന്നൊരുക്ക സെമിനാർ സംഘടിപ്പിക്കുന്നു. പൂഞ്ഞാർ നിയോജമണ്ഡലത്തിൽ മീനച്ചിൽ താലൂക്ക് പരിധിയിൽ വരുന്ന 5 പഞ്ചായത്തുകളിലെ ത്രിതല പഞ്ചായത്ത് ജനപ്രതിനിധികൾ,നിക്ഷേപകർ, സംരംഭകർ, വിവിധ മത രാഷ്ട്രീയ സാമുദായിക സംഘടനകൾ തുടങ്ങിയവയുടെ സഹകരണത്തോടെ കൂടെ സംഘടിപ്പിക്കപ്പെടുന്ന ഈ അർദ്ധ ദിന മുന്നൊരുക്ക സെമിനാർ ബഹു പൂഞ്ഞാർ എം എൽ എ ശ്രീ സെബാസ്റ്റ്യൻ കുളത്തിങ്കൽ ഉദ്ഘാടനം ചെയ്യുന്നതാണ്. കേരള ഉത്തരവാദിത്ത ടൂറിസം മിഷൻ സ്റ്റേറ്റ് കോഡിനേറ്റർ ശ്രീ സിബിൻ എം പോൾ കോട്ടയം ജില്ലയിലെ മലയോര ടൂറിസം മേഖലയുടെ പ്രാധാന്യവും അനുബന്ധ സംരംഭക- തൊഴിൽ സാധ്യതകളും എന്ന വിഷയത്തിൽ ഊന്നൽ നൽകിക്കൊണ്ട് ആദ്യ ക്ലാസ് നയിക്കുന്നതാണ്. തുടർന്ന് യുവസംരഭകത്വം എന്ന വിഷയത്തിൽ കോട്ടയം ജില്ലാ വ്യവസായ കേന്ദ്രത്തിലെ ഉപജില്ലാ വ്യവസായ ഓഫീസർ ശ്രി ലോറൻസ് മാത്യു ക്ലാസുകൾ നയിക്കുന്നതാണ്.
ഈരാറ്റുപേട്ട: അൽ മനാർ പബ്ലിക് സ്കൂൾ വർണാഭമായ പ്രവേശനോത്സവം സംഘടിപ്പിച്ചു. പ്രമുഖ ടി.വി അവതാരകനും മജീഷ്യനുമായ രാജ് കലേഷ് ഉദ്ഘാടനം ചെയ്തു. ഇസ്ലാമിക് ഗൈഡൻസ് ട്രസ്റ്റ് ചെയർമാൻ എ.എം.എ. സമദ് അധ്യക്ഷത വഹിച്ചു. , സ്കൂൾ പ്രിൻസിപ്പൽ റസിയ ചാലക്കൽ, വാർഡ് കൗൺസിലർ SK നൗഫൽ, ട്രസ്റ്റ് സെക്രട്ടറി സക്കീർ കറുകാം ചേരിൽ, ട്രഷറർ PM ആനീഷ്, പി. റ്റി.എ പ്രസിഡൻ്റ് അൻവർ അലിയാർ ജുഫിൻ ഹാഷിം, യാസിർ പുള്ളോലിൽ, സജന ഇസ്മയിൽ, അനീസ സക്കീർ , മിനി അജയ്, അബ്ദുൽ റഹീം, റസീന ജാഫർ ഷെഹീർ വെള്ളൂ പറമ്പിൽ, എന്നിവർ ചടങ്ങിൽ സംസാരിച്ചു,രാജ് കലേഷിൻ്റെ സ്റ്റേജ് ഷോയും കുട്ടികളുടെ കലാപരിപാടികളും അരങ്ങേറി
ഈരാറ്റുപേട്ട: അരുവിത്തുറ പാലക്കുളത്ത് സഞ്ചു സന്തോഷ് (25 ) ആണ് ഈരാറ്റുപേട്ട പോലീസിന്റെ പിടിയിലായത്. 28/4/25 തീയതി 7 pm മണി കഴിഞ്ഞുള്ള സമയത്ത് ആണ് സംഭവം നടന്നത്. ഈരാറ്റുപേട്ട തടവനാൽ ഭാഗത്ത് ആലഞ്ചേരിയിൽ വീടിന്റെ പിൻഭാഗത്തെ വാതിൽ കുത്തിത്തുറന്ന് അകത്തു കടന്ന പ്രതി അലമാരയുടെ പൂട്ട് തകർത്ത് അലമാരയ്ക്കുള്ളിൽ സൂക്ഷിച്ചിരുന്ന 50,000 രൂപ മോഷ്ടിച്ചു കൊണ്ടു പോവുകയായിരുന്നു. ഈ സംഭവത്തിൽ കേസെടുത്ത് അന്വേഷണം നടത്തിയ ഈരാറ്റുപേട്ട പോലീസ് സംഭവസ്ഥലത്തുനിന്ന് കിട്ടിയ തെളിവുകളെ കേന്ദ്രീകരിച്ച് അന്വേഷണം നടത്തുകയായിരുന്നു. അന്വേഷണത്തിൽ പ്രതി സഞ്ജു ആണെന്ന് മനസ്സിലാക്കിയെങ്കിലും അയാൾ മോഷണത്തിനു ശേഷം കേരളത്തിന് പുറത്തേക്ക് രക്ഷപ്പെടുകയായിരുന്നു. പ്രതിയെ കണ്ടെത്തുന്നതിനായി ഈരാറ്റുപേട്ട IP SHO കെ ജെ തോമസ് പ്രത്യേകം സ്ക്വാഡ് ഉണ്ടാക്കി അന്വേഷണം നടത്തി വരികയായിരുന്നു. കേരളത്തിലേക്ക് പ്രതി തിരിച്ചെത്തുന്നുണ്ടെന്ന് വിവരം കിട്ടിയ ഈരാറ്റുപേട്ട പോലീസ് സ്റ്റേഷൻ സബ് ഇൻസ്പെക്ടർ വി.എൽ.ബിനു, CPO ശ്രീജേഷ്, CPO ജോബി ജോസഫ് എന്നിവർ അടങ്ങുന്ന അന്വേഷണസംഘം30/5/25 ന് പ്രതിയെ തൊടുപുഴ ഭാഗത്തുനിന്നും അറസ്റ്റ് ചെയ്യുകയായിരുന്നു. 31/5/25 ന് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ഈരാറ്റുപേട്ട.കാരക്കാട് എംഎം എം യു എം യു പി സ്കൂളിൻറെ നേതൃത്വത്തിൽ രണ്ടുമാസത്തെ വേനൽക്കാല അവധിക്കുശേഷം സ്കൂൾ ഓഡിറ്റോറിയത്തിൽ പ്രൗഢമായ പ്രവേശനോത്സവം സംഘടിപ്പിച്ചു. മിഠായികളുമായും ബലൂണുകളും താളവാദ്യങ്ങളുമായി പുതുതായി സ്കൂളിലെത്തിയ കുരുന്നുകൾക്കും വിദ്യാർത്ഥികൾക്കും മാനേജ്മെന്റിന്റെയും, പിടിഎയുടെയും അധ്യാപകരുടെയും നേതൃത്വത്തിൽ ആവേശോജ്ജ്വലമായ സ്വീകരണം നല്കി. സ്കൂൾ മാനേജർ കെ എ മുഹമ്മദ് അഷ്റഫ് അധ്യക്ഷതവഹിച്ചു. സ്കൂൾ ഹെഡ്മിസ്ട്രസ് സെമിനാ വി കെ സ്വാഗതം ആശംസിച്ചു. പുത്തൻപള്ളി ചീഫ് ഇമാം അലി ബാഖവി ഉദ്ഘാടനകർമ്മം നിർവഹിച്ചു. ട്രസ്റ്റ് അംഗങ്ങളായ കെ എ മുഹമ്മദ് ഹാഷിം, കെ എ മുഹമ്മദ് സക്കീർ എന്നിവർ ചേർന്ന് എൽ എസ് എസ് വിജയികൾക്കുള്ള ക്യാഷ് പ്രൈസ് കൈമാറി. പിടിഎ പ്രസിഡൻറ് ഒ എ ഹാരിസ്, വാർഡ് കൗൺസിലർ കെ എ അബ്ദുല്ലത്തീഫ്, അസീസ് പത്താഴപ്പടി, ഷനീർ മഠത്തിൽ, നാദിറ ഷാമോൻ, മോനി വെള്ളൂ പറമ്പിൽ, ഷാജി കെ കെ പി, ഫൈസൽ വെട്ടിയാംപ്ലാക്കൾ, ഹാരിസ് ഫലാഹി, യാസർ കാരക്കാട്, എം എ നവാസ്, മാഹിൻ പ്ലാമൂട്ടിൽ, ഷനീർ, അസീം, എന്നിവർ പ്രോഗ്രാമിന് നേതൃത്വം നൽകി.
പൂഞ്ഞാർ.. ഗൈഡൻസിൽ പബ്ലിക് സ്കൂളിൽ പ്രവേശനോത്സവം സിവിൽ സർവ്വീസ് റാങ്ക് ഹോൾഡർ നസ്റീൻ പി ഫസീം ഉദ്ഘാടനം ചെയ്തു.മാനേജർ പി.എ.ഹാഷിം അധ്യക്ഷത വഹിച്ചു. പ്രിൻസിപ്പൾ പി.എസ് മുഹമ്മദ് ഷെഫീഖ് സ്വാഗതം പറഞ്ഞു.സി.എം ഷാനവാസ്, കെ.എ അൻസാരി, പി.ഇ.ഇർഷാദ്, കെ.എ മാഹിൻ, വി.എം അജിനാസ്,താജുദ്ദീൻ കുന്തീപറമ്പിൽ, ആസ്മി,സഹ് ലത്ത്, സി.ടി മഹേഷ് എന്നിവർ പ്രസംഗിച്ചു.
ന്യൂഡല്ഹി: രാജ്യത്ത് കോവിഡ് കേസുകള് വര്ധിക്കുന്നതില് ആശങ്ക. നിലവിലെ സാഹചര്യം വിലയിരുത്താന് ഉദ്യോഗസ്ഥരുടെ നേതൃത്വത്തില് ഉന്നതതല യോഗം ചേര്ന്നു. നിലവില് 3700ല് അധികം കേസുകളാണ് രാജ്യത്ത് സ്ഥിരീകരിച്ചിട്ടുള്ളത്. കേരളത്തിലാണ് ഏറ്റവും അധികം കോവിഡ് രോഗികള് ഉള്ളത്. ആശങ്കപ്പെടേണ്ട സാഹചര്യം ഇല്ലെന്നും ജാഗ്രത പാലിക്കണമെന്നും സംസ്ഥാനങ്ങള്ക്ക് കേന്ദ്രം നിര്ദേശം നല്കി. 1400 പേര്ക്കാണ് കേരളത്തില് രോഗം സ്ഥിരീകരിച്ചത്. കേന്ദ്ര ആരോഗ്യ മന്ത്രാലയത്തിന്റെ കണക്കുകള് പ്രകാരം 3758 കോവിഡ് കേസുകളാണ് നിലവില് രാജ്യത്ത് ഉള്ളത്. മഹാരാഷ്ട്ര, ഡല്ഹി എന്നിവിടങ്ങളിലും വര്ധനവുണ്ട്. മഹാരാഷ്ട്ര- 485, ഡല്ഹി- 436, ഗുജറാത്ത്- 320 എന്നിങ്ങനെ കേസുകള് റിപ്പോര്ട്ട് ചെയ്തു. ആശങ്കപ്പെടേണ്ട സാഹചര്യമില്ലെന്നും ആരോഗ്യപ്രശ്നങ്ങള് ഉള്ളവര് ആവശ്യമായ മുന്കരുതലുകള് സ്വീകരിക്കണമെന്നും വിദഗ്ധര് മുന്നറിയിപ്പ് നല്കി. രോഗബാധ കൂടുതലുള്ള ഇടങ്ങളില് സ്വീകരിച്ചിട്ടുള്ള പ്രതിരോധ മാര്ഗങ്ങളും ചികിത്സാ സജ്ജീകരണങ്ങളും ഉള്ക്കൊള്ളുന്ന വിശദമായ റിപ്പോര്ട്ട് സമര്പ്പിക്കുവാനും ആരോഗ്യമന്ത്രാലയം നിര്ദ്ദേശം നല്കിയിട്ടുണ്ട്.
ഈരാറ്റുപേട്ട: മൂന്ന് ദിവസങ്ങളായി ഈരാറ്റുപേട്ടയിൽ നടന്ന സി.പി.ഐ പൂഞ്ഞാർ മണ്ഡലം സമ്മേളനം സമാപിച്ചു. മെയ് 30ന് തിടനാട്, കൈപ്പള്ളി, കൂട്ടക്കല്ല് എന്നിവിടങ്ങളിൽ നിന്നും ഉദ്ഘാടനം ചെയ്യപ്പെട്ട് വന്ന പതാക, ബാനർ, കൊടിമര ജാഥകൾ ഏറ്റുവാങ്ങി ഈരാറ്റുപേട്ടയിൽ പതാക ഉയർത്തിക്കൊണ്ട് സി.കെ. ചന്ദ്രൻ നഗറിൽ നടന്ന പൊതുസമ്മേളനം സംസ്ഥാന മൃഗസംരക്ഷണ ക്ഷീര വികസന വകുപ്പ് മന്ത്രി ജെ. ചിഞ്ചു റാണി ഉദ്ഘാടനം ചെയ്തു. മണ്ഡല അതിർത്തിയിലെ മുതിർന്ന പ്രവർത്തകരെ പാർട്ടി ജില്ലാ സെക്രട്ടറി അഡ്വക്കേറ്റ് വി.ബി. ബിനു ആദരിച്ചു. ഇ.കെ. മുജീബ് അധ്യക്ഷത വഹിച്ചു. കെ.ഐ. നൗഷാദ് സ്വാഗതം പറഞ്ഞു. തുടർന്ന് മെയ് 31, ജൂൺ 1 തീയതികളിൽ കാനം രാജേന്ദ്രൻ നഗറിൽ (പി.ടി.എം.എസ് ഹാൾ) നടന്ന പ്രതിനിധി സമ്മേളനം പാർട്ടി ദേശീയ എക്സിക്യൂട്ടീവ് അംഗം അഡ്വ. പ്രകാശ് ബാബു ഉദ്ഘാടനം ചെയ്തു. അഡ്വ. പി.എസ്. സുനിൽ സ്വാഗതം പറഞ്ഞു. എം.ജി. ശേഖരൻ, ശമ്മാസ് ലത്തീഫ്, ഓമന രമേശ്, സി.എസ്. സജി എന്നിവർ അടങ്ങുന്ന പ്രസീഡിയം സമ്മേളന നടപടികൾ നിയന്ത്രിച്ചു. മണ്ഡലം സെക്രട്ടറി ഇ.കെ. മുജീബ് പ്രവർത്തന റിപ്പോർട്ടും കണക്കും അവതരിപ്പിച്ചു. ഇ.എൻ. ദാസപ്പൻ, അഡ്വ. വി.കെ. സന്തോഷ് കുമാർ, ബാബു കെ. ജോർജ്, അഡ്വ. തോമസ് വി.റ്റി, ജോൺ വി. ജോസഫ്, സംസ്ഥാന എക്സിക്യൂട്ടീവ് അംഗം സി.കെ. ശശിധരൻ തുടങ്ങിയവർ സമ്മേളനത്തെ അഭിവാദ്യം ചെയ്തുകൊണ്ട് പ്രസംഗിച്ചു. തുടർന്ന് സമ്മേളനം 21 അംഗ പാർട്ടി പൂഞ്ഞാർ മണ്ഡലം കമ്മിറ്റിയെയും 26 അംഗ ജില്ല സമ്മേളന പ്രതിനിധികളെയും ഐകകണ്ഠ്യേന തെരഞ്ഞെടുത്തു. പുതിയ പാർട്ടി മണ്ഡലം സെക്രട്ടറിയായി അഡ്വ. പി.എസ്. സുനിലിനെ സമ്മേളനം തിരഞ്ഞെടുത്തു. കെ. ശ്രീകുമാർ പ്രമേയം അവതരിപ്പിച്ചു. ക്രഡൻഷ്യൽ കമ്മിറ്റി റിപ്പോർട്ട് പി.എസ്. ബാബു അവതരിപ്പിച്ചു. ടി.സി ഷാജി, കെ.ആർ. വിജയൻ, നൗഫൽ ഖാൻ എന്നിവർ മിനിറ്റ്സ് കമ്മിറ്റിയായി പ്രവർത്തിച്ചു. പ്രസീഡിയത്തിന് വേണ്ടി എം.ജി. ശേഖരൻ, സംഘാടകസമിതിക്ക് വേണ്ടി കെ.ഐ. നൗഷാദ് എന്നിവർ സമ്മേളനത്തിൽ കൃതജ്ഞത രേഖപ്പെടുത്തി.
