രക്ഷാപ്രവർത്തന ബോധവൽക്കരണ ക്യാമ്പ് സംഘടിപ്പിച്ചു
ഈരാറ്റുപേട്ട കടുവാമുഴി പിഎംഎസ്എ പൂക്കോയ തങ്ങൾ മെമ്മോറിയൽ എൽപി സ്കൂളിന്റെ നേതൃത്വത്തിൽ രക്ഷാപ്രവർത്തന ബോധവൽക്കരണ ക്യാമ്പ് സംഘടിപ്പിച്ചു.രക്ഷാപ്രവർത്തന മേഖലകളിൽ സജീവ സാന്നിധ്യമായ ടീം നന്മക്കൂട്ടത്തെ ഉൾപ്പെടുത്തി ബോധവൽക്കരണ ക്യാമ്പ് സംഘടിപ്പിച്ചത്. നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ അബ്ദുൽ ഖാദർ ക്യാമ്പ് ഉദ്ഘാടനം ചെയ്തു. സ്കൂൾ മാനേജ്മെൻറ് കമ്മിറ്റി അംഗം അഡ്വക്കേറ്റ് വി പി നാസർ അധ്യക്ഷത വഹിച്ച യോഗത്തിൽ സ്കൂൾ ഹെഡ്‌മാസ്റ്റർ ജ്യോതി ടീച്ചർ സ്വാഗതവും വാർഡ് കൗൺസിലർ സജീർ ഇസ്മായിൽ, പിടിഎ പ്രസിഡൻ്റ് സാദിഖ് വെള്ളൂ പറമ്പിൽ, നന്മക്കൂട്ടം പ്രസിഡൻ്റ് കെ കെ പി ഷാജി ജനറൽ സെക്രട്ടറി ഹാഷിം ലബ്ബ ട്രഷറർ ഷാഹുൽ പാറേക്കാട്ടിൽ ആശംസ പ്രസംഗവും നടത്തി. തുടർന്ന് ടീം നന്മക്കൂട്ടം എക്സിക്യുട്ടീവ് അംഗവുമായ ഫാസിൽ വെള്ളുപ്പറമ്പിൽ വിവിധ മേഖലകളിൽ ആവശ്യമായി വരുന്ന രക്ഷപ്രവർത്തന ബോധവൽക്കരണ ൈട്രനിംഗ് ക്ലാസും, പാമ്പുകൾ മൂലമുണ്ടാകുന്ന അപകടങ്ങളെക്കുറിച്ച് ക്ലാസ് നന്മക്കൂട്ടം എക്സിക്യൂട്ടീവ് കമ്മിറ്റി അംഗം ഷെൽഫി ജോസഫും ക്ലാസ് നയിച്ചു. ക്യാമ്പിൽ നന്മക്കൂട്ടം അംഗങ്ങളായ ഫൈസൽ, റമീസ് ബഷീർ, സന്ദീപ്, ഷിഹാബ് പാറയിൽ, ഹാരിസ് പുളിക്കൽ, ഹുബൈൽ, പി പി ജഹനാസ്, നിസാർ, അഫ്സൽ, ഷാഫി, അമീർ തുടങ്ങിയവർ ക്യാമ്പിൻ്റെ വിവിധ സെക്ഷനുകളിൽ പങ്കാളികളായി.
