ഈരാറ്റുപേട്ട:നടയ്ക്കൽ അർബൻ ഹെൽത്ത് ആൻഡ് വെൽനെസ്സ് സെന്ററിൽ സൗജന്യ ജീവിത ശൈലി രോഗ നിർണയ ക്യാമ്പ് നടത്തി. നഗരസഭ അധ്യക്ഷ സുഹറ അബ്ദുൽഖാദർ ക്യാമ്പ് ഉദ്ഘാടനം ചെയ്തു .ആരോഗ്യ സ്റ്റാന്റിംഗ് കമ്മറ്റി ചേർപേഴ്സൺ ഷെഫ്ന അമീൻ. കൗൺസിലറന്മാരായ നാസർ വെള്ളുപറമ്പിൽ,എസ്.കെ നൗഫൽ,മുഹമ്മദ് ഇല്ലിയാസ്,ഡോക്ടർ അഞ്ജു ബി നായർ എന്നിവർ സംസാരിച്ചു. നൂറിലധികം പേർ ക്യാമ്പിൽ പങ്കെടുത്തു
ഈരാറ്റുപേട്ട: എം.ഇ.എസ് യൂത്ത് വിങ് സംസ്ഥാന കമ്മറ്റിയുടെ ചുവട്-ലഹരി വിരുദ്ധ ബോധവത്ക്കരണ ക്യാമ്പയിൻ എം.ഇ.എസ് യൂത്ത് വിങ് കോട്ടയം ജില്ലാ കമ്മിറ്റിയുടെ നേതൃതത്തിൽ എരുമേലി എം ഇ എസ് കോളേജിലെ സോഷ്യൽ വർക്ക് വിഭാഗം വിദ്യാർത്ഥികൾ തെരുവുനാടകത്തിലൂടെ ഈരാറ്റുപേട്ട അഹമ്മദ് കുരിക്കൾ നിറൽ ബോധവത്ക്കരണ സന്ദേശം നൽകി, പ്രസ്തുത പരിപാടിയിൽ യൂത്ത് വിങ് ജില്ലാ പ്രസിഡന്റ് ഷെഹിം വിലങ്ങുപാറയുടെ അധ്യക്ഷത വഹിച്ച യോഗത്തിൽ യൂത്ത് വിങ്ങ് സംസ്ഥാന കമ്മിറ്റി അംഗം റയീസ് പടിപ്പുരക്കൽ ഉദ്ഘാടനം നിർവ്വഹിച്ചു യോഗത്തിൽ എം.ഈ.എസ് ജില്ലാ കമ്മറ്റി അംഗം ഹബീബുള്ള ഖാൻ ,അഡ്വ.സുഹൈൽ ഖാൻ എന്നിവർ ബോധവത്ക്കരണ സന്ദേശം നൽകി യൂത്ത് വിങ് ജില്ലാ കമ്മിറ്റി അംഗം അർഷാദ് നജീബ്, അൻവർഷ കെ.എം, ഷഫീക്ക് മണങ്ങലൂർ, അബു സലിം, സോഷ്യൽ വർക്ക് വിഭാഗം അദ്ധ്യാപിക സഹേബ എന്നിവർ സംസാരിച്ചു
ഈരാറ്റുപേട്ട .മുസ്ലിം ഗേൾസ് ഹയർ സെക്കൻഡറി സ്കൂളിൽ ദ്വിതീയ സോപാൻ എന്ന പേരിൽ ഉപജില്ലയിലെ മുഴുവൻ സ്കൂളുകളിലെയും ഗൈഡിങ് അംഗങ്ങളെ ഉൾപ്പെടുത്തിക്കൊണ്ട് ഏകദിന ക്യാമ്പ് നടത്തി. ഗൈഡിങ് യൂണിറ്റിലേക്ക് പുതുതായി പ്രവേശന ലഭിച്ച അംഗങ്ങൾക്കുള്ള മാർഗ്ഗനിർദ്ദേശങ്ങൾ നൽകുകയും ഏതാനും പ്രവർത്തന പരിശീലനങ്ങൾ നടത്തുകയും ചെയ്തു. മുസ്ലിം ഗേൾസ് ഹയർ സെക്കൻഡറി സ്കൂൾ ഹെഡ്മിസ്ട്രസ് എം പി ലീന ക്യാമ്പ് സന്ദർശിച്ച് ഗൈഡ് അംഗങ്ങളുമായി സംവദിച്ചു .സീനിയർ അധ്യാപകൻ മുഹമ്മദ് ലൈസൽ, പി ജി ജയൻ എന്നിവർ ആശംസകൾ അർപ്പിച്ചു .സ്കൗട്ട് ആൻഡ് ഗൈഡ് ഡിസ്ട്രിക്ട് ട്രെയിനിങ് കമ്മീഷണർ പി എൻ ഓമന, ജ്യോതി പി നായർ, ലിൻസി ജോയ്, ഖദീജ ജബ്ബാർ എന്നിവർ പരിപാടികൾക്ക് നേതൃത്വം നൽകി.
ഈരാറ്റുപേട്ട: ശൈഖ് മുഹമ്മദ് ഫരീദ് ബാവാഖാൻ മൌലവി ഖാദിരിയുടെ 35-ാമത് ഉറൂസ് ജൂൺ 14, 15 തീയതികളിൽ നടക്കുമെന്ന് സംഘാടകർ അറിയിച്ചു.ആത്മീയ വിജ്ഞാന സദസ്സ്, ഖതമുൽ ഖുർആൻ, ദിക്ർ മജ്ലിസ്, ത്വരീഖത്ത്, തസവ്വുഫ്, ശൈഖുന അനുസ്മരണ സമ്മേളനം തുടങ്ങിയ പരിപാടികളും നടക്കും.അബു ഫാസിൽ ഫരീദുദ്ദീൻ മൌലവി, മൌല സിദ്ദീഖ് മുഹമ്മദ് തിരുവനന്തപുരം എന്നിവർ രണ്ട് ദിവസങ്ങളിൽ മുഖ്യ പ്രഭാഷണം നടത്തും.ടി.എം. അബ്ദുൽ സലാം മൌലവി, അലി മൌലവി, മുഹമ്മദ് അഷ്റഫ് മൌലവി, മുഹമ്മദ് സുബൈർ മൌലവി, മുഹമ്മദ് ഇബ്രാഹിംകുട്ടി മൌലവി, മുഹമ്മദ് സൈനി ഉസ്താദ്, മുഹമ്മദ് സാലിം ഫൈസി എന്നിവരും സംബന്ധിക്കും.
ഈരാറ്റുപേട്ട ബ്ലോക്ക് പഞ്ചായത്തിലെ വിജ്ഞാന കേരളം ജോബ് സ്റ്റേഷൻ പ്രവർത്തനങ്ങളുടെ ഭാഗമായി ഗ്രാമ പഞ്ചായത്ത് ഫെസിലിറ്റേഷൻ സെന്റർ റിസോഴ്സ് പേഴ്സൺ മാരുടെ യോഗം ബ്ലോക്ക് പഞ്ചായത്ത് കെ കെ കുഞ്ഞുമോൻ സ്മാരക ഹാളിൽ നടന്നു. യോഗം ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഫെർണാണ്ടസ് ഉത്ഘാടനം ചെയ്തു ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ബിന്ദു സെബാസ്റ്റ്യൻ RGSA ബ്ലോക്ക് കോർഡിനേറ്റർ, തീമാറ്റിക് എക്സ്പെർട്ട്, സെക്രട്ടറി സാം ഐസക് എന്നിവർ സംസാരിച്ചു.
കോട്ടയം: സെന്റർ ഫോർ ഇൻഫർമേഷൻ .ആൻറ് ഗൈഡൻസ് ഇന്ത്യാ (സിജി) കോട്ടയം ജില്ലാ കൺവെൻഷൻ ഈരാറ്റുപേട്ട വ്യാപാര ഭവനിൽ നടന്നു.സംസ്ഥാന എക്സിക്യൂട്ടീവ് കമ്മിറ്റിയംഗം കെ.പി. ഷംസുദീൻ ഉദ്ഘാടനം ചെയ്തു.സിജി ക്ലസ്റ്റർ 3 ചെയർമാൻ പ്രൊഫസർ എ.എം. റഷീദ് മുഖ്യ പ്രഭാഷണം നടത്തി.തുടർന്ന് 2025-27 കാലയളവിലേക്കുള്ള ജില്ലാ ഭാരവാഹികളുടെ തെരഞ്ഞെടുപ്പ് നടന്നു. പ്രസിഡന്റായി സാജിദ്.എ. കരിം, സെക്രട്ടറിയായി പി.പി.എം.നൗഷാദ്, ട്രഷററായി എം.എഫ്.അബ്ദുൽ ഖാദർ എന്നിവർ ചുമതയേറ്റു. ജില്ലാ കോർഡിനേറ്ററായി അമീർ പി. ചാലിൽ തെരഞ്ഞെടുക്കപ്പെട്ടു. റബീസ് കാസിം, ഫൈസൽ എന്നിവരെ വൈസ് പ്രസിഡന്റ്മാരായും, ജാഫർ കെ.എം. അബ്ദുൽ കലാം ഹാരിഫ് എന്നിവരെ ജോയിൻറ് സെക്രട്ടറിമാരായും തെരഞ്ഞെടുത്തു. സിജി വുമൺ കളക്ടീവ് ചെയർപേഴ്സൺ ആയി അൻസിമോൾ. പി. എ, സെക്രട്ടറിയായി റസീനാ ജാഫർ എന്നിവർ ചുമതയേറ്റു.
അരുവിത്തുറ :ഉന്നത വിദ്യാഭ്യാസ രംഗത്ത് ഉണ്ടായ വിപ്ലവകരമായ മാറ്റങ്ങൾക്ക് അനുയോജ്യമായ വിധം പുതിയ അധ്യായന വർഷത്തെ രൂപപ്പെടുത്തുന്നതിനുള്ള അക്കാഡമിക് റിട്രീറ്റിന് അരുവിത്തുറ സെൻറ് ജോർജ് കോളേജിൽ തുടക്കമായി.എംജി യൂണിവേഴ്സിറ്റി സ്കൂൾ ഓഫ് ടൂറിസം ഡയറക്ടർ പ്രൊഫ. ഡോ. റോബിൻ്റ് ജേക്കബ് അക്കാഡമിക് റിട്രീറ്റ് ഉദ്ഘാടനവും കോളേജിൽ നിന്നും പ്രസിദ്ധീകരിക്കുന്ന പിയർ റിവ്യൂവ്ഡ് ഇൻറർനാഷണൽ ജേർണലായ ജെമ്മിന്റെ പ്രകാശന കർമ്മവും നിർവഹിച്ചു.കോളേജ് ബർസാർ റവ ഫാ ബിജു കുന്നയ്ക്കാട്ട് അധ്യക്ഷത വഹിച്ച ചടങ്ങിൽ കോളേജ് വൈസ് പ്രിൻസിപ്പൽ ഡോ ജിലു ആനി ജോൺ ,ഐ ക്യു ഏ സി കോഡിനേറ്റർ ഡോ സുമേഷ് ജോർജ്,നാക്ക് കോഡിനേറ്റർ ഡോ. മിഥുൻ ജോൺ എന്നിവരും സംസാരിച്ചു.
ഈരാറ്റുപേട്ട .വനിതാ ലീഗ് നഗസഭ മുനിസിപ്പൽ കമ്മിറ്റി നേതൃത്വത്തിൽ കടുവാമൂഴി പി .എം.എസ്.എ പൂക്കോയ തങ്ങൾ എൽപി സ്കൂളിൽ കുട്ടികൾക്കുള്ള പഠനോപകരണങ്ങളുടെവിതരണോദ്ഘാടനംനഗരസഭ ചെയർപേഴ്സൺ സുഹ്റ അബ്ദുൾഖാദർ നിർവ്വഹിച്ചു. വനിത ലീഗ് മുനിസിപ്പൽ കമ്മിറ്റി പ്രസിഡൻ്റ് സുനിത ഇസ്മായിൽ, നഗരസഭാ മസ്ലിം ലീഗ് ജനറൽ സെക്രട്ടറി അഡ്വ.വിപി നാസർ, കൗൺസിലർമാരായ റുബീന നാസർ,ഫാസില അഫ്സാർ,ഹെഡ്മിസ്ട്രസ് ജ്യോതി എന്നിവർ സംസാരിച്ചു
