E News

Latest News

CBSE പത്താം ക്ലാസ് ഗൈഡൻസിന് മികച്ച വിജയം

enews 13 May,2025

ഈരാറ്റുപേട്ട. 2024/25 വർഷത്തെ CBSE പത്താം ക്ലാസ് പരീക്ഷയിൽ ഗൈഡൻസ് പബ്ലിക് സ്കൂളിന് മികച്ച വിജയം 36 കുട്ടികൾ പരീക്ഷ എഴുതിയതിൽ മിന്നാ ഹനാൻ,തഹ്‌ലിയ തൗഫീഖ് എന്നിവർ ഫുൾ A1 കരസ്ഥമാക്കി.97 ശതമാനം മാർക്ക് നേടിയ അദിനാൻ ഷായാണ് സ്കൂൾ ടോപ്പർ.13 കുട്ടികൾ 90 ശതമാനം മുകളിൽ മാർക്ക് വാങ്ങി. മൊത്തത്തിൽ26 കുട്ടികൾ ഡിസ്റ്റിംങ്ങഷൻ കരസ്ഥമാക്കി.8 പേർ ഫസ്റ്റ് ക്ലാസും 2 പേർ സെക്കൻ്റ് ക്ലാസും നേടി. സ്കൂളിന് മികച്ച വിജയം നേടി തന്ന കുട്ടികൾ അവരെ പ്രാപ്തരാക്കിയ അധ്യാപകർക്കും പ്രിയ രക്ഷിതാക്കൾക്കും സ്കൂൾ മാനേജ്മെൻ്റിൻ്റെ അഭിവാദ്യങ്ങൾ...

പ്രാദേശികം

സി.ബി.എസ്.ഇ: അല്‍ഫോന്‍സാ പബ്ലിക് സ്‌കൂളിന് മികച്ച വിജയം

Enews 13 May,2025

ഈരാറ്റുപേട്ട: സി.ബി.എസ്.ഇ പത്താം ക്ലാസ്സ് ബോര്‍ഡ് പരീക്ഷയില്‍ അരുവിത്തുറ സെന്റ് അല്‍ഫോന്‍സാ പബ്ലിക് സ്‌കൂള്‍ ആന്‍ഡ് ജൂനിയര്‍ കോളേജിന് മികച്ച വിജയം. പരീക്ഷ എഴുതിയ 38 വിദ്യാര്‍ത്ഥികളില്‍ 5 പേർ ഫുള്‍ A1, 7 കുട്ടികള്‍ 95% ത്തിനു മുകളിലും 12 കുട്ടികള്‍ 90% ത്തിനു മുകളിലും ബാക്കി ഉള്ളവര്‍ 80% ത്തിനു മുകളിലും മാര്‍ക്ക് കരസ്ഥമാക്കി. വിജയികളായ മുഴുവന്‍ കുട്ടികളെയും മാനേജര്‍ സി. ജെസ്സി മരിയ, പ്രിന്‍സിപ്പല്‍ സി സൗമ്യ, അധ്യാപകര്‍, പി.ടി.എ എന്നിവര്‍ അനുമോദിച്ചു.

കോട്ടയം

ബൗ..ബൗ സമരം പാലായിൽ

Web 12 May,2025

പാലാ :പാലാ മുനിസിപ്പാലിറ്റിയുടെ ഭാഗത്ത് കൂടി പോയവർക്ക് ഇന്നൊരു വേറിട്ട സമരം കാണേണ്ടതായി വന്നു.ബൗ ..ബൗ സമരമെന്ന പേരിൽ പാലായിലെ പൊതു പ്രവർത്തകരുടെ പൊതു വേദിയായ വികസന സമിതിയുടെ പേരിലായിരുന്നു സമരം .പ്രാസംഗികർ പ്രസംഗിക്കുന്നതിന്റെ ഇടയിലും പട്ടിയുടെ കുര മുഴങ്ങുന്നുണ്ടായിരുന്നു യോഗം ഉദ്‌ഘാടനം ചെയ്തത് പ്രതിപക്ഷ പാർലമെന്ററി പാർട്ടി നേതാവ് സതീഷ് ചൊള്ളാനി ആയിരുന്നെങ്കിലും സന്തോഷ് മണർകാട് അൽപ്പം കടുപ്പിച്ച് തന്നെ പറഞ്ഞു പാലായിലെ തെരുവുനായ ശല്യം പരിഹരിച്ചില്ലെങ്കിൽ തെരുവ് നായയെയുമായി കൗൺസിലിലേക്ക് ഞങ്ങൾ വരും .തെരുവുനായ ശല്യം മൂലം പിച്ച് കുട്ടികൾ വരെ മരിക്കുന്ന ഈ സാഹചര്യത്തിനെതിരെ മനുഷ്യ മന സാക്ഷി ഉണരണമെന്നു സതീഷ് ചൊള്ളാനി പറഞ്ഞു . മൈക്കിള്‍ കാവുകാട്ട്, ജോസ് വേരനാനി, പ്രൊഫ. സണ്ണി സഖറിയാസ്, എം.പി. കൃഷ്ണന്‍നായര്‍, കെ.ആര്‍. മുരളീധരന്‍നായര്‍, ജോര്‍കുട്ടി ചെമ്പകശ്ശേരി, തോമസുകുട്ടി നെച്ചിക്കാട്ട്, പ്രശാന്ത് വള്ളിച്ചിറ, ടോം നല്ലനിരപ്പേല്‍, ടോം രാജ്, ബിജോയ് ഇടേട്ട്, മനോജ് വള്ളിച്ചിറ, ജോയ് മഠം, ബിജു വാതല്ലൂര്‍, ബേബി കീപ്പുറം, അപ്പച്ചന്‍ പാതിപ്പുരയിടം, ജോസഫ് പനയ്ക്കച്ചാലി, വേണു വേങ്ങയിൽ , മാത്യു മൂഴയില്‍ എന്നിവര്‍ പങ്കെടുത്തു. സാബു എബ്രഹാം സ്വാഗതവും ജോഷി വട്ടക്കുന്നേൽ കൃതജ്ഞതയും പറഞ്ഞു

പ്രവാസം

ഈരാറ്റുപേട്ട ഗ്ലോബൽ അസോസിയേഷൻ കുവൈത്ത് ചാപ്റ്റർ ജനറൽ ബോഡി മീറ്റിംഗ് സംഘടിപ്പിച്ചു.

Enews 12 May,2025

കുവൈത്ത് സിറ്റി: ഈരാറ്റുപേട്ട ഗ്ലോബൽ അസോസിയേഷൻ (ഇ.ജി.എ) കുവൈത്ത് ചാപ്റ്റർ (കെ.ഇ.എ) ജനറൽ ബോഡി മീറ്റിംഗ് സംഘടിപ്പിച്ചു. മംഗഫിൽ ചേർന്ന യോഗത്തിൽ പ്രസിഡന്റ് കെ.എം. ജവാദ് അധ്യക്ഷത വഹിച്ചു. യോഗത്തിൽ അബ്ദുൽ സലാം സലാഹി മുഖ്യ പ്രഭാഷണം നിർവഹിച്ചു. കൂട്ടമായി പ്രവർത്തിക്കേണ്ടതിന്റെ ആവശ്യകതയെക്കുറിച്ച് അദ്ദേഹം അംഗങ്ങളെ ഉണർത്തി. നാടിനെതിരെ ഉയർന്നുവരുന്ന വർഗീയ കുപ്രചാരണങ്ങളെയും നാടിന്റെ ഭാവിയെ തകർക്കുന്ന ലഹരി വിപത്തിനെതിരെയും യോഗം പ്രമേയം അവതരിപ്പിച്ചു. ഫാബി ആമീൻ ഖിറാഅത്ത് അവതരിപ്പിച്ചു. ട്രഷറർ നാസിം വട്ടക്കയം സ്വാഗതവും തസ്‌ലീം നന്ദിയും പറഞ്ഞു.ഈ വർഷം ഹജ്ജ് നിർവഹിക്കുന്നതിന് പുറപ്പെടുന്ന പ്രവർത്തകർക്ക് യാത്രയയപ്പ് നൽകി.ഷാഹിദ് ചാലിപ്പറമ്പ്, ഷമീർ മണക്കാട്ട്, കെ.എം.ഷിബിലി എന്നിവർ നേതൃത്വം നൽകി. കുവൈത്തിലെ വിവിധ മേഖലകളിൽ താമസിക്കുന്ന ഈരാറ്റുപേട്ടക്കാർ പങ്കെടുത്തു.

വിദ്യാഭ്യാസം

സിബിഎസ്ഇ പ്ലസ്ടു ഫലം പ്രഖ്യാപിച്ചു; ആകെ വിജയം 88.39 ശതമാനം

enews 12 May,2025

ദില്ലി : സിബിഎസ്ഇ പ്ലസ് ടു പരീക്ഷാഫലം പ്രസിദ്ധീകരിച്ചു. 88. 39 ആണ് വിജയശതമാനം. ഏറ്റവും കൂടുതൽ വിജയ ശതമാനം വിജയവാഡ മേഖലയിലാണ്. രണ്ടാം സ്ഥാനത്ത് തിരുവനന്തപുരം മേഖലയാണ്. 12 മണിയോടെ സിബിഎസ്ഇയുടെ ഔദ്യോഗിക വെബ്സൈറ്റിൽ നിന്ന് ഫലം അറിയാൻ സാധിക്കുമെന്നാണ് വിവരം. 17,04,367 വിദ്യാർത്ഥികളാണ് സിബിഎസ് ഇ പരീക്ഷക്ക് വേണ്ടി രജിസ്റ്റർ ചെയ്തിരുന്നത്. ഇതിൽ 16,92,794 വിദ്യാർത്ഥികൾ പരീക്ഷ എഴുതി, 14,96,307 വിദ്യാർത്ഥികൾ വിജയിച്ചു. വിവരങ്ങൾക്കായി സിബിഎസ്ഇയുടെ ഔദ്യോഗിക വെബ്‌സൈറ്റായ cbse.gov.in cbseresults.nic.in, results.cbse.nic.in എന്നിവ സന്ദർശിക്കാം.

പ്രാദേശികം

പൂഞ്ഞാറിൽ യുവാവിനെ തൂങ്ങി മരിച്ചനിലയിൽ കണ്ടെത്തി

enews 12 May,2025

പൂഞ്ഞാർ: പൂഞ്ഞാറിൽ യുവാവിനെ തൂങ്ങി മരിച്ച നിലയിൽ കണ്ടെത്തി. പുഞ്ഞാർ സെന്റ് മേരീസ് പള്ളിക്കു സമീപം വെട്ടിപ്പറമ്പ് റോഡിൽ പേക്കാക്കുഴിയിൽ പ്രകാശിന്റെ മകൻ ജീവൻ (19) ആണ് മരിച്ചത്. ഇന്നലെ രാത്രിയാണ് സംഭവം. രാവിലെയാണ് മരിച്ച നിലയിൽ മൃതദേഹം കണ്ടെത്തിയത്. ഈരാറ്റുപേട്ടയിലെ സ്വകാര്യ ആശുപത്രിയിലേക്ക് മാറ്റി. ഈരാറ്റുപേട്ട പോലീസ് സ്ഥലത്തെത്തി പ്രാഥമിക നടപടികൾ സ്വീകരിച്ചു.

വിദ്യാഭ്യാസം

ഒന്നാം ക്ലാസ് പ്രവേശന പരീക്ഷ പാടില്ല, പിടിഎ അനധികൃത പിരിവ് നടത്തരുത്; കർശന നടപടിയെന്ന് മന്ത്രി ശിവൻകുട്ടി

enews 12 May,2025

തിരുവനന്തപുരം:ഒന്നാം ക്ലാസ് പ്രവേശനത്തിന് എൻട്രൻസ് പരീക്ഷ നടത്തുന്നത് അനുവദിക്കില്ലെന്ന് മന്ത്രി വി ശിവൻകുട്ടി. പിടിഎയുടെ അനധികൃത പിരിവും അനുവദിക്കില്ല. ഇത്തരം സ്കൂളുകൾക്കെതിരെ കർശന നടപടി സ്വീകരിക്കും. പ്ലസ് വണ്‍ പ്രവേശനത്തിന് യാതൊരു തരത്തിലുമുള്ള ക്രമക്കേടുകളും അനുവദിക്കില്ലെന്നും മന്ത്രി വ്യക്തമാക്കി. സ്കൂൾ തുറക്കുന്നതിന് മുന്നോടിയായുള്ള പ്രവർത്തനങ്ങൾ വിശദീകരിക്കുകയായിരുന്നു മന്ത്രി ശിവൻകുട്ടി. സംസ്ഥാനത്ത് എല്ലാ സ്കൂളുകളിലും ഈ മാസം 20 ന് പിടിഎ യോഗം ചേരണം. മെയ് 25, 26 തിയ്യതികളിൽ സ്കൂളിൽ ശുചീകരണ പ്രവർത്തനങ്ങൾ നടത്തണം. ക്ലാസ് മുറികളുടെ സുരക്ഷ ഉറപ്പ് വരുത്തണം. നിർമ്മാണ പ്രവർത്തനങ്ങൾ നടക്കുന്ന സ്കൂളുകളിൽ ഫിറ്റ്നസ് ഉറപ്പാക്കണം. നിർമാണം നടക്കുന്ന സ്ഥലം വേർതിരിക്കണമെന്നും മന്ത്രി വി ശിവൻകുട്ടി ആവശ്യപ്പെട്ടു. സ്കൂളും പരിസരവും നന്നായി വൃത്തിയാക്കണം. പിടിഎയും അധ്യാപകരും തദ്ദേശ സ്ഥാപനങ്ങളും സുരക്ഷാ അവലോകനം നടത്തണം. പുകയില, ലഹരി വിരുദ്ധ ബോർഡുകൾ സ്ഥാപിക്കണം. കുടിവെള്ളത്തിന്‍റെ നിലവാരം ഉറപ്പാക്കണമെന്നും മന്ത്രി നിർദേശം നൽകി.

വിദ്യാഭ്യാസം

സിബിഎസ്ഇ പരീക്ഷഫലം ഇന്ന് പ്രസിദ്ധികരിച്ചേക്കും

enews 12 May,2025

തിരുവനന്തപുരം: സിബിഎസ്ഇ പരീക്ഷഫലം ഇന്ന് പ്രസിദ്ധികരിച്ചേക്കും. 10, 12 ക്ലാസ്സുകളിലെ പരീക്ഷ ഫലമാണ് പ്രസിദ്ധീകരിക്കുക. സിബിഎസ്ഇയുടെ ഔദ്യോഗിക വെബ്സൈറ്റിൽ നിന്ന് ഫലം അറിയാൻ സാധിക്കും. ഉച്ചയ്ക്ക് 12 മണിയോടെ ഫലം പുറത്തു വരും എന്നാണ് പ്രതീക്ഷിക്കുന്നത്. 42 ലക്ഷം വിദ്യാർഥികളാണ് പരീക്ഷാഫലം അറിയുന്നതിനായി കാത്തിരിക്കുന്നത്. http://cbse.gov.in http://cbseresults.nic.in http://results.cbse.nic.in എന്നീ വെബ്സൈറ്റുകളിൽ പരിശോധിക്കാം

Latest News

Follow Us

Popular News