പാലാ നെല്ലിയാനിയിൽ വീടിനുള്ളിൽ മരിച്ചനിലയിൽ കണ്ടെത്തിയ നേഴ്സിംഗ് വിദ്യാർത്ഥിനിയുടെ സംസ്കാരം ഇന്ന്
പാലാ : നെല്ലിയാനിയിൽ വീടിനുള്ളില് തൂങ്ങിമരിച്ച നിലയില് കണ്ടെത്തിയ നഴ്സിങ് വിദ്യാര്ഥിനി കല്ലറയ്ക്കല് സാജന്റെ മകള് സില്ഫ(18) യുടെ സംസ്കാരം ഇന്ന് വൈകിട്ട് 5 മണിക്ക് വീട്ടിൽ ആരംഭിച്ച് നെല്ലിയാനി സെന്റ് സെബാസ്റ്റ്യൻ പള്ളിയിൽ. തിങ്കളാഴ്ച വൈകിട്ട് നാലുമണിയോടെയായിരുന്നു സില്ഫയെ വീട്ടിൽ തൂങ്ങിമരിച്ച നിലയില് കണ്ടെത്തിയത്. അതേസമയം, പെണ്കുട്ടി ജീവനൊടുക്കാനുള്ള കാരണം ഇപ്പോഴും വ്യക്തമല്ല. പാലാ പോലീസ് സ്ഥലത്തെത്തി മേല്നടപടികള് സ്വീകരിക്കുകയും അസ്വാഭാവിക മരണത്തിന് കേസെടുക്കുകയും ചെയ്തിട്ടുണ്ട്. വിശദമായ പരിശോധനയ്ക്കായി പെണ്കുട്ടിയുടെ മൊബൈല്ഫോണ് സൈബര് സെല്ലിന് കൈമാറുമെന്നും പോലീസ് വ്യക്തമാക്കി. ഹൈദരാബാദില് ബിഎസ്സി നഴ്സിങ് ഒന്നാംവര്ഷ വിദ്യാര്ഥിനിയാണ് സില്ഫ. ഈസ്റ്റര് അവധിക്ക് നാട്ടില് എത്തിയശേഷം ജൂണ് ഒന്നാം തീയതി തിരികെ ഹൈദരാബാദിലേക്ക് പോകാനിരിക്കുകയായിരുന്നു. അച്ഛന്: സാജന്. അമ്മ: സിനി (ഖത്തര്). സഹോദരന്: അല്ഫോന്സ്.
.webp)
