മേലുകാവ് : ഇടിമിന്നലിൽ വീട് തകർന്നു സമീപത്തുണ്ടായിരുന്ന 2 തെങ്ങുകൾക്കും കേടുപാടുകൾ സംഭവിച്ചു,സെന്റ് ജോർജ് കാത്തോലിക് ചർച്ചിന്റെ ഉടമസ്ഥതയിലുള്ള വീടിനാണ് ഇടിമിന്നൽ ഏറ്റത് ബാത്റൂമ് പൂർണമായും, വീട് ഭാഗികമായി തകർന്നു വീടിനുള്ളിൽ ഉണ്ടായിരുന്നവർ അത്ഭുതകരമായി രക്ഷപ്പെട്ടു.ഇവിടെ വാടകയ്ക്ക് താമസിക്കുന്ന മേലുകാവ് ആലപ്പാട്ടു വീട്ടിൽ ജോസിയും 3 കുട്ടികളും ആണ് അത്ഭുതകരമായി രക്ഷപ്പെട്ടത്
സംസ്ഥാനത്ത് അതിതീവ്ര മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. സംസ്ഥാനത്തെ 6 ജില്ലകളിൽ അടുത്ത 3 മണിക്കൂറിൽ അതിതീവ്ര മഴയ്ക്ക് സാധ്യത ഉണ്ടെന്നാണ് അറിയിപ്പിൽ പറയുന്നത്. മുന്നറിയിപ്പിനെ തുടർന്ന് തിരുവനന്തപുരം, കോട്ടയം, ഇടുക്കി, എറണാകുളം, കണ്ണൂർ, കാസർഗോഡ് ജില്ലകളിൽ റെഡ് അലേർട്ട് പ്രഖ്യാപിച്ചു.
തിരുവനന്തപുരം :വിഴിഞ്ഞം അന്താരാഷ്ട്ര തുറമുഖം പ്രധാനമന്ത്രി നരേന്ദ്ര മോദി രാജ്യത്തിന് സമര്പ്പിച്ചു. വിഴിഞ്ഞം തുറമുഖത്ത് നടന്ന ചടങ്ങിലാണ് പ്രധാനമന്ത്രി മോദി പദ്ധതി കമ്മീഷന് ചെയ്തത്. മലയാളത്തിലാണ് പ്രധാനമന്ത്രി സംസാരിച്ചു തുടങ്ങിയത്. ഒരിക്കല് കൂടി അനന്തപദ്മനാഭന്റെ മണ്ണിലേക്ക് വരാന് കഴിഞ്ഞതില് തനിക്ക് അതിയായ സന്തോഷം ഉണ്ടെന്ന് മോദി പറഞ്ഞു. ആദിശങ്കര ജയന്തി ദിനമാണ് ഇന്ന്. ആദി ശങ്കരന് മുന്നില് ശിരസ് നമിക്കുന്നു. കേരളത്തിലെയും ഇന്ത്യയിലേയും ജനങ്ങളെ അഭിനന്ദിക്കുന്നു. 8800 കോടി ചിലവിലാണ് നിര്മാണം. വരും കാലത്ത് വലിയ ഷിപ്പുകള്ക്ക് എത്താനാകും.ഇനി രാജ്യത്തിന്റെ പണം നമുക്ക് പ്രയോജനപ്പെടും. പുറത്തേക്ക് ഒഴുകിയ പണം വിഴിഞ്ഞത്തിനും അത് വഴി ജനങ്ങളിലേക്കും എത്തും.വിഴിഞ്ഞം പോര്ട്ട് അദാനി നിര്മാണം വേഗം പൂര്ത്തിയാക്കി. ഗുജറാത്തില് 30 കൊല്ലമായി അദാനി പോര്ട്ട് പ്രവര്ത്തിക്കുന്നു. എന്നാല് വലിയ പോര്ട്ട് നിര്മിച്ചത് കേരളത്തില്. അതില് ഗുജറാത്ത് ജനതയുടെ പരാതി അദാനി കേള്ക്കേണ്ടി വരും – മോദി പറഞ്ഞു. വേദിയില് പ്രധാനമന്ത്രി രാഷ്ട്രീയം പറഞ്ഞതും ശ്രദ്ധേയമായി. മുഖ്യമന്ത്രിയും തരൂരും ഇന്ത്യാ സഖ്യത്തിലെ വലിയ നേതാക്കളായിരിക്കും. എന്നാല് ഇന്നത്തെ പരിപാടി ഇന്ത്യാസഖ്യത്തിലെ പലരുടേയും ഉറക്കം കെടുത്തും. മന്ത്രി വാസവന് അദാനിയെ പ്രശംസിച്ചതും മോദി ആയുധമാക്കി. ഇടത് സര്ക്കാര് സ്വകാര്യ പങ്കാളിത്തതെ പിന്തുണക്കുന്നത് നല്ലകാര്യം. കമ്മ്യൂണിസ്റ്റ് മന്ത്രി അദാനി പങ്കാളിയെന്ന് പറയുന്നു, അതാണ് മാറ്റം.- മോദി പറഞ്ഞു. കേരളത്തിന്റെ ഒരുഭാഗത്ത് വിശാല സാധ്യതകളുള്ള സമുദ്രം. മറുഭാഗത്ത് പ്രകൃതി സുന്ദരമായ പ്രദേശങ്ങള് ഇതിനിടയിലാണ് വിഴിഞ്ഞം തുറമുഖം സ്ഥിതി ചെയ്യുന്നത്. 8800 കോടി രൂപ ചിലവിട്ടാണ് തുറമുഖ നിര്മാണം. ഇതുവരെ 75 ശതമാനത്തില് അധികം ട്രാന്ഷിപ്പ്മെന്റ് രാജ്യത്തിന് പുറത്തുള്ള തുറമുഖങ്ങളിലാണ് നടന്നിരുന്നത്. ഇതിലൂടെ രാജ്യത്തിനുണ്ടായത് വലിയ നഷ്ടമാണ്. ഇനി ഇതിന് മാറ്റം വരും. പുറത്തേക്ക് ഒഴുകിയിരുന്ന പണം കേരളത്തിനും രാജ്യത്തിനും ജനങ്ങള്ക്കും സാമ്പത്തിക സുസ്ഥിരത കെട്ടിപ്പടുക്കുന്നതിന് സഹായകമാകും പ്രധാനമന്ത്രി പറഞ്ഞു.
ഈരാറ്റുപേട്ട -ലോക തൊഴിലാളി ദിനത്തോടനുബന്ധിച്ച് എസ്. ടി. യു 'മുനി സിപ്പൽ കമ്മിറ്റി മെയ്ദിനറാലിയും മുതിർന്ന നേതാക്കളെ ആദരിക്കലും നടത്തി ലീഗ് ഹൗസ് പരിസരത്തിൽ നിന്ന് ആരംഭിച്ച മെയ്ദിനറാലി മുസ്ലിം ലീഗ് ജില്ലാ വൈസ് പ്രസിഡൻ്റ് വി.പി മജീദ് ഉദ്ഘാടനം നിർവഹിച്ചു. വിവിധ മേഖലക ളിൽ പ്രവർത്തിക്കുന്ന നൂറുകണക്കിന് പ്രവർത്തകർ പങ്കെടുത്ത റാലി നഗരം ചുറ്റി അഹ മ്മദ് കുരിക്കൽ നഗറിൽ സമാപിച്ചു. എസ്. ടി. യു മുനിസിപ്പൽ ഇൻചാർജ് കബീർ കുരുവിനാലിൻ്റെ അദ്ധ്യക്ഷതയിൽ ചേർന്ന സമാപന സമ്മേളനം എസ്. ടി. യു ജില്ലാ പ്രസിഡൻ്റ് അസീസ് കുമാരനെല്ലൂർ ഉദ്ഘാടനം ചെയ്തു. മുസ്ലിം ലീഗ് മുനിസിപ്പൽ പ്രസിഡൻ്റ് കെ.എ മുഹമ്മദ് ഹാഷിം ആമുഖ പ്രസംഗം നടത്തി. മുനിസിപ്പൽ ചെയർപേഴ്സൺ സുഹ്റാ അബ്ദുൽഖാദർ മെയ്ദിന സന്ദേശം നൽകി. യൂത്തീഗ് സംസ്ഥാന വൈസ് പ്രസിഡൻ്റ് കെ.എ. മാഹിൻ മുഖ്യപ്രഭാഷണം നടത്തി. ജില്ലാ ട്രഷററർ അസീസ് പത്താഴപ്പടി സ്വാഗതം പറഞ്ഞു. എസ്. ടി. യു മുതിർന്ന നേതാക്കളായ ഇബ്രാഹിം വേലംതോട്ടിൽ, പരിക്കൊച്ച് നാകുന്നത്ത്, ഇസ്മായിൽ കോന്നച്ചാടത്ത്, ഹംസാ വലിയവീട്ടിൽ, അഷറഫ് കോന്നച്ചാടത്ത്, സൈനു ല്ലാബുദ്ദീൻ തലപ്പള്ളിൽ എന്നിവരെ മുസ്ലിം ലീഗ് മണ്ഡലം പ്രസിഡൻ്റ് റാസി ചെറിയവ ല്ലം, മുനിസിപ്പൽ സെക്രട്ടറി അഡ്വ. വി.പി.നാസർ, മുനിസിപ്പൽ കൗൺസിലർമാരായ പി. എം.അബ്ദുൽഖാദർ, നാസർ വെള്ളൂപ്പറമ്പിൽ, വി.എം.സിറാജ്, എം.പി.സലിം എന്നിവർ ചേർന്ന് ആദരിച്ചു. മുസ്ലിം ലീഗ് - യൂത്തീഗ് എസ്. ടി. യു - എം.എസ്.എഫ് സംസ്ഥാന ജില്ലാ- മണ്ഡലം മുനിസിപ്പൽ നേതാക്കന്മാരായ മുഹമ്മദ് കുട്ടി കോട്ടയം, പി.എസ്. അബ്ദുൽഖാദർ, ഷെരീഫ് ഹാജി ഇല്ലിക്കൽ, അമീൻ പിട്ടയിൽ, റിയാസ് പ്ലാമൂട്ടിൽ, സുനിൽകുമാർ, അൻവർ അലിയാർ, സിറാജ് കണ്ടത്തിൽ, പി.റ്റി.ബഷീർ കുട്ടി, അബ്സാർ മുരിക്കോലി, മാഹിൻ കടുവാമുഴി, റഷീദ് മുണ്ട ക്കപ്പറമ്പിൽ, യഹിയ സലിം, ഷിഹാബ് കാട്ടാമല, മുഹ്സിൻ പത്താഴപ്പടി, സൈഫുദ്ദീൻ, മുനീർ ഹദാ, ആഷിഖ് അസീസ്, ഗഫാർ മോതീൻകുന്നേൽ, നവാസ് പത്താഴപ്പടി, നിസാർ കൊടിത്തോട്ടം, ഇബ്രാഹിം കാട്ടാമല, കെ.എച്ച്.ലത്തീഫ്, ഫൈസൽ മാളിയേക്കൽ, സൈനു ല്ലാബുദ്ദീൻ, മുഹമ്മദ് ഇബ്രാഹിം കുന്നുംപുറം, റാസി പുഴക്കര, നസീർ മുന്ന, നിസാർ കീഴേടം, നസീർ പി.കെ, ഫൈസൽ മുണ്ടക്കപ്പറമ്പിൽ, സുഹൈൽ, സഫീർ, സിയാദ് കൂവ പ്പള്ളി, അഫ്സൽ വെള്ളൂപ്പറമ്പിൽ, റെജി മൂലേച്ചാലിൽ, ഷാജി മറ്റയ്ക്കാട്, ഇസ്മായിൽ വലിയവീട്ടിൽ, സിദ്ദീഖ് പുളിക്കിയിൽ, എന്നിവർ നേതൃത്വം നൽകി. എസ്. ടി. യു ജില്ലാ വൈസ് പ്രസിഡൻ്റ് താഹാ നാകുന്നം നന്ദി പറഞ്ഞു.
ഈരാറ്റുപേട്ട: സേവന ജീവകാരുണ്യ രംഗത്ത് പ്രവർത്തിക്കുന്നതിനായി ഈരാറ്റുപേട്ട കേന്ദ്രമായി ടീം റെസ്ക്യൂ ഫോഴ്സ് എന്ന പേരിൽ പുതിയ സംഘടനക്ക് തുടക്കം കുറിച്ചു. മുൻ നഗരസഭ ചെയർമാൻ ടി.എം റെഷീദ്നഗരസഭ ക്ഷേമകാര്യ സ്ഥിരം സമിതി അംഗം പി.എം അബ്ദുൽ ഖാദർ എന്നിവർ രക്ഷാധികാരികളായും നൗഷാദ് വെള്ളൂ പറമ്പിൽ (പ്രസിഡൻ്റ്)റബീസ് ഖാൻ (ജനറൽ സെക്രട്ടറി)ആരിഫ് വി.ബി (ട്രഷർ ) എന്നിവരെ ഭാരവാഹികളായും തെരഞ്ഞെടുത്തു.
ഈരാറ്റുപേട്ട.അധ്വാനിക്കുന്ന ജനവിഭാഗങ്ങളുടെ ഐക്യത്തെ ദുർബലപ്പെടുത്താനും, വഴിതിരിച്ചുവിടാനും ഉദ്ദേശിച്ചുകൊണ്ട് വിഷലിപ്ത്വവും വിഭാഗീയത വളർത്തുന്നതുമായ കുതന്ത്രങ്ങളെയും, ഗൂഢാലോചനകളെയും ചെറുത്ത് തോൽപ്പിക്കേണ്ടത് നിർണായകമാണ്. രാജ്യത്ത് വർഗീയതയും വിഭാഗീയതയും സൃഷ്ടിക്കാൻ മതതീവ്രവാദികൾ പലതരത്തിലും ശ്രമിക്കുമ്പോൾ ജനാധിപത്യ സംസ്കാരത്തിന്റെ പതാക ഉയർത്തിപ്പിടിക്കാൻ നാം ഒറ്റക്കെട്ടായി നിൽക്കേണ്ടതിന്റെ അനിവാര്യതയും ഈ മെയ്ദിനത്തിൽ നാം പ്രകടിപ്പിക്കേണ്ടതുണ്ട്. ഈ സാഹചര്യത്തിലാണ് ദേശീയതലത്തിൽ തൊഴിലാളിവർഗ്ഗം തുടരുന്ന പ്രക്ഷോഭങ്ങളുടെ അടുത്തഘട്ടം എന്നോണം മെയ് 20ന് ദേശീയ പൊതു പണിമുടക്ക് നടത്താൻ കേന്ദ്ര ട്രേഡ് യൂണിയനുകൾ തീരുമാനിച്ചിരിക്കുന്നത്. പിന്തിരിപ്പൻ ലേബർ കോഡുകളെ പരാജയപ്പെടുത്തുന്നതിനും വിനാശകരമായ നവ ലിബറൽ നയങ്ങൾക്ക് ബദലായുള്ള 17 ഇന അവകാശ പത്രിക അംഗീകരിക്കുന്നതിനും ജനാധിപത്യത്തെയും രാജ്യത്തെയും ഭരണഘടനയും സംരക്ഷിക്കുന്നതിനും വേണ്ടിയുള്ള ഈ ദേശീയ പണിമുടക്ക് വിജയിപ്പിക്കുവാൻ എല്ലാ ജനാധിപത്യ വിശ്വാസികളും ഒരുമിച്ച് നിൽക്കണം എന്ന സന്ദേശം നൽകി എഐടിയുസി ജില്ലാവൈസ് പ്രസിഡൻറ് ബാബു K ജോർജ് മെയ്ദിന റാലി ഉദ്ഘാടനം ചെയ്തു സംസാരിച്ചു. സിപിഐ പൂഞ്ഞാർ മണ്ഡലം കമ്മിറ്റി സെക്രട്ടറി ഇ കെ മുജീബ് അധ്യക്ഷത വഹിച്ച യോഗത്തിൽ എ.ഐ.റ്റിയു സി മണ്ഡലം സെക്രട്ടറി എം ജി ശേഖരൻ സ്വാഗതം പറഞ്ഞു. സിപിഐ ജില്ലാ കമ്മിറ്റി അംഗങ്ങളായ പി എസ് സുനിൽ, ഷമ്മാസ് ലത്തീഫ്, സെക്രട്ടറിയേറ്റ് അംഗങ്ങളായ പി എസ് ബാബു, കെ എസ് രാജു, കെ വി എബ്രഹാം, കെ ശ്രീകുമാർ തുടങ്ങിയവർ അഭിവാദ്യം ചെയ്ത് സംസാരിച്ചു. കെ എസ് നൗഷാദ്, മിനിമോൾ ബിജു, പി രാമചന്ദ്രൻ നായർ, സിഎസ് സജി, ജോസ് മാത്യു, കെ എം പ്രശാന്ത്, പി എസ് രതീഷ്, ഓമന രമേശ്, പത്മിനി രാജശേഖരൻ, എം എം മനാഫ്, ആർ രതീഷ്,എം ജെ ബിജു, കെ കെ സഞ്ജു, റെജീന സജിൻ, സഹദ് കെ സലാം തുടങ്ങിയ സഖാക്കൾ നേതൃത്വം നൽകി
ഈരാറ്റുപേട്ട ; രാജ്യത്തിന്റെ ഐക്യവും. അഖണ്ഡതയും. മതേതരത്തവും. പരമ പ്രതാനമാണ്. ഇത് സംരക്ഷിക്കാൻ ഏത് അറ്റം വരെ പോകുവാനും കോൺഗ്രസ് തയ്യാറാണ്. ജില്ലാ കോൺസ് ജനറൽ സെക്രട്ടറി അഡ്വക്കറ്റ് ജോ മോൻ ഐക്കര പ്രസ്താവിച്ചു. മഹാത്മാ ഗാന്ധി ഇന്ദിരാഗാന്ധി രാജീവ് ഗാന്ധി എന്നിവർ രാജ്യ സംരക്ഷണ ബ്ലോക്ക് കോൺഗ്രസ് കമ്മറ്റിയുടെ ആഭിമുഖ്യത്തിൽ . പെഹൽധാം ഭീകര ആക്രമണത്തിൽ പ്രതിശേതിച്ചു കൊണ്ട് ഈരാറ്റുപേട്ടയിൽ നടത്തിയ മെഴുകുതിരി തെളിയിച്ച് നടത്തിയ പ്രതിജ്ഞ ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. ബ്ലോക്ക് കോൺഗ്രസ് പ്രസിഡണ്ട് അഡ്വ സതീഷ് കുമാർ അദ്യക്ഷത വഹിച്ച യോഗത്തിൽ അഡ്വക്കറ്റ് വി.എം. മുഹമ്മദ് ഇല്ല്യാസ് പ്രതിജ്ഞ ചൊല്ലി കൊടുത്തു. പി.എച്ച് നൗഷാദ് . വർക്കിച്ചൻവയം മ്പോ ത്ത നാൽ കെ.ഇ.എ.ഖാദർ മണ്ഡലം പ്രസിഡണ്ട് മാരായ അനസ് നാസർ . റോജി മുതിരേ ന്തിക്കൽ . എബിച്ചൻ.റോയി തുരുത്തേൽ . ഹരി മണ്ണ് മടം. ബിനോയി മുളങ്ങാശേരി. ഷിയാസ്സി.സി സി.എം.അബി രാൻ ബാബു .സക്കീർ വെള്ളിക്കട എന്നിവർ പ്രസംഗിച്ചു.
കോട്ടയം :- ഇന്ത്യൻ അക്യുപങ്ചർ പ്രാക്ടീഷനേഴ്സ് അസോസിയേഷന്റെ (IAPA) 'എഡ്യു മീറ്റ് 2025' - ന് കോട്ടയം ആതിഥേയത്വമരുളുന്നു.കോട്ടയം മാമ്മൻ മാപ്പിള ഹാളിൽ മെയ് 17 നാണ് പ്രോഗ്രാം.കേരളത്തിലെ അക്യുപങ്ചർ ചികിത്സകരുടെ സംഘടനയായ ഇന്ത്യൻ അക്യുപങ്ചർ പ്രാക്ടീഷ്നേഴ്സ് അസോസിയേഷൻ്റെ ( IAPA ) തെരെഞ്ഞെടുക്കപ്പെട്ട പ്രതിനിധികളാണ് എഡ്യൂ മീറ്റിൽ പങ്കെടുക്കുന്നത്. ഇതിനോടകം ജന മനസ്സുകളിൽ വലിയ സ്വാധീനം ചെലുത്താൻ അക്യുപങ്ചർ ചികിത്സക്ക് സാധിച്ചിട്ടുണ്ട്.സംഘടനാ മെമ്പർമാർക്കായി നടത്തി വരാറുള്ള എഡ്യൂ മീറ്റ് ഇത്തവണ പതിവിന് വിപരീതമായി പൊതുജനങ്ങൾക്കായി ഒരു സെഷൻ ഈ എഡുമീറ്റിൻ്റെ പ്രത്യേകതയാണ്.കോട്ടയം ജില്ലാ പ്രസിഡന്റും സംസ്ഥാന എക്സിക്യൂട്ടീവ് അംഗവുമായ അക്യു. മാസ്റ്റർ. സുധീർ സുബൈറിന്റെ അധ്യക്ഷതയിൽ ഐ എ പി എ സംസ്ഥാന പ്രസിഡന്റ് അക്യു. മാസ്റ്റർ. ഷുഹൈബ് റിയാലൂ ഉൽഘാടനം ചെയ്തു. സംസ്ഥാന ജനറൽ സെക്രട്ടറി അക്യു. മാസ്റ്റർ. സുനീർ മുക്കം, സംസ്ഥാന ട്രെഷറർ അക്യു. മാസ്റ്റർ. ഖമറുദ്ധീൻ കൗസരി, സംസ്ഥാന വൈസ് പ്രസിഡന്റ് അക്യു. മാസ്റ്റർ. സയ്യിദ് അക്രം, സംസ്ഥാന ജോയിന്റ് സെക്രട്ടറിമാരായ അക്യു. മാസ്റ്റർ. അൽത്താഫ് മുഹമ്മദ്, അക്യു. മാസ്റ്റർ. സെലീന കാസിം, സംസ്ഥാന പി ആർ ഓ അക്യു. മാസ്റ്റർ. ജുനൈദ് അഹമ്മദ് തുടങ്ങിയവർ സംസാരിച്ചു.ഐ എ പി എ കോട്ടയം ജില്ലാ എക്സിക്യൂട്ടീവ് അംഗം അക്യുപങ്ചർ പ്രാക്ടീഷനർ ജാരിഷ് സ്വാഗതവും, എറണാകുളം ജില്ലാ ജനറൽ സെക്രട്ടറി അക്യുപങ്ചർ പ്രാക്ടീഷനർ അനസ് ഗഫൂർ നന്ദിയും പറഞ്ഞു.ഏറ്റവും മികച്ച രീതിയിൽ എഡ്യൂ മീറ്റ് നടത്താനുള്ള തയ്യാറെടുപ്പുകൾ തുടങ്ങിക്കഴിഞ്ഞതായും, വിവിധ പദ്ധതികൾ ആവിഷ്കരിച്ചതായും ഭാരവാഹികൾ അറിയിച്ചു.പ്രോഗ്രാം കൺവീനറായി ഐ എ പി എ കോട്ടയം ജില്ലാ പ്രസിഡന്റ് അക്യു. മാസ്റ്റർ. സുധീർ സുബൈർ, ജോയിൻ്റ് കൺവീനറായും അക്യുപങ്ചർ പ്രാക്ടീഷണർ ഫസിൽ ഫരീദ്, ഹോസ്റ്റിംഗ് ടീം ഇൻചാർജായി അക്യുപങ്ചർ പ്രാക്ടീഷണർ ജാരിഷ് എന്നിവരെയും തെരഞ്ഞെടുത്തു.
