ഈരാറ്റുപേട്ട: ഉപജില്ല അറബിക്ക് കലോത്സവത്തിൽ ജി എം എൽ പി എസ് ഈരാറ്റുപേട്ട ഓവറോൾ കരസ്ഥമാക്കി. എൽ പി വിഭാഗത്തിലെ 9 ഇനങ്ങളിൽ അറബി ഗാനം, പദ്യം ചൊല്ലൽ, അഭിനയ ഗാനം, കഥ പറയൽ, ഖുർആൻ പാരായണം, കയ്യെഴുത്ത് എന്നീ 6 ഇനങ്ങളിൽ ഫസ്റ്റ് എ ഗ്രേഡും സംഘഗാനം, പദനിർമ്മാണം, ക്വിസ് എന്നീ ഇനങ്ങളിൽ സെക്കൻഡ് എഗ്രേഡും കരസ്ഥമാക്കിയാണ് ജി.എം.എൽ.പി.എസ് ഈരാറ്റുപേട്ട ഓവറോൾ കരസ്ഥമാക്കിയത്.
മൂന്നിലവ് .പഞ്ചായത്തിലെ ഇരുമാപ്രയിൽ കാറ്റ് നാശം വിതച്ചു. ശക്തമായ കാറ്റിൽ ഇരുമാപ്ര സിഎംഎസ് യുപി സ്കൂളിന്റെ ഓടുകൾ തകർന്നു. നിരവധി ഓടുകൾ ക്ലാസ് മുറികൾക്ക് ഉള്ളിലേക്ക് പതിച്ചു. സ്കൂൾ സമയം കഴിഞ്ഞാണ് സംഭവം എന്നതിനാൽ കുട്ടികൾ അപകടത്തിൽ നിന്ന് രക്ഷപ്പെട്ടു.
ഈരാറ്റുപേട്ട .ആധുനിക ഈരാറ്റുപേട്ടയുടെ ശില്‌പി യും ഗ്രാമ പഞ്ചായത്ത് പ്രസിഡൻ്റുമായഎന്ന അഡ്വ. വി. എം. എ. കരീം സാഹിബ് നിന്ന് വേർപിരിഞ്ഞിട്ട് മൂന്ന് പതിറ്റാണ്ടുകൾ പിന്നിടുകയാണ്.ഈരാറ്റുപേട്ടയുടെ സർവ്വതോൻമുഖമായ പുരോഗതിക്കുവേണ്ടി ഒരു മെഴുകുതിരി നാളം പോലെ വെളിച്ചം ചൊരിഞ്ഞ് എരിഞ്ഞുതീർന്ന കരീം സാഹിബിനോട് ഈ നാടിനും വലിയ കടപ്പാടുകളുണ്ട്.അദ്ദേഹത്തിന്റെ സ്‌മരണകൾ നിലനിർത്തുന്നതിൽ വലിയ പങ്കുവഹി ക്കാൻ ഈരാറ്റുപേട്ടയ്ക്ക് ഇതുവരെ കഴിഞ്ഞിട്ടില്ല. അതിനൊരു പരിഹാരം എന്നോണം ഇന്ന് വ്യാഴം വൈകുന്നേരം 630 ന് നടയ്ക്കൽ ബറക്കാത്ത് സ്ക്വയർ ഓഡിറ്റോറിയത്തിൽ വച്ച് കരീം സാഹിബ് അനുസ്‌മരണ സെമിനാറും കരീം സാഹിബ് ഫൗണ്ടേഷൻ പ്രഖ്യാപനവും ചരിത്രകാരനായ കെ. എം. ജാഫർ എഴുതിയ ഈരാറ്റുപേട്ടയുടെ കനക മുദ്ര എന്ന കരീം സാഹിബിൻ്റെ ജീവചരിത്ര പ്രകാശനവും നടക്കുമെന്ന് ഫൗണ്ടേഷൻ വൈസ് ചെയർമാൻ പി.എ.ഹാഷിം പുളിക്കീൽ, ജനറൽ സെക്രട്ടറി അഡ്വ.വി.പി.നാസർ എന്നിവർ വാർത്താ സമ്മേളനത്തിൽ അറിയിച്ചു.കരീം സാഹിബ് ഫൗണ്ടേഷൻ ചെയർമാൻ ഹാജി പി.എസ്.എം നൗഫൽ അധ്യക്ഷത വഹിക്കും. മുസ്ലിംലീഗ് ദേശീയ ഓർഗനൈസിംഗ് സെക്രട്ടറി ഇ. ടി. മുഹമ്മദ് ബഷീർ എം.പി., മുൻ എം.എൽ.എ. ടി. എ. അഹമ്മദ് കബീർ, ആന്റോ ആൻറണി എം.പി., സെബാസ്റ്റ്യൻ കുളത്തുങ്കൽ എം.എൽ.എ. കെ.എം.എ ഷുക്കൂർ, അസീസ് ബഡായിൽ ,സു ഹുറ അബ്ദുൽ ഖാദർ ,അഡ്വ.വി എം.മുഹമ്മദ് ഇല്ല്യാസ് തുടങ്ങിയവർ സംസാരിക്കും വാർത്താ സമ്മേളനത്തിൽ ഫൗണ്ടേഷൻ സെക്രട്ടറി പി.എം.മുഹ്സിൻ, ഗ്രന്ഥകാരൻ കെ.എം. ജാഫറും ട്രഷറർ വി.ടി ഹബീബും പങ്കെടുത്തു.
കടുത്തുരുത്തി: വെള്ളൂരില്‍ കുറവാ സംഘമിറങ്ങിയാതായി സംശയം. ഭീതിയില്‍ നാട്ടുകാര്‍. വെള്ളൂരില്‍ വ്യാപാര സ്ഥാപനങ്ങളിലും, വീട്ടിലും മോഷണം നടന്നതോടെയാണ് കുറുവാ സംഘം വെള്ളൂരില്‍ എത്തിയെന്ന അഭ്യൂഹം പരന്നത്. ഇതോടെ നാട്ടുകാര്‍ ആശങ്കയിലായി വെള്ളൂര്‍( പിറവം റോഡ് ) റെയില്‍വേ സ്‌റ്റേഷന് സമീപം കിഴക്കേപ്പറമ്പില്‍ ഗോപാലകൃഷ്ണന്റെ വീട്ടില്‍ നിന്ന് 24900 രൂപയും, വെള്ളൂര്‍ ജങ്ഷനിലുള്ള മണികണ്ഠന്‍ ഹോട്ടലില്‍ നിന്ന് 5,000 രൂപയുടെ ചില്ലറയും ആണു മേഷ്ടാവ് കവര്‍ന്നത്. സമീപത്തെ വീടുകളില്‍ മോഷണശ്രമവും നടന്നു.കോട്ടയത്തു നിന്നു വിരളടയാള വിദഗ്ധരും ഡോഗ് സ്‌കോഡും എത്തി പരിശോധന നടത്തി. മോഷ്ടാവിന്റെ ദൃശ്യം തൊട്ടടുത്തുണ്ടായിരുന്ന സി.സി.ടി.വി. ക്യാമറയില്‍ നിന്നും പോലിസിനു ലഭിച്ചിട്ടുണ്ട്. പോലീസ് കേസെടുത്തു അന്വേഷണം ആരംഭിച്ചു.
പൂഞ്ഞാർ. ഈരാറ്റുപേട്ട ഉപജില്ലാ സ്കൂൾ കാലോത്സവം " കലയാട്ടം " പൂഞ്ഞാർ എസ് എം വി ഹയർ സെക്കന്ററി സ്കൂളിൽ ആരംഭിച്ചു. ബ്ലോക്ക് പഞ്ചായത്ത് പ്രസിഡൻ്റ് മറിയാമ്മ ഫെർണാണ്ടസ് ഉദ്ഘാടനം ചെയ്തു. 70 സ്കൂളുകളിൽ നിന്നായി 3500 ൽ അധികം പ്രതിഭകൾ പങ്കെടുക്കും.മാനുവലിൽ പുതിയതായി ഉൾപ്പെടുത്തിയ ഗോത്ര കലകളായ മംഗലംകളി, പണിയ നൃത്തം, മലപുലയാട്ടം, ഇരുളനൃത്തം, പളിയനൃത്തം എന്നിവയിലും ഇത്തവണ മത്സരാർത്ഥികൾ പങ്കെടുക്കും 11 വേദികളിലാണ് മത്സരങ്ങൾ നടക്കുന്നത്.സ്കൂൾ മാനേജർ പി ആർ അശോക വർമ്മ രാജ അധ്യക്ഷത വഹിച്ചു.എ ഇ ഓ ഷംല ബീവി, പ്രിൻസിപ്പൽ ആർ ജയശ്രീ, ഹെഡ്മാസ്റ്റർ എ ആർ അനുജാ വർമ്മ, ജില്ലാ പഞ്ചായത്ത് മെമ്പർമാരായ. പി ആര്‍ അനുപമ ,ഷോൺ ജോർജ്, ബ്ലോക്ക് പഞ്ചായത്ത് മെമ്പർമാരായ മിനി സാവിയോ, അജിത് കുമാർ, പൂഞ്ഞാർ ഗ്രാമപഞ്ചായത്ത് പ്രസിഡൻ്റ് ഗീതാ നോബിൾ, വൈസ് പ്രസിഡൻ്റ് തോമസ് ജോസ് കരിയാ പുരയിടം, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ലിസമ്മ സണ്ണി, ക്ഷേമകാര്യ കമ്മിറ്റി. കെ ആർ മോഹനൻ നായർ, വികസന സ്റ്റാൻഡിങ് കമ്മിറ്റി . സുശീല മോഹൻ, പഞ്ചായത്ത് മെമ്പർമാരായ . ഓൾവിൻ തോമസ്, റിസപ്ഷൻ കമ്മിറ്റി കൺവീനർ അഗസ്റ്റിൻ സേവിയർ, പിടിഎ പ്രസിഡൻ്റ് രാജേഷ് പാറക്കൽ, സ്കൂൾ ലീഡർ അനില ഷാജി എന്നിവർ സംസാരിച്ചു.
ഈരാറ്റുപേട്ട.മുനിസിപ്പൽ കൗൺസിലിലെ നേരിട്ടുള്ള തെരഞ്ഞെടുപ്പിലൂടെ നിർത്തേണ്ടതായ സ്ഥാനങ്ങളുടെ എണ്ണം 29 ആയി നിശ്ചയിച്ചിട്ടുള്ളതിനാൽ,ഈരാറ്റുപേട്ട നഗരസഭയിലെ വാർഡുകളുടെ പുനർവിഭജനവുമായി ബന്ധപ്പെട്ട കരട് വിഭജന റിപ്പോർട്ട് സംസ്ഥാന ഡീലിമിറ്റേഷൻ കമ്മീഷൻ പ്രസിദ്ധീകരിച്ചിട്ടുണ്ട്.പ്രസ്തുത നിർദ്ദേശങ്ങളെ സംബന്ധിച്ച ആക്ഷേപങ്ങളും അഭിപ്രായങ്ങളും ഉണ്ടെങ്കിൽ ആയത് 2024 ഡിസംബർ 3-ാം തീയതിയിലോ അതിനുമുമ്പോ ഡിലിമിറ്റേഷൻ കമ്മീഷൻ സെക്രട്ടറി മുമ്പാകെയോ ജില്ലാ തെരഞ്ഞെടുപ്പ് ഉദ്യോഗസ്ഥൻ മുമ്പാകെയോ നേരിട്ടോ രജിസ്റ്റർ ചെയ്ത തപാൽ മുഖേനയോ സമർപ്പിക്കാവുന്നതാണ്. അപ്രകാരം നൽകുന്നവയോടൊപ്പം എന്തെങ്കിലും രേഖകൾ നൽകാൻ ആഗ്രഹിക്കുന്നുവെങ്കിൽ അപ്രകാരമുള്ള രേഖകളുടെ സ്വയം സാക്ഷ്യപ്പെടുത്തിയ പകർപ്പുകളും നൽകേണ്ടതാണെന്ന് ഈരാറ്റുപേട്ട നഗരസഭാ സെക്രട്ടറി അറിയിക്കുന്നു
അരുവിത്തുറ : അരുവിത്തുറസെൻ്റ് ജോർജസ് കോളേജ് ബി.സി.എ വിഭാഗം സോഫ്റ്റ്വെയർ ഡെവലപ്മെന്റ് മേഖലയിൽ ഇന്നൊവേഷൻ, നൈപുണ്യ വികസനം എന്നിവ പ്രോത്സാഹിപ്പിക്കുന്നതിനായി സോഫ്റ്റ്വെയർ ഡെവലപ്‌മെൻ്റ് കമ്പനിയായ കൊച്ചി ഡിജിറ്റലുമായി ധാരണാപത്രം ഒപ്പുവച്ചു.ഈ മേഖലയിൽ വിദ്യാർത്ഥികളുടെ ഭാഗധേയം ഉറപ്പാക്കുന്നതിൽ സുപ്രധാന ചുവടുവെപ്പാണ് ധാരണാപത്രം. സംയുക്ത സോഫ്റ്റ്വെയർ വികസന പദ്ധതികളിൽ സഹകരിക്കാൻ ഇതിലൂടി വിദ്യർത്ഥികൾക്ക് അവസരമൊരുങ്ങും. ഗവേഷണ അധിഷ്ഠിത ആപ്ലിക്കേഷനുകൾ, നൂതന സോഫ്റ്റ്വെയർ ഉൽപ്പന്നങ്ങൾ എന്നിവ ഉൾപ്പെടെയുള്ള പദ്ധതികൾ ഈ പങ്കാളിത്തത്തിന്റെ ഭാഗമാണ്.ഈ സഹകരണത്തിന്റെ ഭാഗമായി വിദ്യാർത്ഥികൾക്ക് ഇന്റേൺഷിപ്പ്, സ്കിൽ ഡെവലപ്‌മെൻ്റ, മെന്റർഷിപ്പ് പ്രോഗ്രാമുകൾ തുടങ്ങിയ സാധ്യമാകും.അരുവിത്തുറ സെൻ്റ് ജോർജ് കോളേജസ് കോളേജിനായി പ്രിൻസിപ്പൽ പ്രൊഫ.ഡോ.സിബി ജോസഫും കൊച്ചി ഡിജിറ്റലിനായി സിഇഒ ദീപു ജോബും ധാരണാപത്രത്തിൽ ഒപ്പുവച്ചു. കംപ്യൂട്ടർ ആപ്ലിക്കേഷൻസ് വിഭാഗം മേധാവി ഡോ.ജെസ്റ്റിൻ ജോയി, അധ്യാപകരായ ലിനു ടി ജെയിംസ്, ഡോ. സൗമ്യ ജോർജ്, ഡോ. ജെമിനി ജോർജ് എന്നിവർ സന്നിഹിതരായിരുന്നു.
ഈരാറ്റുപേട്ട: നഗരസഭ കുഴിവേലി വാർഡിലേക്ക് നടക്കുന്ന ഉപതെരഞ്ഞെടുപ്പിൽ യു ഡി എഫ് സ്ഥാനാർത്ഥിയായി മുസ്ലിം ലീഗിലെ റൂബിന നാസർ മത്സരിക്കും. യൂത്ത് ലീഗ് ജില്ലാ പ്രസിഡൻ്റ് അഡ്വ വി പി നാസറിൻ്റെ ഭാര്യയാണ് റൂബിന' ലീഗ് ഹൗസിൽ നടന്ന യു ഡി എഫ് കൺവൻഷനിൽ വെച്ച് മുസ്ലിം ലീഗ് ജില്ലാ ട്രഷറർ കെ എ മുഹമ്മദ് അഷറഫാണ് സ്ഥാനാർത്ഥിയെ പ്രഖ്യാപിച്ചത്. മണ്ഡലം യു ഡി എഫ് ചെയർമാൻ പി എച്ച് നൗഷാദ് അധ്യക്ഷത വഹിച്ചു. നഗരസഭ ചെയർപേഴ്സൺ സുഹ്റ അബ്ദുൽഖാദർ, വൈസ് ചെയർമാൻ അഡ്വ മുഹമ്മദ് ഇല്യാസ്, കോൺഗ്രസ് ബ്ലോക്ക് പ്രസിഡൻ്റ് അഡ്വ സതീഷ്കുമാർ, മുസ്ലിംലീഗ് ജില്ലാ ഭാരവാഹികളായ എം പി സലിം, വി പി മജീദ്, സി പി ബാസിത്ത്, കോൺഗ്രസ് മണ്ഡലം പ്രസിഡൻ്റ് അനസ് നാസർ, വെൽഫയർ പാർട്ടി നേതാവ് യൂസുഫ് ഹിബ, കെ എ മുഹമ്മദ് ഹാഷിം, വി എം സിറാജ്, കെ എ മാഹിൻ , അഡ്വ വി പി നാസർ, നാസർ വെള്ളൂപ്പറമ്പിൽ , പി എം അബ്ദുൽഖാദർ എന്നിവർ പ്രസംഗിച്ചു. യു ഡി എഫ് കൺവീനർ റാസി ചെറിയ വല്ലം സ്വാഗതമാശംസിച്ചു
