കോട്ടയം തഹസിൽദാർ അനിൽകുമാർ എസ് എൻ അന്തരിച്ചു.55 വയസായിരുന്നു.ഇന്ന് പുലർച്ചയുണ്ടായ ഹൃദയാഘാതത്തെ തുടർന്ന് കാരിത്താസ് ആശുപത്രിയിൽ ചികിത്സയിലിരിക്കെ ഉച്ചയോടെയായിരുന്നു അന്ത്യം.കോട്ടയം നീണ്ടൂർ കുമ്മാക്കോത്ത് കുടുംബാംഗമാണ്.ഭാര്യ: മിനി എം.ജിമകൻ : ഋഷികേശ് നാരായണൻ (ബംഗളൂരൂ)മകൾ: നന്ദിത കൃഷ്ണ (വിദ്യാർത്ഥി -നിഫ്റ്റ് ചെന്നൈ`)
അരുവിത്തുറ :അരുവിത്തുറ സെൻറ് ജോർജ് കോളേജിൽ ദക്ഷ വിമൻസ് സെല്ലിന്റെ ആഭിമുഖ്യത്തിൽ സർവിക്കൽ കാൻസർ ബോധവൽക്കരണ സെമിനാർ സംഘടിപ്പിച്ചു.സെമിനാറിന്റെ ഉദ്ഘാടനം പാലാ മാർ സ്ളീവാ മെഡിസിറ്റി ഓങ്കോളജി വിഭാഗം അസിസ്റ്റൻറ് കൗൺസിലർ ഡോ.ആൻസി മാത്യു നിർവഹിച്ചു. സ്ത്രീകളിൽ വ്യാപകമായി കണ്ടുവരുന്ന സെർവിക്കൽ കാൻസറിന്റെ കാരണങ്ങൾ, മുൻകരുതലുകൾ ,പ്രതിവിധി എന്നീ വിഷയങ്ങൾ സംബന്ധിച്ച് സെമിനാറിൽ അവർ ക്ലാസ് നയിച്ചു.കോളേജ് പ്രിൻസിപ്പൽ പ്രൊഫ. ഡോ സിബി ജോസഫ് അധ്യക്ഷത വഹിച്ച ചടങ്ങിൽ കോളേജ് ബർസാർ റവ ഫാ ബിജു കുന്നയ്ക്കാട്ട് കോളേജ് വൈസ് പ്രിൻസിപ്പൽ ഡോ ജിലു ആനി ജോൺ, ദക്ഷ കോഡിനേറ്റർ തേജിമോൾ ജോർജ് തുടങ്ങിയവർ സംസാരിച്ചു.
ഈരാറ്റുപേട്ട : കേരള മാപ്പിള കലാ അക്കാഡമി കോട്ടയം ജില്ലാ പ്രസിഡൻ്റായി അഡ്വ. സുഹൈൽ ഖാൻ, ജനറൽ സെക്രട്ടറിയായി കെ.പി.എ. നടയ്ക്കൽ, ട്രഷറർ അജീബ് പാറയിൽ എന്നിവരെ തെരഞ്ഞെടുത്തു. കാഥികൻ വി.എം.എ. സലാം, പ്രമുഖ കലാകാരൻ സക്കീർ താപി, പ്രശസ്ത ചരിത്രകാരൻ കെ.എം.ജാഫർ എന്നിവരാണ് രക്ഷാധികാരികൾ.വൈസ് പ്രസിഡൻ്റ്മാരായി ഹുസൈൻ അമ്പഴത്തിനാൽ, ഷമിൽ കോട്ടയം, അഷ്റഫ് തൈത്തോട്ടം, മനാഫ് പുള്ളോലിൽ, മഞ്ജു സജി എന്നിവരെയും, ഓർഗനൈസിംഗ് സെക്രട്ടറിയായി റഷീദ് വടയാർ, സെക്രട്ടറിമാരായി പി.പി.എം. നൗഷാദ്, സുധീർ കുഞ്ഞുവാവ , ജലീൽ കണ്ടത്തിൽ, ദിലീപ് തുണ്ടിയിൽ, ഷൈബാ ഷാഹുൽ എന്നിവരെയും, ചാരിറ്റി വിംഗ് ചെയർമാനായി അഫ്സൽ ഇ. പി,ഇശൽ കൂട്ടം കൺവീനറായി നാഫി മാളിയേക്കലിനെയും തെരഞ്ഞെടുത്തു. 2026 ജനുവരി 14 ന് ഈരാറ്റുപേട്ട നടയ്ക്കൽ ബറക്കാത്ത് സ്ക്വയർ ഓഡിറ്റോറിയത്തിൽ നടന്ന ജില്ലാ കൺവൻഷനിൽ സംസ്ഥാന സെക്രട്ടറി വി.എം സിറാജ് അദ്ധ്യക്ഷനായിരുന്നു.സംസ്ഥാന പ്രസിഡൻ്റ് എ.കെ. മുസ്ഥഫ കൺവൻഷൻ ഉദ്ഘാടനം ചെയ്തു.സംസ്ഥാന ജനറൽ സെക്രട്ടറി ആരിഫ് കാപ്പിൽ തെരഞ്ഞെടുപ്പ് നിയന്ത്രിച്ചു.പി.പി.എം. നൗഷാദ് സ്വാഗതവും, നസീർ ഈരാറ്റുപേട്ട നന്ദിയും പറഞ്ഞു.
പാലാ :കത്തോലിക്കാ കോൺഗ്രസ് പാലാ രൂപതാ ഡയറക്ടർ റവ. ഡോ.ജോർജ് വർഗീസ് ഞാറക്കുന്നേലിനെ വാഹനമിടിപ്പിച്ച് പരിക്കേല്പിച്ച സംഭവത്തിൽ പോലീസ് നടപടി. ഇടിപ്പിച്ച വാഹനവും വാഹനമോടിച്ചിരുന്നയാളും പോലീസ് പിടിയിലായി.മുത്തോലി സ്വദേശി പ്രകാശ് എന്നയാളെയെയാണ് അറസ്റ്റ് ചെയ്തത്. വാഹനവും കസ്റ്റഡിയിലെടുത്തു. പാലാ ഡി വൈ എസ് പി കെ സദൻ,എസ് എച് ഓ പി ജെ കുര്യാക്കോസ്, എസ് ഐ ദിലിപ് കുമാർ, എ എസ് ഐ ജോബി ജോസഫ്, പ്രൊബേഷണൽ എസ്.ഐ ബിജു, മറിയാമ്മ, സി.പി.ഒ അനൂപ്, രഞ്ജിത് എന്നിവർ ചേർന്നാണ് വാഹനം കസ്റ്റഡിയിലെടുത്തത്. ജനുവരി 12 ന് പാലാ ബിഷപ് ഹൗസിനു മുന്നിലാണ് വൈദികനെ വാഹനം ഇടിച്ചത്. ഇടിച്ച ശേഷം വാഹനം നിർത്താതെ പോയി. പരാതി ലഭിച്ചതിനെ തുടർന്ന് പോലീസ് അന്വേഷണം ആരംഭിച്ചെങ്കിലും സി.സി.ടി.വി ദൃശ്യങ്ങൾ ലഭിക്കാതിരുന്നത് വാഹനം കണ്ടെത്താൻ തടസ്സമായിരുന്നു. ബിജു,മറിയാമ്മ, സി പി ഓ അനൂപ്, രഞ്ജിത് എന്നിവർ ചേർന്നാണ് വാഹനം കസ്റ്റഡിയിലെടുത്തത്. ജനുവരി 12-ാം തീയതി പാലാ ബിഷപ് ഹൗസിനു മുമ്പിൽ വച്ചാണ് വൈദികനെ ഇടിച്ച ശേഷം വാഹനം നിർത്താതെ പോയത്.
ഈരാറ്റുപേട്ട: പാലിയേറ്റീവ് കെയർ ദിനത്തോടനുബന്ധിച്ച് കരുണ പാലിയേറ്റീവ് കെയർ സംഘടിപ്പിക്കുന്ന സന്ദേശ യാത്രയുടെ ഫ്ലാഗ് ഓഫ് കർമം അഹമ്മദ് കുരിക്കൾ നഗറിൽ വ്യാപാരി വ്യവസായി ഏകോപന സമിതി യൂനിറ്റ് പ്രസിഡന്റ് എ.എം.എ. ഖാദർ നിർവഹിച്ചു. ചെയർമാൻ എൻ.എ. മുഹമ്മദ് ഹാറൂൺ അധ്യക്ഷത വഹിച്ചു. ജനകീയ ഫണ്ട് സമാഹരണത്തിന്റെ ഉദ്ഘാടനം ഡോ. നസീർ നിർവഹിച്ചു. നഗരസഭ ആരോഗ്യ കാര്യ സ്റ്റാന്റിംഗ് കമ്മിറ്റി ചെയർപേഴ്സൻ റൈന നൗഫൽ, നഗരസഭാ കൌൺസിലർ അൻവർ അലിയാർ എന്നിവർ ആശംസ നേർന്നു. കരുണ മാനേജർ കെ.പി. ബഷീർ സ്വാഗതവും സെക്രട്ടറി ബിലാൽ നാസർ നന്ദിയും പറഞ്ഞു. സന്ദേശ യാത്രയുടെ സമാപനം വൈകുന്നേരം ഏഴിന് ചേന്നാട് കവലയിൽ നടക്കും. നഗരസഭാ കൌൺസിലർമാർ ഉൾപ്പെടെ പരിപാടിയിൽ സംബന്ധിക്കും.
കാഞ്ഞിരപ്പള്ളി : വനിതാ സുഹൃത്തിനെ കഴുത്തറത്തു കൊന്ന ശേഷം യുവാവ് ആത്മഹത്യ ചെയ്ത സംഭവത്തിന്റെ ഞെട്ടൽ മാറുന്നതിനു മുൻപ് കൂവപ്പള്ളി, കുളപ്പുറത്ത്, വീണ്ടും ഒരു മരണം കൂടി നടന്നു. കുളപ്പുറത്ത് പരേതനായ ശ്രീനിവാസന്റെ മകൻ ശ്രീജിത്ത് ശ്രീനിവാസൻ (കൊച്ചുണ്ണി -29) ആണ് മരണപ്പെട്ടത്. വീട്ടിൽ ഫാനിൽ കെട്ടിത്തൂങ്ങി മരിച്ചു കിടക്കുന്നതായാണ് കാണപ്പെട്ടത് . ഏതാനും ദിവസങ്ങൾക്ക് മുൻപ് ഇരട്ട മരണം നടന്ന വീടിന്റെ 300 മീറ്റർ അടുത്താണ് ഈ മരണവും നടന്നിരിക്കുന്നത്.
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. പവന് ഇന്ന് 800 രൂപയാണ് വര്ധിച്ചത്. 1,05,320 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 100 രൂപയാണ് വര്ധിച്ചത്. 13,165 രൂപയാണ് ഒരു ഗ്രാം സ്വര്ണത്തിന്റെ വില. രണ്ടുദിവസത്തിനിടെ പവന് ആയിരത്തിലധികം രൂപയാണ് വര്ധിച്ചത്. ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. പിന്നീടുള്ള ദിവസങ്ങളിലും വില ഉയരുന്നതാണ് ദൃശ്യമായത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്.
ഈരാറ്റുപേട്ട ടൗൺ ഭാഗങ്ങളിൽ എക്സ്ക്സൈസ്- എൻ്റെ മിന്നൽ പരിശോധന. ഈരാറ്റുപേട്ട എക്സ്ക്സൈസ് ഇൻസ്പെക്ടർ ബിനീഷ് സുകുമാരൻ -ൻ്റെ നേതൃത്വത്തിൽ ആയിരുന്നു പരിശോധന. ഈരാറ്റുപേട്ട ടൌൺ, എം ഇ എസ് ജംഗ്ഷൻ എന്നീ സ്ഥലങ്ങൾ കേന്ദ്രികരിച്ചായിരുന്നു പരിശോധന. അഥിതി തൊഴിലാളി ക്യാമ്പുകളിലും പരിശോധന നടത്തി. എക്സൈസ് ഇന്റലിജിൻസ് വിഭാഗം ടി പ്രദേശത്തെ ഹോട്ട് സ്പോട്ട് കണ്ടെത്തിയിട്ടുണ്ട് അവ കേന്ദ്രികരിച്ചായിരിന്നു പരിശോധന. 3,4 സംഘങ്ങൾ ആയി തിരിഞ്ഞായിരുന്നു പരിശോധന ഈരാറ്റുപേട്ട എക്സൈസ് റേഞ്ച്, പാലാ എക്സൈസ് സർക്കിൾ കോട്ടയം IB പാർട്ടികളും പരിശോധനയിൽ പങ്കെടുത്തു. പരിശോധനയിൽ 2 kg ഓളം വരുന്ന നിരോധിത പുകയില ഉത്പന്നങ്ങൾ പിടിച്ചെടുത്തു. വരും ദിവസങ്ങളിൽ കൂടുതൽ ഇടങ്ങളിൽ പരിശോധനകൾ ഉണ്ടാകുമെന്ന് അധികൃതർ അറിയിച്ചു. പരിശോധനയിൽ ഇൻസ്പെക്ടർ നെ കൂടാതെ അസിസ്റ്റൻ്റ് എക്സൈസ് ഇൻസ്പെക്ടർ ജെക്സി ജോസഫ്, പ്രിവന്റീവ് ഓഫീസർ സ്റ്റാൻലി ചാക്കോ,, പ്രിവന്റീവ് ഓഫീസർ ഗ്രേഡ് മനു ചെറിയാൻ, CEO മാരായ നന്ദു എം എൻ, റ്റോബിൻ അലക്സ് എന്നിവരും പങ്കെടുത്തു.
