ഈരാറ്റുപേട്ട.നഗരസഭയിൽ ഒഴിവുവന്ന പതിനാറാം വാർഡിലേക്ക് ഷൈല റഫിഖ് എൽ.ഡി.എഫ്. സ്ഥാനാർഥിയാകും. നഗരസഭ മണ്ഡലം എൽ.ഡി എഫ്. യോഗത്തിൽ കൺവീനർ നൗഫൽഖാൻ സ്ഥാനാർഥിയെ പ്രഖ്യാപിച്ചു. യോഗത്തിൽ സി.പി.എം. ജില്ലാ കമ്മിറ്റിയംഗം ജോയി ജോർജ്, പി.ബി ഫൈസൽ,അഡ്വ. ജയിംസ് വലിയ വീട്ടിൽ, സോജൻ ആലക്കുളം, റഫീഖ് പട്ടരുപറമ്പിൽ, അക്ബർ നൗഷാദ്, പി.ആർ.ഫൈസൽ, കെ.ഐ.നൗഷാദ്, അബ്ദുൽ സലാം, കെ, എസ്.നൗഷാദ്, കബീർ കീഴേടം എന്നിവർ സംസാരിച്ചു
ഈരാറ്റുപേട്ട : ഹരിത സഭയുടെ നടത്തിപ്പ് പൂർണമായും വിദ്യാർത്ഥികൾ ഏറ്റെടുത്തതോടെ ഈരാറ്റുപേട്ട നഗരസഭയിലെ കുട്ടികളുടെ ഹരിത സഭ അർത്ഥപൂർണമായി. കഴിഞ്ഞ വർഷം നടന്ന ഹരിത സഭയിൽ ഞങ്ങൾ ആവശ്യപ്പെട്ടത് പ്രകാരം അരുവിത്തുറ പാലത്തിലെ മീനച്ചിലാറിന്റെ തീരത്തുള്ള പൊന്തക്കാടുകൾ നീക്കി മറവിലെ മാലിന്യ കേന്ദ്രം നീക്കം ചെയ്ത നഗരസഭ നടപടിയെ പ്രശംസിച്ച കുട്ടികൾ അവിടെ ഇനിയും മാലിന്യങ്ങൾ എത്താതിരിക്കാൻ എന്ത് നടപടി സ്വീകരിക്കുമെന്ന് ചോദിച്ചു. അവിടെ സുന്ദരമായ പാർക്കും ഉദ്യാനവും നിർമിക്കാൻ നഗരസഭ നടപടി സ്വീകരിക്കണമെന്ന പരിഹാര നിർദേശം ഉന്നയിച്ച കുട്ടികൾ നഗര പരിധിയിൽ മാലിന്യം തള്ളപ്പെടുന്ന ഇത്തരം പ്രദേശങ്ങൾ ഏറെയുണ്ടെന്ന് ചിത്രങ്ങൾ സഹിതം ചൂണ്ടിക്കാട്ടി. വൃത്തിയാക്കി ഇവയെല്ലാം സൗന്ദര്യവൽക്കരിക്കണമെന്ന് ആവശ്യപ്പെട്ട കുട്ടികൾ അതിന് സേവനം നൽകാൻ തങ്ങൾ ഒരുക്കമാണെന്ന് പറഞ്ഞു. സ്‌കൂളിലെയും നഗരത്തിലെയും മാലിന്യ സംസ്ക്കരണ പ്രശ്നങ്ങളും അതിനുള്ള പരിഹാരത്തിന് വിവിധ ആവശ്യങ്ങളും സഹിതം ഓരോ സ്‌കൂളിനെയും പ്രതിനിധീകരിച്ച് വിദ്യാർത്ഥികൾ റിപ്പോർട്ട് സഭയിൽ അവതരിപ്പിച്ചതോടെ ചോദ്യങ്ങളും മറുപടികളുമായി സഭാ നടപടികൾ നീണ്ടത് രണ്ട് മണിക്കൂറോളം. മുഴുവൻ ചോദ്യങ്ങൾക്കും മറുപടി പറഞ്ഞ നഗരസഭ ചെയർപേഴ്സൺ സുഹ്‌റ അബ്ദുൽ ഖാദർ ഒടുവിൽ സഭ പിരിയുമ്പോൾ സഭാ നടപടികൾ പൂർണമായും നിയന്ത്രിച്ച് അധ്യക്ഷത വഹിച്ച മുസ്ലിം ഗേൾസ് ഹയർ സെക്കണ്ടറി സ്കൂൾ വിദ്യാർത്ഥിനിയായ സാദിയ സജീറിനെ അഭിനന്ദിച്ചത് കവിളിൽ മുത്തം നൽകി. ഏറെ ചിന്തോദീപകമായിരുന്നു ഇത്തവണത്തെ കുട്ടികളുടെ ഹരിത സഭയെന്നും കുട്ടികൾ ഉന്നയിച്ച വിഷയങ്ങൾ അടുത്ത ദിവസം കുട്ടികൾ തന്നെ മിനിട്സ് ആയി നഗരസഭയ്ക്ക് കൈമാറുന്നതോടെ ഇത് അജണ്ടയാക്കി പ്രത്യേകമായി കൗൺസിൽ യോഗം വിളിച്ചു ചേർത്ത് പരിഹാര നടപടികൾ രേഖാമൂലം നൽകുമെന്നും ഉദ്ഘാടനത്തിന് ശേഷം മറുപടി പ്രസംഗത്തിൽ ചെയർപേഴ്സൺ അറിയിച്ചു. അരുവിത്തുറ പാലത്തിന് സമീപത്ത് ഉൾപ്പടെ നഗരപരിധിയിൽ 15 ഇടങ്ങളിൽ പാർക്കുകളും പൂന്തോട്ടങ്ങളുമാക്കി നിർമിക്കാൻ 50 ലക്ഷം രൂപ ഫണ്ട് ആന്റോ ആന്റണി എംപി അനുവദിച്ചിട്ടുണ്ടെന്നും ഇതിനുള്ള പദ്ധതി സമഗ്രമായി തയ്യാറാക്കി വരികയാണെന്നും ചെയർപേഴ്സൺ അറിയിച്ചു. സഭയിൽ വിദ്യാർത്ഥിനി സ്വാലിഹ ഹാഷിം ശുചിത്വ പ്രതിജ്ഞ ചൊല്ലിക്കൊടുത്തു. കഴിഞ്ഞ വർഷത്തെ ഹരിത സഭയിൽ മികച്ച റിപ്പോർട്ട് അവതരിപ്പിച്ച വിദ്യാർത്ഥിനി ഹാജറ സൈനയ്ക്ക് പുരസ്‌കാരം നൽകി. വിദ്യാർത്ഥി പാനൽ പ്രതിനിധികളായ സൈനബ ഖത്തൂൺ, ഖദീജ ബിൻത് റഫീഖ്, കാശി വിശ്വനാഥ്, സഹൽ ഡിലീഫ്, മുഹമ്മദ് ഫർസാൻ, സൈന മോൾ, ആദിൽ വി റഹീം എന്നിവർ സഭാ നടപടികൾക്ക് നേതൃത്വം നൽകി. നഗരസഭ ആരോഗ്യ സ്റ്റാൻഡിങ് കമ്മറ്റി ചെയർപേഴ്സൺ ഷെഫ്ന അമീൻ സ്വാഗത പ്രസംഗം നടത്തി. ക്ഷേമ കാര്യ സമിതി അധ്യക്ഷൻ പി എം അബ്ദുൽ ഖാദർ, കൗൺസിലർമാരായ നാസർ വെള്ളൂപ്പറമ്പിൽ, അനസ് പാറയിൽ, സുനിത ഇസ്മായിൽ, ലീന ജെയിംസ്, നൗഫിയ ഇസ്മായിൽ, ഫാസില അബ്സാർ, ഷൈമ റസാഖ്, അബ്ദുൽ ലത്തീഫ്, ക്ലീൻ സിറ്റി മാനേജർ ടി. രാജൻ, ഹെൽത്ത്‌ ഇൻസ്‌പെക്ടർമാരായ സ്വപ്ന ബി നായർ, വി എച്ച് അനീസ, സോണിമോൾ, ശുചിത്വ മിഷൻ പ്രതിനിധികളായ അബ്ദുൽ മുത്തലിബ്, ഹരിശങ്കർ, നഗരസഭ പരിധിയിലെ 15 സ്‌കൂളുകളിൽ നിന്നുള്ള അദ്ധ്യാപകർ, ആൺകുട്ടികളും പെൺകുട്ടികളും ഉൾപ്പടെ 400 വിദ്യാർത്ഥികൾ എന്നിവർ പങ്കെടുത്തു. വിദ്യാർത്ഥികൾക്ക് സർട്ടിഫിക്കറ്റും സ്‌കൂളുകൾക്ക് മെമെന്റോയും വിതരണം ചെയ്തു.
പൂഞ്ഞാർ.സിപിഐഎം പൂഞ്ഞാർ ഏരിയ സമ്മേളനത്തിന് മുന്നോടിയായി കല സാംസ്കാരിക വനിതാ സംഗമം സംഘടിപ്പിച്ചു .പൂഞ്ഞാർ തെക്കേക്കര പ്രൈവറ്റ് ബസ് സ്റ്റാൻഡിൽ നടന്ന സംഗമം പ്രശസ്ത സിനിമാതാരവും സാമൂഹിക പ്രവർത്തകയുമായ ഗായത്രി വർഷ ഉദ്ഘാടനം ചെയ്തു. അഡ്വ. സെബാസ്റ്റ്യൻ കുളത്തിങ്കൽ എംഎൽഎ മുഖ്യ പ്രഭാഷണം നടത്തി. പൂഞ്ഞാർ തെക്കേക്കര ലോക്കൽ സെക്രട്ടറി റ്റിഎസ് സിജു അധ്യക്ഷനായിജില്ലാ കമ്മിറ്റി അംഗങ്ങളായ ജോയി ജോർജ്, രമാ മോഹനൻ, ഏരിയാ സെക്രട്ടറി കുര്യാക്കോസ് ജോസഫ്, ഏരിയാ കമ്മിറ്റി അംഗങ്ങളായ സിഎം സിറിയക്ക്, തോമസ് മാത്യു, ബി രമേശ്, ആശാ റിജു, പൂഞ്ഞാർ ഗ്രാമപഞ്ചായത്ത് പ്രസിഡൻ്റ് ഗീതാ നോബിൾ, തലനാട് ഗ്രാമപഞ്ചായത്ത് പ്രസിഡണ്ട്, രജനി സുധാകരൻ, പഞ്ചായത്ത് മെമ്പർ നിഷാ സാനു, മുതിർന്ന പാർട്ടി നേതാവ് ഇ എമോഹനൻ എന്നിവർ സംസാരിച്ചു.
ഈരാറ്റുപേട്ട .മുസ് ലിം ഗേൾസ് ഹയർ സെക്കണ്ടറി സ്കൂളിലെ എൻ എസ് എസ് ,ഗൈഡ് യൂണിറ്റുകളുടെ നേതൃത്വത്തിൽ പാലാ ബ്ലഡ് ഫോറത്തിന്റെയും അരുവിത്തുറ ലയൺസ് ക്ലബ്ബിന്റെയും എച്ച് ഡി എഫ് സി ബാങ്കിന്റേയും സഹകരണത്തോടെ നടന്ന ക്യാമ്പിന്റെ ഉദ്ഘാടന സമ്മേളനത്തിൽ പ്രിൻസിപ്പൽ താഹിറ പി പി അധ്യക്ഷത വഹിച്ചു. മുനിസിപ്പൽ കൗൺസിലർ പി എം അബ്ദുൾ ഖാദർ മുഖ്യപ്രഭാഷണവും ലയൺസ് ക്ലബ്ബ് ചീഫ് പ്രോജക്ട് കോർഡിനേറ്റർ സിബി പ്ലാത്തോട്ടം രക്തദാന സന്ദേശവും നടത്തി. എച്ച് ഡി എഫ് സി ബാങ്ക് മാനേജർ പ്രദീപ് ജി നാഫ്, അരുവിത്തുറ ലയൺസ് ക്ലബ്ബ് പ്രസിഡന്റ് മനോജ് പരവരാകത്ത്, സ്റ്റാഫ് സെക്രട്ടറി ജൂബിമോൾ, എൻ എസ് എസ് പ്രോഗ്രാം ഓഫീസർ അമ്പിളി ഗോപൻ, ഗയിഡ് ക്യാപ്റ്റൻ സജന സഫ്റു, മുഹമ്മദ് റാഫി, സിസ്റ്റർ അനിലിറ്റ് എസ് എച്ച്, ഡോക്ടർ മിഷാ എന്നിവർ പ്രസംഗിച്ചു.ക്യാമ്പിൽ അൻപത് ഓളം പേർ രക്തം ദാനം ചെയ്തു. എസ് എച്ച് മെഡിക്കൽ സെൻ്റർ ബ്ലഡ് ബാങ്ക് കോട്ടയം ആണ് ക്യാമ്പ് നയിച്ചത്. വോളണ്ടിയർ ലീഡർമാരായ സാദിയ സജീർ, മുഫീദ വി എം എന്നിവർ പരിപാടികൾക്ക് നേതൃത്വം നൽകി.
മൂന്നിലവ്. പഞ്ചായത്തിലെ പ്രവർത്തനം നിലച്ച സ്വകാര്യ റബർ ഫോം ഫാക്ടറിയിൽ തീപിടുത്തം. ഞായറാഴ്ച 12 മണിയോടെയാണ് ഫാക്ടറിയിൽ തീ പടർന്നത്. ഉപയോഗ ശൂന്യമായ സാധനങ്ങൾ കൂട്ടിയിട്ടിരുന്ന മുറിയിലാണ് തീ പിടിച്ചത്.ഒരുവർഷം മുമ്പ് ഇതേ ഫാക്ടറിയിലുണ്ടായ തീപിടുത്തത്തിൽ വലിയ നാശനഷ്‌ടമുണ്ടായിരുന്നു. തുടർന്ന് ഫാക്ടറിയുടെ പ്രവർത്തനം നിർത്തി വയ്ക്കുകയായിരുന്നു. ഈരാറ്റുപേട്ടയിൽ നിന്ന് രണ്ടും പാലായിൽ നിന്ന് ഒന്നും യൂണിറ്റ് അഗ്നിശമന സേനയെത്തിയാണ് തീയണച്ചത്.ഫാക്റിയിൽ നിന്ന് 400 മീറ്റർ അകലത്തിലുള്ള കടവുപുഴ പാലം തകർന്ന് കിടക്കുന്നതിനാൽ അഗ്നിശമന സേന 12 കിലോമീറ്റർ ചുറ്റക്കറങ്ങിയാണ് സ്ഥലത്തെത്തിയത്. ഇതിനാൽ തീയണക്കുവാൻ താമസം നേരിട്ടത്.
ഈരാറ്റുപേട്ട: രാത്രി സമയത്തുള്ള ട്രിപ്പുകൾ സ്വകാര്യ, കെ.എസ്.ആർ ടി സി ബസുകൾ മുടങ്ങുന്നത് പതിവായതോടെ ഈരാറ്റുപേട്ടയിൽ നിന്ന് ഗ്രാമീണ മേഖലകളിലേക്ക് പോകാനാകാതെ യാത്രക്കാർ പെരുവഴിയിലാകുന്നു. സന്ധ്യമയങ്ങിയാൽ ഈരാറ്റുപേട്ടയിൽ നിന്ന് മിക്ക ഗ്രാമീണ റൂട്ടുകളിലും ബസുകൾ ഇല്ലാത്ത സ്ഥിതിയാണ്. ഇതോടെ രാത്രി നഗരത്തിൽ എത്തുന്ന യാത്രക്കാർ ഒട്ടോവിളിച്ചു പോകേണ്ട അവസ്ഥയാണ്. സാധാരണക്കാരും കൂലിപ്പണിക്കാരുമാണ് ഇതിന്റെ ദുരന്തഫലം ഏറെ അനുഭവിക്കുന്നത്. നൂറു കണക്കിനു യാത്രക്കാർക്ക് പ്രയോജനം ചെയ്തിരുന്ന പൂഞ്ഞാർ. തീക്കോയി പ്രദേശങ്ങളിലേക്ക് ഈരാറ്റുപേട്ടയിൽ നിന്ന് രാത്രി 8 ന് ശേഷം ബസുകൾ ഓടുന്നില്ല. ഇത് സംബന്ധിച്ച് പരാതികൾ നൽകിയെങ്കിലും മോട്ടോർ വാഹന വകുപ്പ് ഉദ്യോഗസ്ഥർ യാതൊരു നടപടിയുമെടുക്കുന്നില്ലെന്നാണ് യാത്രക്കാരുടെ പരാതി. മലയോര പഞ്ചായത്തുകളായ തലനാട് , തീക്കോയി, പൂഞ്ഞാർ ,പൂഞ്ഞാർ തെക്കേക്കരഎന്നിവിടങ്ങളിലേക്കുള്ള നിരവധി കെ.എസ്.ആർ.ടിസി ബസുകളാണ് കോവിഡിനു കാലഘട്ടത്തിൽ സർവീസ് നിർത്തിയത്. നാല് വർഷം കഴിഞ്ഞിട്ടും ബസുകൾ ഇതുവരെയുംപുനരാംരംഭിച്ചില്ല.കെ എസ് .ആർ ടിസി മാത്രം സർവീസ് നടത്തുന്ന കൈപ്പള്ളി, ചോലത്തടം റൂട്ടുകളിലാണ് ഏറെയും യാത്രാ ദുരിതംഅടിവാരം ചോലത്തടം, കൈപ്പള്ളി എന്നിവിടങ്ങളിലേ ക്കുള്ള സ്റ്റേ ബസുകൾ നിർത്തിയത് യാത്രക്കാരെ വലയ്ക്കുന്നു 'ബസ് സർവീസ് റദ്ദാക്കുമ്പോൾ യാത്രക്കാർക്ക് ഓട്ടോ, ടാക്സി കൂലി ഇനത്തിൽ വൻ സാമ്പത്തിക നഷ്ടമാണുണ്ടാകുന്നത്. കുറഞ്ഞ വേതനത്തിൽ വിവിധ സ്ഥാപനങ്ങളിൽ ജോലി ചെയ്യുന്ന ആളുകൾ, ചെറുകിട കച്ചവടക്കാർ എന്നിവരെയാണ് ഇത് ഏറ്റവും കൂടുതൽ ബാധിക്കുന്നത്.
മുഹമ്മദ് (67) വാക്കാപറമ്പിൽ കടുവാമുഴി ഈരാറ്റുപേട്ട നിര്യാതനായി കബറടക്കം ഇന്ന് രാത്രി 8 മണി നൈനാർ പള്ളി മക്കൾ.നാസിം, മാഹീൻ വഹാബ്, നാസില. ഭാര്യ നസീമ മുരിക്കോലിൽ കുടുംബാംഗം
ഈരാറ്റുപേട്ട .നഗരസഭ കുഴിവേലി വാർഡിൽ ഡിസംമ്പർ 10-ന് നടക്കുന്ന ഉപതിരഞ്ഞെടുപ്പിൽ എസ്.ഡി.പി.ഐ സ്ഥാനാത്ഥി ആയി തസ്നീം അനസ് വെട്ടിക്കൽ മത്സരിക്കും. ഫൗസിയ ഓഡിറ്റോറിയത്തിൽ നടന്ന മുനിസിപ്പൽ നേത്യ യോഗത്തിൽ വച്ച് ജില്ലാ ഖജാൻജി കെ. എസ് ആരിഫ് സ്ഥാനാത്ഥി പ്രഖ്യാപനം നടത്തി. ഈരാറ്റുപേട്ട നഗരസഭാഭരണ സമിതിയുടെ അഴിമതിയും, വികസന ഇല്ലായ്മയും തിരെഞ്ഞെടുപ്പിൽ ചർച്ച ചെയ്ത് കൊണ്ട് വിവേചനമില്ലാത്ത വികസനത്തിന് തസ്നീം അനസിൻ്റ് വിജയം വാർഡിന് അനിവാര്യമാണ് എന്ന് കെ.എസ് ആരിഫ് പറഞ്ഞു. മുനിസിപ്പൽ കമ്മറ്റി പ്രസിഡൻറ് സഫീർ കുരുവനാൽ അദ്ധ്യക്ഷതവഹിച്ചു പൂഞ്ഞാർ മണ്ഡലം പ്രസിഡൻ്റഹലിൽ തലപള്ളിൽ, ജില്ലാ കമ്മിറ്റിഅംഗം അയ്യൂബ് കൂട്ടിയ്ക്കൽ, മുനിസിപ്പൽ സെക്രട്ടറി വി.എസ് ഹിലാൽ വിമൻ ഇന്ത മൂവ്മെൻറ് മുനിസിപ്പൽ പ്രസിഡൻ്റ് അമീന നൗഫൽ, സ്ഥാനാത്ഥിതസ്നീം അനസ്. യാസിർ കാരയ്ക്കാട്,ബിനു നാരായണൻ. സുബൈർവെള്ളാ പള്ളിൽ, നഗരസഭാ കൗൺസിലർമാരായ അബ്ദുൽ ലത്തീഫ്, ഫാത്തിമഷാഹുൽ. നൗഫിയ ഇസ്മായിൽ, നസീറസുബൈർ, ഫാത്തിമ മാഹിൻ , എന്നിവർ സംസാരിച്ചു
