ഈരാറ്റുപേട്ട - പിക് അപ്പ് വാനും സ്കൂട്ടറും കൂട്ടിയിടിച്ചുണ്ടായ അപകടത്തിൽ പിതാവിനും മകനും പരിക്കേറ്റു. പ്ലാശനാൽ സ്വദേശികളായ മനോജ് ( 50) മകൻ അശ്വിൻ ( 20 ) എന്നിവർക്കാണ് പരിക്കേറ്റത്. 10 മണിയോടെ ഈരാറ്റുപേട്ട വടക്കേക്കര ഭാഗത്ത് വച്ചായിരുന്നു അപകടം. അപകടത്തിൽ സ്കൂട്ടർ പൂർണ്ണമായും തകർന്നു. പരിക്കേറ്റ ഇരുവരെയും ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
2025ലെ പൊതുഅവധികൾ പ്രഖ്യാപിച്ചു. ആകെ 24 പൊതുഅവധികളാണുള്ളത് ഇതിൽ 18 എണ്ണം പ്രവൃത്തിദിവസങ്ങളും ആറെണ്ണം ഞായറാഴ്ചയുമാണ്. പൊതുഅവധികളിൽ 18 എണ്ണം നെഗൊഷ്യബിൾ ഇൻസ്ട്രമെന്റ്സ് ആക്ട് പ്രകാരമുള്ളവയാണ്. മൂന്ന് നിയന്ത്രിത അവധിയുമുണ്ട്. റിപ്പബ്ലിക് ദിനം, ഈസ്റ്റർ, മുഹറം, നാലാം ഓണം, ശ്രീകൃഷ്ണ ജയന്തി, ശ്രീനാരായണ ഗുരു ജയന്തി എന്നീ അവധികൾ ഞായറാഴ്ചയാണ്. പൊതുഅവധികൾ ▪️മന്നം ജയന്തി– 2025 ജനുവരി 02 ▪️റിപ്പബ്ലിക് ദിനം– ജനുവരി 26, ▪️മഹാശിവരാത്രി– ഫെബ്രുവരി 26 ▪️റംസാൻ– മാർച്ച് 31 ▪️വിഷു/അംബേദ്കർ ജയന്തി– ഏപ്രിൽ 14 ▪️പെസഹാ വ്യാഴം– ഏപ്രിൽ 17 ▪️ദുഃഖവെള്ളി– ഏപ്രിൽ 18 ▪️ഈസ്റ്റർ– ഏപ്രിൽ 20 ▪️മെയ്ദിനം– മെയ് 01 ▪️ബക്രീദ്– ജൂൺ 06 ▪️മുഹറം–ജൂലൈ 06 ▪️കർക്കിടക വാവ്– ജൂലൈ 24 ▪️സ്വാതന്ത്ര്യദിനം– ആഗസ്ത് 15 ▪️അയ്യങ്കാളി ജയന്തി– ആഗസ്ത് 28 ▪️ഒന്നാം ഓണം– സെപ്തംബർ 04 ▪️തിരുവോണം– സെപ്തംബർ 05 ▪️മൂന്നാം ഓണം– സെപ്തംബർ 06 ▪️നാലാം ഓണം-സെപ്തംബർ 07 ▪️ശ്രീകൃഷ്ണ ജയന്തി– സെപ്തംബർ 14 ▪️ശ്രീനാരായണ ഗുരു ജയന്തി–സെപ്തംബർ 21 ▪️മഹാനവമി– ഒക്ടോബർ 01 ▪️വിജയദശമി/ഗാന്ധിജയന്തി– ഒക്ടോബർ രണ്ട് ▪️ദീപാവലി– ഒക്ടോബർ 20 ▪️ക്രിസ്മസ്– ഡിസംബർ 25. അയ്യാ വൈകുണ്ഡ സ്വാമി ജയന്തി–മാർച്ച് നാല്, ആവണി അവിട്ടം–ആഗസ്ത് ഒമ്പത്, വിശ്വകർമദിനം –സെപ്തംബർ 17 എന്നിവ നിയന്ത്രിത അവധി ദിവസങ്ങളാണ്. പൊതുഅവധികളിൽ മഹാശിവരാത്രി, റംസാൻ, വിഷു/അംബേദ്കർ ജയന്തി, ദുഃഖവെള്ളി, മെയ്ദിനം, ബക്രീദ്, സ്വാതന്ത്ര്യദിനം, ഒന്നാം ഓണം, തിരുവോണം, മഹാനവമി, വിജയദശമി/ഗാന്ധിജയന്തി, ദീപാവലി, ക്രിസ്മസ് എന്നിവയും കണക്കെടുപ്പ് ദിവസമായ ഏപ്രിൽ ഒന്നുമാണ് നെഗോഷ്യബിൾ ഇൻസ്ട്രമെന്റ്സ് ആക്ട് പ്രകാരം ബാങ്കുകൾക്ക് അടക്കം അവധിയുള്ള ദിവസങ്ങൾ. 2025 മാർച്ച് 14 (വെള്ളിയാഴ്ച) ഹോളിദിനത്തിൽ ഡൽഹിയിൽ പ്രവർത്തിയ്ക്കുന്ന പൊതുമേഖലാ സ്ഥാപനങ്ങൾ ഉൾപ്പെടെയുളള സംസ്ഥാനസർക്കാർ ഓഫീസുകൾക്ക് പ്രാദേശികാവധിയും അനുവദിക്കും. ഞായറാഴ്ചത്തെ അവധികളായ റിപ്പബ്ലിക് ദിനം, ഈസ്റ്റർ, ശ്രീനാരായണ ഗുരു ജയന്തി, ശ്രീനാരായണ ഗുരു സമാധി എന്നിവ ഉൾപ്പെടെ നാലെണ്ണം നെഗോഷ്യബിൾ ഇൻസ്ട്രമെന്റ്സ് ആക്ട് പ്രകാരമുള്ള അവധികളാണ്. തൊഴിൽ നിയമം- ഇൻഡസ്ട്രിയൽ ഡിസ്പ്യൂട്ട്സ് ആക്ട്സ്, കേരള ഷോപ്പ്സ് ആൻഡ് കൊമേഷ്യൽ എസ്റ്റാബ്ലിഷ്മെന്റ് ആക്ട്, മിനിമം വേജസ് ആക്ട് മുതലായവയുടെ പരിധിയിൽ വരുന്ന സ്ഥാപനങ്ങൾക്ക് 1958ലെ കേരള ഇൻഡസ്ട്രിയൽ എസ്റ്റാബ്ലിഷ്മെൻ്റ് (നാഷണൽ ആൻഡ് ഫെസ്റ്റിവൽ ഹോളിഡേയ്സ്) നിയമത്തിന്റെ കീഴിൽ വരുന്ന അവധികൾ മാത്രമേ ബാധകമാകൂ.
സംസ്ഥാനതല വനിതാ വോളിബോൾ ചാമ്പ്യൻഷിപ്പിൽ മിനി വിഭാഗത്തിൽ കേരള ടീമിലേക്ക് യോഗ്യത നേടിയ റിഫ ഫാത്തിമയും വനിതാ ഡോഡ്ജ് ബോൾ ചാമ്പ്യൻഷിപ്പിൽ സീനിയർ വിഭാഗത്തിൽ കേരള ടീമിലേക്ക് യോഗ്യത നേടിയ കാഞ്ചന മോളും.ഈരാറ്റുപേട്ട മുസ്ലിം ഗേൾസ് എച്ച്.എസ്.എസിലെ ഒമ്പതാം ക്ലാസ് വിദ്യാർഥിനിയാണ് റിഫ. പ്ലസ് ടു ഹ്യുമാനിറ്റീസ് വിദ്യാർഥിനിയാണ് കാഞ്ചന.ഇരുവരേയും സ്കൂൾ പി.ടി.എയും സ്റ്റാഫും മാനേജ്മെന്റും അഭിനന്ദിച്ചു
മുണ്ടക്കയം: ജില്ലയുടെ മലയോര മേഖലയിൽ കനത്ത മഴയിൽ മണിമലയാറ്റിൽ ജലനിരപ്പ് ഉയർന്നു.ഉച്ചക്ക് ശേഷം ആരംഭിച്ച മഴയിൽ മൂന്നു മണിക്കൂർ അതിശക്തമായ മഴയിൽ മണിമലയാറ്റിൽ ജലനിരപ്പ് ഉയർന്നു. ജില്ലയുടെ കിഴക്കൻ മലയോര മേഖലയായ കൂട്ടിക്കൽ, ഇളംകാട്, മുണ്ടക്കയം മേഖലകളിൽ അതിശക്തമായ മഴയാണ് പെയ്തത് മണിമലയാറ്റിൽ ജലനിരപ്പ് അപകടകാരമാം വിധം ഉയർന്നിരിക്കുന്നതിനാൽ കേന്ദ്ര ജല കമ്മീഷൻ പ്രളയമുന്നറിയിപ്പ് നൽകി മണിമലയാറ്റിൽ ഓറഞ്ച് അലേർട്ട് പ്രഖ്യാപിച്ചു. നദീ തീരങ്ങളിൽ താമസിക്കുന്നവർ ജാഗ്രത പാലിക്കണം. നിലവിൽ മഴയുടെ ശക്തി കുറഞ്ഞെങ്കിലും മഴ ശമിച്ചിട്ടില്ല.
തിരുവനന്തപുരം: അറബിക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി മാറുന്നുവെന്ന് കേന്ദ്ര കാലാവസ്ഥവകുപ്പ്. ഒക്ടോബർ 13 ന് രാവിലെയോടെ ന്യൂന മർദ്ദം മധ്യ അറബിക്കടലിൽ തീവ്ര ന്യൂനമർദ്ദമായി ശക്തി പ്രാപിക്കാൻ സാധ്യതയെന്നാണ് അറിയിപ്പ്. ഈ സാഹചര്യത്തിൽ കേരളത്തിൽ അതിശക്ത മഴ തുടരുമെന്നും അറിയിപ്പിൽ പറയുന്നു. കേരളത്തിൽ ഒരാഴ്ച വ്യാപകമായി നേരിയ/ ഇടത്തരം മഴക്കു സാധ്യതയെന്നും ഒറ്റപ്പെട്ട സ്ഥലങ്ങളിൽ ഇന്ന് അതിശക്തമായ മഴക്കും 11 മുതൽ 15 വരെ ശക്തമായ മഴക്കും സാധ്യതയെന്നാണ് കേന്ദ്ര കാലാവസ്ഥവകുപ്പ് അറിയിച്ചിരിക്കുന്നത്. ഈ സാഹചര്യത്തിൽ ഇന്ന് തിരുവനന്തപുരം, കൊല്ലം എന്നീ ജില്ലകളിൽ ഓറഞ്ച് അലർട്ടും പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്.
അരുവിത്തുറ : അരുവിത്തുറ സെൻറ് ജോർജസ് കോളേജ് ഇൻഡോർ സ്റ്റേഡിയത്തിൽ നടന്നവരുന്ന ഇൻറർ കോളേജിയേറ്റ് വോളിബോൾ ചാമ്പ്യൻഷിപ്പിൽ ഇനി ഫൈനൽ പോരാട്ടങ്ങൾ. വ്യാഴച്ച നടന്ന സെമി ഫൈനൽ മത്സരങ്ങളിൽ പത്തനാപുരം സെൻറ് സ്റ്റീഫൻസ് കോളേജിനെ പരാജയപ്പെടുത്തി അരുവിത്തുറ സെൻറ് ജോർജസ്സ് കോളേജും എസ്എൻജി ചേളന്നൂർ കോളേജിനെ പരാജയപ്പെടുത്തി ഇരിങ്ങാലക്കുട ക്രൈസ്റ്റ് കോളേജും പുരുഷ വിഭാഗം ഫൈനലിൽ എത്തി .വനിതാ വിഭാഗത്തിൽ പാല അൽഫോൻസാ കോളജിനെ പരാജയപ്പെടുത്തി ഇരിങ്ങാലക്കുട ക്രൈസ്റ്റ് കോളേജും ആലുവ സെൻറ് സേവ്യേഴ്സ്സ് കോളജിനെ പരാജയപ്പെടുത്തി ചങ്ങനാശ്ശേരി അസംപ്ഷൻ കോളേജും ഫൈനലിൽ എത്തി. തിങ്കളാഴ്ച്ച നടക്കുന്ന ഫൈനലിലെ വനിതാ വിഭാഗം ജേതാക്കൾക്ക് ഫാ തോമസ് അരയത്തിനാൽ മെമ്മോറിയൽ ട്രോഫിയും ക്യാഷ് അവാർഡും ഇരാറ്റുപേട്ട നഗരസഭാദ്ധ്യക്ഷ സുഹ്റാ അബ്ദുൾ ഖാദർ സമ്മാനിക്കും. പുരുഷ വിഭാഗം ജേതാക്കൾക്ക് ഫാ തോമസ് മണക്കാട്ട് മെമ്മോറിയൽ എവറോളിങ്ങ് ട്രോഫിയും ക്യാഷ് അവാർഡും അൻ്റൊ അൻ്റണി എം പി സമ്മാനിക്കും. ചടങ്ങുകളിൽ കേരളാ സ്പോർട്സ് കൗൺസിൽ ജില്ലാ പ്രസിഡന്റ് ഡോ ബൈജു വർഗ്ഗീസ് ഗുരുക്കൾ, സെക്കട്ടറി മായാ ദേവി എസ്സ് , കോളേജ് മനേജർ വെരി റവ ഫാ സെബാസ്റ്റ്യൻ വെട്ടുകല്ലേൽ, കോളേജ് പ്രിൻസിപ്പൽ പ്രൊഫ. ഡോ. സിബി ജോസഫ് കോളേജ് ബർസാർ റവ ഫാ ബിജു കുന്നയ്ക്കാട് വൈസ് പ്രിൻസിപ്പൽ ഡോ. ജിലു ആനി ജോൺ കായിക വിഭാഗം മേധാവി ഡോ. വിയാനി ചാർളി തുടങ്ങിയവർ സംസാരിക്കും.
ഈരാറ്റുപേട്ട നഗരസഭയിലെ ജൈവ മാലിന്യ സംസ്കരണ പ്ലാന്റിന്റെ പുനരുദ്ധാരണ ഉൽഘാടനവും നവീകരിച്ച തുമ്പൂർമുഴിയുടെ ഉൽഘാടനവും ബഹു. നഗരസഭ ചെയർപേഴ്സൺ സുഹ്റ അബ്ദുൽ ഖാദർ നിർവഹിച്ചു. ആരോഗ്യ കാര്യം ചെയർപേഴ്സൺ ഷെഫ്ന ആമീൻ അദ്ധ്യക്ഷത വഹിച്ചു. വൈസ് ചെയർമാൻ adv. മുഹമ്മദ് ഇല്യാസ് മുഖ്യപ്രഭാഷണം നിർവഹിച്ചു.ക്ഷേമ കാര്യം ചെയർമാൻ പി എം അബ്ദുൽ ഖാദർ,വാർഡ് കൗൺസിലർ നൗഫിയ ഇസ്മായിൽ സ്വാഗതം ആശംസിച്ചു. നഗരസഭ സെക്രട്ടറി ജോബിൻ ജോൺ പദ്ധതി വിശദീകരണം നൽകി. വാർഡ് കൗൺസിലർമാരായ നാസ്സർ വെള്ളൂപ്പറമ്പിൽ, സുനിൽ കുമാർ, ഹെൽത്ത് സൂപ്പർവൈസർ രാജൻ തുടങ്ങിയവർ ആശംസകൾ അറിയിച്ചു.JHI അനീസ,ജോഷി താന്നിക്കൽ,ഹരിതകർമ സേന അംഗങ്ങൾ, സംസ്കരണ പ്ലാന്റ് തൊഴിലാളികൾ തുടങ്ങിയവർ പങ്കെടുത്തു.മാലിന്യ നിർമാർജന രംഗത്ത് നഗരസഭ ശക്തമായ നിലപാടുമായി മുന്നോട്ട് പോകുന്നതാണെന്നും ആറുകളും തോടുകളും പൊതു സ്ഥലങ്ങളും മലിനമാക്കുന്നവർക്ക് എതിരെ പിഴ ഉൾപ്പടെ കർശന നടപടികൾ സ്വീകരിക്കുന്നതാണെന്നും നഗരസഭ ചെയർപേഴ്സൺ അറിയിച്ചു. നഗരസഭയെ മാലിന്യ മുക്തമാക്കുന്നതിന് മുഴുവൻ ജനങ്ങളുടെയും സഹായ സഹകരണം ഉണ്ടാവണമെന്നും നഗരസഭ ചെയർപേഴ്സൺ അഭ്യർത്ഥിച്ചു
ഈരാറ്റുപേട്ട : ഈരാറ്റുപേട്ട ബ്ലോക്ക് പഞ്ചായത്തും ശിശുവികസന പദ്ധതി ഓഫീസും ചേര്ന്ന് അന്താരാഷ്ട്ര ബാലികാ ദിനം ആചരിച്ചു. അരുവിത്തുറ പള്ളി ജംഗ്ഷനില് നിന്നും റാലി ആയി ഈരാറ്റുപേട്ട ബ്ലോക്ക് പഞ്ചായത്ത് അങ്കണത്തില് എത്തി സമാപിച്ചു.ബ്ലോക്ക് പഞ്ചായത്ത് പ്രസിഡന്റ് ശ്രീമതി. മറിയാമ്മ ഫെര്ണ്ണാണ്ടസ് റാലി ഉദ്ഘാടനം ചെയ്തു. വൈസ് പ്രസിഡന്റ് ശ്രീ. കുര്യന് നെല്ലുവേലില്, സ്റ്റാന്റിംഗ് കമ്മിറ്റി ചെയര്പേഴ്സണ്മാരായ മേഴ്സിമാത്യൂ, ഓമന ഗോപാലന്, ബ്ലോക്ക് പഞ്ചായത്ത് മെമ്പര്മാരായ ബിന്ദു സെബാസ്റ്റ്യന്, മിനി സാവിയോ, ഗ്രാമപഞ്ചായത്ത് മെമ്പര്മാര് അംഗന്വാടി ജീവനക്കാര് എന്നിവര് റാലിയില് പങ്കെടുത്തു അംഗന്വാടി ജീവനക്കാരുടെ വിവിധ കലാ പരിപാടികളും ബ്ലോക്ക് പഞ്ചായത്ത് ഹാളില് നടന്നു. അംഗന്വാടി ജീവനക്കാരുടെ വിവിധ കലാ പരിപാടികളും ബ്ലോക്ക് പഞ്ചായത്ത് ഹാളില് നടന്നു. .
