ഓണത്തിന് മുൻപ് രണ്ട് മാസത്തെ ക്ഷേമ പെൻഷൻ വിതരണം ചെയ്യും. ഒരു മാസത്തെ കുടിശിക അടക്കം രണ്ട് മാസത്തെ പെൻഷനാണ് വിതരണം ചെയ്യുക. ധനവകുപ്പ് ഉത്തരവ് ഉടൻ ഇറങ്ങും. 4500 കോടി കൂടി കടമെടുക്കാൻ കേന്ദ്രം അനുമതി നൽകിയതോടെ സംസ്ഥാനത്തിന് ആശ്വാസമായി. ഡിസംബർ വരെ കടമെടുക്കാവുന്ന തുകയാണ് മുൻകൂറായി എടുക്കാൻ അനുവദിക്കുന്നത്.
ഈരാറ്റുപേട്ട.ആഗോളതാപനത്തിന്റെ ഭാഗമായി ലോകത്തിൽ എവിടെയും കാർബണിന്റെ അതിപ്രസരം അതിവേഗം ഉണ്ടാവുന്ന കാലഘട്ടത്തിലും പെട്ടെന്നുണ്ടാവുന്ന് കാലാവസ്ഥ മാറ്റവും മുൻകൂട്ടി കണ്ടുകൊണ്ട് ഹരിത കേരളം മിഷന്റെ നേതൃത്വത്തിൽ പൂഞ്ഞാർ എൻജിനീയറിങ് കോളേജ് ജൈവവൈവിധ്യ ക്യാമ്പസ് ആക്കാനുള്ള ശ്രമങ്ങൾക്ക്തുടക്കം കുറിച്ചു ഇതിന്റെ ഭാഗമായി ആദ്യഘട്ടത്തിൽ കോളേജിന്റെ 10 ഏക്കർ ഭൂമിയിൽ ആയിരം 15 ഇനത്തിലുള്ള വിവിധ തരത്തിലുള്ള ബിഗ് ബാസ്ക്കറ്റ് തൈകൾ വെച്ച് പിടിപ്പിക്കാനുള്ള പ്രവർത്തനങ്ങൾ ആരംഭിച്ചു.കോട്ടയം സോഷ്യൽ ഫോറസ്റ്റ് ഓഫീസിൽ നിന്നും ആയിരം ബിഗ് ബാസ്ക്കറ്റ് തൈകൾ കോളേജിലേക്ക് ലഭിക്കുകയും ചെയ്തു.തദ്ദേശസ്വയംഭരണ വകുപ്പ്, വനം വകുപ്പ്, ഭൂമിക എന്ന പരിസ്ഥിതി സംഘടന എന്നിവരുടെ എല്ലാവിധ സഹായസഹകരണങ്ങളും ഈ പ്രവർത്തനങ്ങൾ ക്ക് ലഭിച്ചിരുന്നു. ോട്ടയം ഹരിത കേരളം മിഷന്റെ ജില്ല കോഡിനേറ്റർ ഐസക്, കോളേജ് പ്രിൻസിപ്പൽ ഡോക്ടർ എം.വി രാജേഷ് , കോഡിനേറ്റർ ജസ്റ്റിൻ സെക്ഷണൽ ഫോറസ്റ്റ് ഓഫീസർ സുരേഷ് വി, ഭൂമികയുടെ ഭാരവാഹി എ ബി ഇമ്മാനുവൽ,ക്യാമ്പ് കോഡിനേറ്റർ മിഥുൻ പോൾ,പൂഞ്ഞാർ എൻജിനീയറിങ് കോളേജിലെ എൻഎസ്എസ് കോഡിനേറ്റർമാരായ ആർച്ച,മഹേഷ് ഹരിത കേരളം മിഷന്റെ റിസോഴ്സ് പേഴ്സൺമാരായ വിഷ്ണു പ്രസാദ് ഇ പി സോമൻ എന്നിവർ പ്രവർത്തനങ്ങൾക്ക് നേതൃത്വം നൽകി.ഈരാറ്റുപേട്ട ബ്ലോക്ക് പഞ്ചായത്തിൻ്റെ പൂർണ്ണ സഹകരണം പ്രവർത്തനങ്ങൾക്ക് ലഭിച്ചിരുന്നു.
അരുവിത്തുറ : അരുവിത്തുറ സെന്റ് ജോർജ് കോളേജിന് റിപ്രോഗ്രാഫിക്ക് സെൻ്റർ സമ്മാനിച്ച് ജോസ് കെ മാണി എം പി. തൻ്റെ പ്രദേശിക ആസ്തി വികസന ഫണ്ടിൽ നിന്നും 5 ലക്ഷം രൂപ ലഭ്യമാക്കിയാണ് റിപ്രോഗ്രാഫിക്ക് സെൻ്റർ യഥാർത്ഥ്യമാക്കിയത്. കോളേജിൻ്റെ പുതിയ ലൈബ്രറി ബ്ലോക്കിലാണ് സെൻ്റർ പ്രവർത്തിക്കുന്നത്. വ്യാഴാഴ്ച്ച നടന്ന വജ്ര ജൂബിലി സമ്മേളനത്തിൽ വച്ച് ജോസ് കെ മാണി എം പി റിപ്രോഗ്രാഫിക്ക് സെൻ്ററിൻ്റെ ഉദ്ഘാടനം നിർവഹിച്ചിരുന്നു. ചടങ്ങിൽ പാലാ രൂപതാദ്ധ്യക്ഷൻ മാർ ജോസഫ് കല്ലറങ്ങാട്ട്, പത്തനംതിട്ട എംപി ആൻ്റൊ ആൻ്റണി, കോളേജ് മാനേജർ വെരി റവ ഫാ സെബാസ്റ്റ്യൻ വെട്ടുകല്ലേൽ, മുൻ എം എൽ എ പി.സി ജോർജ് ഇരാറ്റുപേട്ട നഗരസഭാ ചെയർപേഴ്സൺ സുഹ്റാ അബ്ദുൾ ഖാദർ, കോളേജ് പ്രിൻസിപ്പൽ പ്രൊഫ.ഡോ സിബി ജോസഫ്, മുൻ പ്രിൻസിപ്പൽ ഡോ റെജി വർഗ്ഗീസ് മേക്കാടൻ, അലൂംമിനി അസോസിയേഷൻ പ്രസിഡൻ്റ് റ്റി. റ്റി മൈക്കിൾ കോളേജ് ബർസാർ റവ.ഫാ ബിജു കുന്നക്കാട്ട്, വൈസ് പ്രിൻസിപ്പൽ ഡോ ജിലു ആനി ജോൺ തുടങ്ങിയവരും സന്നിഹിതരായിരുന്നു.
ഈരാറ്റുപേട്ട എം ഇ എസ് കോളജിൽ അദ്ധ്യാപകദിനം വിവിധ പരിപാടികളോടെ ആചരിച്ചു. പ്രിൻസിപ്പൽ പ്രഫഎ.എം റഷീദിനെ പൊന്നാടയണിയിച്ച് പരിപാടികൾക്ക് തുടക്കമിട്ടു. പ്രിയപ്പെട്ട അദ്ധ്യാപകർക്കുള്ള കത്തെഴുത്ത്, മധുരവിതരണം, അധ്യാപകർക്ക് ആശംസകാർഡുകൾ വിതരണം ചെയ്യൽ , അദ്ധ്യാപകർക്കായി വിദ്യാർത്ഥികളുടെ ക്ലാസ് എന്നീ വ്യത്യസ്ഥ പരിപാടികൾ സംഘടിപ്പിച്ചു. പ്രിൻസിപ്പൽ അദ്ധ്യാപകദിന സന്ദേശം നൽകി. എൻ.എസ് എസ് യൂണിറ്റ് ദിനാചരണത്തിന് നേതൃത്വം നൽകി.
കേരളാമുസ്ലിംജമാഅത്ത് ഫെഡറേഷൻറെ അഭിമുഖ്യത്തിൽ,വക്കഫ് നിയമ ഭേദഗതിക്കെതിരെ ജെ.പി.സി.യ്ക്ക്ഇ മെയിൽ പരാതി നൽകുന്നതിന്റെ ഉദ്ഘാടനം ഈരാറ്റുപേട്ട നൈനാർ മസ്ജിദ് അങ്കണത്തിൽ പൂഞ്ഞാർ എം.എൽ.എ.സെബാസ്റ്റ്യൻ കുളത്തുങ്കൽ നിർവ്വഹിക്കുന്നു. . പ്രസിഡൻറ് മുഹമ്മദ്സക്കീർ ,ഇമാം അഷറഫ്കൗസരി,അബ്ദുൽവഹാബ്,ഫൈസൽവെട്ടിയാംപ്ലാക്കൽ,പി.റ്റി.ബഷീർ . കെ.ഐ.നൗഷാദ്, ഹാരിസ് വാഴമറ്റം എന്നിവർ സമീപം
കോട്ടയം കാഞ്ഞിരപ്പള്ളിയിൽ പ്രവര്ത്തിച്ചിരുന്ന ഷൂ മാര്ട്ടിന്റെ ഗ്ലാസ് എറിഞ്ഞ് തകര്ത്ത ശേഷം ഷൂസുകൾ മോഷ്ടിച്ചു. കുട്ടികൾ ഉൾപ്പെടുന്ന 4 അംഗ സംഘമാണ് മോഷണത്തിന് പിന്നിൽ. ഇവരിൽ പ്രായപൂര്ത്തിയായ രണ്ട് പേരെ പൊലീസ് കസ്റ്റഡിയിലെടുത്തു. കാഞ്ഞിരപ്പള്ളി കോവിൽകടവിൽ കഴിഞ്ഞ ദിവസം പുലര്ച്ചെ രണ്ട് മണിയോടെയായിരുന്നു സംഭവം. ഷൂ മാര്ട്ടിന്റെ മുൻപിലൂടെ നടന്ന് പോവുകയായിരുന്ന സംഘത്തിൽ തുവാല കൊണ്ട് മുഖം മറച്ചിരുന്ന ഒരാൾ കൈയിൽ ഉണ്ടായിരുന്ന കല്ലു കൊണ്ട് കടയിലെ ഗ്ലാസിന്റെ ചില്ലുകൾ തകര്ത്ത് കടക്ക് അകത്തേക്ക് കയറിയാണ് മോഷണം നടത്തിയത്. ഇയാൾക്കൊപ്പം ഉണ്ടായിരുന്ന രണ്ട് പേര് സംഭവം നടക്കുമ്പോൾ ഓടി മറഞ്ഞിരുന്നെങ്കിലും മോഷണം നടന്ന ശേഷം ഇവര് ഒന്നിച്ചാണ് തിരിച്ചു പോയത്. കടയുടെ ഷട്ടറിന് മുൻവശമുള്ള ഗ്ലാസിനുള്ളിൽ വെച്ചിരുന്ന ഒൻപത് ഷൂസാണ് ഇവര് മോഷ്ടിച്ചത്. തകര്ന്ന ഗ്ലാസും മോഷണം പോയ ഷൂസും അടക്കം 50000 രൂപയുടെ നഷ്ടമാണ് ഉണ്ടായതെന്ന് കട ഉടമ പൊലീസിൽ പരാതി നൽകി. തുടര്ന്ന് കാഞ്ഞിരപ്പള്ളി പൊലീസും വിരലടയാള വിദഗ്ദരും സ്ഥലത്തെത്തി പരിശോധന നടത്തി. സംഭവത്തിൽ നാല് പേര് ഉൾപ്പെട്ടിരുന്നെന്നാണ് പൊലീസ് പറയുന്നത്. ഇതിൽ പ്രായപൂര്ത്തിയാകാത്തവരും ഉണ്ട്. ഇവര് ജുവൈനൽ കസ്റ്റഡിയിലും പ്രായപൂര്ത്തിയായ രണ്ട് പേര് പൊലീസ് കസ്റ്റഡിയിലുമാണുള്ളത്. ഇവരെ ഇന്ന് കോടതിയിൽ ഹാജരാക്കും.
പൂഞ്ഞാർ.ദേശീയ അധ്യാപക ദിനാചരണം ഗൈഡൻസ് പബ്ലിക് സ്കൂളിൽ വിവിധ പരിപാടികളോടെ നടന്നു.സ്കൂളിലെത്തിയ അധ്യാപകരെ വിദ്യാർത്ഥികൾ പൂച്ചെണ്ടും മധുരവും നൽകി സ്വീകരിച്ചു.മുൻ പ്രധാന അധ്യാപകൻ ജോൺസൺ ജോസഫിനെ പൊന്നാട അണിയിച്ച് ആദരിച്ചു.സ്കൂൾ ഓഡിറ്റോറിയത്തിൽ നടന്ന അധ്യാപക ദിന സമ്മേളനത്തിൽ മാനേജർ പി.എ ഹാഷിം അധ്യക്ഷത വഹിച്ചു ജോൺസൺ ജോസഫ് അധ്യാപക ദിന സന്ദേശം നൽകി പ്രിൻസിപ്പാൾ പി.എസ് മുഹമ്മദ് ഷെഫീഖ് സ്വാഗതം ആശംസിച്ചു. കെ.പി ഷെഫീഖ്,കെ.എം അക്ബർ സ്വലാഹി, മഹേഷ് സി.ടി, ആസ്മി അൻസാരി, കെ.എ സഹലത്ത്,സിജി എന്നിവർ പ്രസംഗിച്ചു
കോട്ടയം : രാജ്യത്ത് നിലവിലുള്ള വഖഫ് സംരക്ഷണ നിയമം ഭേദഗതിവരുത്തി അട്ടിമറിയിലൂടെ വഖഫ് സ്വത്തുക്കൾ അന്യാദീനപ്പെടുത്തി മുസ്ലിം സമുദായത്തെ നിഷ്ക്രിയരാക്കാനുള്ള ശ്രമത്തിലൂടെ കേന്ദ്ര സർക്കാർ ലക്ഷ്യമാക്കുന്നത് മുസ്ലിം ഉന്മൂലനമാണെന്ന് സമസ്ത ജില്ലാ പണ്ഡിത സംഗമം അഭിപ്രായപ്പെട്ടു.1936 ലാണ് ആദ്യമായി വഖ്ഫ് നിലവിൽ വന്നത്.വഖ്ഫ് സ്വത്തുക്കളുടെ സംരക്ഷണാർത്ഥം 1997 ൽ ഭരണഘടനാനുസൃതം നിയമം പരിഷ്കരിച്ചു. എന്നാൽ പുതിയ പരിഷ്കാരങ്ങൾ വരുത്തി പാർലമെന്റിൽ അവതരിപ്പിച്ച നിയമം മത വിരുദ്ധ നിയമങ്ങൾ ഉൾകൊള്ളിച്ചുള്ളതാണ്.ഭരണഘടന വ്യക്തികൾക്ക് നൽകുന്ന മത സ്വാതന്ത്ര്യത്തിന്റെ നഗ്ന ലംഘനമാണ്. ഉത്തരം ഭേദഗതികൾ നടപ്പിൽ വരുത്തുന്നത് ആരാജകത്വം വളരാനെ ഉപകരിക്കൂ യോഗം വിലയിരുത്തി.സാംസ്കാരിക മേഖലയിൽ നിന്നും ഉയരുന്ന വെളിപ്പെടുത്തലുകൾ ഞെട്ടിക്കുന്നതാണ്. സ്ത്രീ സുരക്ഷക്ക് ആവശ്യമായ നിയമ നിർമാണത്തിന് സർക്കാർ തയ്യാറാവണമെന്നും യോഗം ആവശ്യപ്പെട്ടു. സമസ്ത കേരള ജംഇയ്യത്തുൽ ഉലമ കോട്ടയം ജില്ലാ കമ്മറ്റിയുടെ ആഭിമുഖ്യത്തിൽ ഈരാറ്റുപേട്ട പുത്തൻ പള്ളി മിനി ഓഡിറ്റോറിയത്തിൽ ജില്ലാ ഉപാദ്യക്ഷൻ എ കെ അബ്ദുറഹ്മാൻ മുസ്ലിയാരുടെ അധ്യക്ഷതയിൽ സംഘടിപ്പിച്ച ജില്ലാ പണ്ഡിത സംഗമം കേരള മുസ്ലിം ജമാഅത്ത് ജില്ലാ പ്രസിഡന്റ് കെ എസ് എം റഫീഖ് അഹമദ് സഖാഫി ഉൽഘാടനം ചെയ്തു.രണ്ട് സെഷനുകളിലായി 'ഇമാമത്ത് ' സമസ്ത എന്നീ വിഷയങ്ങൾ അസ്പദമാക്കി പഠനക്ളാസുകൾ നടന്നു. അലി മുസ്ലിയാർ കുമളി പ്രാർത്ഥനക്ക് നേതൃത്വം നൽകി സമസ്ത കേന്ദ്ര മുശാവറ അംഗം പി എസ് കെ മൊയ്തു ബാഖവി മാടവന ജില്ലാ പ്രസിഡന്റ് എ എം അബ്ദുൽ അസീസ് സഖാഫി എന്തയാർ എന്നിവർ വിഷയം അവതരിപ്പിച്ചു. എസ് വൈ എസ് സംസ്ഥാന സമിതി അംഗം ജഅഫർ ചേലക്കര,ഐ സി എഫ് നാഷണൽ കമ്മറ്റി ചെയർമാൻ സുബൈർ സഖാഫി, വി എച് അബ്ദുറഷീദ് മുസ്ലിയാർ, അബ്ദുൽ ലത്തീഫ് മുസ്ലിയാർ ആപ്പാഞ്ചിറ,സഅദുദ്ധീൻ അൽ ഖാസിമി, അൻവർ മദനി, ലബീബ് സഖാഫി,അബ്ദുറഹ്മാൻ സഖാഫി,സിയാദ് അഹ്സനി, ലിയാഖത്ത് സഖാഫി, ഇയാസ് സഖാഫി,ത്വാഹാ മുസ്ലിയാർ, ഹാരിസ് സഖാഫി കോട്ടയം,ഷാജഹാൻ സഖാഫി,ഇബ്രാഹിം കുട്ടി മൗലവി, ഹമീദ് മൗലവി, അബ്ദുൽ ഖാദിർ മുസ്ലിയാർ സംസാരിച്ചു.ജില്ലാ ജനറൽ സെക്രട്ടറി പിഎം അനസ് മദനി കീ നോട്ട് അവതരിപ്പിച്ചു. ജില്ലയിൽ നിന്നും തിരഞ്ഞെടുക്കപ്പെട്ട പണ്ഡിതർ പ്രതിനിധികളായിരുന്നു
