ഈരാറ്റുപേട്ട: തനിമ കലാസാഹിത്യ വേദി ഈരാറ്റുപേട്ട ചാപ്റ്റർ സംഘടിപ്പിക്കുന്ന സൗഹൃദ സംഗമം 'പൂക്കളം 24' ശനിയാഴ്ച (21 സെപ്റ്റം.) അൽമനാർ സ്കൂൾ ഓഡിറ്റോറിയത്തിൽ നടക്കും. മീനച്ചിൽ മേഖലയിലെ സാഹിത്യ സാംസ്കാരിക രംഗത്തെ പ്രമുഖരുടെ ഓണ സ്മരണകൾ പങ്കിടാനുളള സൗഹൃദ സംഗമം ഉച്ചക്ക് രണ്ട് മണിക്ക് ആരംഭിക്കുമെന്ന് സംഘാടകർ അറിയിച്ചു.
ഈരാറ്റുപേട്ട ; തേവരുപാറ തബ്ലീഗുൽ ഇസ്ലാം മദ്രസയുടെ അഭിമുഖത്തിൽ മദ്രസ ഫെസ്റ്റ് സംഘടിപ്പിച്ചു രണ്ടുദിവസം നീണ്ടുനിന്ന കലാപരിപാടികൾക് ശേഷം സാംസ്കാരിക സമ്മേളനം സംഘടിപ്പിച്ചു കലാപരിപാടികളിൽ മികച്ച പ്രകടനം കാഴ്ചവച്ചവർക്കും മുതഅല്ലിമീങ്ങൾക്കും വിവിധ മേഖലകളിൽ കഴിവ് തെളിയിച്ചവർക്കും സമ്മാനദാനം വിതരണം ചെയ്തു സാംസ്കാരിക സമ്മേളനം ജബലന്നൂർ ജുമാ മസ്ജിദ് പ്രസിഡന്റ് മുഹമ്മദ് ഷാഫി അധ്യക്ഷത വഹിച്ചു ഇർഫാൻ ഷാഫി ഖുർആൻ പാരായണം നടത്തി അനീസ് കൊല്ലം പറമ്പിൽ സ്വാഗതം പറഞ്ഞു നൗഫൽ കീഴേടം വിഷയാവതരണം നടത്തി എം ഇ എം അഷ്റഫ് മൗലവി ഉദ്ഘാടനം ചെയ്യ്തു മുഖ്യപ്രഭാഷണം ഷിബിലി നദവി ചീഫ് ഇമാം ജബലുന്നൂർ ജുമാമസ്ജിദ് നൂറുദ്ദീൻ ഫലാഹി ടി എം റഷീദ് അബ്ദുൽ വഹാബ് ഉബൈദ് മൗലവി ഷാഹുൽ നാവുന്നത് സിറാജ് വെട്ടിക്കാട് ഷാജി കെ കെ പി അൻസാഫ് ഫാസിൽ ഹാഷിം വലിയ വീട്ടിൽ ഫൈസൽ കിഴക്കാട്ട് എന്നിവർ സംസാരിച്ചു മാഹിൻ വെള്ളാപ്പള്ളി നന്ദി പറഞ്ഞു
ഈരാറ്റുപേട്ട : വിവിധ ജാതി മത വിഭാഗങ്ങൾ സൗഹാർദത്തോടെ ജീവിച്ച് വരുന്ന ഇന്ത്യാ രാജ്യത്ത് സാധാരണക്കാരായ ജനങ്ങൾക്കിടയിൽ ഇസ്ലാം പേടി സൃഷ്ടിക്കുന്നത് അപകടകരമാണന്ന് പണ്ഡിതനും വാഗ്മിയുമായ സലീം മമ്പാട് പറഞ്ഞു.എസ്.ഐ.ഒ ജില്ലാ കമ്മിറ്റി ഈരാറ്റുപേട്ട സെൻട്രൽ ജംഗ്ഷനിൽ സംഘടിപ്പിച്ച ഇസ് ലാമോഫോബിയ വിരുദ്ധ സമ്മേളനത്തിൽ മുഖ്യപ്രഭാഷണം നിർവഹിക്കുകയായിരുന്നു അദ്ദേഹം. കഴിഞ്ഞ 3000 വർഷത്തെ ചരിത്രം പറയുന്നത് തൊട്ട് കൂട്ടായ്മയും തീണ്ടികൂടായ്മയും സൃഷ്ടിക്കലാണ് ഇക്കാലത്ത് അത് മുസ് ലിം സമൂഹത്തിന് നേരെയാണ് തിരിച്ചിരിക്കുന്നു എന്ന് മാത്രമാണ്. എല്ലാ മതത്തോടും തുല്യ നീതി പുലർത്തുമെന്ന് സത്യപ്രതിഞ്ജ ചെയ്ത് അധികാരത്തിലേറിയ ഭരണകൂടം തന്നെ ഇസ്ലാമോഫോബിയക്ക് നേതൃത്വം കൊടുക്കുമ്പോൾ ഭരണഘടനയെയാണ് പരിഹസിക്കുന്നതെന്ന് അദ്ധേഹം കുറ്റപ്പെടുത്തി.ഇത്തരം അനീതികളെ ഇസ്ലാമിക വിദ്യാർത്ഥി പ്രസ്ഥാനം തെരുവിൽ ചോദ്യം ചെയ്യുമെന്നും അദ്ധേഹം കൂട്ടി ചേർത്തു.എസ്.ഐ. സംസ്ഥാന തലത്തിൽ നടത്തുന്ന 'ഹൻദലയുടെ വഴിയേ നടക്കുക, ബാബരിയുടെ ഓർമ്മകളുണ്ടായിരിക്കുക' എന്ന ക്യാമ്പയിനിന്റെ ഭാഗമായാണ് മേഖലാ സമ്മേളനം നടത്തിയത്.എസ്.ഐ. സംസ്ഥാന ജനറൽ സെക്രട്ടറി അഡ്വക്കറ്റ് റഹ്മാൻ ഇരിക്കൂർ മേഖലാ സമ്മേളനത്തിന്റെ ഉദ്ഘാടനം നിർവഹിച്ചു.ജില്ലാ പ്രസിഡന്റ് മുബാറക്ക് അധ്യക്ഷത വഹിച്ചു.ജമാഅത്തെ ഇസ്ലാമി ജില്ലാ പ്രസിഡന്റ് എ. എം. അബ്ദുസമദ് , സോളിഡാരിറ്റി ജില്ലാ പ്രസിഡന്റ് സിറാജുദ്ദീൻ, വനിതാ വിഭാഗം ജില്ലാ പ്രസിഡന്റ് സക്കീന അഷറഫ്, ജി.ഐ.ഒ ജില്ലാ പ്രസിഡന്റ് ആസിഫ ഇസ്മായിൽ ജമാഅത്തെ ഇസ്ലാമി ഏരിയ പ്രസിഡൻ്റ് പി.എ മുഹമ്മദ് ഇബ്രാഹീം എന്നിവർ സംസാരിച്ചു. എസ്.ഐ. ഒ സംസ്ഥാന ശൂറാ അംഗം അമീൻ മമ്പാട് സമാപന പ്രഭാഷണം നിർവഹിച്ചു. പൊതു സമ്മേളത്തിന്മുന്നോടിയായി വൈകുന്നേരം 5 മണിക്ക് ടൗൺ ചുറ്റി നടത്തിയ വിദ്യാർത്ഥി റാലിയിൽ നൂറ് കണക്കിന് വിദ്യാർത്ഥികൾ പങ്കെടുത്തു. അഷ്ഫാഖ് അലപ്ര സ്വാഗതവും സമ്മേളന കൺവീനർ ഹാഷിം കെ.എച്ച് നന്ദിയും പറഞ്ഞു.
ഈരാറ്റുപേട്ട.അക്ഷരങ്ങളേയും, വാക്കുകളേയും മനോധർമ്മവും, കാവ്യാത്മകതയും കൊണ്ടുള്ള ഇൻസ്റ്റലേഷൻ വഴി കൂട്ടിയോജിപ്പിക്കുമ്പോഴാണ് പുതിയ സാഹിത്യ സൃഷ്ടികൾ സംഭവിക്കുന്നതെന്ന് പ്രമുഖ എഴുത്തുകാരൻ പി.സുരേന്ദ്രൻ. ഫൈൻ ആർട്സ് ക്ലബ് ഈരാറ്റുപേട്ട (ഫെയ്സ്) യുടെ സാഹിത്യവേദി നവ എഴുത്തുകാർക്കായി സംഘടിപ്പിച്ച ഏകദിന സാഹിത്യ ശില്പശാലയുടെ സമാനപന യോഗത്തിൽ സംസാരിക്കുകയായിരുന്നു അദ്ദേഹം.രാവിലെ നടന്ന ഉൽഘാടന സമ്മേളനം സാഹിത്യ ഗവേഷകനും എഴുത്തുകാരനുമായ ഡോ. കുര്യാസ്കുമ്പളക്കുഴിഉൽഘാടനംചെയ്തു.എഴുത്തിലേക്കുപാത തുറക്കാൻ വേണ്ടനിർദ്ദേശങ്ങളും രീതികളും വിവരിച്ചു കൊണ്ട് ശ്രീ. ബാലു പൂക്കാട് ക്ലാസ് നയിച്ചു.ഫെയ്സ് പ്രസിഡൻറ് സക്കീർ താപി, ജനറൽ സെക്രട്ടറി കെ.പി.എ. നടക്കൽ, സാഹിത്യ വേദി പ്രസിഡൻ്റ് വി.റ്റി ഹബീബ്, സെക്രട്ടറി മുഹ്സിൻ പി. എം, ശില്പശാല ഡയറക്ടർ ഷബീർ കുന്നപ്പള്ളി,പി.എസ് ജബ്ബാർ, റഫീഖ് പട്ടരുപറമ്പിൽ, ഹാഷിം ലബ്ബ, പി.പി.എം നൗഷാദ്, ചരിത്രകാരൻ ജാഫർ ഈരാറ്റുപേട്ട,സലിം കുളത്തിപ്പടി,മൃദുല നിഷാന്ത്, ബിജിലി സെയിൻസ്, അഫ്സൽ ആമി, ഷാഹുൽ ഹമീദ് (ശില്പശാല മോഡറേറ്റർ) ഉണ്ണികൃഷ്ണൻ ഇടമറുക് , റീന വിജയ്, ത്വാഹിറ ത്വാഹ, ജലീൽ കുറ്റിപ്പുഴ എന്നിവർ നേതൃത്വം നൽകി.
ഈരാറ്റുപേട്ട : ഈരാറ്റുപേട്ടയിലെ വിവിധ മസ്ജിദുകളിലെ ടീമുകളെ പങ്കെടുപ്പിച്ചു കൊണ്ട് ഇളപ്പുങ്കൽ ദാറുസ്സലാം ജുമാ മസ്ജിദിനു കീഴിൽ പ്രവർത്തിക്കുന്ന ടീം ദാറുസ്സലാം സംഘടിപ്പിക്കുന്ന അണ്ടർ 18 ഇൻ്റർ മസ്ജിദ് ഫുട്ബോൾ ടൂർണമെൻ്റ് (സെപ്തംബർ 19,20 വ്യാഴം, വെള്ളി) ഇളപ്പുങ്കൽ ദാറുസ്സലാം ഗ്രൗണ്ടിൽ നടക്കും. നാളെ രാവിലെ 8.30 ന് അജ്മി ഫുഡ്സ് എം.ഡി അബ്ദുൽ ഖാദർ അജ്മി ഫുട്ബോൾ മത്സരം ഉത്ഘാടനം ചെയ്യും. ദാറുസ്സലാം മസ്ജിദ് ഇമാം നിസാർ മൗലവി, അജ്മി ഫുഡ്സ് മാനേജർ സാദിഖ് റഹീം, ദാറുസ്സലാം മസ്ജിദ് സെക്രട്ടറി താഹിർ പേരകത്തുശ്ശേരിൽ, ട്രഷറർ ജലീൽ പാറയിൽ തുടങ്ങിയവർ സംബന്ധിക്കും. ഈരാറ്റുപേട്ടയിലെ വിവിധ മസ്ജിദുകളിൽ നിന്നായി 17 ടീമുകളും അറബി കോളേജുകളിൽ നിന്നായി 2 ടീമുകളുമാണ് മത്സരത്തിൽ പങ്കെടുക്കുന്നത്. വെള്ളിയാഴ്ച മത്സരം സമാപിക്കും.
ഈരാറ്റുപേട്ട: എസ്.ഐ.ഒ കോട്ടയം ജില്ലാ കമ്മിറ്റി സംഘടിപ്പിക്കുന്ന ഇസ്ലാമോഫോബിയ വിരുദ്ധ സമ്മേളനം ഇന്ന് ബുധൻ ഈരാറ്റുപേട്ടയിൽ നടക്കും. എസ്.ഐ. സംസ്ഥാന തലത്തിൽ നടക്കുന്ന 'ഹൻദലയുടെ വഴിയേ നടക്കുക, ബാബരിയുടെ ഓർമ്മകളുണ്ടായിരിക്കുക' എന്നാ ക്യാമ്പയിനിന്റെ ഭാഗമായാണ് മേഖലാ സമ്മേളനം. നാലുമണിക്ക് തടവനാൽ പാലത്തിൽ നിന്നും ആരംഭിക്കുന്ന വിദ്യാർഥി റാലി നഗരം ചുറ്റി 5.30 ന് സെൻട്രൽ ജംഗ്ഷനിൽ സമാപിക്കും. തുടർന്ന് പൊതുസമ്മേളനം നടക്കും. എസ്.ഐ. സംസ്ഥാന ജനറൽ സെക്രട്ടറി അഡ്വക്കറ്റ് റഹ്മാൻ ഇരിക്കൂർ മേഖലാ സമ്മേളനത്തിന്റെ ഉദ്ഘാടനം നിർവഹിക്കും. പണ്ഡിതനും വാഗ്മിയുമായ സലീം മമ്പാട് മുഖ്യപ്രഭാഷണം നിർവഹിക്കും. എസ്.ഐ.ഒ ജില്ലാ പ്രസിഡന്റ് മുബാറക്ക് അധ്യക്ഷത വഹിക്കും. ജമാഅത്തെ ഇസ്ലാമി കോട്ടയം ജില്ലാ പ്രസിഡന്റ് അബ്ദുസമദ് എ.എം, സോളിഡാരിറ്റി ജില്ലാ പ്രസിഡന്റ് സിറാജുദ്ദീൻ, ജമാഅത്തെ ഇസ്ലാമി വനിതാ വിഭാഗം ജില്ലാ പ്രസിഡന്റ് സക്കീന അഷറഫ്, ജി.ഐ.ഒ ജില്ലാ പ്രസിഡന്റ് ആസിഫ ഇസ്മായിൽ എന്നിവർ ആശംസകൾ അർപ്പിച്ചു സംസാരിക്കും. എസ് ഐ ഒ സംസ്ഥാന ശൂറാ അംഗം അമീൻ മമ്പാട് സമാപന പ്രഭാഷണം നിർവഹിക്കും. സമ്മേളന കൺവീനർ ഹാഷിം കെ എച്ച് നന്ദി പറയും.
ഈരാറ്റുപേട്ട യിൽ നിന്നുള്ള വിവിധ രാജ്യങ്ങളിൽ ജോലി ചെയ്യുന്ന പ്രവാസികളുടെയും പ്രവാസം കഴിഞ്ഞു തിരിച്ചു നാട്ടിൽ എത്തിച്ചേർന്ന മുൻ പ്രവാസികളുടെയും ഉന്നമനവും ക്ഷേമവും ലക്ഷ്യമിട്ട് പ്രവർത്തിക്കുന്ന പ്രവാസികളുടെ ആഗോള കൂട്ടായ്മയായ ഈരാറ്റുപേട്ട ഗ്ലോബൽ അസോസിയേഷന്റെ (ഇ.ജി.എ) 2024-26 കാലത്തേക്കുള്ള പുതിയ ഭാരവാഹികളെ തെരഞ്ഞെടുത്തു. യു.എ.ഇ, ഖത്തർ, കുവൈത്ത്,ഒമാൻ, സൗദി അറേബ്യ, ബഹ്റൈൻ തുടങ്ങിയ രാജ്യങ്ങളിലെ വിവിധ യൂണിറ്റുകളിൽനിന്ന് തെരഞ്ഞൈടുക്കപ്പെട്ട 36 അംഗ എക്സിക്യൂട്ടീവ് കമ്മിറ്റി അംഗങ്ങളിൽ നിന്നാണ് ഇലക്ഷനിലൂടെ പുതിയ ഭാരവാഹികളെ തെരഞ്ഞെടുത്തത്. ഭാരവാഹികൾ: സുഹൈൽ സത്താർ -പ്രസിഡന്റ് (ഖത്തർ )പി.പി. ഷഹീർ -ജനറൽ സെക്രട്ടറി (യു.എ.ഇ )ഷമീർ മണക്കാട് -ട്രഷറർ(കുവൈത്ത് )സലീം തലനാട് (റിയാദ്) ഷാഹിദ് സി.എ (കുവൈത്ത് )(വൈസ്. പ്രസിഡന്റുമാർ), അജ്മൽ ഖാൻ റിയാദ് (ജോയിൻ സെക്രട്ടറി ) എന്നിവരെ ആണ് തെരഞ്ഞെടുത്തത് വിവിധ വകുപ്പ് സെക്രട്ടറിമാരായി നസീബ് പടിപ്പുരക്കൽ (യു.എ.ഇ)താഹ വലിയവീട്ടിൽ (ഖത്തർ)ഷബിൻ സത്താർ (ദമാം)ഷബീസ് പാലയംപറമ്പിൽ (ജിദ്ദ) കെ.എ. നിസായ് (സലാല)എന്നിവരേയും, യൂണിറ്റ് കൺവീനർമാരായി റിയാസ് ലത്തീഫ് (യു.എ.ഇ), ആസിം പി നൗഷാദ് (ഖത്തർ), റസൽ അബ്ദുൽ റഹീം (റിയാദ്), ഷഫീഖ് റഹ്മാൻ (ദമാം), ജിൻഷാദ് എം.പി (ജിദ്ദ), ഷിബിലി കെ.എം (കുവൈത്ത്), റമീസ് മുഹമ്മദ് (മസ്കത്ത്), യാസിർ അബ്ദുൽ കരീം (ബഹ്റൈൻ) എന്നിവരും തെരഞ്ഞെടുക്കപ്പെട്ടു. ഓൺലൈനായി നടന്ന തെരഞ്ഞെടുപ്പിന് അവിനാഷ് മൂസ, സാജിദ് ഈരാറ്റുപേട്ട എന്നിവർ നേതൃത്വം നൽകി. പ്രവാസികളുടെ ഉന്നമനവും ക്ഷേമവും ലക്ഷ്യമിട്ട് രൂപീകരിച്ച ഇ.ജി.എക്ക് പോയ വർഷങ്ങളിൽ അഭിമാനാർഹമായ നിരവധി ജീവകാരുണ്യ പ്രവർത്തനങ്ങൾ നടത്താനായതായി ഭാരവാഹികൾ അറിയിച്ചു. നിർധനർക്കുള്ള ഭവനങ്ങൾ, ചികിത്സാ സഹായങ്ങൾ, കുടിവെള്ള വിതരണം, പ്രളയ ദുരിതാശ്വാസം, പ്രവാസികൾക്ക് അടിയന്തര സാമ്പത്തിക സഹായം എന്നിവയ്ക് പുറമേ വിസ സ്പോൺസർഷിപ്പ് പോലുള്ള നിയമപ്രശ്നങ്ങളിൽ അകപ്പെട്ട പ്രവാസികൾക്ക് നിയമ സാമ്പത്തിക സഹായങ്ങൾ ചെയ്യാൻ സാധിച്ചു,20 / 9/ 2024 വെള്ളിഴാച കൂടുന്ന സെൻട്രൽ എക്സിക്യൂട്ടീവ് മീറ്റിംഗ് പുതിയ ഭാരവാഹികൾ ചുമതല ഏൽക്കുമെന്നു മുൻ പ്രസിഡന്റ് പത്ര കുറിപ്പിൽ അറീയിച്ചു
തിടനാട് : സിപിഐഎം നേതൃത്വത്തിൽ അമ്പാറനിരപ്പെൽ സ്ഥാപിച്ചിരുന്ന കൊടിയും അന്തരിച്ച സഖാവ് സീതാറാം യെച്ചൂരിയുടെ ആദരാഞ്ജലി ഫ്ലെക്സ്ബോർഡും നശിപ്പിച്ച സാമൂഹ്യ വിരുദ്ധർക്കെതിരെ നടപടി ആവശ്യപ്പെട്ടുകൊണ്ട് പ്രതിഷേധ പ്രകടനവും യോഗവും സംഘടിപ്പിച്ചു.സിപിഐഎം ജില്ലാ കമ്മിറ്റി അംഗം ജോയ് ജോർജ് ഉദ്ഘാടനം ചെയ്യ്തു.ബ്രാഞ്ച് സെക്രട്ടറി ടോം തോമസ് അധ്യക്ഷനായി . ഏരിയ കമ്മിറ്റി അംഗം റ്റി മുരളീധരൻ, ലോക്കൽ സെക്രട്ടറി റെജി ജേക്കബ്, ലോക്കൽ കമ്മിറ്റി അംഗങ്ങളായ റ്റി പി ഷാജി,പ്രിയ ഷിജു.ടി സുഭാഷ് എന്നിവർ സംസാരിച്ചു.
