മേലുകാവുമറ്റം ദീപ്തി ജംഗ്ഷൻ കഴിഞ്ഞുള്ള കയറ്റത്തിൽ നിന്നു പോയ എറണാകുളം കാക്കനാട് കെഎസ്ആർടിസി ബസ് പിന്നോട്ട് ഉരുണ്ടുവന്ന് തൊട്ടുപിന്നാലെ വരികയായിരുന്ന വിവാഹ പാർട്ടി സഞ്ചരിച്ചിരുന്ന കാറിൽ ഇടിച്ച് അപകടം ഉണ്ടായി. ആർക്കും പരിക്കുകൾ ഇല്ല. ഇന്ന് വൈകിട്ട് മൂന്ന് മണിയോടെയായിരുന്നു സംഭവം.
ഈരാറ്റുപേട്ട - എം. കെയർ അക്യൂപങ്ചർ അക്കാഡമിയുടെ ബിരുദദാന ചടങ്ങ് ഈരാറ്റുപേട്ട ശാദി മഹൽ ഓഡിറ്റോറിയത്തിൽ വച്ച് റിട്ടയേർഡ് ഡിജിപി അലക്സാണ്ടർ ജേക്കബ് ഉദ്ഘാടനം ചെയ്തു. രോഗികളെ പരിചരിക്കുക, അവർക്ക് സാന്ത്വനം ഏകുക എന്നത് പുണ്യപ്രവർത്തി ആയിട്ടാണ് ലോകം കാണുന്നത് എന്ന് ഉത്ഘാടനം ചെയ്ത് കൊണ്ട് അലക്സാണ്ടർ ജേക്കബ് പറഞ്ഞു.ആരോഗ്യ മേഖല കച്ചവട താൽപര്യത്തിലേക്കും, കോർപ്പറേറ്റ് കുത്തകകളുടെ കൈകളിലേക്ക് പോയി കൊണ്ടിരിക്കുന്ന ഇക്കാലഘട്ടത്തിൽ പാർശ്വഫലങ്ങൾ ഇല്ലാതെ ചികിത്സാ രീതികൾ തുടരുന്ന അക്യൂപങ്ചികിത്സാ രീതികൾ മാതൃകാ പരമാണ് എന്ന് സെബാസ്റ്റ്യൻ കുളത്തിങ്കൽ എം.എ ൽ എ പറഞ്ഞു.എം കെയർ അക്കാദമി ഡയറക്ടർ പി എസ് മാഹിൻ അധ്യക്ഷത വഹിച്ചു കോഴിക്കോട് ഒമിനിസ്റ്റ് സൊസൈറ്റി പ്രസിഡൻറ് സ്വാമി ആത്മദാസ് യമി, ഈരാറ്റുപേട്ട നഗരസഭ ചെയർമാൻ വി പി നാസർ, പത്മശ്രീ അലി മണിക് ഫാൻ, ബി എസ് എസ് നാഷണൽ കോർഡിനേറ്റർ വിസി പീറ്റർ, എം ഇ എസ് കോളേജ് മുൻ പ്രിൻസിപ്പൽ എ. എം റഷീദ്, ഇമാം വി.പി. സുബൈർ മൗലവി , മാസ്റ്റർ അൽഅമീൻ സജീർ വി.എം എന്നിവർ സംസാരിച്ചു.
ഈരാറ്റുപേട്ട :എസ് ഡി പി ഐ മുന്നോട്ടു വെക്കുന്ന പോസിറ്റീവ് പൊളിറ്റിക്ക്സ് സാമൂഹിക ജധാധിപത്യ മുന്നേറ്റത്തിന് കരുത്തുപകരുമെന്ന് എസ്.ഡി.പി.ഐ. സംസ്ഥാന പ്രവർത്തകസമിതി അംഗം വി.കെ. ഷൗക്കത്ത് അലി പറഞ്ഞു. നടയ്ക്കൽ ഫൗസിയ ഓഡിറ്റോറിയത്തിൽ നടന്ന എസ്.ഡി.പി.ഐ. ഈരാറ്റുപേട്ട മുനിസിപ്പൽ പ്രവർത്തക കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സാമൂഹിക നീതി ഉറപ്പുവരുത്താൻ അധികാര പങ്കാളിത്തം അനിവാര്യമാണ്. പോസിറ്റീവ് പൊളിറ്റിക്സ് അതിലേക്കുള്ള ചുവടുവെപ്പാണെന്നും അദ്ദേഹം കൂട്ടിച്ചേർത്തു. മുനിസിപ്പൽ കമ്മിറ്റി പ്രസിഡൻറ് സഫീർ കുരുവനാൽ അദ്ധ്യക്ഷത വഹിച്ചു. ജില്ലാ സെക്രട്ടറി കെ.എസ്. ആരിഫ്, എസ്. ഡി.റ്റി.യു. ജില്ലാ പ്രസിഡൻ്റ് അയ്യൂബ് ഖാൻ കാസിം, പൂഞ്ഞാർ നിയോജക മണ്ഡലം പ്രസിഡൻ്റ ഹലീൽ തല പള്ളിൽ, സെക്രട്ടറി റഷീദ് മുക്കാലി,അഡ്വ സി.പി. അജ്മൽ , സി എച്ച്. ഹസീബ് ,ഇസ്മായിൽ കീഴേടം , എസ്.എം. ഷാഹിദ് യാസിർ കാരയ്ക്കാട്, നജിബ്പാറനാനീ, വി.എസ് ഹിലാൽ, ജെലീൽ കെ. കെ.പി. അൻവർ സാദത്ത്, അമീന നൗഫൽ നഗരസഭാ കൗൺസിലർമാരായ സുബൈർ വെളളാപള്ളിൽ, സജ്മി ഷിഹാസ് , ഷാഹുൽമുരുക്കോലിൽ എന്നിവർ സംസാരിച്ചു.കൺവെൻഷനിൽ വിവിധ സാമൂഹിക വിഭാഗങ്ങളിൽ നിന്നും പാർട്ടിയിലേക്ക് കടന്നുവന്ന നിരവധി പേർക്ക് സ്വീകരണം നൽകി.
രാജ്യത്ത് പെട്രോൾ, ഡീസൽ, പാചകവാതകം എന്നിവയുടെ വിലയിലും വർധനവുണ്ടാവാൻ സാധ്യതയെന്ന് റിപ്പോർട്ട്. വർധന ഒഴിവാക്കാൻ കഴിയില്ലെന്ന് കേന്ദ്ര ധനമന്ത്രാലയത്തിൻറെ അവലോകന റിപ്പോർട്ട്. പശ്ചിമേഷ്യയിലെ യുദ്ധം കാരണം ആഗോള വിപണിയിൽ ക്രൂഡ് ഓയിൽ ബാരലിന് 100 ഡോളർ കടന്നതോടെയാണ് സ്ഥിതി ഗുരുതരമായത്. പെട്രോൾ, ഡീസൽ വില ലിറ്ററിന് ഏകദേശം 4–5 രൂപ വരെ വർദ്ധിപ്പിക്കാൻ സാധ്യതയുണ്ട്, അതേസമയം ഗാർഹിക എൽപിജി സിലിണ്ടറുകൾക്ക് ഏകദേശം 40–50 രൂപ വരെ വർദ്ധനവ് ഉണ്ടായേക്കാം. അങ്ങനെയെങ്കിൽ ഏകദേശം നാല് വർഷത്തിനിടെ പെട്രോൾ, ഡീസൽ വിലയിലെ ആദ്യത്തെ വർദ്ധനവായിരിക്കും ഇത്. 2022 മുതൽ ചില്ലറ ഇന്ധന വിലകളിൽ വലിയ മാറ്റമൊന്നും ഉണ്ടായിട്ടില്ല
മീനച്ചിൽ : ഇന്നലെ അന്തരിച്ച ഡിജോ കാപ്പന്റെ സംസ്കാരം നാളെ (03/05/2026) ഉച്ചകഴിഞ്ഞ് 2 മണിക്ക് പാലാക്കാടുള്ള വസതിയിൽ ആരംഭിച്ച് ചെറുപുഷ്പം പള്ളി സെമിത്തേരിയിൽ. മൃതദേഹം ഇന്ന് 4 മണിക്ക് വീട്ടിൽ കൊണ്ടുവരുന്നതാണ്.
ഈരാറ്റുപേട്ട: മീനച്ചിൽ താലൂക്കിലെ ആദ്യ ടർഫ് ഗ്രൗണ്ടായ കാരയ്ക്കാട് കരീം സാഹിബ് മെമ്മോറിയൽ ബോയ്സ് ഹൈസ്കൂളിലെ ടർഫ് ഗ്രൗണ്ട് ഈരാറ്റുപേട്ട മുനിസിപ്പൽ ചെയർമാൻ അഡ്വ. വി.പി. നാസർ ഉദ്ഘാടനം ചെയ്തു.ടർഫ് ഗ്രൗണ്ടിന്റെ ഉദ്ഘാടനത്തോടനുബന്ധിച്ച് മെയ് 1 മുതൽ 7 വരെ അവധിക്കാല ഫുട്ബോൾ കോച്ചിംഗ് ക്യാമ്പ് സ്കൂൾ ടർഫ് കോർട്ടിൽ ആരംഭിച്ചു. 6 മുതൽ 15 വയസുവരെയുള്ള കുട്ടികൾക്കായാണ് ക്യാമ്പ് സംഘടിപ്പിച്ചിരിക്കുന്നത്. ക്യാമ്പിന്റെ ഔപചാരിക ഉദ്ഘാടനം അഡ്വ. വി.പി. നാസർ നിർവഹിച്ചു. സ്കൂൾ മാനേജർ മുഹമ്മദ് അഷ്റഫ് ഫ്ലഡ് ലൈറ്റ് സ്വിച്ച് ഓൺ നിർവഹിച്ചു. ടർഫ് നാമകരണം ഫൗസിയ ട്രസ്റ്റ് ചെയർമാൻ മുഹമ്മദ് ഉനൈസ് ഖാസ്മി നിർവഹിച്ചു.പരിപാടിയിൽ സ്കൂൾ ഹെഡ്മാസ്റ്റർ അനസ് മുഹമ്മദ് അധ്യക്ഷത വഹിച്ചു. വാർഡ് കൗൺസിലർ ബാസിത് സി.പി., ട്രസ്റ്റ് ചെയർമാൻ സക്കീർ, ഫൗസിയ ട്രസ്റ്റ് ജനറൽ സെക്രട്ടറി മുഹമ്മദ് ആരിഫ്, പി.ടി.എ. പ്രസിഡണ്ട് പരിക്കുട്ടി മേത്തർ എന്നിവർ പ്രസംഗിച്ചു.ക്യാമ്പിൽ പങ്കെടുക്കുന്ന എല്ലാവർക്കും സർട്ടിഫിക്കറ്റ് നൽകുന്നതോടൊപ്പം, ഈ വർഷം സ്കൂൾ സംഘടിപ്പിക്കുന്ന എല്ലാ ടൂർണമെന്റുകളിലും സൗജന്യ പ്രവേശനവും അനുവദിക്കുമെന്ന് അധികൃതർ അറിയിച്ചു.
കൊച്ചി:-പാചകവാതക വിലവർധനവിൽ പ്രതിഷേധവുമായി ഹോട്ടൽ ഉടമകൾ. മെയ് ആറിന് ഹോട്ടലുകൾ അടച്ചിട്ട് പ്രതിഷേധിക്കുമെന്ന് കേരള ഹോട്ടൽ ആൻഡ് റസ്റ്റോറൻറ് അസോസിയേഷൻ അറിയിച്ചു. കടയടപ്പിന് മുന്നോടിയായി ജില്ലാതലത്തിൽ പ്രതിഷേധങ്ങൾ സംഘടിപ്പിക്കുമെന്നും കേരള ഹോട്ടൽ ആൻഡ് റസ്റ്റോറൻറ് അസോസിയേഷൻ പറഞ്ഞു. തെരഞ്ഞെടുപ്പിന് പിന്നാലെയാണ് രാജ്യത്ത്വ വാണിജ്യ സിലിണ്ടറുകളുടെ വില കുത്തനെ ഉയർത്തിയത്. 19 കി ഗ്രാം വാണിജ്യ സിലിണ്ടറിന് തൊള്ളായിരത്തി തൊണ്ണൂറ്റി മൂന്ന് രൂപയാണ് വർദ്ധിപ്പിച്ചത്. രാജ്യത്ത് നിലവിൽ പാചക വാതക ക്ഷാമം നിലനിൽക്കുന്ന സാഹചര്യത്തിലുള്ള കേന്ദ്ര നീക്കം ഹോട്ടലുടമകൾക്ക് തിരിച്ചടിയായേക്കും. ഇതോടെ സിലിണ്ടർ വില 3000 രൂപയും കടന്നു. അതേസമയം പെട്രോളിന്റെയും ഡീസലിന്റെയും വിലയും വർദ്ധിപ്പിക്കാതെ വേറെ വഴിയില്ല എന്ന് വ്യക്തമാക്കി കേന്ദ്ര റിപ്പോർട്ട്. പശ്ചിമേഷ്യൻ യുദ്ധം വ്യാപാര- വ്യവസായ മേഖലയെയും കയറ്റുമതി മേഖലയെയും സാരമായി ബാധിക്കുമ്പോഴാണ് കേന്ദ്രം ഇരുട്ടടിയായി വില വർധിപ്പിച്ചിരിക്കുന്നത്. ഇത് മൂന്നാം തവണയാണ് വാണിജ്യ സിലിണ്ടർ വില കേന്ദ്രം കൂട്ടുന്നത് . മാർച്ച് ആദ്യം ഏകദേശം 115 രൂപയും ഏപ്രിൽ ഒന്നിന് 200 രൂപയും കൂട്ടിയിരുന്നു. ഇതിന് പിന്നാലെയാണ് 1000 രൂപയ്ക്കടുത്ത് ഒറ്റയടിക്ക് കൂട്ടിയത്.
പാലാ :നിരോധിത മയക്കു മരുന്നുമായി യുവാവിനെ പാലാ എക്സൈസ് പിടികൂടി :പുലിയന്നൂർ വില്ലേജിൽ തെക്കുംമുറി ഭാഗത്ത് മഴുവൻ ചേരിവീട്ടിൽ തങ്കച്ചൻ മകൻ ധനേഷ് 24 ആണ് അറസ്റ്റിലായത് .രഹസ്യ വിവരത്തിന്റെ അടിസ്ഥാനത്തിൽ പിന്തുടർന്നാണ് യുവാവിനെ പിടികൂടിയത് 20 ബോട്ടിലുകളിലായി മെഫെന്റർമൈൻ സൾഫേറ്റാണ് പിടികൂടിയത് കൂടെ ഏതാനും സിറിഞ്ചുകളും പിടികൂടിയിട്ടുണ്ട് .ഇത് കുത്തിവച്ചാണ് മണിക്കൂറുകളോളം ലഹരി ലഭിക്കുമെന്നാണ് പറയപ്പെടുന്നത് . എക്സൈസ് ഇൻസ്പെക്ടർ രാംപ്രസാദ് K R, അസിസ്റ്റൻറ് എക്സൈസ് ഇൻസ്പെക്ടർ ജയചന്ദ്രൻ ആർ, പ്രിവന്റി ഓഫീസർ രതീഷ് കുമാർ പി, സിവിൽ എക്സൈസ് ഓഫീസർമാരായ അച്ചു ജോസഫ്, ധനുരാജ് പി സി, വനിതാ സിവിൽ എക്സൈസ് ഓഫീസർ സുജാത സി ബി, എക്സൈസ് ഡ്രൈവർ മുഹമ്മദ് ഹാരിസ്.പ്രതി,:- പുലിയന്നൂർ വില്ലേജിൽ തെക്കുംമുറി ഭാഗത്ത് മഴുവൻ ചേരിവീട്ടിൽ തങ്കച്ചൻ മകൻ ധനേഷ് 24 വയസ്സ്.
