പാലാ : മണിമലയ്ക്ക് സമീപം കാർ നിയന്ത്രണം വിട്ട് വൈദ്യുതി പോസ്റ്റിൽ ഇടിച്ചുണ്ടായ അപകടത്തിൽ ഒരാൾ മരിച്ചു. കുടുംബാഗങ്ങളായ 4 പേർക്ക് പരിക്കേറ്റു. അരുവിത്തുറ സ്വദേശി ബ്രിജിത്ത് മാത്വു ( 95) ആണ് മരിച്ചത്. ബിന്ദു റോയി ( 52 ) റോയി മാത്യു (47) പ്രിയ റോയി ( 17 ) ശ്രിയ റോയി ( 15 ) എന്നിവർക്കാണ് പരുക്കേറ്റത് . ഇന്നലെ രാത്രി 11 മണിയോടെ മണിമലയിലുള്ള ബന്ധുവിൻ്റെ മരണ വീട്ടിലേക്ക് പോകും വഴിയാണ് അപകടം.
എരുമേലി: സമഗ്ര വികസനം എരുമേലിയിൽ ഉറപ്പാക്കുന്ന പദ്ധതികൾ തയാറാക്കി എരുമേലി മാസ്റ്റർ പ്ലാൻ നടപ്പിലാക്കുമെന്ന് പൂഞ്ഞാറിൽ വിജയിച്ച യുഡിഎഫ് സ്ഥാനാർഥി സെബാസ്റ്റ്യൻ എം.ജെ. വിജയത്തിന് നന്ദി അറിയിച്ച് നടത്തിയ പര്യടന പരിപാടിയുടെ ഭാഗമായി എരുമേലിയിൽ എത്തിയ സ്വീകരണ യോഗത്തിൽ പ്രസംഗിക്കുകയായിരുന്നു അദ്ദേഹം. ശബരിമല തീർഥാടനം സുഗമമായ നിലയിൽ നടത്താൻ മുൻകാലങ്ങളിൽ നിന്ന് വ്യത്യസ്തമായി ഇത്തവണ നേരത്തെ തന്നെ ഒരുക്കങ്ങൾ ചർച്ച ചെയ്തു നടപ്പിലാക്കുമെന്ന് അദ്ദേഹം പറഞ്ഞു. കോൺഗ്രസ് ബ്ലോക്ക് പ്രസിഡന്റ് ബിനു മറ്റക്കര, ഡിസിസി ജനറൽ സെക്രട്ടറി പ്രകാശ് പുളിക്കൽ, മണ്ഡലം പ്രസിഡന്റ് റെജി അമ്പാറ, ബ്ലോക്ക് അംഗം പി.ജി. സൂര്യകല, പഞ്ചായത്തംഗങ്ങളായ നാസർ പനച്ചി, ബിനോയ് ഇലവുങ്കൽ, ഷമീന ലത്തീഫ്, അഭിരാമി ദേവരാജ്, സാറാമ്മ എബ്രഹാം, യുഡിഎഫ് നേതാക്കളായ നൗഷാദ് കുറുങ്കാട്ടിൽ തുടങ്ങിയവർ പങ്കെടുത്തു.
നിയമസഭ തിരഞ്ഞെടുപ്പിലെ തോല്വിക്ക് പിന്നാല,പിണറായി വിജയന് രാജിവെച്ചു. കണ്ണൂരിലെ വസതിയിൽ കഴിയുന്ന മുഖ്യമന്ത്രി തലസ്ഥാനത്തെത്താതെ, പ്രത്യേക ദൂതൻ വഴിയാണ് രാജിക്കത്ത് രാജ്ഭവനിലെത്തിച്ചത്. ഗവര്ണര് രാജി സ്വീകരിച്ചു. പുതിയ സര്ക്കാര് രൂപീകരിക്കുന്നത് വരെ കാവല് മുഖ്യമന്ത്രിയായി തുടരാന് ഗവര്ണര് നിര്ദ്ദേശിച്ചു. അതേസമയം, തകര്പ്പന് വിജയത്തിനു പിന്നാലെ മന്ത്രിസഭാ രൂപീകരണ ചര്ച്ച സജീവമാക്കി യുഡിഎഫ്. മുഖ്യമന്ത്രിയെ നിശ്ചയിക്കാന് ഹൈക്കമാന്ഡ് നിരീക്ഷകര് കേരളത്തിലേക്ക് എത്തും. ഘടകകക്ഷികളുമായി കോണ്ഗ്രസ് ചര്ച്ച ഉടന് ആരംഭിക്കും. ഭരണ സംവിധാനം ഉടച്ചു വാര്ക്കുമെന്ന് വി.ഡി സതീശന് പറഞ്ഞു.
പത്തനംതിട്ട: വാഹനാപകടത്തില് നടന് സന്തോഷ് നായര്ക്ക് ദാരുണാന്ത്യം. പത്തനംതിട്ട ഏനാത്ത് സന്തോഷ് നായര് സഞ്ചരിച്ച കാര് വാനുമായി കൂട്ടിയിടിച്ചാണ് അപകടം ഉണ്ടായത്. അപകടത്തില് സന്തോഷിന്റെ ഭാര്യയ്ക്കും പരിക്കേറ്റിരുന്നു.അപകടത്തിന് പിന്നാലെ ഇരുവരെയും അടൂരിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും നടന്റെ ജീവന് രക്ഷിക്കാനായില്ല.നൂറിലധികം സിനിമകളില് അഭിനയിച്ചിട്ടുള്ള സന്തോഷ് നായരുടേതായി പുറത്തിറങ്ങിയ അവസാന ചിത്രം മോഹിനിയാട്ടമാണ്.
കോട്ടയം : കലാശക്കൊട്ടും, ഫ്ലെക്സും ഇല്ലാതെ ചെലവുചുരുക്കി സൈക്കിളിൽ പ്രചാരണത്തിനിറങ്ങിയ ചാണ്ടി ഉമ്മൻ പുതുപ്പള്ളിയിൽ വൻ ഭൂരിപക്ഷത്തിൽ ജയിച്ചു. ചാണ്ടി ഉമ്മന് 84031 വോട്ടാണ് (ലീഡ് 52907). കോട്ടയം ജില്ലയിൽ യു ഡി എഫ് തരംഗമാണ്. പാലായില് ഹാട്രിക് ജയം കുറിച്ച് യുഡിഎഫ് സ്ഥാനാര്ഥി മാണി സി കാപ്പന്. 2172 വോട്ടിന്റെ ഭൂരിപക്ഷത്തിനാണ് വിജയം.
പാലാ : നിയമസഭാ തിരഞ്ഞെടുപ്പിലെ തോൽവി അംഗീകരിക്കുന്നുവെന്ന് കേരള കോൺഗ്രസ് എം ചെയർമാൻ ജോസ് കെ മാണി. മാണി സി കാപ്പനും കേരള കോൺഗ്രസ് ജോസഫ് വിഭാഗത്തിലെ വിജയിച്ചവർക്ക് അഭിനന്ദനങ്ങൾ നേരുന്നതായി ജോസ് കെ മാണി പറഞ്ഞു. ഭരണവിരുദ്ധ വികാരം ഉണ്ടായെന്നു തോന്നുന്നു. ഒരു തരംഗം ഉണ്ടാവുമ്പോൾ ഇതൊക്കെ സംഭവിക്കുമെന്ന് അദേഹം മാധ്യമങ്ങളോട് പറഞ്ഞു. തോൽവിയെ കുറിച്ച് വിശദമായി പാർട്ടി പരിശോധിക്കും. പാർട്ടിക്കുള്ളിൽ കൃത്യമായി ചർച്ചകൾ ഉണ്ടാകുമെന്ന് ജോസ് കെ മാണി വ്യക്തമാക്കി. നിയമസഭാ തിരഞ്ഞെടുപ്പിൽ കേരള കോൺഗ്രസ് എം കനത്ത തിരിച്ചടിയാണ് നേരിട്ടത്. മത്സരിച്ച 12 ഇടത്തും ഒരു സീറ്റിൽ പോലും ലീഡ് നേടാനോ വിജയം നേടാനോ ജോസ് കെ മാണിക്കും സംഘത്തിനും കഴിഞ്ഞില്ല. പാർട്ടിയുടെ ഹൃദയഭൂമിയായ പാലയിൽ ജോസ് കെ മാണി തന്നെ കനത്ത പരാജയമാണ് ഏറ്റുവാങ്ങിയത്. മന്ത്രിയായിരുന്ന റോഷി അഗസ്റ്റിനും ചീഫ് വിപ്പായിരുന്ന എൻ ജയരാജും പരാജയം അറിഞ്ഞു.
കൊഴുവനാൽ തോക്കാട് മണിയങ്ങാട്ട് അറപ്പള്ളി എബി(32) ആണ് മരിച്ചത് , പഴയ വീടിൻ്റെ അടുക്കളയിലാണ് കാണപെട്ടത്. പള്ളിക്കത്തോട് പോലീസ് സ്ഥലത്തെത്തി മേൽ നടപടികൾ സ്വീകരിച്ചു .മരിച്ച എബി കനറാ ബാങ്ക് ജീവനക്കാരനാണ്, സംസ്കാരം പിന്നീട്.
.webp)
കോട്ടയം :04.05.2026-ന് നടക്കുന്ന നിയമസഭാ തിരഞ്ഞെടുപ്പിന്റെ വോട്ടെണ്ണലിനെ തുടർന്ന് രാവിലെ 06.00 മണി മുതൽ കോട്ടയം നഗരത്തിലും പരിസര പ്രദേശങ്ങളിലും പ്രത്യേക ഗതാഗത ക്രമീകരണങ്ങൾ ഏർപ്പെടുത്തുന്നു.വോട്ടെണ്ണൽ നടപടികൾ സുരക്ഷിതവും സുതാര്യവുമായി നടത്തുന്നതിനും നഗരത്തിലെ തിരക്ക് നിയന്ത്രിക്കുന്നതിനുമാണ് ഈ ക്രമീകരണങ്ങൾ. 1, കഞ്ഞിക്കുഴി ജംഗ്ഷനിൽ നിന്ന് കെ.കെ. റോഡ് വഴി കോട്ടയം ടൗണിലേക്ക് എത്തുന്ന വാഹനങ്ങൾ കളക്ട്രേറ്റ് ജംഗ്ഷനിൽ നിന്ന് തിരിഞ്ഞ് ലോഗോസ് ജംഗ്ഷനിലെത്തി ശാസ്ത്രി റോഡ് വഴി പോകണം. 2, പ്രൈവറ്റ് ബസുകൾ ടി.എം.എസ്. ജംഗ്ഷനിൽ നിന്ന് വലത്തേക്ക് തിരിഞ്ഞ് കുര്യൻ ഉതുപ്പ് റോഡ് വഴി നാഗമ്പടം ബസ് സ്റ്റാൻഡിലേക്ക് പ്രവേശിക്കണം. 3, കോട്ടയം ടൗണിൽ നിന്ന് കഞ്ഞിക്കുഴി ഭാഗത്തേക്ക് പോകുന്ന എല്ലാ വാഹനങ്ങളും ശാസ്ത്രി റോഡ് വഴി ലോഗോസ് ജംഗ്ഷനിലെത്തി, പോലീസ് പരേഡ് ഗ്രൗണ്ടിന് സമീപം കൂടി പോലീസ് ക്ലബ് ജംഗ്ഷനിലെത്തി വലത്തേക്ക് തിരിഞ്ഞ് ഈസ്റ്റ് പോലീസ് സ്റ്റേഷൻ ഭാഗം വഴി പോകേണ്ടതാണ്. 4, ജില്ലാ ആശുപത്രി, മാമ്മൻ മാപ്പിള ഹാൾ ഭാഗങ്ങളിൽ നിന്ന് കഞ്ഞിക്കുഴി ഭാഗത്തേക്ക് പോകേണ്ട വാഹനങ്ങൾ (ആംബുലൻസുകൾക്ക് ഒഴികെ) സെൻട്രൽ ജംഗ്ഷൻ, ആർ.ആർ. ജംഗ്ഷൻ വഴി ശീമാട്ടി റൗണ്ടിലെത്തി ശാസ്ത്രി റോഡിലൂടെ യാത്ര തുടരേണ്ടതാണ്. 5, മണിപ്പുഴ ഭാഗത്ത് നിന്ന് കഞ്ഞിക്കുഴി ഭാഗത്തേക്ക് പോകുന്ന വാഹനങ്ങൾ മണിപ്പുഴ ബൈപാസ് ജംഗ്ഷനിൽ നിന്ന് കടുവാക്കുളം, കൊല്ലാട് വഴിയോ, അല്ലെങ്കിൽ മണിപ്പുഴ ബൈപാസ് വഴി ഈരേക്കടവ് ജംഗ്ഷനിലെത്തി വലത്തേക്ക് തിരിഞ്ഞോ പോകേണ്ടതാണ്. കൂടാതെ, രാവിലെ 6.00 മണി മുതൽ വോട്ടെണ്ണൽ നടപടികൾ അവസാനിക്കുന്നതുവരെ കളക്ട്രേറ്റ് ജംഗ്ഷൻ മുതൽ മനോരമ ജംഗ്ഷൻ വരെയുള്ള ഭാഗത്ത് കൗണ്ടിംഗ് ഉദ്യോഗസ്ഥർ ഒഴികെയുള്ള വാഹനങ്ങൾക്ക് പ്രവേശനം അനുവദിക്കില്ല. കൗണ്ടിംഗ് സെന്ററുകളില് എത്തുന്ന പാര്ട്ടി പ്രവര്ത്തകരുടെ വാഹനങ്ങള് കളക്ട്രേറ്റ് ഭാഗത്ത് ആളെയിറക്കിയ ശേഷം നാഗമ്പടം സ്റ്റേഡിയം, പോപ്പ് മൈതാനം എന്നിവിടങ്ങളില് പാര്ക്ക് ചെയ്യേണ്ടതാണ്
