ഈരാറ്റുപേട്ട.മാർക്കറ്റ് റോഡിൽ പ്രവർത്തിക്കുന്ന സർക്കാർ അംഗീകൃത പി.എസ്.സി കോച്ചിംഗ് സെൻ്ററിൽ പതിനഞ്ചാമത് ബാച്ചിൻ്റെ ഉദ്ഘാടനം നഗരസഭ കൗൺസിലർ അൻവർ അലിയാർ നിർവഹിച്ചു. ചെയർമാൻ പി.എ ഹാഷിം അധ്യക്ഷത വഹിച്ചു. പ്രിൻസിപ്പൾ പുഷ്പ മറിയം, ഇ.എം സാബിർ, സൈഫ് വി.കാസിം,റൂബി കെബീർ എന്നിവർ പ്രസംഗിച്ചു കൺവീനർ കെ.പി. ഷെഫീഖ് സ്വാഗതവും എം.എ താഹിറ നന്ദിയും പറഞ്ഞു.സെൻ്ററിൽ ഏതാനും സീറ്റുകൾ കൂടി ഒഴിവുണ്ട്. പ്രവേശനം ആഗ്രഹിക്കുന്നവർ 9400233915 എന്ന നമ്പരിൽ വിളിക്കുക
ഈരാറ്റുപേട്ട.മലയാളത്തിന്റെ പ്രിയങ്കരനായ ബേപ്പൂർ സുൽത്താൻ വൈക്കം മുഹമ്മദ് ബഷീറിന്റെ ദീപ്തമായ സ്മരണകൾ പുതുക്കി ഫൈൻ ആർട്സ് ക്ലബ് ഈരാറ്റുപേട്ട (ഫെയ്സ്) അനുസ്മരണ യോഗം സംഘടിപ്പിച്ചു. ഫെയ്സ് പ്രസിഡന്റ് കെ.പി.എ. നടക്കൽ യോഗത്തിന്റെ ഉദ്ഘാടനം നിർവഹിച്ചു. ഫെയ്സ് സാഹിത്യവേദി പ്രസിഡന്റ് കെ.എം. ജാഫർ ചടങ്ങിൽ അധ്യക്ഷത വഹിച്ചു.മലയാള സാഹിത്യത്തിൽ ബഷീർ സൃഷ്ടിച്ച വിപ്ലവവും അദ്ദേഹത്തിന്റെ കഥാപാത്രങ്ങളുടെ നിഷ്കളങ്കതയും ചടങ്ങിൽ അനുസ്മരിച്ചു. ജനറൽ സെക്രട്ടറി ഹാഷിം ലബ്ബ, ട്രഷറർ പി.പി.എം. നൗഷാദ്, വൈസ് പ്രസിഡന്റ് റഫീഖ് പട്ടരുപറമ്പിൽ, സാഹിത്യവേദി ജനറൽ സെക്രട്ടറി വൈഗ വസുദേവ്, മേരിക്കുട്ടി കുര്യാക്കോസ്, റഷീദാ നിജാസ്, സുമയ്യ അലി, മുഹ്സിൻ പി.എം. തുടങ്ങിയവരും ചടങ്ങിൽ സംസാരിച്ചു.അനുസ്മരണത്തിന്റെ ഭാഗമായി ‘ബഷീർ - കൃതികളും കഥാപാത്രങ്ങളും’ എന്ന വിഷയത്തിൽ ക്ലബ് അംഗങ്ങൾക്കായി സംഘടിപ്പിച്ച മത്സരത്തിൽ റഷീദാ നിജാസ്, കെ.പി.എ. നടക്കൽ എന്നിവർ വിജയികളായി.
ഈരാറ്റുപേട്ട ; ലഹരിക്കെതിരെയുള്ളസംസ്ഥാന ആഭ്യന്തരവകുപ്പിന്റെ പോരാട്ടത്തിന്റെ ഭാഗമായി ഈരാറ്റുപേട്ട പോലീസിന്റെ നേതൃത്വത്തിൽ പ്ലാശനാല് സെൻറ് ആൻറണീസ് ഹയർ സെക്കൻഡറി സ്കൂളിൽ കുട്ടികൾക്കായി തൂഫാൻ ഗോൾ സംഘടിപ്പിച്ചു. ഈരാറ്റുപേട്ട ജനമൈത്രി പോലീസ് സബ് ഇൻസ്പെക്ടർ ബിനോയ് തോമസ് തൂഫാൻ ഗോൾ പരിപാടി ഉദ്ഘാടനം ചെയ്തു രാസ ലഹരിയുടെയും സിന്തറ്റിക് ലഹരികളുടെയും പിന്നാലെയുള്ള പുതുതലമുറയുടെ ഓട്ട പായച്ചിലുകൾ നിർത്തണമെന്നും അത്തരത്തിലുള്ള ലഹരികൾ എല്ലാം നമ്മുടെ ജീവിതം നശിപ്പിക്കുമെന്നും യഥാർത്ഥമായ ലഹരിനമ്മുടെ ജീവിതമാണെന്നും. കുട്ടികളെല്ലാം കായിക മേഖലയിൽ പരിശീലനത്തിനായി സമയം കണ്ടെത്തുവാനും കായിക മേഖലയെ ഇഷ്ടപ്പെടുവാനും അങ്ങനെ സ്പോർട്സിനെ ലഹരിയായി സ്വീകരിച്ചുകൊണ്ട് മനുഷ്യനെ നാശത്തിലേക്ക് നയിക്കുന്ന മാനസികരോകാവസ്ഥയിലേക്ക് നയിക്കുന്ന രാസലഹരിയോട് ഗുഡ്ബൈ പറയുവാനും ജനമൈത്രിസബ് ഇൻസ്പെക്ടർ ബിനോയ് തോമസ് കുട്ടികളോട് ആഹ്വാനം ചെയ്തു
ഈരാറ്റുപേട്ട : അരുവിത്തുറ സെന്റ് ജോർജ് കോളെജിലേക്ക് കടന്നുവന്ന നവാഗത വിദ്യാർഥികൾക്ക് സ്വാഗതമരുളി കോളെജിൽ ദീക്ഷാരംഭം സംഘടിപ്പിച്ചു. പരിപാടിയുടെ ഉദ്ഘാടനം കോളെജ് മാനേജർ വെരി റവ ഫാ മാത്യു ചന്ദ്രൻ കുന്നേൽ ഉദ്ഘാടനം ചെയ്തു.കോളെജ് പ്രിൻസിപ്പൽ പ്രൊഫ.ഡോ സിബി ജോസഫ് അദ്ധ്യക്ഷത വഹിച്ച ചടങ്ങിൽ ഈ വർഷത്തെ സിവിൽ സർവ്വീസ് പരീക്ഷയിൽ റാങ്ക് നേട്ടം കൈവരിച്ച സ്മിതാ സാബു മുഖ്യപ്രഭാഷണം നടത്തി. കോളെജ് ബർസാർ ബിജു കുന്നയ്ക്കാട്ട് ദീപ പ്രകാശന കർമ്മത്തിന് നേതൃത്വം നൽകി ചടങ്ങിൽ വൈസ് പ്രിൻസിപ്പൽ ഡോ ജിലു ആനി ജോൺ, ഐക്യു ഏ സി കോഡിനേറ്റർ ഡോ. സുമേഷ് ജോർജ് , അഡ്മിഷൻ ഇൻ ചാർജ് ഡോ ജോബി ജോസഫ് തുടങ്ങിയവർ സംസാരിച്ചു.
ന്യൂഡല്ഹി: പെട്രോള്, ഡീസല് വില കുറച്ച് സ്വകാര്യ ഇന്ധന കമ്പനി നയാര എനര്ജി. പെട്രോള് ലിറ്ററിന് 5 രൂപയും ഡീസല് ലിറ്ററിന് 3 രൂപയുമാണ് കുറച്ചത്. ക്രൂഡ് ഓയില് വിലയിലെ ഇടിവിനെ തുടര്ന്നാണ് നടപടി. ഡല്ഹിയിലെ നയാര പെട്രോള് പമ്പില് പെട്രോള് ലിറ്ററിന് 105.71 രൂപയും ഡീസല് ലിറ്ററിന് 94.31 രൂപയുമാണ് വില. പശ്ചിമേഷ്യയില് സംഘര്ഷാവസ്ഥയ്ക്ക് അയവ് വന്നതിന് പിന്നാലെ ആദ്യമായി ഇന്ധന വില കുറയ്ക്കുന്ന സ്വകാര്യ കമ്പനിയാവുകയാണ് നയാര. പ്രതിസന്ധി രൂക്ഷമായപ്പോള് ആദ്യം വില വര്ധിപ്പിച്ചതും നയാര കമ്പനിയായിരുന്നു. അതേസമയം രാജ്യത്ത് വാണിജ്യ സിലിണ്ടറുകളുടെ വിലയില് കുറവ് വന്നിട്ടുണ്ട്. 183.50 രൂപ കുറച്ചതോടെ സിലിണ്ടറിന് 2951 രൂപയായി. ഹോട്ടലുകള്ക്ക് നേരിയ ആശ്വാസം നല്കുന്നതാണ് വിലക്കുറവ്. എന്നാല് ഗാര്ഹിക എല്പിജി വിലയില് മാറ്റം ഇല്ല.
മേലുകാവ് : ക്ലീൻ കേരള കമ്പനിയുടെ നേതൃത്വത്തിൽ ലോക പരിസ്ഥിതി ദിനത്തോട് അനുബന്ധിച്ച് ഒരു മാസം നീണ്ടുനിൽക്കുന്ന പ്രവർത്തന പരിപാടികളുടെ ഭാഗമായി *MM-MU-M-UP സ്കൂൾ വിദ്യാർത്ഥികൾ*മേലുകാവ് ഗ്രാമ പഞ്ചായത്ത് *MCF സന്ദർശിച്ചു. ഹരിത കർമ്മ സേന ശേഖരിക്കുന്ന പാഴ്വസ്തുക്കൾ MCF ൽ എത്തിച്ചതിനു ശേഷം നടത്തിവരുന്ന പ്രവർത്തനങ്ങളെക്കുറിച്ച് വിദ്യാർത്ഥികൾ നേരിട്ട് കണ്ട് മനസ്സിലാക്കി,ഹരിത കർമ്മ സേന അംഗങ്ങൾ വിദ്യാർത്ഥികൾക്ക് മാലിന്യ സംസ്കരണത്തിന്റെ വിവിധ ഘട്ടങ്ങൾ വിശദീകരിച്ചു. പ്രസിഡൻ്റ് ബിൻസി ടോമി പരിപാടി ഉദ്ഘാടനം ചെയ്തു. അസിസ്റ്റൻറ് സെക്രട്ടറി പോൾ ബേബി ആശംസകൾ അറിയിച്ചു. ക്ലീൻ കേരള സെക്ടർ കോർഡിനേറ്റർ ന്യൂസിമോൾ ക്ലാസ് നയിച്ചു . അധ്യാപകരായ ജോജിമോൻ മാത്യു അസിം മുഹമ്മദ്, അസ്ന എം മുഹമ്മദ് , പ്രേരക് നൈസി ബിന്നി ഹരിത കർമ്മ അംഗങ്ങൾ എന്നിവർ പങ്കെടുത്തു.
ഈരാറ്റുപേട്ട .കേരള സ്റ്റേറ്റ് സർവ്വീസ് പെൻഷണേഴ്സ് യൂണിയൻ ഈരാറ്റുപേട്ട യൂണിറ്റ് കൺവെൻഷൻ പുത്തൻ പള്ളി മിനി ഓഡിറ്റോറിയത്തിൽ ജില്ലാ വൈസ് പ്രസിഡൻ്റ് ജയിംസ് മാത്യു ഉദ്ഘാടനം ചെയ്തു.യുണിറ്റ് പ്രസിഡൻ്റ ടി.എം. റഷീദ് അധ്യക്ഷത വഹിച്ചു. ബാബുരാജ് മുഖ്യപ്രഭാഷണം നടത്തി . ഈരാറ്റുപേട്ട സൺറൈസ് ഹോസ്പിറ്റൽ നെഫ്രോളജിസ്റ്റ് ഡോ. ജെ.ജെ. ജീജ ആരോഗ്യ ബോധവൽക്കരണ ക്ലാസ് നടത്തി. സി.ജെ. മത്തായി , ഇ .മുഹമ്മദ് ,വി.എം. അഷറഫ്, ആലീസ് മാതൃു എന്നിവർ സംസാരിച്ചു.
തൃശ്ശൂർ ജൂബിലി മിഷൻ മെഡിക്കൽ കോളജിലെ ഹോസ്റ്റൽ കെട്ടിടത്തിന് മുകളിൽ നിന്ന് ചാടിയ മെഡിക്കൽ വിദ്യാർഥിനി മരിച്ചു. ഒന്നാം വർഷ എംബിബിഎസ് വിദ്യാർഥിനി സ്നേഹ പൗലോസ് (20) ആണ് മരിച്ചത്. കോട്ടയം സ്വദേശിനിയാണ് സ്നേഹ. ഹോസ്റ്റലിലെ നാലാം നിലയുടെ മുകളിൽ നിന്നാണ് വിദ്യാർഥിനി ചാടിയത്. ഗുരുതര പരുക്കേറ്റ സ്നേഹയെ തീവ്ര പരിചരണ വിഭാഗത്തിൽ ചികിത്സയ്ക്കായി മാറ്റിയെങ്കിലും ജീവൻ രക്ഷിക്കാനായില്ല. ആത്മഹത്യയിലേക്ക് നയിച്ച കാരണം വ്യക്തമല്ല. സ്നേഹയുടെ മാതാപിതാക്കളെ കോളജ് അധികൃതർ വിവരമറിയിച്ചു. പോലീസ് സ്ഥലത്തെത്തി പരിശോധനകൾ നടത്തിവരികയാണ്.
