E News

Latest News

അരുവിത്തുറ സെന്റ് മേരീസ് സ്കൂളിൽ വാർഷികാഘോഷവും യാത്രയയപ്പു സമ്മേളനവും നടന്നു

enews 25 February,2025

അരുവിത്തുറ: സെന്റ് മേരീസ് എൽ.പി.സ്കൂൾ അരുവിത്തുറയിൽ വാർഷികവും, യാത്രയയപ്പു സമ്മേളനവും വിപുലമായ പരിപാടികളോടെ അരുവിത്തുറ സെന്റ് ജോർജ് കോളേജ് ഓഡിറ്റോറിയത്തിൽ വച്ച് നടത്തപ്പെട്ടു.അരുവിത്തുറ ഫൊറോന ചർച്ച് വികാരിയും സ്കൂൾ മാനേജരുമായ വെരി.റവ.ഫാ.സെബാസ്റ്റ്യൻ വെട്ടുകല്ലേൽ അധ്യക്ഷത വഹിച്ച യോഗം, പൂഞ്ഞാർ MLA അഡ്വ.സെബാസ്റ്റ്യൻ കുളത്തുങ്കൽ ഉദ്ഘാടനം ചെയ്തു.സമ്മേളനത്തിൽ പാലാ കോർപ്പറേറ്റ് സെക്രട്ടറി വെരി.റവ.ഫാ.ജോർജ് പുല്ലു കാലായിൽ അനുഗ്രഹപ്രഭാഷണവും ഈരാറ്റുപേട്ട മുൻസിപ്പൽ ചെയർ പേഴ്സൺ ശ്രീമതി സുഹ്റ അബ്ദുൾ ഖാദർ മുഖ്യപ്രഭാഷണവും നടത്തി. ഹെഡ് മാസ്റ്റർ ശ്രീ ബിജുമോൻ മാത്യു എല്ലാവർക്കും സ്വാഗതം ആശംസിച്ചു. 33 വർഷത്തെ നിസ്വാർത്ഥ സേവനത്തിനു ശേഷം സർവ്വീസിൽ നിന്നു വിരമിക്കുന്ന ശ്രീമതി മാഗി ചെറിയാന് യാത്രയയപ്പും നല്കി. മുൻസിപ്പൽ കൗൺസിലർ ശ്രീമതി.ലീന ജയിംസ് ആശംസ അർപ്പിച്ച് സംസാരിച്ചു. സ്കൂളിൽ ആദ്യമായി ആരംഭിച്ച ബാന്റ് സെറ്റ് ഉദ്ഘാടനവും തദവസരത്തിൽ നടത്തപ്പെട്ടു. തുടർന്ന് കുട്ടികളുടെ വിവിധ കലാപരിപാടികൾ, സ്കോളർഷിപ്പു വിതരണം, നാലാം ക്ലാസിലെ കുട്ടികൾക്ക് മെമന്റോ സമർപ്പണം, ഡാൻസ് അരങ്ങേറ്റം, കരാട്ടെ, റോളർ സ്കേറ്റിംഗ് ഇവയുടെ ഉജ്ജ്വല പ്രകടനവും നടന്നു.

പ്രാദേശികം

പി ജയചന്ദ്രന് സംഗീതാർച്ചനയുമായി അരുവിത്തുറ കോളേജിൽ ജയഭാവഗീതം .

enews 25 February,2025

അരുവിത്തുറ :അന്തരിച്ച ഭാവഗായകൻ പി ജയചന്ദ്രന് സംഗീത അർച്ചനയുമായി അരുവിത്തുറസെൻറ് ജോർജ് കോളേജിൽ ജയഭാവഗീതം സംഘടിപ്പിച്ചു.പോസ്റ്റ് ഗ്രാജുവേറ്റ് ഇംഗ്ലീഷ് വിഭാഗമാണ് പരിപാടി സംഘടിപ്പിച്ചത്.കോളേജ് പ്രിൻസിപ്പൽ പ്രൊഫ ഡോ സിബി ജോസഫ് അധ്യക്ഷത വഹിച്ച ചടങ്ങിൽ കോളേജ് ബർസാർ റവ ഫാ ബിജു കുന്നയ്ക്കാട്ട് കോളേജ് വൈസ് പ്രിൻസിപ്പൽ ഡോ ജിലു ആനി ജോൺ എന്നിവർ പി.ജയചന്ദ്രൻ്റെ വരികൾ ആലപിച്ചത് ശ്രദ്ധേയമായി. ഇംഗ്ലീഷ് വിഭാഗം അദ്ധ്യാപികമാരായ ഡോ നിനുമോൾ സെബാസ്റ്റ്യൻ, തേജിമോൾ ജോർജ് എന്നിവരും ചടങ്ങിൽ സംസാരിച്ചു. ജയചന്ദ്രൻ പാടിയ വിവിധ ഭാവഗാനങ്ങൾ വിദ്യാർത്ഥികൾ നൃത്തരംഗങ്ങളുടെ അകമ്പടിയിൽ തനിമ ചോരാതെ അവതരിപ്പിച്ചു കൊണ്ടായിരുന്ന ജയഭാവഗീതം പൂർത്തിയാക്കിയത്.

കോട്ടയം

*മതേതര കേരളം കാത്തിരുന്ന വിധി -ഇ.എം.സി.സി

Enews 24 February,2025

ഈരാറ്റുപേട്ട.നിരന്തരം വർഗീയ വിഷം ചീറ്റി സാമുദായിക ദ്രുവീകരണത്തിന് ശ്രമിച്ചുകൊണ്ടിരിക്കുന്ന പി.സി.ജോർജിനെ 14 ദിവസത്തേക്ക് റിമാൻഡ് ചെയ്തു എന്നത് അങ്ങേയറ്റം സന്തോഷകരവും , നാടിൻറെ മതേതര ജനാധിപത്യ മൂല്യങ്ങൾക്ക് ഏറെ പ്രതീക്ഷ നൽകുന്നതുമാണന്ന് ഈരാറ്റുപേട്ട മുസ്‌ലിം കോഓർഡിനേഷൻ കമ്മിറ്റി അഭിപ്രായപ്പെട്ടു . . രാജ്യത്തിന്റെ നിയമ വ്യസ്ഥയെയും പോലീസ് നെയും വെല്ലിവിളിച്ചു കൊണ്ട് മുന്നോട്ടുപോയി കൊണ്ടിരിക്കുന്ന അഹങ്കാരത്തിന്റെ ആൾരൂപത്തിനേറ്റ തിരിച്ചടി ഇത്തരം വർഗീയ വാദികൾക്കും , വിധ്വേഷ പ്രചാരകർക്കുമുള്ള താക്കീതു കൂടിയാണ്. ഇതിനായി നിയമപരമായി പോരാടിയ മുസ്‌ലിം യൂത്ത് ലീഗിന്റെ പ്രവർത്തനം ഏറ്റവും അഭിനന്ദീയമാണ് . ഇതുമായി ബന്ധപ്പെട്ട എല്ലാ പ്രവർത്തങ്ങൾക്കും ഈരാറ്റുപേട്ടയിലെ വിവിധ മഹല്ലുകളുടെയും , സംഘടനകളുടെയും കൂട്ടായ്മയായ ഇ എം സി സി യുടെ പൂർണ പിന്തുണ ഉണ്ടാവുമെന്ന് ഭാരവാഹികൾ അറിയിച്ചു

കോട്ടയം

പി സി ജോർജ്ജ് കോട്ടയം മെഡിക്കൽ കോളജിലേക്ക്! ഇസിജി യിൽ വേരിയേഷൻ

Enews 24 February,2025

കോട്ടയം: മതവിദ്വേഷ പരാമർശത്തിൽ പി സി ജോർജിനെ റിമാൻഡ് ചെയ്തു. 14 ദിവസത്തേയ്ക്കാണ് പിസി ജോർജിനെ ഈരാറ്റുപേട്ട മജിസ്‌ട്രേറ്റ് കോടതി റിമാന്‍ഡ് ചെയ്തത്‌. പാലാ ജനറൽ ആശുപത്രിയിൽ നടത്തിയ പരിശോധനയിൽ ഇസിജി വ്യതിയാനം കണ്ടത്തിയിരുന്നു. തുടർന്ന് ജോർജിനെ മെഡിക്കൽ കോളേജ് സെല്ലിലേക്ക് മാറ്റാൻ തീരുമാനിച്ചു പി സി ജോർജിൻ്റെ ജാമ്യാപക്ഷേ കോടതി തള്ളിക്കൊണ്ടാണ് കോടതി റിമാൻഡ് ചെയ്യാൻ ഉത്തരവിട്ടത്. ആറ് മണി വരെ പൊലീസ് കസ്റ്റഡിയിൽ ചോദ്യം ചെയ്തതിന് ശേഷം പാലാ സബ് ജയിലിൽ റിമാൻഡ് ചെയ്യും. പി സി ജോ‍ർജിനെ കസ്റ്റഡയിൽ വേണമെന്ന് പൊലീസ് ആവശ്യപ്പെട്ടിരുന്നു

കോട്ടയം

ചാനല്‍ ചര്‍ച്ചയില്‍ വിദ്വേഷ പരാമര്‍ശം നടത്തിയ പി സി ജോര്‍ജിനെ കൈവിട്ട് ബിജെപി സംസ്ഥാന നേതൃത്വം.

Enews 23 February,2025

കോട്ടയം: ചാനല്‍ ചര്‍ച്ചയില്‍ വിദ്വേഷ പരാമര്‍ശം നടത്തിയ പി സി ജോര്‍ജിനെ കൈവിട്ട് ബിജെപി സംസ്ഥാന നേതൃത്വം. കേസില്‍ മുന്‍കൂര്‍ ജാമ്യാപേക്ഷ തള്ളിയതിന് പിന്നാലെ പി സി ജോര്‍ജ് പിന്തുണ തേടി ബിജെപി കേന്ദ്ര നേതൃത്വത്തെ സമീപിച്ചിരുന്നു. ബിജെപി നേതാവ് പ്രകാശ് ജാവദേക്കറെ ഫോണില്‍ വിളിച്ചായിരുന്നു ജോര്‍ജ് പിന്തുണ തേടിയത്. ഇതോടെ ജാവദേക്കര്‍ സംസ്ഥാന നേതൃത്വത്തെ ബന്ധപ്പെടുകയും നേതാക്കളോട് അഭിപ്രായം തേടുകയും ചെയ്തു. എന്നാല്‍ ഇടപെടാന്‍ കഴിയില്ലെന്നാണ് സംസ്ഥാന നേതൃത്വം മറുപടി നല്‍കിയത്.

പ്രാദേശികം

ഭവനനിര്‍മ്മാണത്തിനും ബസ്റ്റാഡ് കം ഷോപ്പിംഗ് സെൻ്റർ കെട്ടിട നിർമ്മാണത്തിനും ഈരാറ്റുപേട്ട നഗരസഭ ബഡ്ജറ്റിൽ മുൻഗണന

Enews 22 February,2025

ഈരാറ്റുപേട്ട .നഗരസഭ 2025-26 ലെ സാമ്പത്തികവര്‍ഷത്തെ ബഡ്ജറ്റ് നഗരസഭാ വൈസ് ചെയർമാൻ അഡ്വ.വി.എം.മുഹമ്മദ് ഇല്ല്യാസ് അവതരിപ്പിച്ചു നഗരസഭാ ചെയർപേഴ്സൺ സുഹുറ അബ്ദുൽ ഖാദർ അദ്ധ്യക്ഷത വഹിച്ചു. 91,00'18,197 രൂപ വരവും 86,43,67,500 രൂപ ചെലവ് പ്രതീക്ഷിക്കുന്ന ബജറ്റാണ് ഈരാറ്റുപേട്ട നഗരസഭയിൽ അവതരിപ്പിച്ചത്. പി എം എ വൈ ലൈഫ് പദ്ധതിയിൽ പെടുത്തി വീട് നിർമ്മിച്ചു നൽകുന്നതിന് 8.35 കോടി രൂപ ബഡ്ജറ്റിൽ വകയിരുത്തിയിട്ടുണ്ട്. നിലവിലുള്ള പ്രൈവറ്റ് ബസ് സ്റ്റാൻഡ് കെട്ടിടം പൂർണമായും പൊളിച്ചുമാറ്റി ആധുനിക രീതിയിലുള്ള ബസ്റ്റാൻഡ് കം ഷോപ്പിംഗ് കോംപ്ലക്സ് പണിയുന്നതിന് 23 കോടി രൂപ യും ഈരാറ്റുപേട്ട കടുവാമൂഴി യിൽ അഗ്രികൾച്ചർ മാർക്കറ്റ് പണിയുന്നതിന് 3.24 കോടി രൂപയാണ് വകയിരുത്തിയിരിക്കുന്നത്. ഇതിൽ ആദ്യഗഡുവായ 49 ലക്ഷം രൂപ നിർമിതി കേന്ദ്രത്തിന് കൈമാറി പണി ആരംഭിച്ചിട്ടുണ്ട്. നഗരസഭയിലെ പൊതു റോഡുകൾക്കും ഡിവിഷൻ തല റോഡുകൾക്കും 2 കോടി രൂപ യും ഈരാറ്റുപേട്ട ഫാമിലി ഹെൽത്ത് സെൻററിൽ എക്സ്‌റേ, ലാബ്. ശമ്പളം മരുന്ന് വാങ്ങൽ 50 ലക്ഷം രൂപയും വിദ്യാഭ്യാസ, ആരോഗ്യ മേഖലകളിൽ അടിസ്ഥാന വികസനത്തിന് വേണ്ടി 1.675 കോടി രൂപയുമടക്കം 2.175 കോടി രൂപ വകയിരുത്തിയിരിക്കുന്നത്. ഈരാറ്റുപേട്ട നഗരസഭ പുതിയ ഓഫീസ് കെട്ടിടത്തിന് 9 കോടി രൂപ കി ഫിയുടെ സഹായത്തോടെ പണിയുന്നതിന് വകയിരുത്തീയിട്ടുണ്ട്. സമ്പൂർണ്ണ പ്രകാശ നഗര പദ്ധതിയുടെ ഭാഗമായി ഡിവിഷനുകളിൽ കൂടുതൽ സ്ട്രീറ്റ് ലൈറ്റുകളും പ്രധാന ജംഗ്ഷനുകളിൽ ഹൈമാസ്റ്റ് ലൈറ്റുകൾ സ്ഥാപിക്കുന്നതിനു 50 ലക്ഷം രൂപയും നഗര സൗന്ദര്യ വൽക്കരണത്തിൻ്റെ ഭാഗമായുള്ള ഓപ്പൺ ജിം കിഡ്‌സ് പാർക്ക് സ്നേഹാരാമങ്ങൾ. വൈകുന്നേര ഉല്ലാസ കേന്ദ്രങ്ങൾ, ഡിവിഷൻ തലത്തിൽ പുൽത്തകിടികൾ. തണൽമരങ്ങൾ പൂച്ചെടികൾ നട്ടുപിടിപ്പിക്കുന്നതിനും പാലങ്ങൾ മോടി പിടിപ്പിക്കുന്നതിനും ഒരു കോടി 10 ലക്ഷവും മാലിന്യ നിർമ്മാർജ്ജനത്തിന് 60 ലക്ഷം രൂപയും അടക്കം 1.70 വകയിരുത്തിയിരിക്കുന്നു. കടുവാമുഴി ബസ്റ്റാൻഡ് ഉൾപ്പെടെയുള്ള സ്ഥലം വാങ്ങൽ പദ്ധതിയ്ക്ക് 2 കോടി രൂപയും അമൃത് 2.0 കുടിവെള്ള പദ്ധതിയുടെ ഭാഗമായി നഗരസഭയുടെ വിഹിതമായ 3.75 കോടി രൂപയുംപ്രാദേശിക കുടിവെള്ള പദ്ധതിക്കായി 60 ലക്ഷം രൂപ ഉൾപ്പെടെ 4.35 കോടി രൂപ വകയിരുത്തിയിട്ടുണ്ട്. സംസ്ഥാന ബഡ്ജറ്റിൽ പരാമർശിക്കപ്പെട്ട ഇളപ്പുങ്കൽ കാരക്കാട് പാലത്തിൻ്റെ അപ്രോച്ച് റോഡിന് 25 ലക്ഷം രൂപയും വടക്കേക്കര മുക്കടയിൽ നിർമ്മിക്കുവാനുദ്ദേശിക്കുന്ന റെഗുലേറ്റർ കം ബ്രിഡ്‌ജിൻ്റെ സ്ഥലമേറ്റെടുപ്പിനു വേണ്ടി 30 ലക്ഷം രൂപയും പി എം എ വൈ തിരിച്ചടവ്, ശമ്പളവും മറ്റു ആനുകൂല്യങ്ങളും തുടങ്ങിയ ഓഫീസ് ചെലവുകൾ, കുട്ടികൾക്കുള്ള സ്കോളർഷിപ്പ്, പോഷകാഹാരം, അടിസ്ഥാന സൗകര വികസനങ്ങൾ, ഓഫീസ് വാഹനങ്ങൾ വാങ്ങൽ മെയിൻ്റനൻസ് ഉൾപ്പെടെയുള അടിസ്ഥാന ചെലവുകൾക്കും മറ്റ് ഇതര ചെലവുകൾക്കുമായി 29.57 കോടി രൂപവകയിരുത്തി ബഡ് ജൂറ്റാണ് വൈസ് ചെയർമാൻ മുഹമ്മദ് ഇല്യാസ് അവതരിപ്പിച്ചത്. പി. എം.അബ്ദുൽ ഖാദർ ,നാസർ വെളളൂപ്പറമ്പിൽ ,അനസ് പാറയിൽ, ഷജീർ ഇസ്മായിൽ, അബ്ദുൽ ലത്തീഫ് കാരയ്ക്കാട്, നൗഫിയ ഇസ്മായിൽ ,റൂബിനാ നാസർ, ഫാസില അബ്സാർ, ഷെഫ് ന അമീൻ, ഹബീബ് കപ്പിത്താൻ, ഡോ. സഹ് ല ഫിർദൗസ്, സുനിത ഇസ്മായിൽ, അൻസർ പുള്ളോലിൽ, റിയാസ് പ്ലാമൂട്ടിൽ, കെ.സുനിൽ കുമാർ ,അൻസർ പുള്ളോലിൽ എന്നിവർ ബഡ്ജറ്റ് ചർച്ചയിൽ പങ്കെടുത്ത് സംസാരിച്ചു.

പ്രാദേശികം

പൂഞ്ഞാർ ഗവ.എൽ.പി സ്കൂൾ പുതിയ ബഹുനില മന്ദിരം മന്ത്രി വി. ശിവൻകുട്ടി ഉദ്ഘാടനം ചെയ്തു

Enews 22 February,2025

ഈരാറ്റുപേട്ട :125 വർഷം പഴക്കമുള്ള പൂഞ്ഞാർ ഗവൺമെന്റ് എൽ.പി സ്കൂളിന് സംസ്ഥാന സർക്കാർ അനുവദിച്ച 1.50 കോടി രൂപ വിനിയോഗിച്ച് നിർമ്മിച്ച പുതിയ ബഹുനില മന്ദിരവും, 10 ലക്ഷം രൂപ വിനിയോഗിച്ച് നിർമ്മാണം പൂർത്തീകരിച്ച വർണ്ണ കൂടാരം പദ്ധതിയും സംസ്ഥാന പൊതു വിദ്യാഭ്യാസ വകുപ്പ് മന്ത്രി വി.ശിവൻകുട്ടി ഓൺലൈനായി ഉദ്ഘാടനം ചെയ്തു. അഡ്വ. സെബാസ്റ്റ്യൻ കുളത്തുങ്കൽ എംഎൽഎ അധ്യക്ഷത വഹിച്ച യോഗത്തിൽ പൂഞ്ഞാർ ഗ്രാമപഞ്ചായത്ത് പ്രസിഡന്റ് ഗീത നോബിൾ സ്വാഗതം ആശംസിച്ചു.ജില്ലാ പഞ്ചായത്ത് അംഗങ്ങളായ ഷോൺ ജോർജ്, പി.ആർ അനുപമ , ബ്ലോക്ക് പഞ്ചായത്ത് അംഗങ്ങളായ രമ മോഹൻ, അജിത് കുമാർ, മിനി സാവിയോ, പൂഞ്ഞാർ ഗ്രാമപഞ്ചായത്ത് വൈസ് പ്രസിഡന്റ് തോമസ്കുട്ടി കരിയാപുരയിടം, ഗ്രാമപഞ്ചായത്ത് അംഗങ്ങളായ കെ. ആർ.മോഹനൻ നായർ, സുശീല മോഹനൻ, ലിസമ്മ സണ്ണി, ബിന്ദു അശോകൻ, രഞ്ജിത്ത് എം.ആർ, ബിന്ദു അജി, വിഷ്ണുരാജ്, ഉഷാകുമാരി, അനുഹരി , ഷാന്റി തോമസ്, ഓൾവിൻ തോമസ്, വിവിധ രാഷ്ട്രീയകക്ഷി നേതാക്കന്മാരായ രമേശ് വെട്ടിമറ്റം,ജോഷി മൂഴിയാങ്കൽ, മധു കുമാർ കെ.പി, എബി ലുക്കോസ്,വി.വി ജോസഫ്, മുഹമ്മദ് കുട്ടി, പോൾ ജോസഫ്, ജോസഫ് വടക്കേൽ, രമേശൻ, ഈരാറ്റുപേട്ട എഇഒ ഷംല ബീവി സി.എം , ഈരാറ്റുപേട്ട ബി.ബി.സി ബിൻസ് ജോസഫ്, സ്കൂൾ ഹെഡ്മിസ്ട്രസ് സജിമോൾ എൻ.കെ, പിടിഎ പ്രസിഡന്റ് രഞ്ജിത്ത് കെ.കുഞ്ഞുമോൻ തുടങ്ങിയവർ പ്രസംഗിച്ചു. സ്കൂൾ പ്രവർത്തിച്ചിരുന്ന കെട്ടിടം കാലപ്പഴക്കം മൂലം ജീർണ്ണാവസ്ഥയിൽ ആയിരുന്നതും 2018 ലെ പ്രളയത്തെ തുടർന്ന് കെട്ടിടത്തിൽ ക്ലാസുകൾ പ്രവർത്തിക്കാൻ കഴിയാത്ത നിലയിലുമായിരുന്നു. ആ കാലയളവിൽ തന്നെ പുതിയ കെട്ടിട നിർമ്മാണത്തിന് ഒന്നാം ഘട്ടമായി 50 ലക്ഷം രൂപ അനുവദിച്ചിരുന്നെങ്കിലും തുടർനടപടികൾ ഒന്നും സ്വീകരിക്കാതിരുന്നത് മൂലം കെട്ടിട നിർമ്മാണം നടന്നിരുന്നില്ല. തുടർന്ന് രണ്ടാം പിണറായി സർക്കാർ അധികാരത്തിൽ വന്നതിനുശേഷം അഡ്വ. സെബാസ്റ്റ്യൻ കുളത്തുങ്കൽ എംഎൽഎ മുൻകൈയെടുത്ത് ആദ്യം അനുവദിക്കപ്പെട്ട 50 ലക്ഷം രൂപ നടപടിക്രമങ്ങൾ പൂർത്തീകരിച്ച് പുനരുജീവിപ്പിക്കുകയും തുടർന്ന് ഒരു കോടി രൂപ കൂടി അധികമായി അനുവദിപ്പിച്ച് ഒന്നരക്കോടി രൂപയുടെ കെട്ടിട നിർമ്മാണം യാഥാർത്ഥ്യമാക്കുകയായിരുന്നു. പൂഞ്ഞാർ രാജവംശം ആരംഭിച്ചതും ചരിത്ര പാരമ്പര്യം ഉള്ളതുമായ ഈ സ്കൂൾ 300 ഓളം കുട്ടികൾ പഠിക്കുന്നതും, ജില്ലയിലെ തന്നെ മികച്ച ഒരു പ്രാഥമിക പൊതുവിദ്യാലയം എന്ന നിലയിൽ പ്രവർത്തിച്ചു വരുന്നതുമാണ്. സ്കൂൾ വിദ്യാർത്ഥികളുടെ മാനസിക, ബൗദ്ധിക ഉന്നമനം ലക്ഷ്യം വെച്ച് നടപ്പിലാക്കുന്ന വർണ്ണ കൂടാരം പദ്ധതിയുടെ ഉദ്ഘാടനവും ഇതോടൊപ്പം നിർവഹിച്ചു. 10 ലക്ഷം രൂപയാണ് സ്കൂളിൽ വർണ്ണ കൂടാരം പദ്ധതിക്കായി അനുവദിച്ചിട്ടുള്ളത്.

പ്രാദേശികം

ഈരാറ്റുപേട്ടയിൽ സിജി പി.എസ് സി കോച്ചിംഗ് സെന്റർ ആരംഭിക്കുന്നു.

enews 22 February,2025

ഈരാറ്റുപേട്ട ; ഈരാറ്റുപേട്ടയിൽ സിജി പി.എസ് സി കോച്ചിംഗ് സെൻ്റർ ആരംഭിക്കുന്നു. മാർക്കറ്റ് റോഡിൽ മസ്ജിദ് സലാമിന് സമീപത്തുള്ള സി.സി എം. വൈ ബിൽഡിംഗിലാണ് കോച്ചിംഗ് ആരംഭിക്കുന്നത്. സിജി ഈരാറ്റുപേട്ട യൂണിറ്റ് കഴിഞ്ഞ മാസം നഗരസഭയിലെ വിവിധ പ്രദേശങ്ങളിൽ നടത്തിയ പി.എസ് സി രജിസ്ട്രേഷൻ ഡ്രൈവ് വഴി നൂറിലധികം പേർക്ക് പി.എസ് സി യുടെ വിവിധ പോസ്റ്റുകളിലേക്ക് അപേക്ഷിക്കാൻ അവസരമൊരുക്കിയിരുന്നു.ഇതിൻ്റെ രണ്ടാംഘട്ടമെന്ന നിലക്കാണ് PSC കോച്ചിംഗിന് സ്ഥിരം സംവിധാനം ഒരുക്കുന്നത്. ദിവസം മൂന്ന് മണിക്കൂർ വിതം ആഴ്ച്ചയിൽ മൂന്ന് ദിവസമാണ് ക്ലാസ് നടത്തുക. അഡ്മിഷൻ ഫീ 200 രൂപ. മിതമായ ഫീസ് മാത്രമാണ് ഈടാക്കുക. ഗൈഡൻസ് സ്കൂളിൻ്റെ ആഭിമുഖ്യത്തിൽ ഞായറാഴ്ച്കളിൽ പി.എസ് സി കോച്ചിംഗ് നടക്കുന്ന സി. സി. എം. വൈ സെൻ്ററിൽ മറ്റ് ദിവസങ്ങളിലാണ് സിജി പി.എസ്.സി കോച്ചിംഗ് ഒരുക്കുന്നത്. ഗൈഡൻസ് സ്കൂളിൻ്റെ സഹകരണത്തോടെയാണ് സിജി ഈ കോച്ചിംഗ് ക്ലാസ് നടത്തുന്നത്. പ്രഫഎ.എം റഷീദ് ഹോണററി പ്രിൻസിപ്പലും, എം.എഫ് അബ്ദുൽ ഖാദർ കോ ഓർഡിനേറ്ററും , എൻ. നസീറ ചീഫ് ഇൻസ്ട്രക്ടറുമായിരിക്കും. താൽപര്യമുള്ളർ ബന്ധപ്പെടേണ്ട നമ്പറുകൾ : 8089798998, 9447267089, 9446409795

Latest News

Follow Us

Popular News